کەشناسی هەرێم رایگەیاند، ئەمشەو ئاسمانی هەرێم هەورى تەواو دەبێت لەگەڵ بارینى تێکەڵەى بەفر و باران لە ناوچە شاخاوییە سنورییەکان و دروستبوونی تەم لە هەندێک ناوچە.
بەڕێوەبەرایەتی گشتی کەشناسی و بوومەلەرزەزانی هەرێمی کوردستان بڵاویکردووەتەوە کە ئەمشەو ئاسمانى هەرێم هەورى تەواو دەبێت لەگەڵ بارینى تێکەڵەى بەفر و باران لە ناوچە شاخاوییە سنورییەکان هەروەها بارینى نمە باران لە ناوچەکانى رۆژهەڵات و باکورى ڕۆژهەڵات و هەروەها ئەگەرى بارینى نمە بارانى کەم هەیە لە سەنتەرى شارەکان و پلەکانى گەرما ڕوو لە دابەزین دەکات، تەم دروست دەبێت بە تایبەت لە ناوچە شاخاوییەکان.
کەشناسی ئاماژەی بەوەشکردووە، ئێستا مەودای بینینى ئاسۆیی لە پیرمام 900 مەترە و لە چەمچەماڵیش 400 مەترە بە هۆی تەم و مژەوە.
کەشناسی بڕی بارانى 12 کاتژمێرى ڕابردووى هەندێک لە ناوچەکانى هەرێمی کوردستانی بڵاوکردووەتەوە کە بەمشێوەیە:-
پیرمام 1.4 ملم
سلێمانى 4.5 ملم
ئامێدى 0.6 ملم
بازیان 0.2 ملم
کەرکووک 0.2 ملم
