ئێمە لە تۆرە کۆمەڵایەتیەکان

عێراق

بزوتنەوەی ئەهلی حەق: حكومەتیش نازانێت ژمارەی سەربازەكانی ئەمریكا و بنكەكانیان لە عیراقدا چەندە

خەڵك- بەشی هەواڵ
پەرلەمانتارێكی كوتلەی (سادقون)ی سەر بە بزوتنەوەی ئەهلی حەق لە پەرلەمانی عیراق، رەتیدەكاتەوە حكومەتیش بزانێت، ژمارەی هێزە ئەمریكاییەكان و بنكە سەربازییەكانیان لە وڵاتدا چەندە.

ئەحمەد كینانی،پەرلەمانتاری كوتلەی (سادقون)ی باڵی سیاسی بزوتنەوەی ئەهلی حەق، لە پەرلەمانی عیراق، لە لێدوانێكی رۆژنامەوانیدا رایگەیاندووە”تەحەدی حكومەت دەكەم، ژمارەی هێزە ئەمریكاییەكان و بنكەكانیان لە عیراقدا بزانێت”.

ئەو پەرلەمانتارەی (سادقون)، بە پێویستی زانی”حكومەتی عیراق، بەراشكاوانە هۆكاریی بوونی ئەو هێزانە و چۆنیەتی كاركردنیان، بۆ گەلی عیراق و هێزە سیاسییەكان رونبكاتەوە”.

بە وتەی كینانی”ئەو هێزانە لە عیراقدا خوازراونین، و بوونیان بە ناشەرعی دادەنرێت، چونكە لەڕێی پەرلەمان و بە رەزامەندی پەرلەمان نەهاتوون”، وەرگرتنی راوبۆچوونی پەرلەمانیشی لەبارەی بوونی هێزە بیانییەكان لەسەر خاكی عیراق بەپێویست زانی، “لەڕێی داڕشتنی یاسایەك یان بەیاساكردنی بونی ئەو هێزانە، چونكە بونیان بە داگیركاری و ناپەسەند دادەنرێت”.

لە دوای جەنگی دژ بە داعش، پەرلەمانی عیراق بەنیازە گفتوگۆ لەسەر بەردەوامبوونی مانەوەی هێزە بیانییەكان لەسەر خاكی عیراق، ئەنجام بدات.

عێراق

بەوێنە..بەهۆی لافاوەوە دەوامی قوتابخانەیەك ڕاگیرا

خەڵك-بەشی هەواڵ

بەڕێوەبەری قوتابخانەیەكی سەرەتایی ئاشكرایدەكات، بەهۆی لافاو و زۆربوونی ئاو لەنێو قوتابخانەكەمان دەوامی فەڕمیمان ڕاگرت.
ماڵپەڕی سۆمەرییەنیوز بڵاویكردەوە، بەڕێوەبەری قوتابخانەی نەجەف لە شاری بەغدا ڕایگەیاند، قوتابخانەی نەجەف زیاتر لە 2000 قوتابی تێدایە و ئەمڕۆ بەهۆی زۆربوونی ئاو و لافاو لە قوتابخانەكە كردمانە پشوو.

ڕوونیشیكردەوە، دوای پەیوەندیمان بە لایەنە پەیوەندیدارەكانەوە ئێستا پۆلیسی بەرگری هاتونەتە قوتابخانەكە و خەریكی چارەسەركردنی كێشەكەن و لیژنەیەكیش لە وەزارەتی پەروەردەوە هاتونەتە قوتابخانەكە، بەڵام وەك ئەو بەڕێوەبەرە ئاماژەی بۆ دەكات، توانای چارەسەركرنی كێشەكەیان نییە.

بەردەوام بە لە خوێندنەوە

عێراق

پەروەردەی بەسرە دامەزراندنی هاووڵاتیانی بیانی ڕەتدەكاتەوە

خەڵك- بەشی هەواڵ

بەڕێوەبەرایەتی پەروەردەی بەسرە ڕەتیكردەوە، كە هیچ عەرەبێكی بیانیان دامەزراندبێت وەك وانەبێژ یان مامۆستا و ئەو دەنگۆیانەی لەو بارەوە بڵاوكراونەتەوە دوورن لە ڕاستییەوە.

پەروەردەی بەسرە لە ڕاگەندراوێكدا باسی لەوەكردووە، چەند دەنگۆیەك بڵاوبوونەتەوە سەبارەت بە دامەزراندنی خەڵكی عەرەب، كە عیراقی نین، بەڵام دوورن لە ڕاستییەوە.

دەنگۆی دامەزراندنی ئەو كەسانە لەكاتێكدایە كە دەیان هەزاری دەرچووی بێكار لە پارێزگەی بەسرەدا هەن و لە ناوەڕاستی ساڵی ڕابردوودا خۆپیشاندانی گەورەیان سازكرد بۆ دامەزراندن.

بەردەوام بە لە خوێندنەوە

عێراق

لە نەجەف حاڵەتێكی تووشبوون بە ئەنفلۆنزای بەراز تۆماركرا

خەڵك – بەشی هەواڵ

سەرچاوەیەكی پزیشكی لە بەڕێوەبەرایەتی تەندروستی نەجەف ئاشكرایكرد، حاڵەتێكی تووشبوون بە ئەنفلۆنزای بەراز لە پارێزگاكەدا تۆماركراوە.

سەرچاوەكە ئاشكراشیكردووە نەخۆشخانەی سەدر لە ناوەڕاستی پارێزگای نەجەف حاڵەتێكی تووشبوونی بە ڤایرۆسی ئەنفلۆنزای بەراز تۆماركردووە و لەئێستاشدا تووشبووەكە لەنەخۆشخانەكە لەژێر چاودێری پزیشكیدایە.

هاوكات ڕاگەیاندنی تەندروستی گشتی پارێزگای نەجەف هەواڵەكەی پشتڕاستكردووەتەوە و ڕایگەیاندووە كە حاڵەتێك تۆماركراوە و گوماندەكرێت تووشبووی ئەنفلۆنزای بەراز بێت، بۆیە بۆ دڵنیا بوونەوە پشكنینەكانیان ڕەوانەی بەغدا كردووە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان