ئێمە لە تۆرە کۆمەڵایەتیەکان

ئابوری

لەوانەیە عێراق موچەی پێشمەرگە سەربەخۆ بنێرێت

خەڵك- بەشی هەواڵ

حكومەتی عێراق ئامادەی دەربڕیووە بڕێك لە پارەی هێزە چەكدارەكانی عێراق راستەوخۆ بۆ پێشمەرگە بنێرێت، بەمەرجێك ژمارەی راستەقینەی پێشمەرگە بدرێت بە بەغداد.

بەپێی زانیارییەكان جۆرێك لە رێكەوتن لە نێوان هەرێم و بەغداددا كراوە بۆ دابینكردنی بڕێك پارە بۆ پێشمەرگە كە راستەوخۆ دابین بكرێت و پەیوەست نەكرێت بە موچەی فەرمانبەرانەوە، كە بڕەكەی نزیكەی 67 ملیار دینارە.

ناسر هەركی، ئەندامی لیژنەی ئاسایش و بەرگری پەرلەمانی عێراق بە (خەڵك)ی راگەیاند، گفتوگۆ دەكرێت بۆ ئەوەی موچەی پێشمەرگە لە هێزی پیادەی عێراقەوە دابین بكرێت، بەڵام تائێستا بەغداد رەزامەندی دەرنەبڕیووە.

وتیشی”لیژنەی دارایی و ئابوری راپۆرتی كۆتایی پێشكەش دەكەن و پاشانیش گفتوگۆی هەمەلایەنە لەسەر رەشنوسی بودجە دەكرێت”.

ناوبراو سەبارەت بە لابردنی پاشەكەوتی موچەی پێشمەرگە لەحاڵەتی دابین كردنی ئەو بڕە پارەیەدا رونیكردەوە، كە ئەوان دڵنیانین حكومەتی عێراق دابین بكات و لە حاڵەتی پێدانی ئەو پارەیەشدا هەرێم پێویستی بە پارەی زیاترە بۆ هەڵوەشانەوەی تەواوی پاشەكەوت.

حكومەتی هەرێم مانگانە پێویستی بە 156 ملیار دینارە بۆ موچەی پێشمەرگە، هەرچەندە زیاتر لە ساڵێكە پاشەكەوت لە موچەكانیان دەكات و پلەدارەكان نزیكەی نیوەی موچەكانیان وەردەگرن.

ئابوری

“دوای پێكھێنانی كابینەی نوێ پڕۆژەی شەقامی 100 مەتری سلێمانی جێبەجێ دەكرێت”

خەڵك – بەشی هەواڵ

لیژنەی تایبەت بە پڕۆژەی شەقامی 100 مەتری سلێمانی ڕاپۆرتی خۆی لەسەر پڕۆژەكە ئاڕاستەی ئەنجومەنی وەزیران دەكات.

ئـازاد ڕەسوڵ بەڕێوەبەری فەرمانگەی شەقامی 100 مەتری سلێمانی ڕایگەیاند، ئەو لیژنەیەی بۆ ئامادەكردنی ڕاپۆرتێك لەسەر شەقامی 100 مەتری سلێمانی پێكھێنرابوو، ڕاپۆرتەكەی تەواو كردووە و پێشكەش بە جێگری سەرۆكی حكومەتی كردووە و دوای لێكۆڵێنەوە لە ڕاپۆرتەكە وەڵامی لیژنەكە دەدرێتەوە.

ئـازاد ڕەسوڵ وتیشی، جێبەجێكردنی پڕۆژەكە دەكەوێتە دوای پێكھێنانی كابینەی نوێی حكومەتی ھەرێم، لە ڕاپۆرتەكەدا چەند ئەلتەرناتیڤێك لەسەر دەرخستەی پڕۆژەكە ئامادەكراوە، كام لەو ئەلتەرناتیڤانە لە توانای دارایی حكومەتدا بێت ئەوەیان جێبەجێ دەكرێت.

بەردەوام بە لە خوێندنەوە

ئابوری

“ژمارەیەك كۆمپانیای نەوتیی لە عیراق گەندەڵن و پاڵپشتی تیرۆر دەكەن”

خەڵك – بەشی هەواڵ

ئەندامێكی ئەنجومەنی نوێنەرانی عیراق ڕایدەگەیەنێت، ژمارەیەك كۆمپانیای نەوتيی لە عیراق گەندەڵن و پاڵپشتی تیرۆر دەكەن.

سادق سڵێتی ئەندامی ئەنجومەنی نوێنەرانی عیراق ژمارەیەك لەو كۆمپانیا نەوتییانەی لەعیراق كاردەكەن تۆمەتبار كرد بە گەندەڵیی و بەهەدەردانی سامانی گشتی و پشتیوانی كردنی تیرۆر.

سڵێتی ڕایگەیاند، لیژنەی نەوت و وزە و سەرچاوە سروشتییەكانی ئەنجومەن بەنیازی بەدواداچوونە بۆ ئەدای وەزارەتی نەوت و بەدواداچوونی گومانی گەندەڵیی لەڕێگەی داواكردنی زانیاری و پرسیاری پەرلەمانی و بانگهێشتكردنی بەردەوامی لێپرسراوانی باڵای وەزارەتی نەوت.

ناوبراو ڕوونیشیكردەوە، بەردەوامن لەبەدواداچوونی دۆسیەی پێشێلكارییەكان و گەندەڵیی و بەهەدەردانی پارەی گشتی بەتایبەت گرێبەستی كۆمپانیای عەرەبی و كۆمپانیای بارهەڵگرەكانی نەوت كە داشكاندنیان لەنرخ بۆ كراوە و ئەوە بووەتە هۆی بەهەدەردانی پارەیەكی زۆر.

بەردەوام بە لە خوێندنەوە

ئابوری

ڕاستەوخۆ پارەكە خەرج دەكرێت
سبەینێ‌ وەرگرتنی گەنم لە جوتیاران دەستپێدەكات

خەڵك – بەشی هەواڵ
بەڕێوەبەری سایلۆی سلێمانی ڕایدەگەیەنێت، سبەی دەست بە وەرگرتنی گەنمی جوتیاران لە سنوری سلێمانی دەكەن و جگە لە كەلار لە سەرجەم سایلۆكان گەنم وەردەگرن، دەشڵێت: “بەزارەكی بەڵێنمان پێدراوە لەدوای دوو هەفتە، عیراق پارەی گەنمی جوتیاران ڕەوانە بكات”.

محەمەد حەسەن ڕەسوڵ، بەڕێوەبەری سایلۆی سلێمانی بە (خەڵك)ی ڕاگەیاند، سبەی یەك شەممە 16ی حوزەیران لە سنوری پارێزگای سلێمانی بەهەردوو ئیدارەكە و پارێزگای هەڵەبجە دەست بە وەرگرتنی گەنمی جوتیاران دەكرێت.

وتیشی، “جگە لە كەلار بە هۆی بوونی كێشە لە كشتوكاڵ، سەرجەم سایلۆكانی پیرەمەگرون و چەمچەماڵ و ڕانیە و سەیدسادق گەنم وەردەگرن و تا بڕی دیاریكراو گەنم وەرنەگیرێت پڕۆسەكە بەردەوام دەبێت”.

ڕاشیگەیاند، نووسراومان بۆ عیراق كردووە بۆ ئەوەی لە هەڵەبجەش بنكە بكرێتەوە، ئەگەر ڕەزامەندی هاتەوە ئەوانیش دەتوانن لەوێ گەنمەكەیان تەسلیم بكەن، ئەگەرنا دەبێت ڕەوانەی سایلۆی سەیدسادق-ی بكەن.

ئاشكراشیكرد، هەرچەندە بە فەرمی و نووسراو بەدەستمان نەگەیشتووە، بەڵام بە زارەكی بەڵێنمان پێدراوە لەدوای دوو هەفتە لە كۆتایی پڕۆسەی وەرگرتن، پارەی جوتیارانی هەرێم لە لایەن عیراقەوە ڕەوانە دەكرێت وەك ئەوەی لە ناوەڕاست و خوارووی عیراق بەوشێوە بوو.

بڕیارە بۆ ئەمساڵ، عیراق 100 ھەزار تۆن لە ھەولێر و 112 ھەزار تۆن لە دھۆك و 80 ھەزار تۆن گەنم لە سلێمانی و 20 ھەزار تۆن لە ھەڵەبجە و 28 ھەزار تۆن گەنم لە گەرمیان وەربگیرێت، كۆی گشتیش دەكاتە 340 ھەزار تۆن.

بەردەوام بە لە خوێندنەوە

کوردستان