ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

مۆبایلی هۆنەر 10 لایت باشترین تایبەتمەندی بە توانایەكی سەركەوتوو و دیزاینێكی جوان

دوای ئەو سەركەوتنەی وەشاندنی مۆبایلی هۆنەر 10 لایت بەدەستی هێنا كە تازەترین بەرهەمی هۆنەرە ، ئێستا ئەم بەرهەمە لە بازاڕەكانی عیراق بەردەستە ، ئەم مۆبایلە تایبەتمەندی سەرسوڕهێنەری هەیە لە پەیكەر و بەشەكانی و دیزاینە جوانەكەی كەوای لێدەكات ببێتە باشترین بژاردە بۆ بەدستهێنانی یان بۆ ئەوە بیكەیتە دیاری لەساڵی تازەدا . ئەم مۆبایلە بەرەنگە پلەدارەكانی ناسراوە بۆ دیمەنێكی گەنجانە كە ئامێرەكە دەكاتە نمونەیەك بۆ جوانی و سەرەتایەكی تازەت پێدەبەخشێت بۆ ساڵی 2019 .

لەگەڵ بەردەوامی گرنگی زیرەكی دەستكرد لە ئامێرەكان لەساڵی 2019 و ساڵانی ئایندە ، كامێرای پێشەوەی مۆبایلی هۆنەر 10 لاین پاڵپشت بە زیرەكی دەستكرد ئەزموونێكی سەركەوتوو لە گرتنی وێنەی سێلفی دەبەخشێت لەهەر كاتێكدا ، ئەم كامێرا زیرەكە توانای ناسینەوەی 8 سیناریۆی هەیە لە رێگای داتاكانی زیرەكی دەستكردەوە كەوا دەكات روخسار و باكراوند باشتر بكات لە رێگای چاككردنەوەی رەنگەكان بە پێی دیمەنە جیاوازەكان ، داتای جوانكردنی وێنەكان بە زیرەكی دەستكرد توانای سێ لایەنی بەكاردێنێت بۆ ناسینەوەی روخسار و دانانی فاكتەرەكانی جوانكردن بەپێی تەمەن و رەگەز و رەنگی پێست كە یارمەتیدەرە بۆ داهێنانی پێناسەی تایبەتی جوانی لە ساڵی تازەدا .

هەروەها مۆبایلی هۆنەر 10 لایت باشترین بژاردەیە بۆ ئەوانەی لەدوای مۆبایلێك دەگەڕێن كە نەك تەنها توانای سەرسوهێنەڕی هەبێت بەڵكو تایبەتمەندیەكانی هەڵگرەكەی جیابكاتەوە لەگەڵ ئەوانی تر .

لەگەڵ پارێزگاریكردن لە شێوازی هۆنەری ناوازە ، مۆبایلی هۆنەر 10 لایت دیزاینەكەی وای لێدەكات كە نمونەی بەرزی جوانی بێت ، رەنگی پلەدار و شاشەی بێلێوار هەموویان توخمی سادە و جوانن كە شێوەیەكی ناوازە بە مۆبایلەكە دەبەخشێت .

مۆبایلی هۆنەر 10 لایت لە 8 چینی مادەی بریقەدار دیزاین كراوە ، و چوار رەنگی هەیە: شینی ئاسمانی و سوور و شینی یاقوتی و رەش ، هەردوو رەنگی شینی ئاسمانی و سوور پلەدارن لە كاڵەوە بۆ تۆخ لەوكاتەی رەنگەكانی شینی یاقوتی و رەش بریقەدارن كە جوانی و فەخامەت بە مۆبایلەكە دەبەخشن .

لەگەڵ باشترین تەكنەلۆژیای سەردەم و دیزاینی زیرەك ، شاشەی مۆبایلی هۆنەر 10 لایت دیزاینێكی تازەی هەیە بەشێوازی دڵۆپی شەونم بە پێوەری 6.21 ئینج ، مۆبایلی هۆنەر 10 لایت تایبەتمەندی زیرەكی دەستكرد لەگەڵ كامێرای پێشەوە كۆدەكاتەوە بۆ ئەوەی بەكارهێنەران وێنەی پیشەگەرانە بە ئاسانی بەدەست بهێنن ، كامێرای پێشەوە بە كوالێتی 24 مێگاپێكسڵە لەگەڵ زوومی f/2.0 كە وێنەی سێفی نمونەیی دەبەخشێتە بەكارهێنەران . ئەم كامێرایەی پێشەوە توانای ناسینەوەی 8 سیناریۆی هەیە لە رێگای زیرەكی دەستكردەوە بۆ ئامادەكاری تایبەت بەهەر وێنەیەك . بەڵام لە دواوە دەبڵ كامێرای هەیە بە كوالێتی 13 و 2 مێگاپێكسڵ پاڵپشت بەزیرەكی دەستكرد بۆ بەدەستهێنانی كوالێتی بەرز لە وێنەیەكی نمونەیی مۆبایلدا .

ئۆتۆمبێل و تەکنەلۆژیا

لە تویتەر 102 هەژماری داعش ڕاگیران

خەڵك – بەشی هەواڵ

فەرماندەی ناوەندیی هێزەكانی ئەمریكا ڕایدەگەیەنێت، بەردەوامین لە ڕاگرتنی هەژماری تیرۆریستان لە تۆڕی كۆمەڵایەتی تویتەر.

فەرماندەی ناوەندیی هێزەكانی ئەمریكا (Centcom) ئاشكرایكرد، 102 هەژماری تایبەت بە ڕێكخراوی دەوڵەتی ئیسلامی لە عیراق و شام ناسراو بە “داعش” لە لایەن تۆڕی كۆمەڵایەتی تویتەرەوە داخراون.

فەرماندەی ناوەندیی هێزەكانی ئەمریكا ئاماژەی بەوەشداوە، ئەو هەژمارانە هەواڵ و چالاكییەكانی داعشییان بڵاوكردووەتەوە، لەپاڵ بڵاوكردنەوەی چەندین شتی تری پەیوەست بە تیرۆرەوە.

هەژماری (Report_ISIS) كە سەر بەو فەرماندەییەیە و تایبەتە بە بڵاوكردنەوەی هەژمارەكانی داعش بۆ ئەوەی تویتەر لە”پێشێلكارییەكان” ئاگادار بكاتەوە، بڵاویكردووەتەوە توانیویانە 102 هەژماری داعش لە تۆڕی كۆمەڵایەتی تویتەر بسڕنەوە و بلۆك بكەن پاش ئاگاداركردنەوەی بەڕێوەبەرایەتی تویتەر.

فەرماندەی ناوەندیی هێزەكانی ئەمریكا لە گرتەیەكی ڤیدیۆیی كورتیشدا ناو و ناونیشانی سەرجەم هەژمارە بلۆككراوەكانی لەلایەن تۆڕی كۆمەڵایەتی تویتەرەوە ئاشكراكردووە.

بەردەوام بە لە خوێندنەوە

ئۆتۆمبێل و تەکنەلۆژیا

ئەمریکا بۆ ماوەی ٩٠ ڕۆژی دیکە سزاکانی هواوی دوادەخات

خەڵک-

پاش بڕیاری قەدەغەکردنی بازرگانی کردنی کۆمپانیا ئەمریکییەکان لەگەڵ هواوی لەلایەن دۆناڵد تڕامپەوە کاریگەرییەکی زۆر دەرکەوت بەسەر بازاڕکردنی کۆمپانیاکەوە و بەشێکی کۆمپانیاکان سەرقاڵی هەڵوەشاندنەوەی ڕێککەوتنەکانیان بوون لەگەڵ کۆمپانیا چینییەکە.

بەڵام هەر لەو ماوەیەدا و پاش چاوپێکەوتنی سەرۆکانی ئەمریکا و چین دۆناڵد تڕامپ ڕازیبوو بە هەڵوەشاندنەوەی بڕیارەکە و لە ١٩ی ئەم مانگەدا بڕیاری دواخستنە ٩٠ ڕۆژییەکە تەواو دەبێت و سەرچاوەکان باس لە درێژکردنەوە و ڕاگرتنی ئەو بڕیارە دەکەن بۆ ماوەی ٩٠ ڕۆژی دیکە.

ئەمریکا لیستی ٥٠ کۆمپانیای وڵاتەکەی ئامادەکردبوو بۆ ئەوە ئەو کارەکانیان لەگەڵ هواوی ڕابگرن لە گرنگترینیان کواڵکۆم و گووگڵ و ئینتڵ و مایکرۆن و وایفای ئەلایەنس و هتد، لە ئەگەری جێبەجێکردنی ئەو بڕیارەدا کۆمپانیا چینییەکە زیانێکی زۆری پێدەگات و پاشەکشە دەکات لە بازاڕی مۆبایلە زیرەکەکان و کاڵاکانی دیکەدا.

بەردەوام بە لە خوێندنەوە

ئۆتۆمبێل و تەکنەلۆژیا

٥ هاکی نوێی مۆبایل کە زۆر بەسودە و پێویستە بیزانیت

خێزان

ناوە ناوە بیرۆکەی ناوازە و نوێ بۆ بەکارهێنەرانی مۆبایل دێتە کایەوە، ئێمە لە (خێزان) هەوڵدەدەین خوێنەرانمان لەو هاک و بیرۆکە نوێیانە بێبەش نەکەین، ئەمەی خوارەوە بەشێکیانە:

 

-دەتوانیت بە پشتی پیل ئایفۆنەکەت کار پێبکەیت و وەک قەڵەمی ئەلەکترۆنی بەکاری بهێنیت.

-دەتوانیت بە میزەڵدان بەرگی پڕاوپڕ بۆ ئایفۆنەکەت دروستنکەیت، کەمێک فوی تێبکە و دوایت مۆبایلەکەی بکەرە ناو.

-بۆ ئەوەی وەک لایتی مۆبایلەکەت وەک گڵۆپی لێبێت دەبەیەکی لەسەر دابنێ.

-دەتوانیت لایەکی قەپاغی هێلکەش بۆ هەمان مەبەست بەکاربهێنیت.

-دەتوانیت بە هێدفۆنەکەت لە دورەوە وێنەی خۆت بگریت.

بەردەوام بە لە خوێندنەوە

کوردستان