ئێمە لە تۆرە کۆمەڵایەتیەکان

کوردستان

حیزبی دێموكراتی كوردستانی رۆژهەڵات ناو و لۆگۆكەی گۆڕی

لۆگۆی بزوتنەوەی سەربەخۆییخوازانی كوردستان

خەڵك- بەشی هەواڵ

حیزبی دێموكراتی كوردستانی رۆژهەڵات دوای رۆژێك لە راگەیاندنی دامەزراندنی، ناو و لۆگۆی خۆی گۆڕی و ناوی بزوتنەوەی سەربەخۆییخوازانی كوردستانی لەخۆی نا، ئەوەش لە دوای دروستبوونی ناڕەزایی لە نێو ریزەكانی حیزبی دێموكراتی كوردستانی ئێران و حیزبی دێموكراتی كوردستاندا.

بزوتنەوەی سەربەخۆییخوازانی كوردستان لە راگەیەندراوێكدا كە وێنەیەكی بۆ (خەڵك) نێردراوە، رونیكردەوە “هەر وەكوو ئاگادارن دوابەدوای ڕاگەیاندنی حیزبی دێموكراتی كوردستانی ڕۆژهەڵات بە ئامانجی هەنگاونان بۆ سەربەخۆیی ، كۆمەڵێك لە ئەندامانی حدكا و حدك دەستیان بە بێڕێزی كرد و دێموكرات بوونی خۆیان سەلماند ، هاوكات كۆمەڵێك تێكۆشەری دڵسۆز بە هێنانە بەر باسی هەندێ ڕەخنەی بنیاتنەر و سازێنەر چەند پێشنیاریان خستە بەردەم شووڕای بەڕێوەبەری و سەرەنجام پاش كۆبوونەوە و ئاڵووگۆڕی بیر و ڕا كەوتینە ئەو باوەڕە كە تووشی هەڵە بووین”.

راشیدەگەیەنێت “وێڕای دان نان بە هەڵەكەمان داوای لێبوردن لە سەرجەم تێكۆشەرانی دێموكرات و دڵسۆزانی نەتەوەی كورد و هەروەها بە مەبەستی پاراستنی یەكڕیزیی خەبات و پتەو كردنی ناو ماڵی كورد ڕایدەگەیەنین: لەمە بەدواوە لە ژێر ناوی بزووتنەوەی سەربەخۆییخوازانی كوردستان درێژە بە كار و چالاكییەكانمان دەدەین و ئاوات دەخوازین ڕیزەكانی حدك و حدكا و كۆمەڵە بێ لە بەر چاو گرتنی بەرژەوەندیی تاكەكەسی بخرێنەوە سەر یەك و یەكگرتوانە بتوانین هەنگاوەكانمان بۆ سەرخستنی نەتەوەكەمان یەك بخەین”.

لۆگۆی حیزبی دێموكراتی كوردستانی رۆژهەڵات

دەقی راگەیەندراوەكە:
ڕاگەیاندراو، ڕاستكردنەوەی هەڵەیەك و داوای لێبوردنێك

خەڵكی شۆڕشگێڕی كوردستان

هەر وەكوو ئاگادارن دوابەدوای ڕاگەیاندنی حیزبی دێموكراتی كوردستانی ڕۆژهەڵات بە ئامانجی هەنگاونان بۆ سەربەخۆیی ، كۆمەڵێك لە ئەندامانی حدكا و حدك دەستیان بە بێڕێزی كرد و دێموكرات بوونی خۆیان سەلماند ، هاوكات كۆمەڵێك تێكۆشەری دڵسۆز بە هێنانە بەر باسی هەندێ ڕەخنەی بنیاتنەر و سازێنەر چەند پێشنیاریان خستە بەردەم شووڕای بەڕێوەبەری و سەرەنجام پاش كۆبوونەوە و ئاڵووگۆڕی بیر و ڕا كەوتینە ئەو باوەڕە كە تووشی هەڵە بووین و وێڕای دان نان بە هەڵەكەمان داوای لێبوردن لە سەرجەم تێكۆشەرانی دێموكرات و دڵسۆزانی نەتەوەی كورد و هەروەها بە مەبەستی پاراستنی یەكڕیزیی خەبات و پتەو كردنی ناو ماڵی كورد ڕایدەگەیەنین:
لەمە بەدواوە لە ژێر ناوی بزووتنەوەی سەربەخۆییخوازانی كوردستان درێژە بە كار و چالاكییەكانمان دەدەین و ئاوات دەخوازین ڕیزەكانی حدك و حدكا و كۆمەڵە بێ لە بەر چاو گرتنی بەرژەوەندیی تاكەكەسی بخرێنەوە سەر یەك و یەكگرتوانە بتوانین هەنگاوەكانمان بۆ سەرخستنی نەتەوەكەمان یەك بخەین.

ڕاگەیاندنی دامەزرانی بزووتنەوەی سەربەخۆیخوازانی كوردستان
هاونیشتمانیانی تێكۆشەر
خەڵكی بەشەڕەف و خۆراگری كوردستانی ڕۆژهەڵات
حیزب و لایەنە سیاسیەكان

ئێستا جیهان و ڕۆژهەڵاتی ناوەڕاست بە گشتی و كوردستان بە تایبەتی بە قۆناغێكی هەستیار و چارەنووس ساز دا تێپەڕ دەبێ و نەخشە ی ڕۆژهەڵاتی ناڤین سەر لە نوێ دادەڕێژرێتەوە.

گەلی كورد وەك نەتەوەیەكی پەنجا ملیۆنی سەدان ساڵە دابەش كراوە و خاك و جوغرافیای لە لایەن داگیركەرانەوە، داگیر كراوە و سەربەخۆیی خوازی و هەوڵدان بۆ دامەزراندنی دەوڵەتی كوردستان بۆتە ویست و داخوازیی سەرەكیی گەلی كورد.

فیدرالیزم و مۆدێلەكانی لەم چەشنە تەنیا بە فیڕۆ دانی كات و خەباتی نەتەوەی كوردە و ناتوانن وەڵامدەری ویست و داخوازیی ئەمڕۆیی نەتەوەی كورد بن.
هێرشی بەغدا و حكوومەتی ناوەندیی عێراق لە پێوەندی بە ڕێفراندۆمی كوردستانی باشوور دەرخەری ئەو ڕاستیەن كە داگیركەرانی كوردستان تا ئەو كاتەی لە لاوازی دان، دان بە مافی گەلانی بندەست دادەنێن و هەر كات هێزیان گرت ، هێرش دەكەنە سەر كورد و هەوڵی شكاندنی كەڕامەت و شكۆی كورد دەدەن.

بە لە بەر چاو گرتنی خواستی كۆمەڵگای كوردستان و هەروەها ڕەوشی ناوچەكە و جیهان لە مەڕ سەربەخۆیی گەلان و مافی دیاریكردنی چارەنووس وەك مافێكی یاسایی و نێونەتەوەیی، بزووتنەوەی سەربەخۆییخوازانی كورستان دامەزرانی خۆی ڕادەگەیەنێ.

بزووتنەوەی سەربەخۆییخوازانی كورستان لە سەر بناغەی كۆمەڵەی ژێ كاف و كۆماری كوردستان بنیات دەنرێتەوە.

بزووتنەوەی سەربەخۆییخوازانی كورستان ، بزووتنەوەیەكی ڕزگاریخوازی نەتەوەیی و دێموكراتی كوردستانی ڕۆژهەڵاتە كە لە پێناو دەستەبەربوونی سەربەخۆیی بۆ كوردستانی ڕۆژهەڵات خەبات دەكا و ئامانجی دامەزراندنی دەوڵەتی سەربەخۆی كوردستانە و لە ژێر دروشمی سەربەخۆیی بۆ كوردستان خەبات دەكا.

بزووتنەوەی سەربەخۆییخوازانی كورستان باوەڕی بە پرەنسیپەكانی مافی مرۆڤی پەسەند كراوی نەتەوە یەكگرتووەكان هەیە .

بزووتنەوەی سەربەخۆییخوازانی كورستان ، بزووتنەوەیەكی سێكۆلارە و باوەڕی بە جیایی دین و ئایین لە سیاسەت و حكوومەت هەیە و ڕێزی بۆ سەرجەم بیر و باوەڕ و ئایینە پێشكەوتوو و دێموكراتەكان هەیە.

بزووتنەوەی سەربەخۆییخوازانی كورستان لەو باوەڕە دایە كە حیزب ئامرازە بۆ گەیشتن بە ئامانج و ئەوە حیزبە كە دەبێ لە خزمەت بە بەرژەوەندییە نەتەوەییەكان دابێ نەك بەرژەوەندییە نەتەوەییەكان لە خزمەت بە حیزب و تاكە كەس دابن.

بزووتنەوەی سەربەخۆییخوازانی كورستان باوەڕی بە دەستەواژەی تەوایەتی ئەرزی ئێران نییە و نەتەوەی ئێران و جوغرافیای ئێران بە دەستكرد و ساختە دەزانێ و لەو باوەڕە دایە كە خاك و جوغڕافیا، زمان و فەرهەنگ و كلتوور، مێژوو و ناسنامە و شوناسی كورد لە لایەن ڕژیمە داگیركەرەكانی ئێران و شۆڤێنیسمی فارس داگیر كراوە و سەدان ساڵە هەوڵی سڕینەوە و ئاسمیلە كردنی نەتەوەی كوردیان داوە و هەوڵەكانیشیان بەردەوامن.

بزووتنەوەی سەربەخۆییخوازانی كورستان باوەڕی بە جوغڕافیایەك بە ناوی ئێران نییە و لەو باوەڕە دایە كە ئەو جوغڕافیایە دەستكردە و لە سەر خاكی نەتەوەكانی دیكە بنیات نراوە و هەروەها نەتەوەیەك بە ناوی ئێرانی، بێ مانایە و تەنیا بە مەبەستی سڕینەوەی شوناسی نەتەوەیی نەتەوەكانی غەیرە فارس ساز كراوە .

بزووتنەوەی سەربەخۆیخوازانی كوردستان بۆ ئەو خاكە خەبات دەكا كە لە لایەن ئێرانەوە داگیركراوە و بریتییە لە ئوستانەكانی ئیلام، كرماشان، سنە، ورمێ، لوڕستان و لەكستان و بەشێك لە خوراسانی باكوور و شاری كرماشان وەك پایتەختی دەوڵەتی كوردستان پێشنیار دەكا .

لە ڕێگەی زمانناسان و شارەزایانی ئەو بوارە كار بۆ زمانی ستاندارد و یەكگرتووی كوردی، بە كەڵك وەرگرتن لە هەموو زاراوە و بن زاراوەكان دەكرێ و هیچ زاراوەیەك بە سەر زاراوەیەكی تر دا زاڵ نابێ و میدیا و ڕاگەیاندن و كتێب و خوێندن لە ناوچەكانی سەر بە زاراوە جۆربەجۆرەكان دەبێ دابین بكرێ ، بەڵام زمانی سەرەكی و ئیداری و فەرمی زمانی ستاندارد و یەكگرتووی كوردی و زمانی دووهەم زمانی ئینگلیسی دەبێ.

بزووتنەوەی سەربەخۆیخوازانی كوردستان بە پشت بەستن بە ئیرادەی نەتەوەی كورد لە كوردستانی ڕۆژهەڵات و لە ڕێگەی لۆبیگەری لە گەڵ وڵاتانی زلهێزی جیهانی هەوڵ بۆ دامەزراندنی دەوڵەتی كوردستان و وەدەرنانی داگیركەران لە خاكی كوردستان دەدا .

بزووتنەوەی سەربەخۆیخوازانی كوردستان پێوەندی لە گەڵ وڵاتانی ئورووپایی، عەڕەبی،ئەمریكا و ئیسرائیل بە ڕەوا دەزانێ و یارمەتی وەرگرتن لەو وڵاتانەی كە خاكی كوردستانیان داگیر نەكردووە، بە مافی بێ ئەملاو ئەولای خۆی دەزانێ و بەرژەوەندیی هاوبەش و دوژمنی هاوبەش دەتوانێ خاڵی هاوبەشی هاوكاریی دوولایەنە بێ.

بزووتنەوەی سەربەخۆیخوازانی كوردستان بە دامەزراندنی فیدراسیۆنێك لە ژێر ناوی سەربەخۆییخوازانی كوردستانی ڕۆژهەڵات هەوڵ بۆ یەكخستنی ناو ماڵی كورد و بەرەیەكی سەربەخۆیی خواز دەدا و داوا لە سەرجەم حیزب و سازمان و ڕێكخراوە سەربەخۆیی خوازەكان دەكا كە بە لەبەرچاو گرتنی بەرژەوەندی نەتەوەیی و بە دوور لە بەرژەوەندیی حیزبی و تاكە كەسی لە دەوری یەك كۆ ببینەوە و كار بۆ ئامانجی هاوبەش بكەین.

بزووتنەوەی سەربەخۆیخوازانی كوردستان هەوڵ بۆ دامەزراندنی میدیایەكی سەربەخۆ و بێ لایەن دەدا تاكوو دەنگ و ڕەنگی سەرجەم سەربەخۆیی خوازانی كوردستانی ڕۆژهەڵات بێ و لەو پێوەندییە دا داوا لە دڵسۆزان و غەمخۆرانی كورد دەكا كە یارمەتیدەر و پاڵپشت بن.

بزووتنەوەی سەربەخۆیخوازانی كوردستان لە گەڵ هەموو نەتەوە غەیرە فارسەكان كە خاكیان لە لایەن ئێرانەوە داگیر كراوە خۆی بە دۆست و هاوپەیمان دەزانێ و هەوڵ دەدا لە بەرەیەكی سەربەخۆیی خوازی دا لە گەڵ نەتەوەكانی عەڕەبی ئەحواز،توركی ئازەربایجان ، بەلووچەكان و نەتەوە كانی دیكە كە باوەڕیان بە نەمانی ئێران لە تەواویەتی خۆی دا هەیە كار بۆ سەربەخۆیی و ڕزگاری لە داگیركاری بكا.

بزووتنەوەی سەربەخۆیخوازانی كوردستان بۆ بڕەو دانی زیاتر بە بیری نەتەوایەتی و سەربەخۆیی خوازی، ژوورێكی فكری دادەمەزرێنێ و داوا لە ڕووناكبیران، بیرمەندان، نووسەران و چالاكانی بوارە جۆڕبەجۆڕەكانی كوردستانی ڕۆژهەڵات دەكا كە بە بێ لە بەر چاو گرتنی بیری حیزبایەتی و خۆ بەستنەوە و خۆ قەتیس كردن لە ناو حیزبایەتی دا بە نووسینی وتار و بابەت و لێدوان یارمەتیدەری سەربەستی و سەربەخۆیی و هەوڵی ڕوونكردنەوەی زیاتری نەتەوەكەمان بدەن.

لە كۆتاییدا بزووتنەوەی سەربەخۆیخوازانی كوردستان داوا لە ئەندامان و لایەنگرانی كە ئێستا لە ڕیزی حیزبەكانی تر دان دەكا تاكوو ئاگاداركردنەوە و گرتنی كۆنگرە لە ناو ریزی ئەو حیزبانە دا بمێننەوە و هەوڵەكانتان بۆ سەربەخۆیی خوازی چڕتر بكەنەوە و هەوڵ بدەن ئەو فكرییەتە ببنە ناو ڕێبەرایەتیی حیزبەكانەوە.

