ئێمە لە تۆرە کۆمەڵایەتیەکان

ئابوری

حكومەتی عیراق داوای لیستی مووچەی فەرمانبەران و پێشمەرگە دەكات

خەڵك- بەشی هەواڵ

پەرلەمانتارێكی كورد لە پەرلەمانی عیراق ئاشكرای دەكات، پێویستە وەفدێكی حكومەتی ھەرێمی كوردستان سەردانی بەغدا بكات، دەشڵێت: “عیراق داوای لیستی مووچەی فەرمانبەر و پێشمەرگەی كوردستانی كردووە”.

د. ئەحمەد سەفار، ئەندامی لیژنەی دارایی لە پەرلەمانی عیراق، بە ماڵپەڕی فەرمی پارتی ڕاگەیاندووە، ئێمە وەك لیژنەی دارایی، بەردەوامین لە گفتوگۆكان لەبارەی پڕۆژە یاسای بودجە و ڕۆژانە لە بەیانییەوە تا ئێوارە گفتوگۆی لەسەر دەكەین و وەزارەتەكان بانگھێشت دەكەین، بۆیە ڕەنگە تا ١٠ ڕۆژی دیكە بتوانین بودجە ئامادە بكەین بۆ پەسەندكردن.

ئاشكراشی كردووە، لە پڕۆژە یاسای بودجە بەندێك زیاد كراوە، ئەگەر حكومەتی ھەرێمی كوردستانیش پابەند نەبێت بەوەی ڕۆژانە ٢٥٠ ھەزار بەرمیل نەوت ڕادەستی حكومەتی عێراق بكات، یاخود حكومەتی عێراق پابەندی ڕێككەوتنی نێوان ھەرێم و بەغدا نەبێت، ڕێككەوتنەكە ھەڵدەوەشێتەوە، بەڵام مووچەی فەرمانبەران و پێشمەرگە ڕەوانە دەكات، بەڵام تا ئێستا بڕەكەی دیاری نەكراوە.

جەختیشی كردۆتەوە، پێویستە وەفدێكی حكومەتی ھەرێمی كوردستان سەردانی بەغدا بكات، چونكە داوای لیستی مووچەی فەرمانبەر و پێشمەرگەی كوردستان كراوە.

بەپێی زانیارییەكانی (خەڵك) كە لە سەرچاوەیەكی پەرلەمانییەوە دەستی كەوتووە، بڕیارە وەفدێكی حكومەتی هەرێمی كوردستان لە هەردوو وەزارەتی دارایی و پلاندانان سەردانی بەغدا بكات بۆ گفتوگۆ لەسەر بودجە و شایستە داراییەكانی هەرێم و بەهەمان شێوەش وەفدێكی حكومەتی عیراق بگاتە هەرێم.

ئابوری

نرخی زێڕ و دراوەكان

خەڵك – بەشی هەواڵ
نرخی زێڕ و دراوەکان بۆ ئەمڕۆ یەك شەممە بەم شێوەیەیە كە لە زەڕنگەری پێشین لە سلێمانی وەرگیراوە:

زێڕ:
Oz: 2035$
24K: 405,000
21K: 354,000
18K: 303,000
Lira 22K= 431$

دراوەكان:
100$= 123.750
100€= 145,000
100£= 159,000
100$= 723 لیرەی تورکی
100$= 2,180,000 تمەن (نەقدی)
100$= 2,300,000 تمەن (حەواڵە)

بەردەوام بە لە خوێندنەوە

ئابوری

نرخی نەوت لە بازاڕەكانی جیهان

خەڵك-بەشی هەواڵ

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بە جێگیری ماوەتەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ یەك شەممە، 9ی‌ ئابی 2020 بە جێگیری ماوەتەوە، بەشێوەیەك نرخی‌ نەوتی برێنت بە 44 دۆلار و 66 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 41 دۆلارو 56 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

ئابوری

بێگەرد تاڵەبانی: چەندین بەرهەمی هاوردەمان قەدەغەكرد

خەڵك – بەشی هەواڵ

وەزیری كشتوكاڵ و سەرچاوەكانی ئاوی هەرێم ڕایدەگەیەنێت: ئەنجومەنی وەزیران و وەزارەتی ناوخۆ هەماهەنگن بۆپاراستنی بەرهەمی جوتیارانمان.

بێگەرد تاڵەبانی وەزیری كشتوكاڵ و سەرچاوەكانی ئاو لە ڕاگەیەنراوێكدا ڕایگەیاند: لەپێناو پاراستنی بەرهەمی جوتیارانمان چەندین بەرهەمی هاوردەمان قەدەغەكرد و ئەنجومەنی وەزیران و وەزارەتی ناوخۆ هەماهەنگن بۆپاراستنی بەرهەمی جوتیارانمان.

بێگەرد تاڵەبانی ئاماژەی بەوەشداوە: لەماوەی ڕابردوو زانیاریمان دەستكەوت كە لە چەند دەروازەیەك بەرهەمی قەدەغەكراو هاوردە دەكەن، ئەمەش كاریگەری ڕاستەوخۆی لەسەر بەرهەمی جوتیارانمان دەبێت، بۆیە نووسرامان ئاڕاستەی ئەنجومەنی وەزیران كرد بۆ ئەوەی هەماهەنگی پێویستمان لەگەڵ بكەن و ڕێگربن لە هاوردەكردنی بەرهەمی قەدەغەكراو.

وەزیری كشتوكاڵ و سەرچاوەكانی ئاو ئەوەشی خستەڕوو: بە سوپاسەوە لە ئێستادا ئەنجومەنی وەزیران و وەزارەتی ناوخۆ هەماهەنگی پێویستمان لەگەڵ دەكەن بۆ ڕێگری لەو بەرهەمانەی قەدەغەمان كردوون.

 

بەردەوام بە لە خوێندنەوە

کوردستان