ئێمە لە تۆرە کۆمەڵایەتیەکان

کوردستان

“هه‌وڵده‌ده‌ن مووچه‌ی پێشمه‌رگه‌ و فه‌رمانبه‌ران و خانه‌نشین و كه‌سوكاری شه‌هیدان و ئه‌نفالكراوان و زیندانیانی سیاسی له‌ بودجه‌دا جێگیر بكرێن”

جێگری سه‌رۆكی ئه‌نجوومه‌نی نوێنه‌ران،  دەڵێت:له‌ هه‌وڵداين‌ مووچه‌ی پێشمه‌رگه‌ و فه‌رمانبه‌ران و خانه‌نشین و كه‌سوكاری شه‌هیدان و ئه‌نفالكراوان و زیندانیانی سیاسی بخه‌ینه‌ سه‌ر حكومه‌تی عيراق.

بە پێی ڕاگەیەنراوێكی نوسینگەی ڕاگەیاندنی جێگری سەرۆكی ئەنجوومەنی نوێنەارانی عیراق، د. بەشیر خەلیل حەداد، جێگری سه‌رۆكی ئه‌نجوومه‌نی نوێنه‌رانی عێراق ڕایگەیاندووە:” له‌ هه‌وڵی ئه‌وه‌دايه‌ مووچه‌ی پێشمه‌رگه‌ و فه‌رمانبه‌ران، خانه‌نشین، كه‌سوكاری شه‌هیدان و ئه‌نفالكراوان و زیندانیانی سیاسی بخه‌نه‌ سه‌ر بودجه‌ی حكومه‌تی عيراق”.

سه‌باره‌ت به‌ هه‌وڵه‌كانیان بۆ چاره‌سه‌ری كێشه‌ی بودجه‌ و مووچه‌ی هه‌رێمی كوردستان، د.به‌شیر حه‌داد، جێگری سه‌رۆكی ئه‌نجوومه‌نی نوێنه‌رانی عيراق رایگه‌یاندووه، هه‌وڵده‌ده‌ن مووچه‌ی پێشمه‌رگه‌ و فه‌رمانبه‌ران و خانه‌نشین و كه‌سوكاری شه‌هیدان و ئه‌نفالكراوان و زیندانیانی سیاسی له‌ بودجه‌ی عيراق جێگیر بكرێت.

جێگری سه‌رۆكی ئه‌نجوومه‌نی نوێنه‌رانی عيراق، ئەوەشی وتووە : له‌ ئه‌نجوومه‌نی نوێنه‌ران پێشنیازی ئه‌وه‌مان كردووه‌، ئه‌گه‌ر له‌ داهاتوو هه‌ر كێشه‌یه‌ك له‌نێوان هه‌ولێر و به‌غدا روویدا و هه‌ر لایه‌نێك پابه‌ندی رێكه‌وتنی نێوانیان نه‌بێت، به‌غدا ناچار ده‌كه‌ین مووچه‌ی پێشمه‌رگه‌ و فه‌رمانبه‌ران بۆ هه‌ولێر بنێرێت و ئه‌و بابه‌ته‌یان له‌ بودجه‌ جیاكردووه‌ته‌وه‌ و بڕی پاره‌كه‌شیان بۆ پێنج سه‌د ملیار دینار زیاد كردووه‌.

ئەم هەوڵە لە كاتێكدایە،  حكومەتی هەرێم پڕۆژەیەكی ڕادەستی سەرۆك وەزیرانى عيراق كردووە بۆ ئەوەی مینحە و ئیمتیازاتی كەسوكاری شەهیدان و زیندانیانی سیاسی هاوتای ئەوەی عێراق بكرێت، پڕۆژەكە ڕەزامەندی لەسەر دراوە و ئەگەر هیچ شتێك ڕوونەدات لە بودجەی ٢٠١٩دا هاوتا دەكرێت.

هاوكات، مەحمود حاجی ساڵح وەزیری كاروباری شەهیدانی هەرێم، پێشتر  ڕایگەیاندبوو، لەڕێی لیژنەیەكەوە لەبەغدا و لەڕێگەی ڕاسپاردەیەكەوە داوایان لە حكومەتی عيراق كردووە ڕێنماییەكانی هەرێم و عيراق لەبارەی كەسوكاری شەهیدان و زیندانییانی سیاسی هاوتای یەكتر بكرێن.

لەیەكێك لەمادەكانی ئەو ڕاسپاردانەدا ئەوە خراوەتەڕوو، بەپێی دەستوور دەبێت سەرجەم مینحە و ئیمتیازاتی كەسوكاری شەهیدان و زیندانیانی سیاسی هاوتا بكات و زیانەكانیان بژمێرێت.

ئابوری

“دوای پێكھێنانی كابینەی نوێ پڕۆژەی شەقامی 100 مەتری سلێمانی جێبەجێ دەكرێت”

خەڵك – بەشی هەواڵ

لیژنەی تایبەت بە پڕۆژەی شەقامی 100 مەتری سلێمانی ڕاپۆرتی خۆی لەسەر پڕۆژەكە ئاڕاستەی ئەنجومەنی وەزیران دەكات.

ئـازاد ڕەسوڵ بەڕێوەبەری فەرمانگەی شەقامی 100 مەتری سلێمانی ڕایگەیاند، ئەو لیژنەیەی بۆ ئامادەكردنی ڕاپۆرتێك لەسەر شەقامی 100 مەتری سلێمانی پێكھێنرابوو، ڕاپۆرتەكەی تەواو كردووە و پێشكەش بە جێگری سەرۆكی حكومەتی كردووە و دوای لێكۆڵێنەوە لە ڕاپۆرتەكە وەڵامی لیژنەكە دەدرێتەوە.

ئـازاد ڕەسوڵ وتیشی، جێبەجێكردنی پڕۆژەكە دەكەوێتە دوای پێكھێنانی كابینەی نوێی حكومەتی ھەرێم، لە ڕاپۆرتەكەدا چەند ئەلتەرناتیڤێك لەسەر دەرخستەی پڕۆژەكە ئامادەكراوە، كام لەو ئەلتەرناتیڤانە لە توانای دارایی حكومەتدا بێت ئەوەیان جێبەجێ دەكرێت.

بەردەوام بە لە خوێندنەوە

کوردستان

“ئەنجومەنی وەزیران وەڵامی ڕاپۆرتێكی كەركوكییەكان ناداتەوە”

خەڵك – بەشی هەواڵ

ماوەی سێ مانگە ئەنجومەنی وەزیرانی عیراق وەڵامی راپۆرتی لیژنەی چارەسەركردنی كێشە كشتوكاڵییەكانی كەركوكی نەداوەتەوە، ئەندامێكی ئەنجومەنی نوێنەرانیش گومانی لە پەراوێزخستنی راپۆرتەكە ھەیە.

لەوبارەیەوە، جەمال شكور ئەندامی ئەنجومەنی نوێنەرانی عیراق ڕایگەیاند، سێ مانگ لەمەوبەر لیژنەی چارەسەری كێشە كشتوكاڵییەكانی كەركوك كەنوێنەری سەرجەم پێكھاتەكانی كەركوك و لایەنە پەیوەندیدارەكانی تێدابوو، ڕاپۆرتی خۆی ئاراستەی سەرۆكی ئەنجومەنی وەزیرانی عیراق، بەڵام تا ئێستا وەڵامی ڕاپۆرتەكە نەدراوەتەوە.

ڕوونیشیكردەوە سەرجەم پێكھاتەكانی كەركوك كۆكبوون لەسەر ڕاپۆرتی لیژنەكە بۆ چارەسەری كێشە كشتوكاڵییەكانی كەركوك، بۆیە داوا لەسەرۆكی ئەنجومەنی وەزیران دەكەن بەزووترین كات بڕیار لەوبارەیەوە بدات.

جەمال شكور وتیشی، گومانیان ھەیە ئەو ڕاپۆرتەی ئاراستەی سەرۆك وەزیرانی عیراق كراوە، ھاوشێوەی ڕاپۆرتی لیژنەكانی پێشووتر پەراوێز بخرێت.

بەردەوام بە لە خوێندنەوە

کوردستان

بەوێنە؛ ئۆتۆمبێلێك لەسەر پردێكی نزیك سلێمانی كەوتەخوارەوە

خەڵك- بەشی هەواڵ
بەڕێوەبەرایەتی هاتووچۆی دەربەندیخان ئاشكرای دەكات، كە ئۆتۆمبێلێك لەسەر ڕێگای كەلار- دەربەندیخان لە پردی (قەترە)ەوە كەوتۆتە خوارەوە.

بەڕێوەبەرایەتی هاتووچۆی دەربەندیخان لە ڕاگەیەندراوێكدا ئاماژەی بەوەكردووە، نیوەڕۆی ئەمڕۆ شەممە 15ی حوزەیران، ئۆتۆمبێلێك لە جۆری (نیسان سێنترا) دوای لەدەستدانی كۆنتڕۆڵ لەسەر پردی (قەترە) كە دەكەوێتە سەر ڕێگای گشتی كەلار- دەربەندیخان كەوتۆتە خوارەوە.

ڕاشیگەیاندووە، شۆفێرەكەی بە سووكی بریندارە بووە.

بەردەوام بە لە خوێندنەوە

کوردستان