ئێمە لە تۆرە کۆمەڵایەتیەکان

جیهان

رێبەری ئێران: ژمارەیەك بەرپرسی ئەمریكا خۆیان وەك شێت نیشان دەدەن

خەڵك-بەشی هەواڵ

رێبەری شۆڕشی كۆماری ئیسلامی ئێران رایدەگەیەنێت، ژمارەیەك بەرپرسی ئەمریكا خۆیان وەك شێت نیشان دەدەن ئەوە قبوڵ ناكەم، بەڵام ئەوە تا دوا رادە دەبەنگییە.

عەلی خامنەیی رێبەری شۆڕشی كۆماری ئیسلامی ئێران لە وتارێكیدا كە بەبۆنەی ساڵیادی “راپەڕینی كانونی دووەمی ١٩٧٨” لە تارانی پایتەخت ئاماژەی بۆ ئەوە كرد، ماوەیەك لەمەوبەر بەرپرسێكی ئەمریكی لەناو تیرۆریستان وتارێكی پێشكەش كرد و رایگەیاند، هیوادارم سەری ساڵی ٢٠١٩ لە تاران بەرز رابگرین، بەڵام چەند رۆژێك تێپەڕبووە بەسەر ئەو وادەیەدا.

وتیشی”بەرپرسانی ئەمریكی ئەو دەنگۆیانەی بانگەشەی بۆ دەكەن بەرامبەر ئێران پێیان جێبەجێ نەكراون”.

ئاشكراشیكرد، ژمارەیەك بەرپرسی ئەمریكی خۆیان وەك شێت نیشان دەدەن، من ئەوە قبوڵ ناكەم، بەڵام ئەوە تا دوا رادە دەبەنگییە.

رێبەری ئێران رونیشیكردەوە، دوای شۆڕشی ئێران ئیدارەی ئەمریكا سزای ئابووری خستۆتەسەر وڵاتەكەی و بە بیریشی هێنایەوە كە سیاسەتمەدارەكانی ئەوكاتی ئەمریكا دەیانوت تەمەنی ئێران ٥-٦ مانگ دەبێت.

خامنەیی بە بەرپرسانی وڵاتەكەشی راگەیاند، بەرامبەر قسە بێواتاكانی ئەمریكا و ئەورووپا خۆڕاگر بن، بوێر بن و ژیرانە مامەڵە بكەن، هەڕەشە و قسە و واژووەكانی ئەوان جێی متمانە نین.

جیهان

ئەمریكا دەستیكرد بە سزادانی توركیا

خەڵك – بەشی هەواڵ

وەزارەتی بەرگری ئەمریكا ڕایدەگەیەنێت، بەهۆی كڕینی سیستمی مووشەكیی ئێس 400ی ڕوسیایی، بڕیاریانداوە فرۆشتنی فڕۆكەی ئێف 35 بە توركیا بوەستێنن و داواشیان لەو فڕۆكەوانە توركیانەی لە ئەمریكا مەشق و ڕاهێنان كردووە بگەڕێنەوە وڵاكەی خۆیان.

وەزارەتی بەرگری ئەمریكا (پنتاگۆن) ڕایگەیاند، لەبەرامبەر كڕینی سیستمی بەرگری مووشەكی ئێس 400ی ڕوسیایی لەلایەن توركیاوە بڕیاریانداوە ڕادەستكردنی فڕۆكەی جەنگیی ئێف 35 بەو وڵاتە بوەستێنن و ئەو فڕۆكەوانانەشی كە لە ئەمریكا مەشق و ڕاهێنان لەسەر فڕۆكەكە دەكەن ئاگادار كراونەتەوە تا 31ی ئەم ئەم مانگە ئەمریكا جێبهێڵن و بگەڕێنەوە بۆ توركیا.

وەزارەتی بەرگری ئەمریكا ئاماژەی بەوەشداوە، هیوادارین سەرەڕای بڕیارەكەمان بۆ وەستانی فرۆشتنی فڕۆكەی جەنگیی ئێف 35 بە توركیا، هاوبەشیمان لەگەڵ توركیا بەردەوامبێت، بەڵام توركیا 9 ملیار دۆلاری لەدەستداوە.

بەردەوام بە لە خوێندنەوە

جیهان

چاوش ئۆغڵو: پەیوەندیمان بە نێچیرڤان بارزانی و مەسرور بارزانییەوە كردووە

خەڵك- بەشی هەواڵ
وەزیری دەرەوەی توركیا ڕایدەگەیەنێت، كە لەسەر ڕووداوەكەی هەولێر پەیوەندییان بە سەرۆكی هەرێم و سەرۆك وەزیرانی هەرێمی كوردستانەوە كردووە.

مەولود چاوش ئۆغڵو، وەزیری دەرەوەی توركیا لە لێدوانێكی بۆ ڕۆژنامەنووسان ئاماژەی بەوەكرد، كە لە پەیوەندیدان بۆ دۆزینەوەی ئەنجامدەرانی هێرشەكەی سەر كارمەندانی كونسوڵخانەی توركیا لە هەولێر و ئەگەر پێویست بكات تیمێكی خۆمان دەنێرین.

ڕاشیگەیاند، كە لەسەر ئەو ڕووداوە پەیوەندیم بە نێچیرڤان بارزانی و مەسرور بارزانی-یەوە كردووە و چاوەڕێی ئەنجامی لێكۆڵینەوەكانین.

ئاماژەی بەوەشكرد، یەكەم كەس كە پەنجەی تۆمەتی بۆ ڕابكێشین لەو ڕووداوەدا پەكەكەیە.

ئەم وتانەی چاوش ئۆغڵو لەكاتێكدایە، كە دیار دەنیز، بەرپرسی ڕاگەیاندنی هێزەكانی پاراستنی گەل (هەپەگە)، كە باڵی سەربازی (پەكەكە)یە بە ئاژانسی (RT)ی ڕوسی ڕاگەیاندووە، حزبەكەیان هیچ پەیوەندییەكی بە هێرشەكەی سەر كارمەندانی كونسوڵخانەی توركیا لە هەولێر نەبووە.

وتوشیەتی، “هیچ زانیارییەكمان لەسەر ئەو هێرشە نییە”.

ئەمڕۆ لە شاری هەولێر لە چێشتخانەی (هۆك باز)ی نزیك ئێمپایەر هێرش كرایە سەر ژمارەیەك لە كارمەندانی كونسوڵخانەی توركیا و تێیدا جێگری كونسڵی توركیا و كارمەندێك كوژراوە و كەسێكی دیكەش برینداربووە.

بەردەوام بە لە خوێندنەوە

جیهان

ترەمپ شەڕی ڕەشپێستەكان هەڵدەگیرسێنێتەوە

خەڵك –بەشی هەواڵ

كۆنگرێسی ئەمریكا بە زۆرینەی دەنگی 240 ئەندام لەبەرامبەر دەنگی 187 ئەندام لێدوانەكانی دۆناڵد ترەمپ سەرۆكی وڵاتی لە دژی چوار كۆنگرێسمان شەرمەزار كرد.

ئەنجومەنی نوێنەرانی ئەمریكا بە توندی شەرمەزاری لێدوانە ڕەگەزپەرستەكانی سەرۆكی وڵات دۆناڵد ترەمپ دەكات كە مەترسی ڕق و كینەی لەنێو ئەمریكاییەكاندا زۆرتركرد لەبەرامبەر ئەوانەی تازە بوونە ئەمریكایی یان ئەوانەی ڕەنگیان جۆرێكی دیكەیە.

دوێنێ چوار كۆنگرێسمانی ئەمریكایی لە كۆنفڕانسێكی ڕۆژنامەوانیدا وەڵامی لێدواەكانی ترەمپیان دایەوە كە داوای لێكردبوون بگەڕێنەوە وڵاتەكانی خۆیان.

ئیلهان عومەر كۆنگرێسمان لە نێو هۆڵی كۆنگرێس ڕایگەیاند، هێرشەكانی ترەمپ بۆ سەر خۆی و هاوكارەكانی ڕەگەزپەرستانەیە بۆ ئەو كۆنگرێسمانانەی ڕەنگی دیكەیان هەیە، ئەوەش هەڵگری ئەجێندای نەتەوەییە سپییەكانە و داواشیكرد لە هاوكارە دیموكراتییەكانی كە داوای دادگای پەڕلەمانی سەرۆك بكەن بە ئامانجی دوورخستنەوەی.

لای خۆیەوە نانسی پێلۆسی سەرۆكی كۆنگرێس ڕایگەیاند، جارێكی دیكە ترەمپ دەیهەوێت ئەمریكا بكاتەوە بە سپی لە ئاماژەیەكدا بۆ گوتاری نەتەوەیی بڕوادار بە باڵادەستی ڕەگەزی سپی، بۆیە لەگەڵ كۆمارییەكان لە هەوڵدادەبن لەنێو كۆنگرێس بۆ دەركردنی بڕیارێك بۆ شەرمەزاركردنی لێدوانەكانی ترەمپ كە هانی ڕق و كینەی بیانیی و كۆچبەرەكان دەدات.

ترەمپ وێڕای هەڵمەتەكانی شەرمەزاری پێداگری لە هێرشەكانی بۆ سەر ئەو چوار كۆنگرێسمانە دەكات.

بەردەوام بە لە خوێندنەوە

کوردستان