ئێمە لە تۆرە کۆمەڵایەتیەکان

جیهان

بەوێنە..پەرلەمانتارێكی ئێرانی دەستدرێژی دەكاتەسەر ژنێكی 28 ساڵ

خەڵك-بەشی هەواڵ

ژنێكی 28 ساڵەی ئێرانی بەشێوەیەكی گوماناوی گیانی لە دەست دا، كە پێشتر پەرلەمانتارێكی وڵاتەكەی بە دەستدرێژی بۆسەر خۆی تۆمەتبار كردبوو.

ئەكبەر ئەعلەمی ئەندامی پەرلەمانی ئێران لە خولی شەشەم و حەوتەم ئاشكرایكرد، دوێنێ زەهرا نویدپوری تەمەن 28 ساڵ كە سەلمان خودادادی پەرلەمانتار تۆمەتبارە بە هێرشكردنەسەری گیانی لەدەستداوە.
ناوبراو لە لاپەڕەی خۆی لە تۆڕی كۆمەڵایەتی تیلیگرام رایگەیاند، تەرمی زەهرا گەیەنراوەتە پزیشكی یاسایی تاكو لە لێكۆڵینەوە چۆنێتی گیانلەدەستدانی بكرێت.

ئەعلەمی وتیشی”بەهۆی دەستدرێژییەكانی سەلمان خودادادی بۆسەر ئەو ژنە ئەگەری هەیە خۆی كوشتبێت”.

پێشتر ماڵپەڕی (هرانا) بڵاویكردەوە، سەلمان خودادادی پێشینەی دەستدرێژی و توندوتیژی سێكسی هەیە.

ئاماژەی بۆ ئەوەش كرد، زەهرا پێشتر دەیویست مافی خۆی لەو كەسە وەربگرێتەوە، هەرچەندە خودادادی نوسراوی بۆ دادگا نوسیوە و بێ تاوانی خۆی لەو بارەوە ئاشكرا كردووە، بەڵام دەوترێت بەهۆی ئەو پێشینە خراپەی خودادادی هەیبووە ماوەیەك دەستگیر كراوە و هەر لەبەر ئەوەشە پێشتر خۆكاندیدكردنی رەتكراوەتەوە، بەڵام ئەنجومەنی چاودێرانی ئێران رێگای بە ناوبراو داوە خۆی كاندید بكات، ئەمەش لەكاتێكدایە كە پێشتر خودادادی بەڕێوەبەری گشتی فەرمانگەی پەیوەندییەكانی ئەردەبیل و فەرماندەی پێشووی سوپای پاسداران بووە لە مەلكان.

جیهان

باغۆز: سڤیلەكان دوایین ناوچەكانی بندەستی داعش چۆڵ دەكەن

خەڵك- بەشی هەواڵ

ئەمڕۆ هەینی هاووڵاتیانی سڤیل لە نێو ژمارەیەكبارهەڵگردا بینراون كە ئەگەری هەیە، ناوچەكانی بن دەستی داعش چۆڵ بكەن.

ئاژانسی ڕۆیتەرز بڵاویكردەوە، لە ناوچەی باغۆز لە سنووری سووریا و عیراق ژمارەیەكی زۆر بارهەڵگر  بینراون كە هاووڵاتیانی سڤیلیان تێدا بووە لە ناوچەكانی بن دەستی داعش لە ڕۆژهەڵاتی سووریا.

بەڵام بە تەواوەتی ڕوون نەبووەتەوە كە ئایا ئەو بارهەڵگرانە ئەو سڤیلانە دەگوازنەوە كە لە ناوچەكانی بن دەستی داعشدا گیریانخواردووە و هێزەكانی سووریای دیموكرات بە پشتیوانی ئەمریكا دەیانهەوێت كۆنتڕۆڵی بكەن یان نا.

بەردەوام بە لە خوێندنەوە

جیهان

سەرۆكی ڕوسیا و سەرۆك وەزیرانی ئیسرائیل كۆدەبنەوە

خەڵك- بەشی هەواڵ

بڕیارە لەهەفتەی ئایندەدا سەرۆكی ڕوسیا و سەرۆك وەزیرانی ئیسرائیل لە مۆسكۆ كۆببنەوە.

بەپێی هەواڵێكی ماڵپەڕی فەرمی سەرۆك وەزیرانی ئیسرائیل، بنیامین ناتانیاهو سەرۆك وەزیرانی ئیسرائیل لەپەیوەندییەكی تەلەفۆنیدا قسەی لەگەڵ فلادمیر پوتن سەرۆكی ڕوسیا كردووە، كە تێیدا بڕیاریانداوە لەئایندەیەكی نزیكدا كۆبونەوەیەك لەڕووسیا بكەن.

هاوكات بەپێی هەواڵێكی ئاژانسی ڕۆیتەرز، بڕیارە ئەو كۆبونەوەیە لە 27ی ئەم مانگەدا لەمۆسكۆ بەڕێوەبچێت و زیاتر گفتوگۆ لەبارەی ڕۆژهەڵاتی ناوەڕاستی و دۆخی سوریا دەكەن.

بەردەوام بە لە خوێندنەوە

جیهان

ترەمپ و ئەردۆغان لەسەر بەرەنگاربوونەوەی تیرۆر لە سووریا ڕێككەوتن

خەڵك- بەشی هەواڵ

ڕەجەب تەیب ئەردۆغان سەرۆك كۆماری توركیا ‌و دۆناڵد ترەمپ سەرۆكی ئەمریكا پەیوەندییەكی تەلەفۆنییان ئەنجام دا.

بەپێی ئاژانسی ئەنادۆڵۆ، لە پەیوەندییە تەلەفۆنییەكەی نێوان ئەردۆغان و ترەمپدا باس لە دوا پەرەسەندنەكانی سووریا كرا و یارمەتیدانی پرۆسەكە بە گرنگ زانرا.

هەروەها لە پەیوەندییە تەلەفۆنییەكەی نێوان ئەردۆغان و ترەمپدا جەخت كرایەوە لەسەر سوور بوون لە هاوبەشی بەرەنگاریی هەموو جۆرێك لە تیرۆر.

ئەردۆغان و ترەمپ هاوڕابوون لەبارەی جێبەجێ كردنی كشانەوەی ئەمریكا لەسووریا بە ئاراستەی گونجاو لەگەڵ بەرژەوەندییە هاوبەشەكان‌و هەردوو سەركردە ڕێككەوتن لەسەر پرسی بەھێزكردنی زیاتری پەیوەندی ئابووری و گەیاندنی قەبارەی بازرگانی بۆ ٧٥ ملیار دۆلار .

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان