ئێمە لە تۆرە کۆمەڵایەتیەکان

هەواڵەکان

کاتێک دەتەوێت لێدوانێک بۆ ڕاگەیاندنەکان بدەیت و هاوڕێکانت بەزم دەگێڕن!

خێزان

تیمی یاری بایسبۆڵی Cincinnati Bearcats  کە یەکێکە لە تیمە بەهیزەکانی ئەو یاریە لە ولایەتی ئۆهایۆ لە ئەمریکا، بەهۆی کارێکی سەیریانەوە ناوبانگیان دەرکردووە.

یاریزانانی ئەم تیمە کاتێک یەکێک لە هاوڕێکانیان لێدوان بۆ ڕاگەیاندنەکان دەدات لەسەر یاریەکان، لە پشتەوە کاری سەیر و سەمەرە ئەنجام دەدەن.

ئەمەی خوارەوە چەند دیمەنیکە لە کارەکانیان:


 

 

ئۆتۆمبێل و تەکنەلۆژیا

وێنەیەکی سادەی هێلکەیەک لە ئینستەگرام زۆرترین لایکی بۆ هات

خەڵک-

لە ماوەی ڕابردوودا ئەستێرەی تۆڕە کۆمەڵایەتیەکان کایلی جینر کە یەکێکە لە ئەندامەکانی بنەماڵەی کارداشیان، خاوەنی بڵاوکراوەیەک بوو زۆرترین بەدڵبوونی بە دەستهێنابوو لە تۆڕی ئینستەگرام، ئەویش وێنەی منداڵە تازە لە دایکبووەکەی بوو بە ناوی ستۆرمی وێبستر، ئەم وێنەیە پاش ماوەیەکی کەم توانی ڕێژەی 18.1 ملیۆن بە دڵبوون بە دەست بهێنێت بەم شێوەیە پێوانەی مێژووی زۆرترین بەدڵبوونی لە ئینستەگرام شکاند بەڵام وا دیارە ئەم پێوانەیە هەتا هەتایی نییە چونکە لە ماوەی چەند ڕۆژی ڕابردوودا وێنەی هێلکەیەک ئەم پێوانەیەی شکاند.

چیرۆکی ئەم هێلکەیە لەوەوە دەست پێدەکات ئێوارەی ڕۆژی یەکشەممەی ڕابردوو دیاریکراوتر لە بەرواری 4/1/2019ـدا وێنەی هێلکەیەکی سادەی خاوەن پاشەبنەمایەکی سپی بڵاوکرایەوە و لە ماوەیەکی کورتدا و لە پێنجشەممەی ڕابردوو توانی پێوانەکەی کەیلی جینر بشکێنێت و بگاتە 18 ملیۆن بەدڵبوون، بەڵام چیرۆکی ئەم هێلکەیە لێرەدا کۆتایی نەهات و بە بەردەوامی و هەموو چرکەیەک هەزارەها بەدڵبوونی بە دەست دەهێنا، بە شێوەیەک هەتاوەکو ساتی نووسینی ئەم بابەتە وێنەی هێلکەکە 48.7 ملیۆن بەدڵبوونی بە دەستهێناوە لەگەڵ 2.8 ملیۆن لێدوان.

شایەنی باسە هەژماری بڵاوکەرەوەی وێنەکە خۆی بە کۆمەڵەی هێلکە Egg Gang ناودەبات و ناوی پەڕەی ئینستەگرامەکەش World Egg Recordـە، هەروەها لەگەڵ وێنەی هێلکەکەدا خاوەن هەژمارەکە نووسیویەتی:-

با هەموومان پێکەوە پێوانەیەکی جیهانی دروست بکەین و ببینە خاوەنی زۆرترین بەدڵبوون لە ئینستەگرام.

لە ئێستادا هەژمارەکە خاوەنی 7.8 ملیۆن شوێنکەوتووە و وێنەی هێلکەیەکی دیکەشی بڵاوکردووەتەوە ئەم جارەیان هێلکەکە لە بەشی سەرەوەی شکانێکی تێکەوتووە، بێگومان ئەمە شتێکی زۆر سەیرە وێنەی هێلکەیەک بەم شێوەیە کاردانەوەی لێبکەوێتەوە و ژمارەیەکی زۆری بەدڵبوونیش بە دەست بهێنێت، بە هەر حاڵ ئیدی دەبێت ئەم جۆرە دەنگۆیانە و بەناوبانگبوونی شتانێکی بێمانای وەک ئەم هێلکەیە بەلاوە ئاسایی بێت چونکە نەک تەنها لە کۆمەڵگای کوردی خۆماندا شتی بێمانا هەمیشە بڵاوترە لە بەسوودەکان بەڵکو ئێستا هەموو جیهان بەم شێوەیەن.

سەرچاوە:Kitn.net

بەردەوام بە لە خوێندنەوە

هەواڵەکان

کامەران عومەر هۆکاری بێدەنگبوونی خۆی لە کاری هونەری ئاشکرا دەکات

سلێمانی ـ نزار جەزا

کامەران عومەر هۆکاری دابڕانی لەکاری هونەری بۆ “خەڵک” ئاشکرادەکات و ڕایدەگەیەنێت، نزیکی شەش ساڵێکە دوورکەوتۆتەوە، لەبەرئەوەی دەیەوێت بەکارێکەوە بگەڕێتەوە کە وەک بەرهەمەکانی پێشتری گوێگرێکی زۆر لەخۆی کۆبکاتەوە.

کامەران عومەر   بە(خەڵک)ی ڕاگەیاند، ڕاستە ماوەی نزیکی شەش ساڵە لەگوێگرەکانی دوورکەوتۆتەوە و وەستاوە لەکاری هونەری، بەڵام دەیەوێت کاتێک دەرکەوێتەوە، کە بەشێوەیەکی جوان دەربکەوێتەوە.

ئاماژەی بەئەوەشدا، لەئێستاشدا کە بڕیاریداوە دووبارە دەستبکاتەوە بەکاری هونەری دەیەوێت هاوشێوەی گۆرانییەکانی پێشتری کە چۆن گوێگرێکی زۆری لە خۆی کۆکردبۆوە، ئەمجارەش بەو جۆرە دەستپێبکاتەوە.

باسی لەئەوەشکرد، لەو ماوە درێژەی کە دابڕابووم خەریکی کاری ڕۆژانە و شعر خوێندنەوە و ئاوازدانان بوو، بەتایبەت مەبەستیبوو لەڕێگەی ئاوازەکانیەوە دووبارە بگەڕێتەوە ناو هەوادارەکانیەوە.

هێمای بۆئەوەشکرد، لەم ماوەیەدا هەندێک بەرهەمی گۆرانی هەبووە، بەڵام بەهۆی ئەوەی هەندێک کەموکوڕی هەیە ناتوانێت بڵاویان بکاتەوە، بۆیە کە تەواوبوو ئەو کاتە بڵاویاندەکاتەوە.

ئەوەشی خستەڕوو، لەئێستادا فرسەتێکیان بۆ هاتۆتەپێش کە کۆنسێرتێک بەهاوبەشی لەگەڵ سامان عومەری برایدا ئەنجامبدەن، کە ئەمە دەستپێکی کاری هونەرییان دەبێت و بەردەوامدەبن لە گۆرانیوتن و ئەنجامدانی کۆنسێرت.

وتیشی:”ئەگەر تەمەن ڕێگەبدات کار و پڕۆژەی باشیان بەدەستەوەیە و کاری لەسەر دەکەن”.

بەردەوام بە لە خوێندنەوە

ژینگە

شەپۆلی بەفر و سەرما عیراق و هەرێم دەگرێتەوە

خەڵك- بەشی هەواڵ
ئەندامێكی لیژنەی كەشناسی لە سعودیە ئاشكرای دەكات، كە شەپۆلێكی بەفربارین ناوچەكە دەگرێتەوە و جەختیشدەكاتەوە، كە لەگەڵ برینی بەفرەكە بارستە هەوایەكی زۆر سارد هەڵدەكات.

عەبدولعەزیز حصینی، ئەندامی لیژنەی كەشناسی و توێژەر لە بواری زانسی كەشوهوا سعودیە بە میدیاكانی وڵاتەكەی ڕاگەیاندووە، شەپۆلێكی بەفر بارین ناوچەكانی توركیا و سوریا و لوبنان و فەلەستین و ئوردن و دواتریش باكوری سعودیە و عیراق دەگرێتەوە.

ڕوونیشی كردۆتەوە، كە بەپێی ئاماژە و داتاكانی كەشوهەوا ئەو شەپۆلە ناوچەكانی باكوری سعودیە لە تەبوك و جەوف دەگرێتەوە لەگەڵ عیراق و ئێران بەتایبەت لە ڕۆژی چوار شەممەدا.

ئاماژەی بەوەشكردووە، هاوكات لەگەڵ ئەو بەفرە، بارستە هەوایەكی زۆر سارد و بەهێز، كە بە بەهێزترین شەپۆلی سەرما دادەنرێت هەموو ئەو ناوچانە دەگرێتەوە و پلەكانی گەرما بۆ خوار سفری سەدی دادەبەزن.

ئەمە لەكاتێكدایە، كە كەشناسی هەرێم لە ڕاگەیەنراوێكدا ئاماژەی بەوەكردووە، سبەینێ‌ چوار شەممە ئاسمانی ناوچەكانی هەرێم لە ئێوارەوە دەگۆڕێت بۆ هەوری تەواو و باران بارین دەستپێدەكات و لە ناوچە شاخاوییەكانیش بەفر دەبارێت.

هاوكات بەپێی ڕاپۆرتە كەشناسییەكان، كە ماڵپەڕی (accuweather) بڵاویكردۆتەوە، بەهۆی ئەو بەفر و سەرمایەی ناوچەكە دەگرێتەوە، لە سلێمانی پلەی گەرما بۆ -7 پلەی سەدی دادەبەزێت و لە هەولێر بۆ -2 پلە و لە دهۆك بۆ -4 پلەی سەدی.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین