ئێمە لە تۆرە کۆمەڵایەتیەکان

کوردستان

(خەڵك) بۆ یەكەمجار دامەزراندنی حزبێكی سیاسی دیكە لە هەرێم ئاشكرا دەكات

خەڵك-بەشی هەواڵ

هەرچەندە حزبەكان بە گشتی و حزبە ئیسلامییەكان لە كوردستان بوون بە چەند بەشێكەوەو بەشێك لە چاودێرانی سیاسی پێیان وایە ئەو ژمارەیە لە حزب بۆ هەرێمێكی وەكو كوردستان زۆرە و هێندەی كێشە و ململانێی نێوخۆیی دروست دەكات، هێندە لە بەرژەوەندی هاووڵاتیانی كوردستاندا نییە، بەپێی زانیارییەكان لە داهاتوویەكی نزیكدا حزبێكی ئیسلامی دیكە لە كوردستان رادەگەیەنرێت.

مانگی رابردوو ژمارەیەك ئەندامی سەركردایەتی بزووتنەوەی ئیسلامی دەستیان لە حزبەكەیان كێشایەوەو بەپێی ئەو زانیارییە تایبەتانەی دەست (خەڵك) كەوتوون، ئەو سەركردانە دەیانەوێ حزبێكی نوێ دروست بكەن.

(خەڵك) زانیوێتی ئەو سەركردە ئیسلامییانە، دوای كشانەوەیان لە حزبەكەیان، دەیانەوێ بە چوار قۆناغی جیاواز بگەنە حزبێكی نوێ و لە ئێستادا لە قۆناغی پێش كۆتایین و لە هەوڵی كۆكردنەوەی ئەو كەسانەدان كە پاشخانی ئیسلامییان هەیە.

سەرچاوەكانی (خەڵك) ئاماژەیان بۆ ئەوە كرد، لە ئێستادا جموجوڵێكی رێكخراو لەنێو ئەو كەسانەدا هەیە بەشێوەیەك سەردانی ئەو سەركردانەی پێشووتری بزووتنەوەی ئیسلامی دەكەن كە لە ساڵانی نەوەدەكانی سەدەی رابردوو دەستیان لەكاركێشاوەتەوە، هەروەها ئەو كەسانەشی بەهۆی لێكترازانەكانی ساڵی 2001 و دروستبوونی كۆمەڵ و جوندولئیسلام لە بزووتنەوە كشاونەتەوەو پەیوەندییان بە حزبە ئیسلامییەكانەوە نەماوە.

بەپێی زانیارییەكان، ئەو كەسانەی لە حزبەكەیان كشاونەتەوە، كۆتاییان بە راژەكەیان نەهێناوەو وەك خۆیان ئاماژەی بۆ دەكەن، دەستیان لە پۆستەكانیان كێشاوەتەوە، بەڵام ئەو جموجوڵانەی دەیكەن بۆ بەهێزكردنی خۆیانە، چونكە ئەوان لە حزبەكەیان پێگەیەكی بەهێزی سیاسیان نەبووە، لەبەرئەوە ناتوانن سەربەخۆیانە حزبێكی دیكەی سیاسی دروست بكەن.

پێشتر چەند ئەندامێكی سەركردایەتی كۆمەڵی ئیسلامیش دەستیان لەكاركێشایەوە و تووشی كێشەی نێوخۆیی حزبەكەیان بوون، بەڵام تا ئێستا گفتوگۆیان لەگەڵ نەكراوە كە بەشداری ئەم رێكخستنە نوێیە دەكەن یاخود نا، چونكە ئەوانەی ئێستا دەیانەوێ حزب دروست بكەن نایانەوێ بچنە نێو هیچ حزبێكی ئیسلامی.

لای خۆشییەوە سەرباز خۆشناو ئەندامی دەستلەكاركێشاوەی بزووتنەوەی ئیسلامی بە (خەڵك)ی راگەیاند، ئەو بابەتە دوورە لە راستییەوە و تا ئێستا هیچ بڕیارێك نەدراوە بۆ دروستكردنی حزبی ئیسلامی.

ناوبراو وتیشی “راستە ئێمە دەمانەوێ سەركردە كۆنەكانی بزووتنەوە كە پێشتر ئەندامی مەكتەبی سیاسی بوون، ببینین و لە ئێستادا راوێژیان پێدەكرێ و كۆبونەوەیان لەگەڵ دەكرێت و هەڵوێست وەردەگیرێت”.

ئاشكراشیكرد، تا ئێستا نەچوینەتە ئەو بەرنامەیەی حزبی نوێ دروست بكرێت.

سەرچاوەیەكی ئاگادار لەنێو حزبە ئیسلامییەكان بە (خەڵك)ی راگەیاند، ئەو سەركردانەی لە ئێستادا گفتوگۆ دەكەن بۆ پێكهێنانی حزبێكی ئیسلامی یەك هەڵوێست كۆی نەكردونەتەوە و بەڵكو لەبەرانبەر ئەو كەسانەی كە هۆكار بوون لە حزبەكانیان بكشێنەوە، ئێستا یەكیان گرتووە.

وتیشی” ئەو یەكگرتنەشیان گشتگیر نییە، چونكە پێشتر كاریان پێكەوە كردووەو متمانەیان لای یەكتر لەدەستداوە”.

ئابوری

“دوای پێكھێنانی كابینەی نوێ پڕۆژەی شەقامی 100 مەتری سلێمانی جێبەجێ دەكرێت”

خەڵك – بەشی هەواڵ

لیژنەی تایبەت بە پڕۆژەی شەقامی 100 مەتری سلێمانی ڕاپۆرتی خۆی لەسەر پڕۆژەكە ئاڕاستەی ئەنجومەنی وەزیران دەكات.

ئـازاد ڕەسوڵ بەڕێوەبەری فەرمانگەی شەقامی 100 مەتری سلێمانی ڕایگەیاند، ئەو لیژنەیەی بۆ ئامادەكردنی ڕاپۆرتێك لەسەر شەقامی 100 مەتری سلێمانی پێكھێنرابوو، ڕاپۆرتەكەی تەواو كردووە و پێشكەش بە جێگری سەرۆكی حكومەتی كردووە و دوای لێكۆڵێنەوە لە ڕاپۆرتەكە وەڵامی لیژنەكە دەدرێتەوە.

ئـازاد ڕەسوڵ وتیشی، جێبەجێكردنی پڕۆژەكە دەكەوێتە دوای پێكھێنانی كابینەی نوێی حكومەتی ھەرێم، لە ڕاپۆرتەكەدا چەند ئەلتەرناتیڤێك لەسەر دەرخستەی پڕۆژەكە ئامادەكراوە، كام لەو ئەلتەرناتیڤانە لە توانای دارایی حكومەتدا بێت ئەوەیان جێبەجێ دەكرێت.

بەردەوام بە لە خوێندنەوە

کوردستان

“ئەنجومەنی وەزیران وەڵامی ڕاپۆرتێكی كەركوكییەكان ناداتەوە”

خەڵك – بەشی هەواڵ

ماوەی سێ مانگە ئەنجومەنی وەزیرانی عیراق وەڵامی راپۆرتی لیژنەی چارەسەركردنی كێشە كشتوكاڵییەكانی كەركوكی نەداوەتەوە، ئەندامێكی ئەنجومەنی نوێنەرانیش گومانی لە پەراوێزخستنی راپۆرتەكە ھەیە.

لەوبارەیەوە، جەمال شكور ئەندامی ئەنجومەنی نوێنەرانی عیراق ڕایگەیاند، سێ مانگ لەمەوبەر لیژنەی چارەسەری كێشە كشتوكاڵییەكانی كەركوك كەنوێنەری سەرجەم پێكھاتەكانی كەركوك و لایەنە پەیوەندیدارەكانی تێدابوو، ڕاپۆرتی خۆی ئاراستەی سەرۆكی ئەنجومەنی وەزیرانی عیراق، بەڵام تا ئێستا وەڵامی ڕاپۆرتەكە نەدراوەتەوە.

ڕوونیشیكردەوە سەرجەم پێكھاتەكانی كەركوك كۆكبوون لەسەر ڕاپۆرتی لیژنەكە بۆ چارەسەری كێشە كشتوكاڵییەكانی كەركوك، بۆیە داوا لەسەرۆكی ئەنجومەنی وەزیران دەكەن بەزووترین كات بڕیار لەوبارەیەوە بدات.

جەمال شكور وتیشی، گومانیان ھەیە ئەو ڕاپۆرتەی ئاراستەی سەرۆك وەزیرانی عیراق كراوە، ھاوشێوەی ڕاپۆرتی لیژنەكانی پێشووتر پەراوێز بخرێت.

بەردەوام بە لە خوێندنەوە

کوردستان

بەوێنە؛ ئۆتۆمبێلێك لەسەر پردێكی نزیك سلێمانی كەوتەخوارەوە

خەڵك- بەشی هەواڵ
بەڕێوەبەرایەتی هاتووچۆی دەربەندیخان ئاشكرای دەكات، كە ئۆتۆمبێلێك لەسەر ڕێگای كەلار- دەربەندیخان لە پردی (قەترە)ەوە كەوتۆتە خوارەوە.

بەڕێوەبەرایەتی هاتووچۆی دەربەندیخان لە ڕاگەیەندراوێكدا ئاماژەی بەوەكردووە، نیوەڕۆی ئەمڕۆ شەممە 15ی حوزەیران، ئۆتۆمبێلێك لە جۆری (نیسان سێنترا) دوای لەدەستدانی كۆنتڕۆڵ لەسەر پردی (قەترە) كە دەكەوێتە سەر ڕێگای گشتی كەلار- دەربەندیخان كەوتۆتە خوارەوە.

ڕاشیگەیاندووە، شۆفێرەكەی بە سووكی بریندارە بووە.

بەردەوام بە لە خوێندنەوە

کوردستان