ئێمە لە تۆرە کۆمەڵایەتیەکان

کوردستان

ژمارەیەك كۆڵبەری ڕۆژهەڵاتی كوردستان ڕەقبوونەوە و بریندار بوون

خەڵك- بەشی هەواڵ
كۆمەڵەی مافی مرۆڤی كوردستان ئاشكرای دەكات، چەند كۆڵبەرێك ڕەقبوونەوە و بریندار بوون و دەشڵێت: “لە شارەكانی سەردەشت و بانە و ورمێ‌ بووە”.

كۆمەڵەی مافی مرۆڤی كوردستان لە ڕاپۆرتێكدا ئاماژەی بەوەكردووە، لە چەند ڕۆژی ڕابردوودا چەند كۆڵبەرێك لە شارەكانی ڕۆژهەڵاتی كوردستان دەبنە قوربانی، كە ڕۆژی هەینی ۲۱ی بەفرانباری ۱۳۹۷ی هەتاوی هەواڵ و وێنەی كۆڵبەرێكی تەمەن ۷۰ ساڵ، كە لە كوێستانەكانی ئالانی سەردەشتدا گیانی لە دەست دابوو بڵاوكرایەوە، كە هۆكاری گیان لە دەستدانەكەی ڕەنگە بەهۆی گوشار و سەرمای زۆرەوە بوبێت و ڕەق بووبێتەوە .

ئاشكراشی كردووە، لە ڕۆژی پێنج شەممە ۲۰ی بەفرانبار كۆڵبەرێك بەناوی هیدایەت موحەمەدی تەمەن ۳٥ ساڵی خەڵكی شاری بانە بەهۆی تەقەی هێزە ئەمنیەكانەوە بریندار كراوە.

بەپێی ڕاپۆرتەكەی كۆمەڵەی مافی مرۆڤی كوردستان، “لە ناوچەی مەرگەوڕ لە شاری ورمێ كۆڵبەرێك بە ناوی عەقیل ئیبراهیمی تەمەن ۲٦ ساڵ بەهۆی تەقەی هێزەكانی بە ناو ئینتزامی كۆماری ئیسلامی بریندار كراوە .

کوردستان

توركیا كوژران و برینداربوونی چوار سەربازی ڕاگەیاند

خەڵك – بەشی هەواڵ
توركیا كوژران و برینداربوونی چوار سەربازی لە حەفتانین ڕاگەیاند.

وەزارەتی بەرگری توركیا ڕایگەیاند سەربازێكی هێزەكانیان لە ناوچەی حەفتانین كوژراوە و سیانی دیكەش بریندار بوون.

ئەمە لە كاتێكدایە كە پێشتر میدیای پارتی كرێكارانی كوردستان ڕایگەیاندبوو كە 13 سەربازیان لە ناوچەی پیربولای حەفتانین كوشتووە و شەڕیش درێژەی هەیە.

ئەمشەویش فڕۆكەكانی توركیا شوێنی شەڕوپێكدانانەكەیان بۆردومان كرد.

بەردەوام بە لە خوێندنەوە

کوردستان

وتەبێژی سەربازیی كازمی: داعش بۆ هەرێمی كوردستانیش هەڕەشەیە

خەڵك – بەشی هەواڵ
وتەبێژی فەرماندەی گشتی هێزە چەکدارەکانی عیراق جەخت لە هەماهەنگی سوپا لەگەڵ پێشمەرگە دەكاتەوە و ئەوەش دەخاتەڕوو كە داعش هەڕەشەیە بۆ سەر هەموو ناوچەكان، بە هەرێمی كوردستانیشەوە.

یەحیا ڕەسول وتەبێژی فەرماندەی گشتی هێزە چەكدارەكانی عیراق ڕایگەیاند كۆبوونەوە و لێكگەیشتنی ئەمنی هاوبەش هەیە لە نێوان فەرماندەیی ئۆپەراسیۆنە هاوبەشەكان و هێزەكانی پاراستنی سنووری هەرێمی كوردستان (پێشمەرگە)، بۆ ئەنجامدانی ئۆپەراسیۆنی هاوبەش لەو ناوچانەی كە زانیارییە هەواڵگرییەكان ئاماژە بە بوونی شانەی تیرۆریستانی داعش دەكەن تێیاندا.

ڕوونیشیكردەوە كە هەماهەنگییەكە، ئاڵوگۆڕی زانیاری هەواڵگری لە بواری بەرەنگاربوونەوەی تیرۆر و هەڕەشە ئەمنییە جۆراوجۆرەكان دەگرێتەوە، بە تایبەتیش لە بواری كۆنترۆڵكردنی سنوور لەگەڵ هەندێك وڵات بۆ ڕێگرتن لە دزەكردنی تیرۆریستان.

یەحیا ڕەسول ڕاشیگەیاند كە هەر لەسەر بنەمای ئەو ڕێككەوتنە، ناوەندی هەماهەنگی هاوبەش لە نێوان ئۆپەراسیۆنە هاوبەشەكان و دەزگا ئەمنییەكانی هەرێمی كوردستان پێكهێنراون، كە ژمارەیەك ئەفسەر بە نوێنەرایەتی سوپای عیراق و حكومەتی هەرێم كاری تێدا دەكەن.

ئەوەشی خستەڕوو كە ناوەندە هاوبەشەكان لە دیالە و خانەقین و ناوچەكانی كەركوك و هەندێك ناوچەی دیكە كاردەكەن كە ئاماژە هەیە بۆ بوونی تیرۆریستانی داعش تێیاندا.

یەحیا ڕەسول ڕاشیگەیان تیرۆریستانی داعش هەڕەشەن بۆ سەر هەموو ناوچەكان لە نێویشیاندا هەرێمی كوردستان.

بەردەوام بە لە خوێندنەوە

کوردستان

هاوپەیمانی نیشتمانی داوای هەڵبژاردنی پێشوەختە دەكات لە هەرێمی كوردستان

خەڵك-بەشی هەواڵ

 

ئەنجومەنی سیاسیی هاوپەیمانی نیشتمانی ڕایدەگەیەنێت، ئەنجومەنی سیاسیی هاوپەیمانی نیشتمانی كۆبووەوە و چەندیت پرسی تاوتوێ كرد و سەبارەت بە پرسی بەڕێوەچوونی هەڵبژاردنی پێشوەختە كە بڕیارە لە مانگی حوزەیرانی داهاتوودا بەڕێوەبچێت، ئەنجومەنی سیاسیی هاوپەیمانیی پشتیوانی خۆی بۆ ئەو بڕیارە دەبڕی و بە كارێكی پێویست و جێبەجێكردنی داواكاری خۆپیشاندەرانی لەقەڵەمدا.

ئەنجومەنی سیاسیی هاوپەیمانی نیشتمانی لە ڕاگەیەنراوێكدا ئاماژە بۆ ئەوە دەكات، هاوپەیمانیی پێی باشە لەهەمانكات و بەپێی یاسای نوێی هەڵبژاردنی ئەنجومەنی نوێنەرانی عیراق هەڵبژاردنی پێشوەختە لە هەرێمی كوردستانیش بەڕێوەبچێت بەتایبەت لە ڕووی چەسپاندنی فرەبازنەیی و كەمكردنەوەی ژمارەی ئەندامانی پەڕلەمان و كۆتایی بەم دۆخە نەخوازراوە سیاسیی و ئابووریی و ئیدارییەی هەرێمی كوردستان بهێنرێت.

ڕوونیشیدەكاتەوە، قەیرانە قوڵەكانی هەرێمی كوردستان دەرئەنجامی بەرێوەبردنی حوكمڕانی شكستخواردووی حزبەكانی دەسەڵاتە لە كوردستان و تەنها چارەسەریش بۆ دەربازبوون لەم بارودۆخە یەكخستنی دەنگە ناڕازییەكان و هەماهەنگی لایەنەكانی دەرەوەی دەسەڵاتە، و یەكدەنگبوونیان دژی ئەو ستەمەی لە هاووڵاتیان دەكرێت بە پێویست دەزانێت و كاری جدیی بۆ دەكات.

بەردەوام بە لە خوێندنەوە

کوردستان