ئێمە لە تۆرە کۆمەڵایەتیەکان

ناوخۆیی

عه‌بدولخالق مه‌سعود: عیراق ده‌گاته‌ قۆناغه‌ یه‌کلایکه‌ره‌وه‌کانی جامی ئاسیا و سه‌رسامم به‌ لێدوانه‌کانی کاتانیچ

خه‌ڵک سپۆرت

سه‌رۆکی یه‌کێتی تۆپی پێی عیراق دووپاتیده‌کاته‌وه‌، هه‌ڵبژارده‌ی عیراق له‌ ئاستێکی گونجاودایه‌ و ئاماده‌کاریه‌کان ده‌ریانخستووه‌ که‌ توانای گه‌یشتنیان به‌ قۆناغه‌ یه‌کلایی که‌ره‌وه‌کانی جامی نه‌ته‌وه‌کانی ئاسیا زۆر به‌هێزه‌.

عه‌بدولخالق مه‌سعودی سه‌رۆکی یه‌کێتی تۆپی پێی عیراق له‌باره‌ی هه‌ڵبژارده‌ی “شێره‌کانی رافیده‌ین”ه‌وه‌، به‌ ماڵپه‌ڕی “کوره‌”ی ڕاگه‌یاندووه‌ :” کاتانیچی ڕاهێنه‌ر ڕۆڵه‌که‌ی خۆی به‌باشترین شێوه‌ ده‌گێڕێت، سه‌رسامم به‌و لێدوانه‌ هاوسه‌نگانه‌ی ئه‌م ڕاهێنه‌ره‌ ده‌یدات به‌ میدیاکان، ئه‌وه‌ش به‌ڵگه‌یه‌ له‌سه‌ر پرۆفیشناڵ بون و توانا هونه‌رییه‌کانی”.

هه‌روه‌ها له‌باره‌ی ئاماده‌کاریه‌کانه‌وه‌ جه‌خت ده‌کاته‌وه‌ که‌ بارودۆخی ئاماده‌کاریه‌ هونه‌ری و وه‌رزشییه‌کان له‌ قه‌ته‌ر زۆر باش به‌ڕێوه‌چون و ده‌ڵێت :” تیپه‌که‌مان ئاماده‌یه‌، هه‌روه‌ها ئاماده‌کاریه‌کان له‌ وڵاتی قه‌ته‌ر به‌رچاو ڕونیه‌کی باشیان به‌ ڕاهێنه‌ر داوه‌ تا به‌شێوه‌ی کۆمه‌ڵ ئاستی هه‌ڵبژارده‌که‌ی بۆ ده‌ربکه‌وێت و خوێندنه‌وه‌ بۆ ئاستی جه‌سته‌یی تاک به‌ تاکی یاریزانان بکات”.

یه‌کێتی تۆپی پێی عیراق به‌ر له‌ده‌ستپێکی ڕووبه‌ڕوبونه‌وه‌کانی جامی نه‌ته‌وه‌کانی ئاسیا شه‌ش یاریی دۆستانه‌ی تاقیکارییان بۆ هه‌ڵبژارده‌ی عیراق ڕێکخست، به‌شێوه‌یه‌کی گشتی کاتانیچی سلۆڤینی ئه‌وه‌ی ده‌رخست‌ که‌ هه‌ڵبژارده‌ی عیراق ئاستێکی به‌رزی هه‌یه‌ و به‌رپرسانی یه‌کێتی تۆپی پێی عیراقیش متمانه‌یان به‌ پێکهاته‌که‌ هه‌یه‌ به‌گشتی.

ناوخۆیی

یه‌كێتى تۆپی پێی كوردستان بڕیار و راسپارده‌ى نوێی ده‌ركرد

یه‌کێتی تۆپی پێی کوردستان

ئه‌مڕۆ شه‌ممه‌ 2019/1/12 به‌ ئاماده‌بوونى سه‌رۆك و جێگر و سه‌رجه‌م ئه‌ندامه‌كانى، یه‌كێتى تۆپی پێی كوردستان كۆبوونه‌وه‌ى ئاسایی خۆى به‌ست و، ئه‌م بڕیار و راسپاردانه‌ى خواره‌وه‌ى ده‌ركرد:

1- كۆبوونه‌وه‌ى تایبه‌ت له‌گه‌ڵ سه‌رۆك و ئه‌ندامانى یانه‌ى ده‌روازه‌ كرا، دواى گفتوگۆ بڕیاردرا یه‌كێتى تۆپی پێی كوردستان له‌ چالاكییه‌كانى تایبه‌ت به‌ خۆى ته‌نیا مامه‌ڵه‌ له‌گه‌ڵ ده‌سته‌ى كارگێرى یانه‌كه‌ ده‌كات، به‌ پێی رێنمایی و یاسای یانه‌كان.

2- بڕیاردرا به‌ دوورخستنه‌وه‌ى فۆتۆگرافه‌رى وه‌رزشى (سه‌لام عه‌لى) له‌سه‌رجه‌م یاریگه‌كانى كوردستان و نابێت له‌ نێو یاریگه‌كان ئاماده‌بێت، ئه‌مه‌یش به‌ هۆى ده‌رچوون له‌ له‌ گیانى وه‌رزشى و ره‌وشتى پیشه‌ى فۆتۆگرافى و نانه‌وه‌ى ئاژاوه‌، داوایش له‌ لێژنه‌ى راگه‌یاندنى یه‌كێتییه‌كه‌مان ده‌كه‌ین باجى تایبه‌تى یه‌كێتى تۆپی پێی كوردستانى لێ بسێنرێته‌وه‌ و به‌ هیچ شێوه‌یه‌ك وه‌ك فۆتۆگرافه‌ر مامه‌ڵه‌ له‌گه‌ڵ نه‌كرێت.

3- داوا له‌ نوێنه‌رانى یانه‌ سه‌ركه‌تووه‌كانى قۆناخى كۆتایی خولى یانه‌ پله‌یه‌كه‌كانى كوردستان ده‌كه‌ین، رۆژى شه‌ممه‌ 2019/1/19 له‌ كاتژمێر 2:00 ـى پاش نیوه‌ڕۆ له‌ باره‌گه‌ى یه‌كێتى تۆپی پێی كوردستان ئاماده‌بن.

4- ئه‌و یاریزانانه‌ى له‌ خولى پله‌یه‌كى كوردستان بۆ وه‌رزى 2018/2019 یارییان نه‌كردووه‌ و ناویشیان له‌ لیستى یاریزانان هه‌بووه‌، ده‌توانن به‌ ده‌ستبه‌رداربوون بچنه‌ یانه‌یه‌كى دیكه‌ یارى بكه‌ن.

5- داوا له‌ هه‌ردوو یاریزانى یانه‌ى هه‌ڵۆ (هۆگر سه‌عدى و عومه‌ر عه‌بدولره‌حمان) ده‌كه‌ین، رۆژى شه‌ممه‌ 2019/1/19 له‌ كاتژمێر 2:00 ـى پاش نیوه‌ڕۆ له‌ باره‌گه‌ى یه‌كێتى تۆپى پێی كوردستان ئاماده‌بن.

6- دابه‌زینى هه‌ردوو یانه‌ى (شێخان و كفرى) بۆ خولى یانه‌ پله‌دووه‌كانى كوردستان بۆ وه‌رزى 2019/2020، به‌ هۆى ئه‌وه‌ى هه‌ردوو یانه‌ له‌ دواوه‌ى ریزبه‌ندى گرووپه‌كانى خۆیان له‌ خولى پله‌یه‌كى كوردستان بۆ وه‌رزى 2018/2019 بوون.

7- له‌ یارى نێوان زاخۆ و زێره‌ڤانى له‌ خولى نایابى كوردستان، به‌ هۆى ده‌ركردنى به‌ كارتى سوور و جنێودان به‌ ستافى ناوبژیوانان له‌ لایه‌ن گۆڵپارێزى یانه‌ى زاخۆ (مسته‌فا ئه‌حمه‌د) ژماره‌ (1) بڕیاردرا به‌:
• راگرتنى ناوبراو بۆ دوو یارى، یه‌ك یارى سزا و یه‌ك یارى به‌ هۆى كارتى سوور.
• غه‌رامه‌كردنى ناوبراو به‌ بڕى 150000 سه‌د و په‌نجا هه‌زار دینار.

8- له‌ یارى نێوان زاخۆ و زێره‌ڤانى له‌ خولى نایابى كوردستان، به‌ هۆى كۆنترۆڵ نه‌كردنى جه‌ماوه‌ره‌كه‌یان بڕیاردرا به‌ غه‌رامه‌كردنى یانه‌ى زاخۆ به‌ بڕى 300000 سێسه‌د هه‌زار دینار، هه‌روه‌ها داوا له‌ سه‌رۆك و ته‌واوى ئه‌ندامانى ده‌سته‌ى كارگێرى یانه‌ى زاخۆ ده‌كه‌ین، رۆژى شه‌ممه‌ 2019/1/19 له‌ كاتژمێر 2:00 ـى پاش نیوه‌ڕۆ بۆ كارى پێویست له‌ باره‌گه‌ى یه‌كێتى تۆپی پێی كوردستان ئاماده‌بن.

9- دوورخستنه‌وه‌ى سه‌رپه‌رشتیارى یارى (سه‌لیم نورى) بۆ سێ هه‌فته‌ به‌ هۆى كه‌مته‌رخه‌مى.

10- دوورخستنه‌وه‌ى هه‌ڵسه‌نگێنه‌رى ناوبژیوانان (ئه‌رسه‌لان قادر) بۆ یه‌ك یارى به‌ هۆى كه‌مته‌رخه‌مى.

11- دوورخستنه‌وه‌ى سه‌رپه‌رشتیارى یارى (مه‌جید ره‌شید) بۆ سێ هه‌فته‌ به‌ هۆى كه‌مته‌رخه‌مى.

12- له‌ یارى نێوان ئاكرێ و برایه‌تى له‌ خولى نایابى كوردستان، به‌ هۆى كۆنترۆڵ نه‌كردنى جه‌ماوه‌ره‌كه‌یان بڕیاردرا به‌ غه‌رامه‌كردنى یانه‌ى ئاكرێ به‌ بڕى 300000 سێسه‌د هه‌زار دینار و، ئاگادارى كۆتایی بۆ یانه‌ى ئاكرێ به‌ كۆنترۆڵكردنى جه‌ماوه‌رى یانه‌كه‌یان.

13- خولى لاوانى نایابى كوردستان بۆ وه‌رزى 2018/2019 له‌ رۆژى هه‌ینى 2019/3/15 به‌ به‌شدارى (13) یانه‌ به‌ یه‌ك قۆناغ به‌رێوه‌ ده‌چێت.

14- نووسراوى فه‌رمى یانه‌ى برایه‌تى ژماره‌ 8 له‌ رێكه‌وتى 2019/1/9 په‌سه‌ند نه‌كرا و ره‌تكرایه‌وه‌، به‌ هۆى نه‌بوونى هیچ پاساوێكى یاسایی تۆپی پێ.

بەردەوام بە لە خوێندنەوە

ناوخۆیی

یه‌کێتی تۆپی پێی کوردستان: ئه‌م یاریزانانه‌ ناتوانن له‌ گه‌ڕی (١٣)ی خولی نایاب به‌شداری بکه‌ن

خه‌ڵک سپۆرت – پێگه‌ی یه‌کێتی تۆپی پێی کوردستان

ئه‌مڕۆ یه‌کێتی تۆپی پێی کوردستان ناوی ئه‌و یاریزانانه‌ی بڵاوکرده‌وه‌، که‌ به‌هۆی که‌ڵه‌که‌بونی کارده‌ زه‌رده‌کانه‌وه‌ یاخود وه‌رگرتنی کاردی سوره‌وه‌ ناتوانن به‌شداری گه‌ڕی داهاتوی خولی نایابی کوردستان بکه‌ن.
ناو ئەو یاریزانانەی بە هۆی سزا یان وەرگرتنی سێ کارتی زەرد یان کارتی سوور، ناتوانن لە گەڕی سێزدەیەمی خولی نایابی کوردستان یاری بکەن بریتین له‌:

۱- خالید مشیر ـ ژمارە ۸ لە زێرەڤانی ـ سێ کارتی زەرد.
۲- عەلی سەلمان ـ ژمارە ۹ لە هەولێر ـ سێ کارتی زەرد.
۳- عەبدوڵڵا حەمەد ـ ژمارە ۲۱ له هەولێر ـ سێ کارتی زەرد.
٤- هاوژیر جەمال ـ ژمارە ۲۳ لە نەورۆز ـ سێ کارتی زەرد.
٥- عائد ئەنوەر ـ ژمارە ۲۱ لە ئاکرێ ـ سێ کارتی زەرد.
٦- نێچیرڤان ئیسماعیل ـ ژمارە ۹ لە زاخۆ ـ سێ کارتی زەرد.
۷- چیا نازی ـ ژمارە ۱۰ لە زاخۆ ـ سێ کارتی زەرد.
۸- مستەفا ئەحمەد ـ ژمارە ۱ لە زاخۆ ـ کارتی سوور.

بەردەوام بە لە خوێندنەوە

ناوخۆیی

بۆچی هه‌ڵبژارده‌ی عیراق له‌یه‌که‌م رووبه‌ڕوبونه‌وه‌ی جامی ئاسیا لاواز ده‌رکه‌وت؟ به‌شار ڕوسن وه‌ڵام ده‌داته‌وه‌…

خه‌ڵک سپۆرت

به‌شار ڕوسن یاریزانی هه‌ڵبژارده‌ی عیراق هۆکاری هه‌ڵه‌ به‌رده‌وامه‌کانی هێڵی به‌رگری و ناوه‌ندی هه‌ڵبژارده‌ی عیراق ئاشکرا ده‌کات به‌رامبه‌ر هه‌ڵبژارده‌ی ڤێتنام.

به‌شار ڕوسن، یاریزانی هه‌ڵبژارده‌ی عیراق ده‌رباره‌ی ئاستی هه‌ڵبژارده‌که‌ له‌ یه‌که‌م ڕووبه‌ڕوبونه‌وه‌دا به‌رامبه‌ر ڤێتنام به‌ ماڵپه‌ری “کوره‌”ی ڕاگه‌یاندووه‌ :” یاریزانانی هه‌ڵبژارده‌ی عیراق له‌سه‌ره‌تاوه‌ له‌و تاکتیکه‌ نوێیه‌ تێنه‌گه‌یشتن که‌ ڕاهێنه‌ر دایڕشتبوو، بۆیه‌ چه‌ند هه‌ڵه‌یه‌ک ڕوویدا، به‌ڵام گرنگ ئه‌وه‌یه‌ توانیمان ئه‌نجامه‌که‌ به‌سه‌ر ڕکابه‌ره‌که‌ماندا پێچه‌وانه‌ بکه‌ینه‌وه‌، توانیمان که‌سایه‌تی ڕاسته‌قینه‌ی شێره‌کانی ڕافیده‌ین نیشان بده‌ین”.

هه‌روه‌ها ده‌ڵێت :” بردنه‌وه‌ له‌ یه‌که‌م یارییدا له‌ڕووی ده‌رونیه‌وه‌ سودی گه‌وره‌ی پێگه‌یاندین، له‌ئێستادا هه‌ست به‌ ئارامی ده‌که‌ین، پێموابێت گه‌یشتن به‌ قۆناغی داهاتو نزیکه‌، ئێمه‌ وه‌ک یاریزانان په‌رۆشین بۆ به‌دیهێنانی خه‌ونی هانده‌رانمان که‌ زۆر به‌هێزه‌وه‌ پاڵپشتییان کردین”.

هه‌ڵبژارده‌ی عیراق یه‌کێکه‌ له‌ هه‌ڵبژارده‌ گه‌وره‌ و به‌هێزه‌کانی ئاسیا، به‌ڵام له‌ یه‌که‌م ڕووبه‌روبونه‌وه‌دا به‌رامبه‌ر هه‌ڵبژارده‌ی ڤێتنام دووچاری ئاسته‌نگی هات، له‌ تایمی یه‌که‌مدا به‌هۆی هه‌ڵه‌ی به‌رده‌وامی هێڵی به‌رگری و ناوه‌نده‌وه‌ دوو گۆڵیان له‌سه‌ر تۆمار کرا، به‌ڵام به‌هه‌ر شێوه‌یه‌ک بێت له‌ کۆتا ساته‌کانی یارییه‌که‌دا توانیان ئه‌نجامه‌که‌ بۆ سێ گۆڵ به‌رامبه‌ر دووان پێچه‌وانه‌ بکه‌نه‌وه‌ و یه‌که‌م سه‌رکه‌وتن تۆمار بکه‌ن.

به‌هۆی ئه‌و ئاسته‌ چاوه‌ڕوان نه‌کراوه‌وه‌ شاره‌زایان ڕه‌خنه‌ی توندیان ئاڕاسته‌ی سریچکۆ کاتانیچی ڕاهێنه‌ر کرد که‌ له‌م پاڵه‌وانێتیه‌ ستایلێکی یاریی کردنی نوێی به‌ یاریزانانی عیراق جێبه‌جێ کرد‌، زۆرینه‌ی سه‌رچاوه‌کان پێیان وابوو یاریزانان له‌ ورده‌کاریه‌کانی تێنه‌گه‌یشتون و گۆڕانکاریه‌کی ڕیشه‌یی له‌ شێوه‌ یاریی کردنی عیراقدا کردووه‌ له‌کاتێکدا ئاماده‌کارییه‌کان له‌ماوه‌یه‌کی کورتدا ئه‌نجامدراون و به‌و کاته‌ که‌مه‌ مه‌حاڵه‌ بتوانرێت ستایلی یاریی کردنی هه‌ڵبژارده‌یه‌ک به‌و شێوه‌یه‌ گۆڕانکاری گه‌وره‌ی تێدا بکرێت.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین