ئێمە لە تۆرە کۆمەڵایەتیەکان

ئابوری

ئەم هەفتەیە پارەی كارمەندانی كۆمسیۆن دابەش دەكرێت

 

سلێمانی ـ نزار جەزا

بڕیارە ئەم هەفتەیە پارەی كارمەندانی كۆمسیۆن لەهەڵبژاردنی ئەنجومەنی نوێنەرانی عێراق دابەشبكرێت.

بەپێی ئەو زانیارییانەی بە(خەڵك) گەیشتووە، ماوەیەكە لیژنەیەك لەلقی سلێمانی كۆمسیۆنی باڵای سەربەخۆی هەڵبژاردنەكانی عێراق خەریكی وردبینین لە لیستی ناوی كارمەندەكان، بۆئەوەی ئەو كارمەندانەی كاریان نەكردووە جیابكەنەوە لەوانەی چوونەتەسەر كار.

هەر بەپێی زانیارییەكان، بڕیارە لەم هەفتەیەوە لقی سلێمانی كۆمسیۆن بەفەرمی ڕایبگەیەنێت، میكانیزمی دابەشكردنی پارەكە چۆنە.

بەپێی ئەو زانیارییانە، سلێمانی دابەشدەكرێت بەسەر 18 بانكدا و زیاتر لە 20 هەزار كارمەند پارەكەیان لەو بانكانە وەردەگرن.

(خەڵك) چەند جارێك پەیوەندی بە هاوڕێ تۆفیق بەڕێوەبەری كۆمسیۆنی باڵای هەڵبژاردنەكان لە سلێمانییەوە كرد، بەڵام پەیوەندییەكەی بەردەست نەبوو.

ئابوری

بایكۆتی فەرمانبەران بە هۆی زۆركردنی دەوام دەستی پێكرد

خەڵك – بەشی هەواڵ
فەرمانبەرانی هەندێك لە فەرمانگەكانی سلێمانی بایكۆت بەهۆی بڕیاری زیادكردنی دەوام ڕایدەگەیەنن و ئەمڕۆش لەچەند بەڕێوەبەرایەتیەك فەرمانبەران كۆبوونەوە و ئەو بڕیارەیان شكاند و ڕایدەگەیەنن، كە تا ئێستا چارەنووسی مووچەی 3 مانگی ئەمساڵ نادیارە و بەجۆرێكی دیكە پاشەكەوت هەر بەردەوامە.

دوای هەڵوەشاندنەوەی بڕیاری پاشەكەوتی مووچە، ئەنجوومەنی وەزیران بڕیاری ئاسایی كردنەوەی دەوام و نەهێشتنی تەناوبی داوە و پارێزگاری سلێمانی-یش بڕیاری داوە دەوامی سەرجەم فەرمانبەران لە كاتژمێر 8:30ی بەیانی بۆ 2:30ی پاش نیوەڕۆ بێت، فەرمانبەرانیش بەتوندی ڕەتی دەكەنەوە و دەڵێن: “مافەكانمان خوراوە و دەبێت بۆمان بگەڕێنرێتەوە”.

بەپێی چەند نامەیەك، كە فەرمانبەران بۆ (خەڵك)یان ناردووە لەڕێی تۆڕی كۆمەڵایەتی فەیسبووكەوە ڕەخنەی ئەوە لە حكومەت و پارێزگار دەگرن، كە هێشتا مووچە مانگی ئازار-یان وەرنەگرتووە، لەكاتێكدا لە نیوەی مانگی شەشدان، كەچی بە بڕیارێك دەوامیان بۆ زیاد كراوە.

ئەمڕۆش لەگەڵ جێبەجێ‌ كردنی بڕیارەكە لەلایەن هەندێك فەرمانگەوە، بەشێكی زۆری فەرمانبەران پابەندی ئەو بڕیارە نەبوون و هۆشداری دەدەن، “ئەگەر دەوامەكە بەوشێوەیە زیاد بكرێت و مووچەكەیان بەو شێوەیە بدرێت، كە سێ مانگیان پێ نەدراوە، بایكۆتی دەوام دەكەن”.

هاوكات، فەرمانبەرانی بەڕێوەبەرایەتی كارەبای سلێمانی لە هەژماری تایبەتی خۆیان ڕایانگەیاندووە، ئەمڕۆ یەك شەممە 16-6-2019 لە چەند بەڕێوەبەرایەتیەك فەرمانبەران كۆبوونەوە و توانیان بڕیارەكە بشكێنین و كاتژمێر 1:00ی نیوەڕۆ دەوام كۆتایی پێهات.

لە ئێستادا لەسەرجەم فەرمانگەكانی سنووری سلێمانی لە ڕۆژی یەك شەممە تا پێنج شەممە دەوام لە 8:30ی بەیانی تا 1ی نیوەڕۆ هەیە، تەنانەت لە نەخۆشخانە و بنكە تەندروستیەكان ڕۆژانی شەممەش دەوامە، بەڵام فشاری زیاتر لە فەرمانبەران دەكرێت بۆ زیادكردنی دەوام لەكاتێكدا چارەنووسی مووچەی 3 مانگی ئەمساڵ نادیارە و ئەمڕۆ، كە نیوەی مانگی حوزەیران تێپەڕیوە زۆرینەی فەرمانبەران مووچەی مانگی ئازار-یان وەرنەگرتووە.

بۆ بەدواداچوونی ئەو پرسە (خەڵك) پەیوەندی كرد بە هەڤاڵ ئەبوبەكر، پارێزگاری سلێمانی-یەوە، بەڵام وەڵامی پەیوەندییەكەی نەدایەوە.

بەردەوام بە لە خوێندنەوە

ئابوری

وەزیری دارایی لێدوانی نوێ‌ لەسەر مووچەی فەرمانبەران دەدات

خەڵك- بەشی هەواڵ
وەزیری دارایی عیراق سەبارەت بە مەترسییەكانی سەر مووچەی فەرمانبەرانی هەرێم لێدوانی نوێ‌ دەدات و دەڵێت: “بودجەی ئەمساڵ وەك خۆی دەمێنێتەوە”.

د. فوئاد حوسێن، وەزیری دارایی عیراق بە ماڵپەڕی فەرمی پارتی ڕاگەیاندووە، “پەیوەندیەكانی هەولێر و بەغدا لە ئاستێكی باشدان و پێویست بە دیالۆگ و گفتوگۆی زیاتریش هەیە بۆ چارەسەركردنی گرفتەكانی پرسی نەوت و بودجە و ناوچە كوردستانییەكان، كە هەوڵەكانیش بۆ ئەم مەبەستە بەردەوامن”.

ڕاشیگەیاند، بودجەی ئەمساڵ وەك خۆی دەمێنێتەوە كار لەسەر ئەوە دەكەین لە ساڵی داهاتوودا بە هەمان شێوە لە بودجەی عیراقدا شایستە داراییەكانی هەرێمی كوردستان بنێردرێن و چەند كۆبوونەوەیەكیش بۆ ئەم مەبەستە ئەنجام دراون.

فوئاد حسێن وتیشی، “ئومێدمان هەیە ئاستی پەیوەندییەكان باشتر بێــت، بە گفتوگۆ و لێكتێگەیشتنی هاوبەشیش دەتوانرێـت چارەسەری سەرجەم كێشە هەڵپەسێردراوەكان بكرێت، كە لە دوای پێكهێنانی حكوومەتی هەرێمەوە دیالۆگەكان دەست پێدەكەنەوە”.

بەردەوام بە لە خوێندنەوە

ئابوری

ژاپۆن قەرزدارترین وڵاتی جیهانە

خەڵك –بەشی هەواڵ

ماڵپەڕی وۆلد پۆپلەشن ڕیڤیوی ئەمریكایی لە ڕاپۆرتێكدا پێنج وڵاتی بە قەرزدارترین وڵاتانی جیهان دیاریكرد.

بەپێی ڕاپۆرتەكە، ژاپۆن كە ژمارەی دانیشتووانەكەی 127.185.322 كەسە پلەی یەكەمی گرتووە لە قەرزی نیشتمانیدا لە جیهاندا، كە ڕێژەی 235.96%ە ئەمە سەرباری ئەوەی ژاپۆن یەكێك لە گەورەترین ئابوورییەكانی جیهانە.

بە دوای ئەودا یۆنان دێت كە دانیشتووانەكەی بریتییە لە 11.124.603 كەسە بە ڕێژەی 191.27%.

سوودانیش پلەی سێهەمی گرتووە و قەرزە نیشتمانییەكانی سەرووی 176.2%ە.
فەنزوێلاش كە دانیشتوواتەكەی 32.779.868 كەسە پلەی چوارهەم دەگرێت لە قەرزداریدا بە ڕێژەی 161.99% ئەوەش بەهۆی بارگرانییەكی ئابووری مەترسیدار.

لوبنان پلەی پێنجەمی گرتووە كە دانیشتوانەكەی 6.065.922 كەسە بە ڕێژەی 160.57% .

بەردەوام بە لە خوێندنەوە

کوردستان