ئێمە لە تۆرە کۆمەڵایەتیەکان

کوردستان

خەڵك؛ ڕێكەوتنی سەرۆك وەزیران و یەكێتی لەسەر ئاڵای كوردستان ئاشكرادەكات

خەڵك- بەشی هەواڵ
میدیا عیراقیەكان دەڵێن: “یەكێتی نیشتمانیی كوردستان بڕیاری دا بە داگرتنی ئاڵای كوردستان لە بارەگا حزبییەكانی لە كەركوك و تەنها لەسەر بارەگای مەكتەبی سیاسی دەمێنێتەوە” سەرچاوەیەكی سەرۆكایەتی كۆماریش ئاشكرای دەكات، كە كێشەكە چارەسەر كراوە.

میدیاكانی عیراق بڵاویانكردەوە، كە یەكێتیی نیشتمانیی كوردستان بڕیاری داوە بە داگرتنی ئاڵای كوردستان لەسەر بارەگا حزبیەكانی لە پارێزگای كەركوك و تەنها لەسەر باڵەخانەی مەكتەبی سیاسی دەمێنێتەوە.

لای خۆشیەوە، سەرچاوەیەكی باڵا لە سەرۆكایەتی كۆماری عیراق بۆ (خەڵك) ئاشكرای كرد، كە لە گفتوگۆی سەرۆك كۆمار و سەرۆك وەزیران لەلایەك و هەروەها كۆبوونەوەی فراكسیۆنی یەكێتی و سەرۆك وەزیران ئەو كێشەیە چارەسەر كراوە و هیچ ئاستەنگێكی نەماوە.

وتیشی، “ڕێكەوتن كراوە، كە یەكێتی ئاڵاكەی لەسەر بارەگاكانی بمێنێتەوە بەو مەرجەی هیچ كێشەیە و ئیستفرازێك دروست نەبێت و هەڵای لەسەر دروست نەكرێت”.

هەفتەی پێشوو لە 9-1-2019 لە گەڕەكی ئیمام قاسم لە كەركوك، یەكێتی ئاڵای لەسەر بارەگاكانی هەڵكرد و ئەوەش ناڕەزایی لایەنە توركمانی و عەرەبەكانی لێ‌ كەوتەوە و عادل عەبدولمەهدی، سەرۆك وەزیرانی عیراق لە پەیامێكدا داوای كرد ئەو ئاڵایە دابگیرێت بەوپێیەی ناوچەی جێناكۆكە.

ئابوری

“دوای پێكھێنانی كابینەی نوێ پڕۆژەی شەقامی 100 مەتری سلێمانی جێبەجێ دەكرێت”

خەڵك – بەشی هەواڵ

لیژنەی تایبەت بە پڕۆژەی شەقامی 100 مەتری سلێمانی ڕاپۆرتی خۆی لەسەر پڕۆژەكە ئاڕاستەی ئەنجومەنی وەزیران دەكات.

ئـازاد ڕەسوڵ بەڕێوەبەری فەرمانگەی شەقامی 100 مەتری سلێمانی ڕایگەیاند، ئەو لیژنەیەی بۆ ئامادەكردنی ڕاپۆرتێك لەسەر شەقامی 100 مەتری سلێمانی پێكھێنرابوو، ڕاپۆرتەكەی تەواو كردووە و پێشكەش بە جێگری سەرۆكی حكومەتی كردووە و دوای لێكۆڵێنەوە لە ڕاپۆرتەكە وەڵامی لیژنەكە دەدرێتەوە.

ئـازاد ڕەسوڵ وتیشی، جێبەجێكردنی پڕۆژەكە دەكەوێتە دوای پێكھێنانی كابینەی نوێی حكومەتی ھەرێم، لە ڕاپۆرتەكەدا چەند ئەلتەرناتیڤێك لەسەر دەرخستەی پڕۆژەكە ئامادەكراوە، كام لەو ئەلتەرناتیڤانە لە توانای دارایی حكومەتدا بێت ئەوەیان جێبەجێ دەكرێت.

بەردەوام بە لە خوێندنەوە

کوردستان

“ئەنجومەنی وەزیران وەڵامی ڕاپۆرتێكی كەركوكییەكان ناداتەوە”

خەڵك – بەشی هەواڵ

ماوەی سێ مانگە ئەنجومەنی وەزیرانی عیراق وەڵامی راپۆرتی لیژنەی چارەسەركردنی كێشە كشتوكاڵییەكانی كەركوكی نەداوەتەوە، ئەندامێكی ئەنجومەنی نوێنەرانیش گومانی لە پەراوێزخستنی راپۆرتەكە ھەیە.

لەوبارەیەوە، جەمال شكور ئەندامی ئەنجومەنی نوێنەرانی عیراق ڕایگەیاند، سێ مانگ لەمەوبەر لیژنەی چارەسەری كێشە كشتوكاڵییەكانی كەركوك كەنوێنەری سەرجەم پێكھاتەكانی كەركوك و لایەنە پەیوەندیدارەكانی تێدابوو، ڕاپۆرتی خۆی ئاراستەی سەرۆكی ئەنجومەنی وەزیرانی عیراق، بەڵام تا ئێستا وەڵامی ڕاپۆرتەكە نەدراوەتەوە.

ڕوونیشیكردەوە سەرجەم پێكھاتەكانی كەركوك كۆكبوون لەسەر ڕاپۆرتی لیژنەكە بۆ چارەسەری كێشە كشتوكاڵییەكانی كەركوك، بۆیە داوا لەسەرۆكی ئەنجومەنی وەزیران دەكەن بەزووترین كات بڕیار لەوبارەیەوە بدات.

جەمال شكور وتیشی، گومانیان ھەیە ئەو ڕاپۆرتەی ئاراستەی سەرۆك وەزیرانی عیراق كراوە، ھاوشێوەی ڕاپۆرتی لیژنەكانی پێشووتر پەراوێز بخرێت.

بەردەوام بە لە خوێندنەوە

کوردستان

بەوێنە؛ ئۆتۆمبێلێك لەسەر پردێكی نزیك سلێمانی كەوتەخوارەوە

خەڵك- بەشی هەواڵ
بەڕێوەبەرایەتی هاتووچۆی دەربەندیخان ئاشكرای دەكات، كە ئۆتۆمبێلێك لەسەر ڕێگای كەلار- دەربەندیخان لە پردی (قەترە)ەوە كەوتۆتە خوارەوە.

بەڕێوەبەرایەتی هاتووچۆی دەربەندیخان لە ڕاگەیەندراوێكدا ئاماژەی بەوەكردووە، نیوەڕۆی ئەمڕۆ شەممە 15ی حوزەیران، ئۆتۆمبێلێك لە جۆری (نیسان سێنترا) دوای لەدەستدانی كۆنتڕۆڵ لەسەر پردی (قەترە) كە دەكەوێتە سەر ڕێگای گشتی كەلار- دەربەندیخان كەوتۆتە خوارەوە.

ڕاشیگەیاندووە، شۆفێرەكەی بە سووكی بریندارە بووە.

بەردەوام بە لە خوێندنەوە

کوردستان