ئێمە لە تۆرە کۆمەڵایەتیەکان

ژینگە

هاتوچۆی هەولێر لە بارەی چەند ڕێگایەكەوە هۆشداری دەداتە شۆفێران

خەڵك – بەشی هەواڵ
وتەبێژی پۆلسی هاتوچۆی هەولێر ڕایدەگەیەنێت، بەهۆی بەفربارین و نزمبونەوەی پلەكانی گەرما ڕێگاكانی هەولێر بۆ ناوچە شاخاویەكان سەلامەت نین و داواشدەكات لەحاڵەتی زۆر پێویست نەبێت سەفەری ناوچە شاخاویەكان نەكەن.

فازل حاجی، وتەبێژی پۆلسی هاتوچۆی هەولێر لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، ئاگاداری سەرجەم شوفێران و هاوڵاتیان دەكەینەوە لەسنوری شاری هەولێر و دەوروبەری، كەوا بەهۆی بەفربارین و نزمبونەوەی پلەكانی گەرما بۆ ژێر سفر ئەو ڕێگایانەی هەولێر بەناوچە شاخاویەكان دەبەستێتەوە سەلامەت نین بەهۆی دروستبونی شەختە و بەستەڵەك لەسەریان سەرەڕای بەردەوامی بەفر بارین لەهەندیك شوێن.

ڕاشیگەیاندووە، داوا لەشوفێران دەكەین لەحاڵەتی زۆر پێویست نەبێت سەفەری ناوچە شاخاویەكان نەكەن.

ئاماژەی بۆ ئەوەشكردووە، ڕێگاكانی دۆڵی سماقوڵی، كەپكی شیلانە بەكارنەهێنن، چونكە زیاترین بەفر لەم ناوچانە باریوە و كاریگەری لەسەر ئاستی سەلامەتی ڕێگاكان كردوە.

ژینگە

كەش و هەوای ئەمڕۆ و سبەینێی شارەكانی هەرێمی كوردستان

خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێم كەش و هەوای ئەمڕۆ و سبەینێی بڵاوكردەوە.

بەپێی پێشبینییەكانی كەشناسی هەرێم، ئەمڕۆ سێ شەممە بەرزترین پلەی گەرما لە هەولێر 14 پلە و لە سلێمانی 13 پلە و لە دهۆك 13 پلەو لە كەركوكیش 17 پلە دەبێت ‌و لە سەرجەم شارەكانی هەرێمی كوردستانیش هەور و هەتاو دەبێت لەگەڵ نمە باران لە هەندێك لە ناوچەكانی هەرێم.

هەر بەپێی پێشبینییەكانی كەشناسی، سبەینێ چوار شەممە بەرزترین پلەی گەرما لە هەولێر 16 پلە و لە سلێمانی 15 پلەو لە دهۆك 15 پلە و لە كەركوكیش 19 پلە دەبێت و لە سەرجەم شارەكانی هەرێمی كوردستانیش هەور و هەتاو دەبێت.

بەردەوام بە لە خوێندنەوە

ژینگە

بڕی باران بارین لە هەرێمی كوردستان بڵاوكرایەوە

خەڵك-بەشی هەواڵ

بەڕێوەبەرایەتی كەشناسی و بومەلەرزەزانی هەرێمی كوردستان ڕێژەی باران بارینی لە 24 كاتژمێری ڕابردوو بڵاوكردەوە.

بەپێی زانیارییەكانی كەشناسی هەرێمی كوردستان، زۆرترین ڕێژەی بارین باران لە شاری ڕانیەی سەر بە پارێزگەی سلێمانی بە بڕی 22.0 ملم باریوە.

بەپێی زانیارییەكانی كەشناسی زۆرترین بارانی ئەمساڵ لە ناوچەی مێرگەسۆر لە پارێزگای هەولێر بە بڕی 1758.0 ملم باران باریوە.

بەردەوام بە لە خوێندنەوە

ژینگە

عیراق و توركیا لەسەر بەردانەوەی ئاو بۆ هاوینی ئەمساڵ ڕێككەوتن

خەڵك- بەشی هەواڵ

وتەبێژی وەزارەتی سەرچاوە ئاوییەكانی عیراق ڕایگەیاند، بەپێی ڕێككەوتنێك لە نێوان عیراق و توركیادا، بۆ پڕكردنی بەنداوی ئەلیسو، توركیا ئاوی ڕووباری دیجلە دەگرێتەوە، بەڵام كاریگەری زۆری نابێت بۆ سەر پشكی ئاوی عیراق.

عەین عەبدوڵڵا لە لێدوانێكی ڕۆژنامەوانیدا كە میدیاكانی عیراق بڵاویانكردووەتەوە باسی لەوەكردووە، بڕێكی دیاریكراوی ڕووباری دیجلە لەلایەن توركیا دەگیرێتەوە، بەڵام عیراق پشكی خۆی وەردەگرێت و كاریگەری لەسەر ئاوی دیجلە بەشێوەیەكی مەترسیدار نابێت.

دەشڵێت”عیراق خاوەنی 34 ملیار مەتر سێجای ئاوە، 29 ملیار مەتر سێجای لەسەر بەنداوەكانی سەر دیجلە و فوڕاتدان و ئەوانی دیكەش لەسەر لقەكان كۆگا كراون”.

هەر لە قسەكانیدا ئەو بەرپرسە عیراقییە ڕونیكردووە، كە بەشی هاوینی داهاتوو، ئاوی پێویست لە بەنداوەكاندا هەیە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان