ئێمە لە تۆرە کۆمەڵایەتیەکان

هەواڵەکان

کامەران عومەر و سامان عومەر لە شاری سلێمانی کۆنسێرت ساز دەکەن

خێزان

هەردوو هونه‌رمه‌ندی برا و گۆرانیبێژ كامه‌ران عومەر  و سامان عومەر کۆنسێرتێک لە شاری سلێمانی سازدەکەن. 

سه‌مه‌د هه‌ورامی به‌ڕێوه‌به‌ری رێكخراوی هایما کە سەرپەرشتیاری کۆنسێرتەکەن ڕایگەیاند”رێكخراوه‌كه‌مان كۆنسێرتێك بۆ هه‌ردوو هونه‌رمه‌ند كامه‌ران عومه‌ر و سامان عومه‌ر سازده‌كات”

 سه‌مه‌د هه‌ورامی  وتیشی”كۆنسێرته‌كه‌ له‌ هۆڵی سپی له‌ شاری سلێمانی به‌ڕێوه‌ده‌چێت و به‌شێك له‌ داهاتی كۆنسێرته‌كه‌ بۆ كاری خێرخوازی ده‌بێت”

بەوتەی ڕێکخەری پرۆژەکە، وابڕیاره‌ له‌سه‌ره‌تای مانگی 3 كۆنسێرته‌كه‌ بكرێت و زۆرینه‌ی ئامادده‌كاریه‌كانیشی ته‌واو بووه‌.

هەواڵەکان

کچە مۆدێلێکی کورد بەشێوازێکی جیاواز داوای ڕاگرتنی شەڕ دەکات

خێزان

کچە مۆدێل فاتمە کاوە کە ناسراوە بە (فاتۆ)  بەشێوازێکی جیاواز داوای ڕاگرتنی شەڕ دەکات لە ڕۆژئاوای کوردستان.

فاتیمە کۆمەڵێک وێنەی خۆی بڵاوکردۆتەوە کە ڕوخسار و جەستەی بریندارە و دەستەواژەی (جەنگ بوەستێنن)ی بە دەستەوەیە.

فاتیمە وتویەتی”تکایە شـەڕ بـووەسـتـێـنـن، چیتان دەوێت داوای بکەن بەس چی تر مرۆڤی بێتاوان مەکوژن ئەوان چی بکەن، ئێمە لەوەتەی ھەین ھەر کۆچبەرین، لەوەتەی من ھەم ڕۆژانە دەبینم کورد دەکوژرێ، مروڤى ئاوا تاوانی چییە جگە لەوەی ڕێگامان پێ بدەن با ئاسایی بژین و ژیانی خۆمان بکەن”

بەردەوام بە لە خوێندنەوە

هەواڵەکان

هەرێم سەڵاح بە موزیک هەستی خۆی بۆ کوردانی ڕۆژئاوا دەردەبڕێت

خێزان

هونەرمەند هەرێم سەڵاح بە پارچە موزیکێکی تایبەت هەستی خۆی بۆ کوردانی ڕۆژئاوای کوردستان دەردەبڕێت.

هەرم سەڵاح ڕایگەیاندووە”‎ئەو هەستەی میوزیكەی من و ئەو تێكستەی برای بەڕێز و ئازیزم كاك ( سەروەت تۆفیق ) تێكەڵی خەم و ڕوحی ڕۆژئاوای وڵاتەكەم دەكەم و سەرشۆڕی و تۆڵەی خوا بۆ دوژمنانی هەر چوار پارچەی كوردستان”

 

 

View this post on Instagram

 

A post shared by Harem Salah (@haremsalah) on


‎زام
.
‎خوایە تاكەی دەربەدەری
‎بەختی ئێمە بۆ ئاوایە ؟
‎هەر بەشمانە ئاوارەیی
‎ئێستاش نۆرەی ڕۆژئاوایە
.
‎جەستەی خاكم بریندارە
‎مێژووی كوردم دووبارەیە
‎زامێكی لێ ساڕێژ نابێ
‎زامێكی تر ئامادەیە
.
‎چەندە ڕەشە چارەنووسمان
‎ژینی ئێمە هەر خوێناوە
‎كام نەتەوە بە هێندەی كورد
‎شەهیدی بۆ خاكی داوە ؟
.
‎كوردی بێكەس لەم دنیایە
‎بێ لە خودا كێ شك ئەبات
‎خۆ ئەوەتا هەتا ئێستاش
‎باجی كوردبوونی خۆی ئەدات
.
‎چەندە سەیرە ئەم قەدەرە
‎پێش ئەوەی كە قیامەت بێ
‎خۆری هیوا لە ڕۆژئاوا
‎ئاوا نابێ، بەڵكو هەڵدێ
.
‎ئێمە كوردی خۆڕاگرین
‎سەر بۆ دوژمن نەوی ناكەین
‎كوردبوونمان گەر تاوانیش بێ
‎شانازییە لێی ڕاناكەین
.
‎سەروەت تۆفیق

بەردەوام بە لە خوێندنەوە

هەواڵەکان

مەروان حەمە خورشید: وەک ھاوسۆزی بۆ کوردانی ڕۆژئاوا کۆنسێرتێکی تورکیام ڕەتکردەوە

خێزان

هونەرمەند مەروان حەمە خورشید رایدەگەیەنێت کە وەک ھاوسۆزی بۆ کوردانی ڕۆژئاوا کۆنسێرتێکی تورکیایی ڕەتکردەوەتەوە.

مەروان حەمە خورشید ڕایگەیاندووە”لە بەرامبەر داگیرکاری پارچەکەی تری وڵات  بانگھێشتی کۆنسێرتێکی گەورەی لە تورکیامان رەت کردەوە و ھاو خەمی بۆ براو و خوشکانی کوردی ڕۆژئاوا دەردەبڕین و بڕیارماندا بەشداری ئەو کۆنسێرتەی تورکیا نەکەین”

بەپێی بانگێشتنامەکە بڕیارە کۆنسێرتەکە لە ١٥ی تشرینی یەکەم لە شاری دیاربەکر بەڕێوە بچێت.

مەڕوان حەمە خورشید  ساڵی ١٩٧٨ لە شاری سلێمانی لەدایک بووە یەکێکە لە دیارترین ئەو ھونەرمەندانەی لە بواری ھونەری ئیسلامیدا کاردەکات و ناوبانگێکی زۆری ھەیە.

 

بەردەوام بە لە خوێندنەوە

کوردستان