ئێمە لە تۆرە کۆمەڵایەتیەکان

کوردستان

لە هەولێر ئۆتۆمبێلێك كەوتە ناو هەڵدێرێك و 3 كەس گیانیان لەدەستدا


خەڵك- بەشی هەواڵ
بەڕێوەبەرایەتی هاتوچۆی هەولێر ئاشكرای دەكات، كە ڕووداوێكی هاتوچۆدا، كە ئۆتۆمبێلێك كەوتۆتە ناو هەڵدێرێكەوە 3 كەس گیانیان لەدەستداوە.

فازل حاجی، وتەبێژی بەڕێوەبەرایەتی هاتوچۆی هەولێر لە هەژماری خۆی لە فەیسبووك ئاماژەی بەوەكردووە، كاتژمێر 10ی سەر لەبەیانی ئەمڕۆ لەسەر رێگای بێستانە – قوشتەپە لەنزیك گوندی كەرزۆر، ئۆتۆمبێلێكی پیكابی دەبڵ‌ بەهۆی تیژڕەویی و تەڕبوونی ڕێگاكان بە ئاوی بارانەوە كۆنتڕۆڵی لەدەستدا و لەڕێگا دەرچووە و كەوتە ناو هەڵدێرێك.

ئاشكراشی كردووە، “لە ئەنجامی ڕووداوەكە بەداخەوە 3 كەس گیانیان لەدەست داوە و شۆفێرەكەش زامداربووە و زیانێكی زۆریش بەر ئۆتۆمبێلەكە كەوتووە”.

وتەبێژی هاتوچۆی هەولێر “داوا و تكا” لە شۆفێران دەكات، كە لەكاتی تەڕبوونی ڕووی شەقامەكان بە ئاوی باران بە خێراییەكی كەم لێخوڕین بكەن بۆئەوەی توشی كۆنتڕۆڵ‌ لەدەستدان نەبنەوە.

کوردستان

تەندروستی هەولێر: 6 تووشبووى ڤایرۆسی كۆرۆنا چاكبوونەوە


خەڵك – بەشی هەواڵ

بەڕێوەبەرایەتی گشتی تەندروستی هەولێر لە ڕاگەیەنراوێكدا ڕایگەیاند: 6 نەخۆشیتر لە تووشبووان بە ڤایرۆسی كۆرۆنا COVID – 19 دوای وەرگرتنی چارەسەری پزیشكی بەتەواوی چاكبوونەوە و باری تەندروستیان تەواو جێگیر بووەتەوە، وە پشكنینی تایبەتی یەك لەدوای یەك بۆ ئەوان كراوە كە نێگەتیڤ بووە.

بەڕێوەبەرایەتی گشتی تەندروستی هەولێر ئاماژەی بەوەشداوە: لە ئێستادا كۆی گشتی چاكبووەوەكان گەیشتە 17() حەڤدە كەس.

دەقی ڕاگەیەنراوەكە:

ڕاگەیەندراوێك بۆ هاوڵاتیانی شاری هەولێری خۆشەویست

پێتان ڕادەگەیەنین كە ( ٦ ) شەش نەخۆشیتر لە تووشبوان بە ڤایرۆسی كۆڕۆنا COVID – 19 دوای وەرگرتنی چارەسەری پزیشكی بەتەواوی چاكبونەوە و باری تەندروستیان تەواو جێگیر بۆتەوە، وە پشكنینی تایبەتی یەك لەدوای یەك بۆ ئەوان كراوە كە نێگەتیڤ بوو.

كۆی گشتی چابوەكان گەیشتە ( ١٧ ) حەڤدە نەخۆش.

سوپاسی پابەندبوونتان دەكەین بۆ ڕێنماییە خۆپارێزییەكان، جێبەجێكردنی ڕێنماییەكان زامنی زاڵبوونمانە بەسەر ئەم پەتا جیهانیە.

زۆر سوپاسی ماندووبوونی تەواوی پزیشكان و كارمەندانی تەندروستی و تەواوی هێزەكانی ناوخۆ دەكەین كە پارێزگاری لە تەندروستی هاوڵاتیان دەكەن.

بەڕێوەبەرایەتی گشتی تەندروستی هەولێر
٣ نیسان ٢٠٢٠

بەردەوام بە لە خوێندنەوە

کوردستان

حكومەتی هەرێم: بۆ ماوەی 48 كاتژمێر هاتوچۆی ئۆتۆمبێل و پیادە و هەموو شوێنە ڕێپێدراوەكان ڕادەگیرێت


خەڵك – بەشی هەواڵ

حكومەتی هەرێم بڕیاریدا بۆ ماوەی 48 كاتژمێر هاتوچۆی ئۆتۆمبێل و پیادە و هەموو شوێنە ڕێپێدراوەكان ڕابگیرێت.

وەزارەتی ناوخۆی هەرێمی كوردستان لە ڕاگەیەنراوێكدا ڕایگەیاند: بۆ ماوەی 48 كاژمێر هاتوچۆی ئۆتۆمبێل و پیادە بەتەواوی قەدەغە دەكرێت و هەركەس سەرپێچی بكات سزادەدرێت و بڕیارەكەش لە كاتژمێر 12ی نیوەڕۆی ڕۆژی 4/4/2020 جێبەجێ دەكرێت.

لە بڕیارەكەی وەزارەتی ناوخۆدا هاتووە:”گشت ماركێت و نانەواخانەكان و ئەو شوێنانەی بۆ خزمەتی هاووڵاتییان ڕێگەپێدراون، دادەخرێن جگە لە دەرمانخانەی ئێشكگر كە كراوە دەبێت”.

لەبارەی دابەشكردنی مووچەی فەرمانبەرانیش ، لە بڕیارەكەی وەزارەتی ناوخۆدا ئاماژە بەوەكراوە، دابەشكردنی مووچە بەردەوام دەبێت بەمەرجێك وەزارەت و فەرمانگە پەیوەندیدارەكان پێویستە پێشوەختە هەماهەنگی تەواو لەگەڵ ژووری ئۆپراسیۆنەكان بكەن و لەكاتی وەرگرتنی مووچە مەودای دوو كەس لە دوو مەتر كەمتر نەبێت.

وەزارەتی ناوخۆ ئاماژە بەوە دەكات، هەر ئەفسەر و كارمەندێكی سەر بە هێزەكانی ئاسایشی ناوخۆ و ئاسایش و وەزارەتی پێشمەرگە و ئەو هێزانەی سەر بە هێزەكانی ئیتیحادیی عیراقن و لەناو هەرێمی كوردستان خزمەتدەكەن ئەگەر لە ئەركی فەڕمییدا نەبن و ئۆتۆمبێلی سەربازی یان ناسنامەی سەربازی بەكاربهێنن بۆ شكاندنی قەدەغەی هاتوچۆ، پێویستە لەلایەن هێزە ئەمنییەكانەوە دەستگیربكرێن.

وەزارەتی ناوخۆ دەڵێت بڕیارەكان بۆ ڕێگرتنە لە بڵاوبوونەوەی زیاتری ڤایرۆسی كۆرۆنا، هەر كەسێك سەرپێچی بكات دەستگیردەكرێت و ئۆتۆمبێلەكەی دەستی بەسەردا دەگیرێت.

 

بەردەوام بە لە خوێندنەوە

کوردستان

وەزارەتی كشتوكاڵ و سەرچاوەكانی ئاو توێكاری بۆ باڵندە مرداربووەكان دەكات


خەڵك – بەشی هەواڵ

دەیان باڵندەی سیقورینگ (قورینگ) لە چیای مامەڕووت لە شارەدێی قەسرێ مردارەوەبوون، وەزیری كشتوكاڵ و سەرچاوەكانی ئاویش ڤێتێرنەری وەزارەتی ڕاسپاردووە سبەینێ‌ لەتاقیگەی ناوەندی ڤێتێرنەری توێكاریان بۆ بكەن.

بێگەرد تاڵەبانی، وەزیری كشتوكاڵ و سەرچاوەكانی ئاو ڕایگەیاند: بەڕێوەبەرایەتی گشتی سامانی ئاژەڵ و ڤێتێرنەری وەزارەتمان ڕاسپاردووە بەدواداچوون و توێكاری بكەن بۆ مرداربوونی دەیان باڵندەی سیقورینگ (قورینگ) لەچیایی مامەڕووت لە شارەدێی قەسرێ.

وەزیری كشتوكاڵ و سەرچاوەكانی ئاو باسی لەوەشكردووە، سبەینێ‌ شەممە 4/4/2020 تیمی پزیشكی ڤێتێرنەری لە ڤێتێرنەری هەولێر بەهاوكاری قائیمقامییەتی شارۆچكەی چۆمان و ڤێتێرنەری چۆمان دەچنە شوێنەكە و دەست دەكەن بە بەدواداچوون، چەند لاشەیەك دەهێنەوە هەولێر لە تاقیگەی ناوەندی ڤێتێرنەری وەزارەتی كشتوكاڵ و سەرچاوەكانی ئاو توێكاریان بۆ ئەنجام دەدەن.

بێگەرد تاڵەبانی، وەزیری كشتوكاڵ و سەرچاوەكانی ئاو ئاماژەی بەوەشكردووە، محەمەد عەبدوڵا، لە ڕێكخراوی وارەمیر بۆ پاراستنی ژینگە سەردانی شوێنەكەی كردووە، دەستخۆشی لێ دەكەین و پێشمان وتوە هەماهەنگی لەگەڵ تیمی وەزارەت بكات بۆ بەدواداچوون لەپێناو گەیشتن بە ئەنجام.

بەردەوام بە لە خوێندنەوە

کوردستان