ئێمە لە تۆرە کۆمەڵایەتیەکان

عێراق

عیراق و ئێران پەیوەندییەكانی نێوان كەرتی وزەی هەردوو وڵات پەرەپێدەدەن

خەڵك – بەشی هەواڵ

سەرۆك كۆماری عیراق و وەزیری نەوتی كۆماری ئیسلامی ئێران بەرزكردنەوەی ئاستی هاریكاری دووقۆڵی نێوان هەردوو وڵاتیان لە بواری نەوت و وزەدا بە گرنگ زانی.
ئێوارەی رۆژی پێنج شەممە، د. بەرهەم ساڵح سەرۆك كۆماری عیراق لە كۆشكی سەلام لە بەغداد پێشوازیكرد لە بیژەن زەنگەنە وەزیری نەوتی كۆماری ئیسلامی ئێران و وەفدی یاوەری.
لەم سەردانەی وەزیری نەوتی ئێراندا گفتوگۆ كرا دەربارەی پەرەپێدانی پەیوەندییەكانی هەردوو وڵات لەكەرتی نەوت و وزەدا، لەوبارەیەوە بەرزكردنەوەی ئاستی هاریكاری دووقۆڵی نێوان عیراق و ئێران لە بواری نەوت و وزەدا بە گرنگ زاندرا.

ئابوری

“ژمارەیەك كۆمپانیای نەوتیی لە عیراق گەندەڵن و پاڵپشتی تیرۆر دەكەن”

خەڵك – بەشی هەواڵ

ئەندامێكی ئەنجومەنی نوێنەرانی عیراق ڕایدەگەیەنێت، ژمارەیەك كۆمپانیای نەوتيی لە عیراق گەندەڵن و پاڵپشتی تیرۆر دەكەن.

سادق سڵێتی ئەندامی ئەنجومەنی نوێنەرانی عیراق ژمارەیەك لەو كۆمپانیا نەوتییانەی لەعیراق كاردەكەن تۆمەتبار كرد بە گەندەڵیی و بەهەدەردانی سامانی گشتی و پشتیوانی كردنی تیرۆر.

سڵێتی ڕایگەیاند، لیژنەی نەوت و وزە و سەرچاوە سروشتییەكانی ئەنجومەن بەنیازی بەدواداچوونە بۆ ئەدای وەزارەتی نەوت و بەدواداچوونی گومانی گەندەڵیی لەڕێگەی داواكردنی زانیاری و پرسیاری پەرلەمانی و بانگهێشتكردنی بەردەوامی لێپرسراوانی باڵای وەزارەتی نەوت.

ناوبراو ڕوونیشیكردەوە، بەردەوامن لەبەدواداچوونی دۆسیەی پێشێلكارییەكان و گەندەڵیی و بەهەدەردانی پارەی گشتی بەتایبەت گرێبەستی كۆمپانیای عەرەبی و كۆمپانیای بارهەڵگرەكانی نەوت كە داشكاندنیان لەنرخ بۆ كراوە و ئەوە بووەتە هۆی بەهەدەردانی پارەیەكی زۆر.

بەردەوام بە لە خوێندنەوە

عێراق

عیراق.. بنكەیەكی سەربازیی ڕاوێژكارانی ئەمریكا پەلامار درا

خەڵك – بەشی هەواڵ

شانەی ڕاگەیاندنی ئەمنی عیراق بڵاویكردەوە، لە پارێزگای سەڵاحەدین سێ‌ گوللە هاوەن ئاڕاستەی بنكەی سەربازی (بەلەد) كراوە كە ڕاوێژكارە ئەمریكاییەكان تێیدا دەمێننەوە.

شانەی ڕاگەیاندنی ئەمنی عیراق لە ڕاگەیەندراوێكدا ئاشكرایكرد، بەرەبەیانی ئەمڕۆ شەممە 15/6/2019، لە پارێزگای سەڵاحەدین سێ گوللە هاوەن نراوە بە بنكەی سەربازی “بەلەد”ی ئاسمانی كە بەشێكی هێزەكانی سوپا و ڕاهێنەر و ڕاوێژكارە ئەمریكاییەكانی لێ جێگیركراوە.

لە ڕاگەیەندراوەكەدا ئەوەشخراوەتەڕوو، بەهۆی پەلامارەكەوە ئاگر لەپوش و پەڵاشی نێو بنكەكە كەوتۆتەوە، بەڵام هیچ زیانێكی گیانی نەبووە.

بەردەوام بە لە خوێندنەوە

عێراق

یەكێتی وەزارەتێك وەردەگرێت
پەڕلەمان دەنگ لەسەر تەواوكاری كابینە وزارییەكە دەدات

خەڵك- بەشی هەواڵ
هەرچەندە تا ئێستا بەهۆی ململانێی حزبەكانەوە 4 وەزارەتی حكومەتی عیراق بە بەتاڵی ماونەتەوە، بەڵام دوای هۆشدارییەكەی سەرۆك وەزیران، حزبەكان كەوتوونەتەخۆیان بۆ ڕێككەوتن لەسەر كاندیدەكان و پەڕلەمانتارێكی یەكێتی-ش دەڵێت: “وەزارەتی داد پشكی ئێمەیە”.

ئەمڕۆ شەممە 15ی حوزەیران، پەڕلەمانی عیراق كۆبووەوە و محەمەد حەلبوسی، سەرۆكی پەڕلەمان ڕایگەیاند، لە كۆبوونەوەكانی داهاتوودا و تا كۆتایی ئەم وەرزەی یاسادانان دەنگ لەسەر تەواوكاری كابینە وەزارییەكە دەدەین و كۆتایی بە بەڕێوەبردنی وەزارەتەكان بە وەكالەت دەهێنین.

بەخیتار شاوێس، ئەندامی پەڕلەمانی عیراق لە فراكسیۆنی یەكێتی بۆ (خەڵك) وتی، “دەبێت لە هەفتەی داهاتوودا وەزارەتە بەتاڵەكانی حكومەتی عیراق پڕبكرێنەوە”.

سەبارەت بە ڕێككەوتنی یەكێتی و پارتی لەسەر وەزارەتی داد ڕاشیگەیاند، كە یەكێتی و پارتی ڕێككەوتنیان كردووە، كە وەزارەتی داد پشكی یەكێتییە، بەڵام تا ئێستا كاندیدی وەزارەتەكە دیاری نەكراوە.

پێشتر، كەریم علێوی، ئەندامی پەڕلەمانی عیراق لە هاوپەیمانی فەتح ڕایگەیاندبوو، عادل عەبدولمەهدی، سەرۆك وەزیرانی عیراق سەرجەم حزب و كوتلە سیاسییەكانی ئاگاداركردۆتەوە، كە چاوەڕێی كاندیدەكانیان دەكات بۆ پڕكردنەوەی وەزارەتە بەتاڵەكان و بۆ ئەوەش ماوەی تا 20ی ئەم مانگەی بۆ دیاری كردوون.

لە 25ی ئەیلولی ساڵی ڕابرووەوە پەڕلەمانی عیراق دەنگی داوە لەسەر پەسەندكردنی كابینە وزارییەكەی عادل عەبدولمەهدی و متمانەی بە 14 وەزیر داوە، بەڵام بەهۆی ناكۆكی لایەنە سیاسییەكانەوە تا ئێستا پۆستی وەزارەتەكانی (بەرگری و ناوخۆ و پەروەردە) و بەهۆی ڕێكنەكەوتنی یەكێتی و پارتی-شەوە پۆستی وەزارەتی (داد) پڕنەكراونەتەوە و بە بەتاڵی ماونەتەوە.

بەردەوام بە لە خوێندنەوە

کوردستان