ئێمە لە تۆرە کۆمەڵایەتیەکان

ناوخۆیی

بۆچی هه‌ڵبژارده‌ی عیراق له‌یه‌که‌م رووبه‌ڕوبونه‌وه‌ی جامی ئاسیا لاواز ده‌رکه‌وت؟ به‌شار ڕوسن وه‌ڵام ده‌داته‌وه‌…

خه‌ڵک سپۆرت

به‌شار ڕوسن یاریزانی هه‌ڵبژارده‌ی عیراق هۆکاری هه‌ڵه‌ به‌رده‌وامه‌کانی هێڵی به‌رگری و ناوه‌ندی هه‌ڵبژارده‌ی عیراق ئاشکرا ده‌کات به‌رامبه‌ر هه‌ڵبژارده‌ی ڤێتنام.

به‌شار ڕوسن، یاریزانی هه‌ڵبژارده‌ی عیراق ده‌رباره‌ی ئاستی هه‌ڵبژارده‌که‌ له‌ یه‌که‌م ڕووبه‌ڕوبونه‌وه‌دا به‌رامبه‌ر ڤێتنام به‌ ماڵپه‌ری “کوره‌”ی ڕاگه‌یاندووه‌ :” یاریزانانی هه‌ڵبژارده‌ی عیراق له‌سه‌ره‌تاوه‌ له‌و تاکتیکه‌ نوێیه‌ تێنه‌گه‌یشتن که‌ ڕاهێنه‌ر دایڕشتبوو، بۆیه‌ چه‌ند هه‌ڵه‌یه‌ک ڕوویدا، به‌ڵام گرنگ ئه‌وه‌یه‌ توانیمان ئه‌نجامه‌که‌ به‌سه‌ر ڕکابه‌ره‌که‌ماندا پێچه‌وانه‌ بکه‌ینه‌وه‌، توانیمان که‌سایه‌تی ڕاسته‌قینه‌ی شێره‌کانی ڕافیده‌ین نیشان بده‌ین”.

هه‌روه‌ها ده‌ڵێت :” بردنه‌وه‌ له‌ یه‌که‌م یارییدا له‌ڕووی ده‌رونیه‌وه‌ سودی گه‌وره‌ی پێگه‌یاندین، له‌ئێستادا هه‌ست به‌ ئارامی ده‌که‌ین، پێموابێت گه‌یشتن به‌ قۆناغی داهاتو نزیکه‌، ئێمه‌ وه‌ک یاریزانان په‌رۆشین بۆ به‌دیهێنانی خه‌ونی هانده‌رانمان که‌ زۆر به‌هێزه‌وه‌ پاڵپشتییان کردین”.

هه‌ڵبژارده‌ی عیراق یه‌کێکه‌ له‌ هه‌ڵبژارده‌ گه‌وره‌ و به‌هێزه‌کانی ئاسیا، به‌ڵام له‌ یه‌که‌م ڕووبه‌روبونه‌وه‌دا به‌رامبه‌ر هه‌ڵبژارده‌ی ڤێتنام دووچاری ئاسته‌نگی هات، له‌ تایمی یه‌که‌مدا به‌هۆی هه‌ڵه‌ی به‌رده‌وامی هێڵی به‌رگری و ناوه‌نده‌وه‌ دوو گۆڵیان له‌سه‌ر تۆمار کرا، به‌ڵام به‌هه‌ر شێوه‌یه‌ک بێت له‌ کۆتا ساته‌کانی یارییه‌که‌دا توانیان ئه‌نجامه‌که‌ بۆ سێ گۆڵ به‌رامبه‌ر دووان پێچه‌وانه‌ بکه‌نه‌وه‌ و یه‌که‌م سه‌رکه‌وتن تۆمار بکه‌ن.

به‌هۆی ئه‌و ئاسته‌ چاوه‌ڕوان نه‌کراوه‌وه‌ شاره‌زایان ڕه‌خنه‌ی توندیان ئاڕاسته‌ی سریچکۆ کاتانیچی ڕاهێنه‌ر کرد که‌ له‌م پاڵه‌وانێتیه‌ ستایلێکی یاریی کردنی نوێی به‌ یاریزانانی عیراق جێبه‌جێ کرد‌، زۆرینه‌ی سه‌رچاوه‌کان پێیان وابوو یاریزانان له‌ ورده‌کاریه‌کانی تێنه‌گه‌یشتون و گۆڕانکاریه‌کی ڕیشه‌یی له‌ شێوه‌ یاریی کردنی عیراقدا کردووه‌ له‌کاتێکدا ئاماده‌کارییه‌کان له‌ماوه‌یه‌کی کورتدا ئه‌نجامدراون و به‌و کاته‌ که‌مه‌ مه‌حاڵه‌ بتوانرێت ستایلی یاریی کردنی هه‌ڵبژارده‌یه‌ک به‌و شێوه‌یه‌ گۆڕانکاری گه‌وره‌ی تێدا بکرێت.

ناوخۆیی

ورده‌كاری به‌رێوه‌چوونی پاڵه‌وانێتی گۆره‌پان و مه‌یدانی یانه‌كانی كوردستان

سلێمانی -هه‌رێز جه‌مال

پاش چه‌ندین ساڵ وه‌ستان له‌ چالاكیه‌ وه‌رزشیه‌كانی كوردستان به‌هۆی قه‌یرانی دارایی ،جارێكی تر چالاكیه‌ وه‌رزشیه‌كان له‌ لایه‌ن یه‌كێتییه‌ وه‌رزشیه‌كانی سه‌ر به‌ لیژنه‌ی ئۆلۆمپی كوردستان ده‌ستپێده‌كاته‌وه‌.

یه‌كێتی ناوه‌ندی گۆره‌پان و مه‌یدانی كوردستانیش یه‌كه‌م چالاكی سه‌رتاسه‌ری له‌ رۆژی 26-4-2019 له‌ شاری سلێمانی به‌ پاڵه‌وانێتییه‌كی كراوه‌ بۆ سه‌رجه‌م یانه‌كانی كوردستان به‌رێوه‌ده‌بات .

یانه‌كان له‌ ئێستادا سه‌رقاڵی نووسراوی فه‌رمین راده‌ستی یه‌كێتییه‌كه‌ی بكه‌ن تاوه‌كو ئاماده‌ی خۆیان له‌و پاڵه‌وانێتییه‌ پیشان بده‌ن كه‌ به‌ پێی رێنماییه‌كانی لیژنه‌ی ئۆلۆمپی كوردستان هه‌ر پاڵه‌وانێتییه‌كی وه‌رزشی نابێت له‌ شه‌ش یانه‌ كه‌متری تێدا بێت .

پاڵه‌وانێتییه‌كه‌ ماوه‌ی یه‌ك رۆژ درێژه‌ ده‌كێشێت و چاوه‌ڕوان ده‌كرێت چه‌ندین یانه‌ له‌ ته‌واوی شاره‌كانی كوردستانه‌وه‌ به‌شداری تێدا بكه‌ن .

بەردەوام بە لە خوێندنەوە

ناوخۆیی

یه‌كێتى تۆپی پێی كوردستان بڕیار و راسپارده‌ى نوێی ده‌ركرد

یه‌كێتى تۆپی پێی كوردستان

دوێنێ شه‌ممه‌ 2019/3/2 به‌ ئاماده‌بوونى سه‌رۆك و جێگر و سه‌رجه‌م ئه‌ندامه‌كانى، یه‌كێتى تۆپی پێی كوردستان له‌ باره‌گه‌ى خۆى له‌ هه‌ولێر، كۆبوونه‌وه‌ى ئاسایی خۆى كرد و ئه‌م بڕیار و راسپاردانه‌ى ده‌ركرد:

1- دواى كۆتایی هاتنى خولى نایابى فوتساڵى كچانى كوردستان وه‌رزى 2018/2019، گواستنه‌وه‌ى یاریزانان به‌ ده‌ستبه‌رداربوون (استغناء) ده‌بێت.

2- داوا له‌ نوێنه‌رانى یانه‌كانى خولى نایابى تازه‌پێگه‌یشتووانى كوردستان ده‌كه‌ین، رۆژى شه‌ممه‌ 2019/3/9 له‌ كاتژمێر 11:00 ـى پێشنیوه‌ڕۆ له‌ باره‌گه‌ى یه‌كێتى تۆپی پێی كوردستان ئاماده‌بن.

3- داوا له‌ نوێنه‌رانى یانه‌كانى خولى پله‌یه‌كى لاوانى كوردستان ده‌كه‌ین، رۆژى شه‌ممه‌ 2019/3/9 له‌ كاتژمێر 11:00 ـى پێشنیوه‌ڕۆ له‌ باره‌گه‌ى یه‌كێتى تۆپی پێی كوردستان ئاماده‌بن.

4- په‌ڵپى یانه‌ى مه‌خموور له‌سه‌ر هه‌ردوو یاریزانى یانه‌ى سێمێڵ (سه‌فوان نایف) ژماره‌ 1 و (مه‌حموود عه‌بدولسه‌لام) ژماره‌ 5 خوێندرایه‌وه‌ و به‌ مه‌به‌ستى لێكۆڵینه‌وه‌ و وردبینى بڕیاردرا به‌:
(بانگهێشتكردنى هه‌ردوو یاریزانى ناوبراو و نوێنه‌رى هه‌ردوو یانه‌ى مه‌خموور و سێمێڵ، بۆ كۆبوونه‌وه‌ى داهاتووى یه‌كێتى تۆپی پێی كوردستان له‌ رۆژى شه‌ممه‌ 2019/3/9 كاتژمێر 12:00 ـى نیوه‌ڕۆ).

5- بڕیاردرا به‌ راگرتنى ناوبژیوانى ناوه‌ڕاست (محه‌ممه‌د حه‌سه‌ن) بۆ ماوه‌ى یه‌ك مانگ، كه‌ یارى نێوان برایه‌تى و ده‌ربه‌ندیخانى له‌ خولى نایابى كوردستان به‌رێوه‌بردبوو، ئه‌مه‌یش به‌ هۆى هه‌ڵه‌كانى له‌ یارییه‌كە و هه‌ژمارنه‌كردنى گۆڵێكى دروست بۆ یانه‌ى ده‌ربه‌ندیخان، ناوبراو بۆى نییه‌ له‌م وه‌رزه‌ یارییه‌كانى خولى نایابى كوردستان به‌رێوه‌ ببات.

6- له‌ یارى نێوان برایه‌تى و ده‌ربه‌ندیخان له‌ خولى نایابى كوردستان، به‌ هۆى دووباره‌ كردنه‌وه‌ى له‌ نانه‌وه‌ى كێشه‌ و گرفت و هێرشكردنه‌ سه‌ر ناوبژیوانى یارییه‌كه‌ له‌ لایه‌ن (عادل محه‌ممه‌د) سه‌رپه‌رشتیارى تیپى تۆپی پێی یانه‌ى ده‌ربه‌ندیخان، له‌به‌ر ئه‌وه‌ى جارێكى تریش ئاگادار كراوه‌ته‌وه‌ بڕیاردرا به‌:
• راگرتنى ناوبراو به‌ ئاماده‌نه‌بوونى له‌گه‌ڵ یانه‌كه‌ى بۆ دوو یارى.
• غه‌رامه‌كردنى ناوبراو به‌ بڕى 250000 دوو سه‌د و په‌نجا هه‌زار دینار.

7- بڕیاردرا له‌ داهاتوو سزاى راگرتن و دارایی ناوبژیوانان بدرێت و بڵاویش بكرێته‌وه‌، له‌ ئه‌گه‌رى هه‌ڵه‌ و كه‌موكوڕییان له‌ به‌رێوه‌بردنى یارییه‌كان.

8- له‌ یارى نێوان شێروانه‌ و پێشمه‌رگه‌ى هه‌ولێر له‌ خولى نایابى كوردستان، به‌ هۆى ژماردنى لێدانى سزا بۆ یانه‌ى شێروانه‌ و دواتر پاشگه‌زبوونه‌وه‌یان له‌ بڕیاره‌كه‌، بڕیاردرا به‌ راگرتنى سێ هه‌فته‌ بۆ هه‌ریه‌ك له‌ (یوسف سه‌عید) ناوبژیوانى ناوه‌ڕاست و (ئه‌میر داود) یاریده‌ده‌رى ناوبژیوان.

9- به‌ هۆى كۆنترۆڵ نه‌كردنى هانده‌رانیان، ئاگادارى كۆتایی یانه‌ى شێروانه‌ ده‌كه‌ینه‌وه‌، كه‌ پێویسته‌ شوێنى چوونه‌ ژووره‌وه‌ و ده‌ره‌وه‌ى ناوبژیوان به‌ جوانى كۆنترۆڵ بكرێت، به‌ پێچه‌وانه‌وه‌ تووشى سزاى قورس ده‌بن.

10- له‌ یارى نێوان قه‌ڵادزێ و به‌ختیارى له‌ خولى یانه‌ پله‌دووه‌كانى كوردستان، به‌ هۆى ده‌ركردن و هێرشكردنه‌ سه‌ر ناوبژیوانى یارییه‌كه‌ له‌ لایه‌ن یاریزانى یانه‌ى به‌ختیارى (گۆران نه‌جمه‌ددین) ژماره‌ 21 بڕیاردرا به‌:
• راگرتنى ناوبراو بۆ ماوه‌ى سێ مانگ، له‌گه‌ڵ ده‌ستپێكى هه‌ر چالاكییه‌كى یه‌كێتى تۆپی پێی كوردستان سزاكه‌ ده‌ست پێده‌كات.
• غه‌رامه‌كردنى ناوبراو به‌ بڕى 150000 سه‌د و په‌نجا هه‌زار دینار.

11- ئاگادارى سه‌رجه‌م سه‌رپه‌رشتیارانى یارى و ناوبژیوانانى چواره‌م ده‌كه‌ینه‌وه‌، پێش ده‌ستپێكردنى یارى له‌ هه‌موو چالاكییه‌كى یه‌كێتى تۆپی پێی كوردستان، پشكنین بۆ درێسى یاریزانان بكرێت، كه‌ ده‌بێت لۆگۆى یه‌كێتییه‌كه‌مان له‌سه‌ر قۆڵى راستى یاریزانان هه‌بێت و به‌ روونى دیار بێت.

12- له‌به‌ر به‌رژه‌وه‌ندى گشتى و پێشخستنى وه‌رزشى ئافره‌تان، بڕیاردرا یارییه‌كانى خولى نایابى فوتساڵى كچانى كوردستان بۆ وه‌رزى 2018/2019 به‌ دوو قۆناغ (چوون و هاتن) ئه‌نجام بدرێت، ئه‌مه‌یش بۆ ئه‌وه‌ى زیاتر ده‌رفه‌ت به‌ یانه‌ و یاریزانه‌كان بدرێت و ژماره‌ى یارییه‌كان زیاتر بێت.

13- بریاردرا چالاكى فێرگه‌كانى تۆپی پێی كوردستان بۆ وه‌رزى 2018/2019 به‌ به‌شدارى (60) یانه‌ و ناوه‌ندى وه‌رزشى، كه‌ مۆڵه‌تى فه‌رمییان هه‌یه‌ به‌رێوه‌ بچێت.

14- ئاگادارى سه‌رجه‌م ئه‌و فێرگانه‌ى تۆپی پێی كوردستان ده‌كه‌ینه‌وه‌، كه‌ له‌ خواره‌وه‌ ناویان هاتووه‌، رۆژى شه‌ممه‌ 2019/3/9 له‌ كاتژمێر 12:00 ـى نیوه‌ڕۆ به‌ مه‌به‌ستى كۆبوونه‌وه‌ى هونه‌رى و، راكێشانى تیروپشكى پاڵه‌وانیه‌تى قوتابخانه‌كانى تۆپی پێی كوردستان، نوێنه‌ریان له‌ باره‌گه‌ى یه‌كێتییه‌كه‌مان ئاماده‌بێت.
فێرگه‌ و ناوه‌نده‌ وه‌رزشییه‌كانى تۆپی پێ ئه‌مانه‌ن:

• هه‌ولێر: (یانه‌ى جیهان، یانه‌ى كۆیه‌، یانه‌ى زانكۆى جیهان، یانه‌ى پیشه‌سازى، یانه‌ى نیشتیمان، یانه‌ى قه‌ڵا، یانه‌ى ئاڵا، ناوه‌ندى شاوێس، ناوه‌ندى بنه‌سڵاوه‌، ناوه‌ندى به‌حركه‌ و فێرگه‌ى فاستلینك)

• دهۆك: (یانه‌ى دهۆك، یانه‌ى گاره‌ و فێرگه‌ى تۆپی پێی پێرس).

• كه‌ركووك: (یانه‌ى كه‌ركووك، یانه‌ى سۆلاڤ، یانه‌ى سه‌وره‌، یانه‌ى ئه‌خا، یانه‌ى شۆریجه‌، یانه‌ى خاك، یانه‌ى چه‌مچه‌ماڵ و ناوه‌ندى شۆرش).

• سلێمانى: (یانه‌ى ئاشتى، یانه‌ى پێشمه‌رگه‌ى سلێمانى، یانه‌ى سیروانى نوێ، یانه‌ى به‌ختیارى، یانه‌ى بازیان، یانه‌ى قه‌ره‌داغ، رێكخراوى وه‌رزشى چیا و فێرگه‌ى شه‌هید ئاوات).

• هه‌ڵه‌بجه‌: (یانه‌ى هه‌ڵه‌بجه‌، یانه‌ى سیروانى شاره‌زوور، یانه‌ى پێنجوێن، یانه‌ى سه‌یدسادق، فێرگه‌ى هه‌ڵه‌بجه‌، فێرگه‌ى بڕیار، فێرگه‌ى نه‌ورۆز، فێرگەی ڕاستی، فێرگه‌ى ره‌وا، فێرگه‌ى زانكۆ، قوتابخانه‌ى تۆپی پێی ئاسۆ و فێرگه‌ى شار).

• گه‌رمیان و ده‌ورووبه‌رى: (یانه‌ى شێروانه‌، یانه‌ى رزگارى، یانه‌ى ده‌ربه‌ندیخان، یانه‌ى جه‌له‌ولا، یانه‌ى خانه‌قین، یانه‌ى كفرى، فێرگەی کەلار، فێرگه‌ى لاوانى ده‌ربه‌ندیخان (منداڵپارێز).

• رانیه‌ و ده‌ورووبه‌رى: (یانه‌ى رانیه‌، یانه‌ى پیره‌مه‌گروون، یانه‌ى ده‌روازه‌، یانه‌ى قه‌ڵادزێ، یانه‌ى ته‌ق ته‌ق، قوتابخانه‌ى تۆپی پێی هیوا، فێرگه‌ى حاجیاوه‌، ناوه‌ندى رانیه‌ و ناوه‌ندى قه‌ڵادزێ).