بزووتنەوەی سەربەخۆیخوازانی كوردستان
١٧ی بەفرانباری ٢٧١٨ی كوردی بەرانبەر بە ٧ی ژانویەی ٢٠١٩ی زایینی

ڕوونووس بۆ:
خەڵكی بەشەڕەفی كوردستانی ڕۆژهەڵات
هێز و لایەنە سیاسیەكانی كوردستان
میدیا و ڕاگەیەنەرە گشتیەكان
حیزب و لایەنەكانی سەر بە نەتەوەكانی بەلووچ،عەڕەبی ئەحوازی، توركی ئازەربایجان،توركمان

کوردستان

كۆبوونەوەی پارتی و یەكێتی لە سلێمانی دەستیپێكرد

خەڵك- بەشی هەواڵ

كۆبوونەوەی پارتی دیموكراتی كوردستان و یەكێتی نیشتمانی كوردستان لە بارەگای مەكتەبی سیاسی یەكێتی لە سلێمانی دەستیپێكرد.

بەپێی زانیارییەكانی گەیشتوو بە (خەڵك) شاندی پارتی بە سەرۆكایەتی كەمال كەركوكی و ئەندامێتی ژمارەیەك سەركردەی دیكەی پارتی گەیشتنە مەكتەبی سیاسی یەكێتی و كۆبوونەوە دەستیپێكرد.

سەرۆكایەتی شاندی یەكێتی لەلایەن عیماد ئەحمەدەوە دەكرێت بە بەشداری ژمارەیەك لە سەركردەكانی دیكەی حزبەكە.

ئەم كۆبوونەوەیە لە دوای واژۆكردنی دوو ڕێككەوتنی نێوان پارتی و یەكێتی دێت كە هیچیان جێبەجێنەكراون و نەیانتوانیوە كۆتایی بە ناكۆكییەكانی نێوان ئەو دوو حزبە بهێنن.

بەردەوام بە لە خوێندنەوە

کوردستان

هاتوچۆی سلێمانی، پلان و ڕێنماییەكانی نەورۆز و پشووەكانی ڕاگەیاند

خەڵك-بەشی هەواڵ

بەڕێوەبەرایەتی هاتووچۆی پارێزگای سلێمانی پلانی ئامادەكارییەكانی بۆ جەژنی نەورۆز‌ و ڕۆژانی پشوو ڕاگەیاند.

كاروان محەمەد سدیق وتەبێژی بەڕێوەبەرایەتی هاتوچۆی پارێزگای سلێمانی لە كۆنفڕانسێكی ڕۆژنامەوانیدا سەرجەم ئامادەكارییەكانی هاتووچۆی بۆ جەژنی نەورۆز‌ و ڕۆژانی پشووەكانی دواتری ڕاگەیاند.

وتەبێژی هاتوچۆ پلان وڕێنماییەكانی بەم شێوەیە ئاشكرا كرد.
1.بەڕێوەبەرایەتی هاتووچۆی ناوشار مەفرەزەكانی لە سنوری شاری سلێمانی دابەشدەكات بەسەر شوێنە گەشتیارییەكان‌ و ئەو شوێنانەی لۆد‌ و قەرەباڵغی زۆریان لەسەر دەبێت، ئەمە سەرباری ئەرك‌ و فەرمانی ئاسایی خۆیان.
2.سەرجەم ڕێگە لاوەكییەكانی كە دێتەوە سەر شەقامی سالم لە شەوی (19) لەسەر (20) دادەخرێن، تەنها ڕێگەی سەرەكی شەقامی سالم كراوە دەبێت، هەروەها ڕۆژی (20/3) كاتژمێر (3) پاش نیوەڕۆ شەقامی سالم لە باخی گشتییەوە تا پردی خەسرەو خاڵ بە ڕووی ئۆتۆمبێلدا دادەخرێت‌ و تەنها بۆ هاوڵاتیان واتە پیادەڕەو كراوە دەبێت.
3.ڕۆژی (21/3) لە ڕێگەی سلێمانی بەرەو شارباژێر ‌و تونێلی پێشڕەو، ئاڕاستەی ئۆتۆمبێل بەپێی لۆد‌و قەرەباڵغی دیاریدەكرێت، لە كاتژمێر (5)ی ئێوارەوە ئۆتومبێل تەنها دەتوانێت لە تونێلی پێشڕەو بەرەو سلێمانی بگەڕێتەوە، چوونیش بۆ شاڕباژێر لە ڕێگەی چیای ئەزمەڕەوە دەبێت.
4.تیمی فڕۆكەوانی هاتووچۆی سلێمانی لە ئەرك‌و فەرماندا دەبن بە جۆرێك كە فڕۆكەكانیان بەسەر ئاسمانی سەیرانگا‌ و شوێنە گەشتیارییەكاندا بەردەوام لە چاودێریكردندا دەبن، ئەویش بەمەبەستی چاودێریكردن‌ و ڕێكخستنی ڕەوشی هاتووچۆ لە كاتی دروستبوونی لۆد‌ و قەرەباڵغی لەسەر شەقامەكان‌ و گواستنەوەی بریندار لەكاتی بوونی هەر ڕووداوێكی نەخوازراودا، هەورەها تیمی فڕۆكەوانی هەڵدەسێت بە بڵاوكردنەوەی هەزاران كارتی پیرۆزبایی‌ و ڕێنمایی هاتووچۆیی بەسەر هاوڵاتیاندا.
5.لە ڕێگاوبانەكانی دەرەوە بەتایبەتی ڕۆژی (21)‌و ڕۆژانی دواتر كە هاوڵاتیان سەردانی سەیرانگا‌ و شوێنە گەشتیارییەكان دەكەن، لە تەواوی ڕێگاوبانەكان مەفرەزە‌ و ئەفسەر‌ و ڕێپێدرا‌و كارمەندانی هاتووچۆ بوونیان دەبێت ئەویش بەمەبەستی هاوكاریكردنی هاوڵاتیان‌ و ڕێكخستنی ڕەوشی هاتووچۆ.
6.تیمی ڕاگەیاندن‌ و پەیوەندییەكانی هاتووچۆ لە ئەرك‌و فەرماندا دەبن، ئەویش بەمەبەستی بڵاوكردنەوەی ڕێنمایی هاتووچۆیی‌ و كاری وێنەگرتن.
7.ئەفسەران‌ و ڕێپێدراوان‌ و كارمەندانی ناو بەڕێوەبەرایەتی هاتووچۆی سلێمانی ڕۆژانە وەك ئەركی كارگێڕی‌ و هونەری خۆیان بەردەوامن لە ڕاییكردنی مامەڵەی هاوڵاتیان، هاوكات ڕۆژانی (20/21/22/3) سوود لە تواناكانیان وەردەگیرێت، ئەویش بەمەبەستی زیادكردنی مەفرەزەكانی هاتووچۆ لە ناو شار‌و شوێنە گەشتیارییەكان‌ و ڕێگەوبانەكاندا.
8.هەروەها ڕێژەیەكی بەرچاو لە ئۆتۆمبێل‌ و ماتۆڕسكیل‌ و كرێن‌ و فلاتەكانی هاتووچۆ لە ئەرك‌ و فەرماندا دەبن.
9.هەماهەنگی تەواو لە نێوان بەڕێوەبەرایەتی هاتووچۆ لەگەڵ هێزەكانی ئاسایش‌ و پۆلیس‌ و تیمەكانی بەڕێوەبەرایەتی تەندروستی‌ و بەڕێوەبەرایەتی گشتی گەشت‌وگوزار‌و ڕێگاوبان‌ و لایەنە پەیوەندیدارەكانی دیكە دەبێت بەمەبەستی خزمەتكردنی هاوڵاتییان‌ و گەشتیاران.
10.كامێراكانی چاودێریكردنی خێرایی هاوشێوەی ڕۆژانی پێشوو لە ئەرك‌ و فەرماندا دەبن.
11.ڕادیۆی ترافیك (ئیف ئێم)ی سەر بە هاتووچۆی سلێمانی بەردەوام ڕێنمایی‌ و هۆشیاریی هاتووچۆیی بۆ شۆفێران‌ و هاوڵاتییان بڵاودەكاتەوە.
12.لەلایەن مەفرەزەكانی هاتووچۆ وە بە هەزاران كارتی پیرۆزبایی‌ و ڕێنمایی هاتووچۆیی لە سەیرانگا‌ و شوێنە گەشتیارییەكاندا بەسەر گەشتیاران‌ و هاوڵاتیاندا دابەشدەكرێت، هەروەها لەبازگەكاندا لەلایەن كارمەندانی هاتووچۆوە ئەو كارتانە دابەشدەكرێت بەسەر شۆفێراندا.

وتەبێژی هاتوچۆ ئاشكراشیكرد، بەڕێوەبەرایەتی هاتوچۆ چەند ڕێنماییەكی هاتوچۆیی ئاڕاستەی هاوڵاتییان دەكات:
* بەكارهێنانی شانی ڕێگا (سەرخۆڵ) بەهەموو شێوەیەك قەدەغەیە‌ و سەرپێچیكار دووچاری لێپرسینەوەی قورسی یاسایی دەبێتەوە.
* شوفێریكردن لەژێر كاریگەری مەی قەدەغەیە‌ و سەرپێچیكار ڕووبەڕوی سزای یاسایی دەبێتەوە.
* ئاڕاستەی ڕۆیشتن‌ و هاتنی ئۆتۆمبێل لەسەر شەقام‌ و ڕێگاو بانەكان وەك ڕۆژانی ئاسایی دەبێت، واتە ڕۆیشتنی ئۆتۆمبێل بە ئاڕاستەی پێچەوانە قەدەغەیە، جگە لە تونێلی پێشڕەو ئەمەش لەژێر چاودێری و ڕێنمایی مەفرەزەكانی هاتووچۆی سلێمانیدا دەبێت.
* بەكارهێنانی ئۆتۆمبێلی بارهەڵگری گەورە بۆ چوون بۆ سەیرانگا‌ و شوێنە گەشتیارییەكان قەدەغەیە.
* لێخوڕینی ئۆتۆمبێل بەبێ‌ مۆڵەت هاوشێوەی ڕۆژانی پێشوو قەدەغەیە.
* ئەو شۆفێرانەی بەلاساری‌ و سەركێشی‌ و كەمتەرخەمی شۆفێری دەكەن‌ و دەبنەهۆی دروستكردنی گرفت‌ و ئاستەنگی بۆ شۆفێرانی دیكە، ڕووبەڕووی لێپرسینەوە‌ و سزای یاسایی دەبنەوە.
* پێویستە شۆفێران پەیوەست بن بە خێرایی دیاریكراو لەسەر شەقام‌ و ڕێگاوبانەكانی دەرەوە.
* سواربوونی سەرنشین‌و منداڵ لەناو ئۆتۆمبێلی دوا بەتاڵ و شوێنی نەشیا‌و قەدەغەیە.
* پێویستە سەرجەم شۆفێر‌و سەرنشینەكان پشتێنی سەلامەتی بەكاربهێنن.
*داواكارین لە هاوڵاتیان‌ و شۆفێران لەكاتی دروستبوونی هەر ڕووداوێكی هاتووچۆ‌و گرفت‌ و ئاستەنگی هاتووچۆییدا، ڕاستەوخۆ پەیوەندی بە ژمارە (188)ی كۆنترۆڵی هاتووچۆوە بكەن، تاكو بەزووترین كات هاوكاری هاتووچۆیتان پێبگات.

بەردەوام بە لە خوێندنەوە

کوردستان

بەوێنە..گەنجێكی هەڵەبجەیی خۆی خنكاند

خەڵك-بەشی هەواڵ

گەنجێك لە هەڵەبجەی شەهید خۆی خنكاند و هۆكارەكەشی نادیارە.

بەپێی زانیارییەكانی گەیشتوو بە (خەڵك) شەوی ڕابردوو گەنجێك لە ماڵەكەی خۆی لە شاری هەڵەبجە خۆی خنكاند.

گەنجەكە ناوی “ڕێشوان نەورۆز”ە و تەمەنی 23 ساڵ بووە و تا ئێستاش هیچ زانیارییەك لەسەر هۆكاری خۆخنكاندنەكەی ئاشكرا نەكراوە.

 

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان