ئێمە لە تۆرە کۆمەڵایەتیەکان

کوردستان

هەڵسوڕاوێكی گۆڕان: مەرج نییە ئەوەی ئۆپۆزسیۆن بێت خزمەتی كردبێت و ئەوەشی لەدەسەڵات بێت نەفرەت لێكراو بێت

خەڵك-ئارام سەردار

پەرلەمانتارێكی پێشووی گۆران رایدەگەیەنێت، سەرەكیترین گرفتی ئێمە لە هەرێمی كوردستان نەبوونی دەستوورە.

كاردۆ محەمەد پەرلەمانتاری پێشووی بزووتنەوەی گۆڕان لە پەرلەمانی كوردستان لەدیبەیتێكی تایبەت بە رۆڵی حزب و لایەنەكان لەقۆناغی ئێستادا رایگەیاند، سەرچاوەی زۆربەی كێشەكان نەبوونی دەستورە لەهەرێم، بەداخەوە زۆركات ئۆپۆزسیۆن بوون لەكوردستان بەپیرۆز دەكرێت لەكاتێكدا مەرج نییە هەر هێزێك ئۆپۆزسیۆن بێت خزمەتی میللەتی كردبێت یان هەموو دەسەڵاتێكیش نەفرەت لێكراو بێت.

وتیشی”هیچ گەلێك نییە شۆڕش و راپەڕینی كردبێت و بیری لە گرێبەستێكی كۆمەڵایەتی نەكردبێتەوە كە دەستوورە، ئەركی هەموو لایەنێكی سیاسییە یەكەم جار بیر لەم گرێبەستە بكاتەوە بۆ ئەوەی بنچینە نیشتیمانییەكان و چەمكە گشتی و بەرژوەندییە گشتییەكان و پاراستنی دامەزاروەكان بپارێزین لەم دیاردە ناشرینانەی كە لەرابردوو بینیمان وڵاتی ئێمەی هێناوە سەر سفر”.

ئەوەشی خستەروو، بەداخەوە زۆركات ئۆپۆزسیۆن بوون لەكوردستان بەپیرۆز دەكرێت لەكاتێكدا مەرج نییە هەر هێزێك ئۆپۆزسیۆن بێت خزمەتی میللەتی كردبێت، یان هەموو دەسەڵاتێكیش نەفرەت لێكراو بێت، چونكە ئەگەر یاسا سەروەربێت و حكومەتی هاوڵاتی هەبێت خزمەت بكات و دەستور هەبێت، ئەوا پێموایە دەكرێ ئەوانە لەچوارچێوەیەك قسەی لەسەر بكەین، لەهەمانكاتدا ئەگەر ئۆپۆزسیۆنێك خزمەتی میللەت نەكات و چاودێر نەبێت بەسەر دەسەڵاتی ستەمكار، تۆ ئەو ئۆپۆزسیۆنەت بۆچییە؟

ئابوری

“دوای پێكھێنانی كابینەی نوێ پڕۆژەی شەقامی 100 مەتری سلێمانی جێبەجێ دەكرێت”

خەڵك – بەشی هەواڵ

لیژنەی تایبەت بە پڕۆژەی شەقامی 100 مەتری سلێمانی ڕاپۆرتی خۆی لەسەر پڕۆژەكە ئاڕاستەی ئەنجومەنی وەزیران دەكات.

ئـازاد ڕەسوڵ بەڕێوەبەری فەرمانگەی شەقامی 100 مەتری سلێمانی ڕایگەیاند، ئەو لیژنەیەی بۆ ئامادەكردنی ڕاپۆرتێك لەسەر شەقامی 100 مەتری سلێمانی پێكھێنرابوو، ڕاپۆرتەكەی تەواو كردووە و پێشكەش بە جێگری سەرۆكی حكومەتی كردووە و دوای لێكۆڵێنەوە لە ڕاپۆرتەكە وەڵامی لیژنەكە دەدرێتەوە.

ئـازاد ڕەسوڵ وتیشی، جێبەجێكردنی پڕۆژەكە دەكەوێتە دوای پێكھێنانی كابینەی نوێی حكومەتی ھەرێم، لە ڕاپۆرتەكەدا چەند ئەلتەرناتیڤێك لەسەر دەرخستەی پڕۆژەكە ئامادەكراوە، كام لەو ئەلتەرناتیڤانە لە توانای دارایی حكومەتدا بێت ئەوەیان جێبەجێ دەكرێت.

بەردەوام بە لە خوێندنەوە

کوردستان

“ئەنجومەنی وەزیران وەڵامی ڕاپۆرتێكی كەركوكییەكان ناداتەوە”

خەڵك – بەشی هەواڵ

ماوەی سێ مانگە ئەنجومەنی وەزیرانی عیراق وەڵامی راپۆرتی لیژنەی چارەسەركردنی كێشە كشتوكاڵییەكانی كەركوكی نەداوەتەوە، ئەندامێكی ئەنجومەنی نوێنەرانیش گومانی لە پەراوێزخستنی راپۆرتەكە ھەیە.

لەوبارەیەوە، جەمال شكور ئەندامی ئەنجومەنی نوێنەرانی عیراق ڕایگەیاند، سێ مانگ لەمەوبەر لیژنەی چارەسەری كێشە كشتوكاڵییەكانی كەركوك كەنوێنەری سەرجەم پێكھاتەكانی كەركوك و لایەنە پەیوەندیدارەكانی تێدابوو، ڕاپۆرتی خۆی ئاراستەی سەرۆكی ئەنجومەنی وەزیرانی عیراق، بەڵام تا ئێستا وەڵامی ڕاپۆرتەكە نەدراوەتەوە.

ڕوونیشیكردەوە سەرجەم پێكھاتەكانی كەركوك كۆكبوون لەسەر ڕاپۆرتی لیژنەكە بۆ چارەسەری كێشە كشتوكاڵییەكانی كەركوك، بۆیە داوا لەسەرۆكی ئەنجومەنی وەزیران دەكەن بەزووترین كات بڕیار لەوبارەیەوە بدات.

جەمال شكور وتیشی، گومانیان ھەیە ئەو ڕاپۆرتەی ئاراستەی سەرۆك وەزیرانی عیراق كراوە، ھاوشێوەی ڕاپۆرتی لیژنەكانی پێشووتر پەراوێز بخرێت.

بەردەوام بە لە خوێندنەوە

کوردستان

بەوێنە؛ ئۆتۆمبێلێك لەسەر پردێكی نزیك سلێمانی كەوتەخوارەوە

خەڵك- بەشی هەواڵ
بەڕێوەبەرایەتی هاتووچۆی دەربەندیخان ئاشكرای دەكات، كە ئۆتۆمبێلێك لەسەر ڕێگای كەلار- دەربەندیخان لە پردی (قەترە)ەوە كەوتۆتە خوارەوە.

بەڕێوەبەرایەتی هاتووچۆی دەربەندیخان لە ڕاگەیەندراوێكدا ئاماژەی بەوەكردووە، نیوەڕۆی ئەمڕۆ شەممە 15ی حوزەیران، ئۆتۆمبێلێك لە جۆری (نیسان سێنترا) دوای لەدەستدانی كۆنتڕۆڵ لەسەر پردی (قەترە) كە دەكەوێتە سەر ڕێگای گشتی كەلار- دەربەندیخان كەوتۆتە خوارەوە.

ڕاشیگەیاندووە، شۆفێرەكەی بە سووكی بریندارە بووە.

بەردەوام بە لە خوێندنەوە

کوردستان