بەردەوام بە لە خوێندنەوە

ناوخۆیی

یه‌كێتى تۆپی پێی كوردستان بڕیار و راسپارده‌ى تازه‌ى ده‌ركرد

یەکێتی تۆپی پێی کوردستان

ئه‌مڕۆ شه‌ممه‌ 2019/2/23 به‌ ئاماده‌بوونى سه‌رۆك و جێگر و سه‌رجه‌م ئه‌ندامه‌كانى، یه‌كێتى تۆپی پێی كوردستان كۆبوونه‌وه‌ى ئاسایی خۆى ئه‌نجامداو و ئه‌م بڕیار و راسپاردانه‌ى ده‌ركرد:

1- نووسراوى فه‌رمى یانه‌ى رانیه‌ په‌سند كرا، كه‌ ناتوانن له‌ خولى نایابى فوتساڵى كچانى كوردستان به‌شدارى بكه‌ن، بۆیه‌ بڕیاردرا به‌:
• دابه‌زینى یانه‌ى رانیه‌ بۆ خولى پله‌یه‌كى فوتساڵى كچانى كوردستان.
• ئازاد كردنى سه‌رجه‌م یاریزانه‌كانیان له‌ گواستنه‌وه‌یان بۆ هه‌ر یانه‌یه‌ك.

2- له‌ یارى نێوان به‌ختیارى و قه‌ره‌داغ له‌ خولى پله‌دووى كوردستان، به‌ هۆى هه‌ڵسوكه‌وتى دوور له‌ گیانى وه‌رزشى و هێرشكردن بۆ سەر یاریزانانی یانەی بەرامبەر، له‌ لایه‌ن یاریزانى یانه‌ى قه‌ره‌داغ عه‌بدولقادر جه‌لیل ژماره‌ 45 بڕیاردرا به‌:
• راگرتنى ناوبراو بۆ ماوه‌ى یه‌ك ساڵ له‌ وه‌رزى 2019/2020.
• غه‌رامه‌كردنى به‌ بڕى 150000 سه‌د و په‌نجا هه‌زار دینار.

3- له‌ یارى نێوان به‌ختیارى و قه‌ره‌داغ له‌ خولى پله‌دووى كوردستان، به‌ هۆى هێرشكردن و جنێودان به‌ ناوبژیوانانى یارییه‌كه‌، له‌ لایه‌ن یاریده‌ده‌رى راهێنه‌رى یانه‌ى قه‌ره‌داغ ئازاد محه‌ممه‌د بڕیاردرا به‌:
• راگرتنى ناوبراو بۆ ماوه‌ى شه‌ش مانگ.
• غه‌رامه‌كردنى به‌ بڕى 250000 دووسه‌د و په‌نجا هه‌زار دینار.

4- له‌ یارى نێوان سۆران و خاك له‌ خولى پله‌یه‌كى كوردستان، به‌ هۆى به‌كارهێنانى یارى ئاگرین له‌ لایه‌ن هانده‌رانى یانه‌ى سۆران، بڕیاردرا به‌ غه‌رامه‌كردنى یانه‌ى سۆران به‌ بڕى 150000 سه‌د و په‌نجا هه‌زار دینار.

5- داوا له‌ لێژنه‌ى قوتابخانه‌كانى تۆپی پێی كوردستان ده‌كه‌ین، رۆژى شه‌ممه‌ 2019/3/2 له‌ كاتژمێر 12:00 ـى نیوه‌ڕۆ له‌ باره‌گه‌ى یه‌كێتى تۆپی پێی كوردستان ئاماده‌بن.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 86%, 62
    62 86%
    62 - 86% هەموو دەنگەکان
  • وه‌زارەتی دارایی و ئابووری 10%, 7
    7 10%
    7 - 10% هەموو دەنگەکان
  • وه‌زارەتی بازرگانی و پیشه‌سازی 4%, 3
    3 4%
    3 - 4% هەموو دەنگەکان

کوردستان