ئێمە لە تۆرە کۆمەڵایەتیەکان

جیهان

ئیسرائیل فڕۆكەخانەی دیمەشق بۆردومان دەكات

خەڵك- بەشی هەواڵ
میدیاكانی سوریا رایانگەیاند، بەرگرییە ئاسمانییەكان لە شەوی هەینی لەسەر شەممە، بەرپەرچی چەند ئامانجێكی دوژمنكارییان لەسەر ئاسمانی ناوچەی دیمەشق داوەتەوە و توانیویانە، ژمارەیەك لەو ئامانجانە بخەنەخوارەوە.

بەپێی ئاژانسی دەنگوباسی فەرمی سوریا (سانا)، لە دەوروبەری دیمەشقی پایتەخت، دەنگی تەقینەوە بیستراوە، كەناڵی (الاخباریە)ش لای خۆیەوە، ڤیدیۆیەكی بڵاوكردەوە و تێیدا پرۆسەی بەرپەرچدانەوەی هێزەكانی بەرگری ئاسمانی بۆ “دوژنكارییەكان” لە دەوروبەری شارەكە خستەڕوو.

چالاكوانانی سوریا بڵاویانكردەوە، تەقینەوەكان لە دەوروبەری ناوچەی كسوە بوون، ئەمەش هاوكات بووە لەگەڵ بیستی دوو تەقینەوەی تر لەسەر ئاسمانی لازقیە.

بە وتەی چالاكوانان، ئەو دەستدرێژیانەی كرانە سەر خاكی سوریا، هاوكات بوون لەگەڵ بینینی گەڕانی فڕۆكەكانی ئیسرائیل لەسەر ئاسمانی لوبنان.

لای خۆیەوە، روانگەی سوریا بۆ مافەكانی مرۆڤ، تەئكیدی لەسەر بۆردومانكردنی فڕۆكەكان كردووە بۆ گەنجینەی موشەكی سەر بە حزبوڵڵا لە ناوچەی كسوە و فڕۆكەخانەی دیمەشق.

چەند سەرچاوەیەك بە روانگەی سوریایان راگەیاندووە، بۆردومانەكان سێ‌ ئامانجییان لە هەردوو ریفی خۆرئاوا و باشوور و خۆرئاوای دیمەشقی پایتەخت پێكاوە كە بریتیی بوون لە گەنجینەكانی چەك و تەقەمەنی سەر بە حزبوڵڵای لوبنانی یان هێزە ئێرانییەكان.

لەم چەند مانگەی دواییدا، ئیسرائیل چەندان جار دامەزراوە سەربازییەكانی سەر حكومەتی سوریا و هاوپەیمانەكانی ئەسەدی لە نزیك دیمەشقی پایتەخت بۆردومان كردووە.

جیهان

باغۆز: سڤیلەكان دوایین ناوچەكانی بندەستی داعش چۆڵ دەكەن

خەڵك- بەشی هەواڵ

ئەمڕۆ هەینی هاووڵاتیانی سڤیل لە نێو ژمارەیەكبارهەڵگردا بینراون كە ئەگەری هەیە، ناوچەكانی بن دەستی داعش چۆڵ بكەن.

ئاژانسی ڕۆیتەرز بڵاویكردەوە، لە ناوچەی باغۆز لە سنووری سووریا و عیراق ژمارەیەكی زۆر بارهەڵگر  بینراون كە هاووڵاتیانی سڤیلیان تێدا بووە لە ناوچەكانی بن دەستی داعش لە ڕۆژهەڵاتی سووریا.

بەڵام بە تەواوەتی ڕوون نەبووەتەوە كە ئایا ئەو بارهەڵگرانە ئەو سڤیلانە دەگوازنەوە كە لە ناوچەكانی بن دەستی داعشدا گیریانخواردووە و هێزەكانی سووریای دیموكرات بە پشتیوانی ئەمریكا دەیانهەوێت كۆنتڕۆڵی بكەن یان نا.

بەردەوام بە لە خوێندنەوە

جیهان

سەرۆكی ڕوسیا و سەرۆك وەزیرانی ئیسرائیل كۆدەبنەوە

خەڵك- بەشی هەواڵ

بڕیارە لەهەفتەی ئایندەدا سەرۆكی ڕوسیا و سەرۆك وەزیرانی ئیسرائیل لە مۆسكۆ كۆببنەوە.

بەپێی هەواڵێكی ماڵپەڕی فەرمی سەرۆك وەزیرانی ئیسرائیل، بنیامین ناتانیاهو سەرۆك وەزیرانی ئیسرائیل لەپەیوەندییەكی تەلەفۆنیدا قسەی لەگەڵ فلادمیر پوتن سەرۆكی ڕوسیا كردووە، كە تێیدا بڕیاریانداوە لەئایندەیەكی نزیكدا كۆبونەوەیەك لەڕووسیا بكەن.

هاوكات بەپێی هەواڵێكی ئاژانسی ڕۆیتەرز، بڕیارە ئەو كۆبونەوەیە لە 27ی ئەم مانگەدا لەمۆسكۆ بەڕێوەبچێت و زیاتر گفتوگۆ لەبارەی ڕۆژهەڵاتی ناوەڕاستی و دۆخی سوریا دەكەن.

بەردەوام بە لە خوێندنەوە

جیهان

ترەمپ و ئەردۆغان لەسەر بەرەنگاربوونەوەی تیرۆر لە سووریا ڕێككەوتن

خەڵك- بەشی هەواڵ

ڕەجەب تەیب ئەردۆغان سەرۆك كۆماری توركیا ‌و دۆناڵد ترەمپ سەرۆكی ئەمریكا پەیوەندییەكی تەلەفۆنییان ئەنجام دا.

بەپێی ئاژانسی ئەنادۆڵۆ، لە پەیوەندییە تەلەفۆنییەكەی نێوان ئەردۆغان و ترەمپدا باس لە دوا پەرەسەندنەكانی سووریا كرا و یارمەتیدانی پرۆسەكە بە گرنگ زانرا.

هەروەها لە پەیوەندییە تەلەفۆنییەكەی نێوان ئەردۆغان و ترەمپدا جەخت كرایەوە لەسەر سوور بوون لە هاوبەشی بەرەنگاریی هەموو جۆرێك لە تیرۆر.

ئەردۆغان و ترەمپ هاوڕابوون لەبارەی جێبەجێ كردنی كشانەوەی ئەمریكا لەسووریا بە ئاراستەی گونجاو لەگەڵ بەرژەوەندییە هاوبەشەكان‌و هەردوو سەركردە ڕێككەوتن لەسەر پرسی بەھێزكردنی زیاتری پەیوەندی ئابووری و گەیاندنی قەبارەی بازرگانی بۆ ٧٥ ملیار دۆلار .

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان