ئێمە لە تۆرە کۆمەڵایەتیەکان

ژینگە

سەهۆڵبەندان و كڕێوە دەستپێدەكات

خەڵك- بەشی هەواڵ
شەپۆلێكی سەرما و شەهۆڵبەندان هەرێمی كوردستان دەگرێتەوە و شارەزایەكی كەشناسی دەڵێت: “لە ئەمشەوەوە دەستپێدەكات و نزمە پاڵەپەستۆی ساردی جەمسەرییە”.

سادق عەتیە، پسپۆڕی كەشناسی عیراقی لە هەژماری خۆی لە فەیسبووك ئاماژەی بەوەكرد، كە شەپۆلێكی سەرمای جەمسەری لە ئێوارەی ئەمڕۆوە پێنج شەممە و بەتایبەتیش لە كاتەكانی شەوەوە ناوچەكانی هەرێمی كوردستان و ناوەڕاستی عراق دەگرێتەوە و كاریگەریشی لەسەر ناوچەكانی فوڕاتی ناوەڕاست و شارەكانی باشوور و بیابانەكانی باشوور دەبێت.

ڕاشیگەیاندووە، شەپۆلەكە نزمە پاڵەپەستۆی ساردی جەمسەرییە و كارگەریشی دەبێت لەسەر وڵاتی شام و توركیا و كاریگەریەكە بۆ عیراق درێژ دەبێتەوە.

ئاشكراشی كردووە، كە بەهۆیەوە پلەكانی گەرما نزم دەبنەوە بۆ خوار سفری سەدی و لەهەمان كاتدا شەپۆلی بەفر بارین بەردەوام دەبێت بەتایبەتی لە هەولێر و سلێمانی و دهۆك و لە ناوچەكانی ڕۆژئاوای موسڵ-یش تەرزە دەبارێت.

ژینگە

لەم ناوچانە باران دەبارێت
شەپۆلێكی هەوای فێنك عیراق و هەرێم دەگرێتەوە

خەڵك- بەشی هەواڵ
پسپۆڕێكی كەشناسی ئاماژە بە هەڵكردنی تەوژمێكی فێنك دەكات لە ڕۆژانی داهاتوودا بۆ سەر ناوچەكانی عیراق و هەرێمی كوردستان و دەشڵێت: “دوای ئەوە كەشێكی هاوینەی گونجاو دەستپێدەكات”.

سادق عەتیە، پسپۆڕی كەشناسی عیراقی لە هەژماری خۆی لە فەیسبووك ئاماژەی بەوەكردووە، كە ئەو دۆخە ناسەقامگیری لە كەشوهەوای ناوچەكانی هەرێمی كوردستان و باكوری ڕۆژئاوای وڵات دروست بووە تا كۆتایی ئەم مانگە بەردەوام دەبێت ئەوەش بەهۆی ئەو تەوژمە هەوایەی ڕۆژئاوا، كە تەوژمێكی نزمی ڕۆژئاوای توركیایە و چینەكانی سەرەوەی هەوای گرتۆتەوە.

ڕاشیگەیاندووە، كە ئەمشەو لە چەند ناوچەیەكی موسڵ و دهۆك باران و هەورەتریشقە دەبێت و نمە بارانیش لە چەند ناوچەیەكی دیكە دەبارێت.

ئاماژەی بەوەشكردووە، بەرزبوونەوەی پلەی گەرما بەشێوەیەكی كاتی تەنیا تا یەك شەممە بەردەوام دەبێت، كە دەگاتە ترۆپك و پلەكانی ڕۆژانی پێشوو تێدەپەڕێنێت، ئاراستەی با جێگیر دەبێت و جارجاریش دەگۆڕێت.

ڕوونیشی كردۆتەوە، پلەی گەرما لە لە ڕۆژی دوو شەممەوە ڕوو لە دابەزین دەكات و بەشێوەیەكی تەواو هەستی پێ‌ دەكرێت و پێدەچێت ئەو كەشە دوو تا سێ‌ ڕۆژ بخایەنێت.

وتووشیەتی، “بەڵام لە ڕۆژی چوار شەممەی داهاتوودا كەشێكی هاوینەی گونجاو دەبینین”.

بەردەوام بە لە خوێندنەوە

ژینگە

پلەی گەرما دادەبەزێت

خەڵك- بەشی هەواڵ
كەشناسێكی عیراقی پێشبینی دەكات،  لە ناوەڕاستی هەفتەی داهاتوو پلەی گەرما، لە تێكڕای ناوچەكانی وڵات ڕوو لە دابەزین بكات.

سادق عەتیە، كەشناسی عیراقی لە پەیجی تایبەتی خۆی بڵاویكردۆتەوە” بەرزبوونەوەی پلەی گەرما بەشێوەیەكی كاتی تەنیا تا شەممە و یەك شەممە بەردەوام دەبێت، بۆیە پێشبینی دەكرێت لەم ماوەیەدا پلەی گەرما لە كاتژمێرەكانی نیوەڕواندا لە شارەكانی باشوور بگاتە 49-50 پلەی سەدی، و لە شارەكانی ناوەڕاست 47-48 پلەی سەدی بێت، لە ناوچەكانی باكووریش لەنێوان 45-46 پلەی سەديدا بێت”.

ئەو كەشناسە پێیوایە، پلەی گەرما لە یەك شەممەی داهاتوودا دەگاتە ترۆپك و پلەكانی ڕۆژانی پێشوو تێدەپەڕێنێت، ئاراستەی با جێگیر دەبێت و جارجاریش دەگۆڕێت.

بە وتەی عەتیە”پلەی گەرما لە لە ڕۆژی دوو شەممەی داهاتووەوە ڕوو لە دابەزین دەكات، بەڵام لە رۆژی چوار شەممەی داهاتوودا كەشێكی هاوینەی نایاب و زیاتر ڕوو لە مامناوەند دەبێت.

دابەزینی پلەی گەرما بە بۆچونی سادق عەتیە، بەشێوەیەكی تەواو هەستیپێدەكرێت و با جێگیر دەبێت و هەندێك جاريش ئاراستەكەی ڕوو لە باكووری خۆرئاوا دەبێت، ئەم كەشە دوو ڕۆژ یان سێ‌ ڕۆژ دەخایەنێت.

بەردەوام بە لە خوێندنەوە

ژینگە

بومەلەرزە شارێكی كوردستانی هەژاند

خەڵك-بەشی هەواڵ

مەڵبەندی بومەلەرزەزانی زانكۆی تاران بڵاویكردەوە، ئەمڕۆ هەینی كاتژمێر 9:15 خولەك بومەلەرزە شاری خانەقینی هەژاندووە.

 

بەپێی زانیارییەكانی مەڵبەندەكە، گوڕی بومەلەرزەكە 2.7 بووە و لە قوڵایی 10 كیلۆمەتر و لە دووری 18 كیلۆمەتر شاری خانەقین و لە دووری 29 كیلۆمەتریش شاری قەسری شیرینی لە ڕۆژهەڵاتی كوردستان هەژاندووە.

بەردەوام بە لە خوێندنەوە

کوردستان