ئێمە لە تۆرە کۆمەڵایەتیەکان

جیهانی

به‌رشلۆنه‌ هه‌وڵه‌کانی بۆ گواستنه‌وه‌ی مۆراتا ده‌ست پێکردووه‌ و به‌رپرسانی یانه‌ بوون به‌ دوو به‌ره‌وه‌ !

خه‌ڵک سپۆرت

ئیداره‌ی یانه‌ی به‌رشلۆنه‌ ناچاره‌ له‌گواستنه‌وه‌کانی زستانه‌ی ٢٠١٩دا به‌هه‌ر شێوه‌یه‌ک بێت هێرشبه‌رێکی سه‌ره‌ڕم وه‌ک شوێنگره‌وه‌ی لویس سوارێز دابین بکات، بۆ ئه‌و مه‌به‌سته‌ش چاوه‌کان خراونه‌ته‌ سه‌ر ئه‌لڤارۆ مۆراتای هێرشبه‌ری یانه‌ی چێڵسی.

ڕۆژنامه‌ی “موندۆ دیپۆرتیڤۆ” له‌زاری سه‌رچاوه‌ ناوخۆییه‌کانی یانه‌ی به‌رشلۆنه‌وه‌ ئاشکرای کردووه‌، به‌رپرسانی یانه‌ی به‌رشلۆنه‌ پێیان وایه‌ له‌ بازاڕی گواستنه‌وه‌کانی زستانه‌دا مۆراتا هه‌ڵبژارده‌یه‌کی گونجاوه‌، ئه‌زمونی له‌ خولی ئیسپانیا و خولی یانه‌ پاڵه‌وانه‌کاندا هه‌یه‌ و مه‌سه‌له‌ی خۆگونجاندنی له‌ڕیزه‌کانی بارسا ئاسان و خێرا ده‌بێت، به‌م هۆیه‌وه‌ په‌یوه‌ندیان به‌ لێپرسراوی کاره‌کانیه‌وه‌ کردووه‌ و پرس و ڕایان کردووه‌ ده‌رباره‌ی گواستنه‌وه‌ی ئه‌م هێرشبه‌ره‌ له‌ چه‌ند هه‌فته‌ی داهاتودا.

سه‌رچاوه‌که‌ جه‌خت ده‌کاته‌وه‌، به‌رپرسانی یانه‌ که‌ته‌لۆنیه‌که‌ بوون به‌ دوو به‌ره‌وه‌، به‌ره‌یه‌ک پێیان وایه‌ گواستنه‌وه‌ی هێرشبه‌ره‌ ئیسپانیه‌که‌ باشترین هه‌ڵبژارده‌یه‌ له‌به‌رده‌میاندا، به‌ره‌یه‌کی تریش پێیان وایه‌ گواستنه‌وه‌ی ئه‌م هێرشبه‌ره‌ دووجاری کێشه‌ی قورستریان ده‌کات و به‌پێویستی ده‌زانن یاریزانێکی تر به‌و خه‌سڵه‌تانه‌ له‌ یانه‌یه‌کی تره‌وه‌ دابین بکه‌ن، هه‌روه‌ها پییان وابووه‌ بارسا پێویستی به‌ هێرشبه‌رێکه‌ به‌هه‌مان کێشی حه‌دادی و هه‌مان کار له‌نێو یاریگادا بکات نه‌ک وه‌ک مۆراتا که‌ ده‌توانێت چه‌ند ڕۆڵێک له‌ده‌ره‌وه‌ی ناوچه‌ی سزا ببینێت.

“موندۆ” هۆکاری ڕه‌ت کردنه‌وه‌ی بۆندی مۆراتا له‌لایه‌ن هه‌ندێک له‌ کاربه‌ده‌ستانی به‌رشلۆنه‌وه‌ بۆ ئه‌وه‌ ده‌گێڕێته‌وه‌ که‌ چێڵسی چه‌ند مه‌رجێکی بێ واتای خستۆته‌ سه‌ر مێزی گفتوگۆکان، بۆنمونه‌: مه‌رجیان ئه‌وه‌بووه‌ له‌ حاڵی گواستنه‌وه‌ی به‌شێوه‌ی خواستن بۆ ماوه‌ی نیوه‌ی وه‌رز ئه‌وا ده‌بێت له‌کۆتایی وه‌رزدا به‌شێوه‌یه‌کی یه‌کجاره‌کی دابینی بکه‌ن و ئه‌و پاره‌یه‌ بده‌ن که‌ له‌ ڕیاڵ مه‌دریده‌وه‌ پێی دراوه‌، واتا نزیکی ٧٠ ملیۆن پاوه‌ند، ئه‌وه‌ش ئه‌و نرخه‌که‌ به‌ ئیداره‌ی بارسا نایه‌وێت له‌گواستنه‌وه‌ی هێرشبه‌رێکی هاوشێوه‌دا به‌کاری بخات.

جیهانی

(بەوێنە) ئاهەنگی هاوسەرگیری سێرجیۆ ڕامۆس و پیلار ڕوبیۆ، کێی تێدا نییە؟

خەڵک سپۆرت

دوێنێ ئاهەنگی هاوسەرگیری نێوان سێرجیۆ ڕامۆسی کاپتنی یانەی ڕیاڵ مەدرید و پیلار ڕوبیۆی کچە هاوڕێی ئەنجام درا، تیایدا چەندین ناوداری بواری وەرزش و بەتایبەتی تۆپی پێ ئامادەبوون.

لەگەڵ ئەوەشدا زۆرینەی میدیاکانی ئیسپانیا ڕەخنەی توندیان ئاڕاستە کردووە، هەندێک پێیان وایە کاتی هاوسەرگیریەکە گونجاو نەبووە و زۆرینەی هاوڕێ و دۆستەکانی سەرقاڵی حەوانەوە و گەشتن لە وڵاتانی تر، هەندێکیش ڕەخنەی ئەوەی لێدەگرن کە چەندین کەسایەتی ناودار و نزیکی وەک کریستیانۆ ڕۆناڵدۆ، زینەدین زێدان، ئیکەر کاسیاسی بانگهێشت نەکردووە!

ئەم یاریزانانەش بەهۆی حەوانەوەکانەوە یان هەر هۆکارێک بێت (ڕەتکردنەوەی داوەتنامە، یاخود بانگهێشت نەکراون) ئامادەی ئاهەنگەکە نەبوون: ڤینیسیۆز جونیۆر، بنزیمە، ئیسکۆ، کارڤاخال، کۆرتوا، ماریانۆ، ڤاران، مارسێلۆ، زۆرینەی یاریزانانی یانەی ڕیاڵ مەدرید و تەنانەت هاوڕێ کەتەلۆنیەکانیشی.

بەردەوام بە لە خوێندنەوە

جیهانی

(بەفەرمی) یوڤانتۆس بۆندی لەگەڵ ڕاهێنەرێکی بەتوانادا ئیمزا کرد

خەڵک سپۆرت

ئەمڕۆ بەفەرمی ماڵپەڕی یانەی یوڤانتۆسی ئیتاڵی گواستنەوەی ماوریزیۆ ساری ڕاهێنەری لەیانەی چێڵسی-یەوە بۆ یانە ناودارەکەی ئیتاڵیا ئاشکرا کرد.

بەپێی ڕوونکردنەوەیەک کە لەلایەن یانەی یوڤانتۆسەوە بڵاوکراوەتەوە، کەیسی گواستنەوەی ساری لە یانەی چێڵسییەوە بۆ یانەی یوڤانتۆس بەسەرکەوتویی کۆتایی هاتووە، ڕاهێنەرە ناودارەکە بەپێی بۆندێکی نوێ تا وەرزی ٢٠٢١ بەرپرسیارێتی بەڕێوەبەری هونەری کریستیانۆ و هاوەڵانی دەگرێتە ئەستۆ.

ساری لەیانەی ناپۆیەوە پەیوەندی بە یانەی چێڵسییەوە کرد، سەرباری ئەوەی لەگەڵ یانە ئینگلیزیەکە نازناوی یوروپا لیگ و پلەی سێیەمی خولی ئینگلیزی بەدەستهێنا، بەڵام نەیتوانی لەگەڵ ئیدارەی ڕۆمان ئەبرامۆڤیچ و بەشێک لەیاریزانان خۆی بگونجێنێت، لەدوای کۆتاییهێنان بە بۆندی ماسیمیلیانۆ ئالێگری باشترین چارەسەر لەبەردەم ئیدارەی یوڤی-دا گواستنەوەی ساری بوو، هەر ئەوەش لەکۆتاییدا ڕوویدا.

شارەزایان پێیان وایە شێوازی هێرشبەری ساری بۆ خانمە پیرەکە زۆر گونجاوە و دەکرێت وەرزی داهاتوو پێکهاتەیەکی تۆکمەتر و بەهێزتر لەڕووی هێرشبەریەوە لەچواردەوری کریستیانۆ ڕۆناڵدۆ بونیاد بنرێت.

 

بەردەوام بە لە خوێندنەوە

جیهانی

سان جێرمان بەهەڵە دەرگای مباپێی بۆ ڕیاڵ مەدرید کردۆتەوە و ڤینیسیۆز کۆڵنادات !

خەڵک سپۆرت

بەهۆی بڕیارێکی کارگێڕییەوە کەلێن لەنێوان دەستەی کارگێڕی یانەی پاریس سانت جێرمان و کیلیان مباپێی ئەستێرەی فەرەنسیدا دروست بووە و یانەی ڕیاڵ مەدرید چاوەڕوانی کاتی گونجاوە بۆ گواستنەوەی یاریزانەکە.

ماڵپەڕی “دیفێنسا سەنتراڵ”ی ئیسپانی ئاشکرای کردووە، گواستنەوەی مباپێ بۆڕیزەکانی یانەی پاریس سانت جێرمان بەهۆی ئانتێرۆ هینریکی بەڕێوەبەری وەرزشیی یانە زەبەلاحەکەی پایتەختەوە بووە، ئەم کەسایەتیە پردی پەیوەندی نێوان باوکی یاریزانەکە و ناسڕ خلێفی خاوەنی یانە و هاوکارانی بووە، بەڵام لەئێستادا بە بڕیارێکی ئیداریی لە پۆستەکەی لادراوە و دووبارە لیۆناردۆی بەرازیلی پۆستەکەی وەرگرتووە، کە بەهیچ شێوەیەک پەیوەندی لەگەڵ گەوهەرە فەرەنسیەکەدا نییە.

بەپێی سەرچاوەکە، ئەم جموجۆڵە ئیدارییە بۆ مباپێ و بەرژەوەندیەکانی خۆیی و خێزانەکەی گونجاو نەبووە، ئەوەش کەلێن دروست دەکات و دەکرێت سەرۆکایەتی یانەی ڕیاڵ مەدرید لەسەر ئەم بنەمایە پەیوەندیەکانی لەگەڵ باوکیدا توندوتۆڵ بکاتەوە و لە هاوینی ٢٠١٩دا بیگوێزنەوە بۆ سانتیاگۆ بێرنابیۆ.

لەلایەکی ترەوە ڕۆژنامەی “مارکا” دووپاتی کردۆتەوە، گواستنەوەی هازارد و ئەگەری گواستنەوەی مباپێ بۆ ڕیزەکانی ڕیاڵ مەدرید ئاگری لە خەونەکانی ڤینیسیۆز بەرداوە، گەوهەرەکەی بەرازیل کۆڵنادات، بەڵکو بە زینەدین زێدانی ڕاهێنەری ئاگادارکردۆتەوە کە لە وەرزی داهاتودا لەسەر پێگەیەکی سەرەکی بەشێوەیەک دەجەنگێت کە پێشتر هیچ یاریزانێک نەیکردبێت.

بۆ ئەو مەبەستەش بڕیاریداوە لەهەفتەی داهاتووەوە واتا دوو هەفتە بەر لە وادەی دەستیپێکی مەشق و ڕاهێنانەکان بگەڕێتەوە و لە یانەی شاهانە بەر لەهەمووان دەست بە مەشق و ڕاهێنان بکاتەوە.

بەردەوام بە لە خوێندنەوە

کوردستان