ئێمە لە تۆرە کۆمەڵایەتیەکان

کوردستان

شاناز ئیبراهیم ئەحمەد تێچووی دروستكردنی خانووی بۆ موبارەك و براكەی گرتەئەستۆ

خەڵك- بەشی هەواڵ

شاناز ئیبراهیم ئەحمەد، تێچووی دروستكردنی دوو خانووی بۆ هەریەك لە موبارەك شەریف و براكەی گرتە ئەستۆ، كە دوو خاوەن پێداویستی تایبەتن.

لە راگەیەندراوێكدا كە كۆپیەكی بۆ (خەڵك) نێردراوە، نوسینگەی ناوبراو نوسیویەتی”دوای بڵاو بوونەوەی هەواڵی خراپی گوزەران و شوێنی نیشتەجێبوونی دوو برای خاوەن پێداویستی تایبەت بەناوەكانی ( موبارەك شەریف ) و ( فەرهاد شەریف ) لە شارۆچكەی تاسڵوجەی سەر بەشاری سلێمانی ، خاتوو شاناز ئیبراهیم ئەحمەد بڕیاریدا كە تێچووی دروستكردنی دوو خانووی شایستە بەژیان بۆ هەردوو خێزانی ( موبارەك شەریف و فەرهاد شەریف ) بگرێتە ئەستۆی خۆی.”

هەر لە راگەیەندراوەكەدا هاتووە”لەو چوارچێوەیەش لەسەر راسپاردەی خاتوو شاناز ئیبراهیم ئەحمەد ، دەست بەجێ بڕیاردرا تا ئەو كاتەی ماڵێكی شایستە بەژیانیان بۆ بونیاد دەنرێت ، شوێنی مانەوەیان بۆ هەردوو خێزانەكە دابینكرێت تا بە شكۆوە دوور لە میحنەتی ژیان و سەرماو سۆڵەی بەكاریگەری ئەم وەرزە ، خێزانی ( مووبارەك شەریف و فەرهاد شەریف ) تێیدا بژین.”

لە بەشێكی تری راگەیەندراوەكەدا هاتووە”لە ئێستادا لەسەر راسپاردەی خاتوو شاناز ئیبراهیم ئەحمەد ، هەموو رێكارێك گیراوەتەبەر تا بەزووترین كات ، ماڵێكی شایستە بە ژیان بۆ هەردوو خانەوادەی (مووبارەك شەریف و نورەدین شەریفی ) برای لەشارۆچكەی تاسڵوجەی سەربەشاری سلێمانی بۆ دروستبكرێت .”

سەرچاوەیەك لە نوسینگەی ناوبراوەوە بە (خەڵك)ی راگەیاند، شاناز ئیبراهیم ئەحمەد بەپێی توانا، خۆی بە بەرپرسیار دەزانێت بۆ ئاوڕدانەوە لە خەڵكی هەژار و خاوەن پێداویستی تایبەت و بێ‌ دەرەتان و بەردەوامیش دەبێت لە هاوكاریكردنیان.

سەرچاوەكە وتیشی”موبارەك و براكەی و خێزانەكەیان لەسەر ئەركی شاناز خان دەبرێنە دوو شوقەی شایستە و تا تەواوبوونی خانوەكانیان دەمێننەوە و پاشان شوێنی پێویستیان بۆ دابین دەكرێت”.

ئەو سەرچاوەیەك كە نەیوست ناوەكەی بڵاوبكرێتەوە، رونیكردەوە كە ئەوە ئەركی حكومەتەوە”بەڵام لەبەرئەوەی حكومەت بە ئەركی خۆی هەڵناسێت، ناچار شانازخان بەشێك لەو بەرپرسیارەتیەی هەڵگرتووە”.

کوردستان

لافاو، ڕێڕەوی هاتوچۆی پێنجوێن-سلێمانی گۆڕی

خەڵك-بەشی هەواڵ

قائیمقامی پێنجوێن ڕایدەگەیەنێت، لافاوی ئەمجارە پردێكی ناوچەكەی بردووە و كاركردن لە پردە سەرەكییەكەش بەردەوامە.

زانا ڕەحمان قائیمقامی پێنجوێن بە (خەڵك)ی ڕاگەیاند، بەهۆی ئەو شەپۆلە بەرفراوانەوە تا ڕادەیەكی زۆر پێنجوێن لە ڕووی گیانی و مادییەوە سەلامەت بووە.
وتیشی”لافاو پردی چەمی چەقانی لەگەڵ خۆی بردووە كە قەزای پێنجوێن و سەیدسادق و سلێمانی بەیەكەوە دەبەستێتەوە، و ئێستا ئاستەنگی هاتوچۆ لەو ڕێگایەوە بۆ شۆفێران دروست بووە، لە ئێستاشدا ڕێگایەكی دیكە بۆ هاتوچۆ بەكاردەهێنرێت”.

سەبارەت بە دروستكردنی پردێكی هەمیشەییەیی بۆ بەستنەوەی پێنجوێن بە پارێزگەی سلێمانییەوە ناوبراو ڕایگەیاند، پردە هەمیشەییەكە خەریكی كاركردنن تێیدا هەرچەندە بەهۆی قەیرانی داراییەوە ڕاوەستابوو، بەڵام ئەمساڵ كاركردن تێیدا بەردەوامە و بەهۆی وەرزی باران بارینەوە دەستیان لێهەڵگرت و ئومێد دەكەین دوای ئەم وەرزە تەواو بكرێت و بێ كێشە بێت.

ئاشكراشیكرد، هیچ خانوویەك لە قەزاكە ئاو نەچوەتە ناویەوە و هەموو هاووڵاتیان سەلامەتن.

بەردەوام بە لە خوێندنەوە

کوردستان

تەڤگەری ئازادی: دەبێت پۆستی سەرۆكی هەرێم تەشریفاتی بێـت

خەڵك- بەشی هەواڵ

تەڤگەری ئازادیی كۆمەڵگای كوردستان ڕایگەیاند “داوا دەكەین كە سیستەمی سیاسی هەرێم سیستەمێكی پەرلەمانی بێت. واتە بە فۆڕمی پێشووتر هەموار نەكرێتەوە و هەڵبژێردراوی وەك سەرۆكی هەرێم تەنها مافی یەك خوول سەرۆكایەتی هەبێت‌و لە هیچ باروودۆخێك گۆڕانكاری لەم بنەمایە نەكرێت”.

تەڤگەری ئازادی لە ڕاگەیەندراوێكدا ڕاشیگەیاند “ئەو دەسەڵاتە ڕەهایەی كە لە دەست سەرۆكایەتی هەرێم هەبوو، بوو بەمایەی زۆرێك لەو نەهامەتیانەی كە بەسەر گەلەكەمان هات ئەنجام دانی ڕیفراندۆم، كشانەوەی پێشمەرگە لەشنگال‌و ناوچە كێشە لەسەرەكان”.

ئاماژە بەوەش دەكات “پێمان وایە كە دەبێت سەرۆكی هەرێم لە پەرلەمانەوە هەڵبژێردرێت چونكە پەرلەمان ئیرادەی گەلە و دەبێت بڕیار بگەڕێتەوە بۆ گەل، سەرۆكی هەرێم دەسەڵاتەكانی دیاری كراو بێت و پۆستێكی تەشریفاتی بێت بۆ پڕۆتۆكۆل و بۆنە نیشتیمانی و سیاسی و كۆمەڵایەتییەكان”.

بەردەوام بە لە خوێندنەوە

کوردستان

سزای زیندانیكردن بۆ یازدە سیاسەتمەداری باكوری كوردستان دەرچوو

خەڵك- بەشی هەواڵ

دەسەڵاتدارانی توركیا سزای زیندانیكردنیان بۆ یازدە سیاسەتمەداری كوردی باكوری كوردستان دەركرد لە شاری وان.

ڕۆژی چوار شەممەی ڕابردوو 25 سیاسەتمەدار دەستگیركران، یازدە لەوان بڕیاری زیندانیكردنیان بۆ دەرچوو.

ئەو سیاسەتمەدارانە بریتین لە “چەتین ئۆیار، فەیسەڵ پارلاك، بازی ئاسلان، هاكان دەمیر، ئیبراهیم ئیرماك، مەدینە توفان، مەسعود ئەرزەنگین، عەبدولستار گیونەش، رەمەزان دومان، گیورسەل یاماش و محەمەد سۆنمەز”.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان