ئێمە لە تۆرە کۆمەڵایەتیەکان

کوردستان

ئەنجامی ڕاپرسییەك لە هەولێر بڵاوكرایەوە
“زۆرینەی هاوڵاتیان لەگەڵ لامەركەزیەت و دابەشكردنی دەسەڵاتەكانن”

خەڵك- ئارام سەردار
پەیمانگای كوردی بۆ هەڵبژاردن ئەنجامی ڕاپرسییەكی ئاشكراكرد، كە لەساڵی ڕابردوو لەسەر ئاستی پارێزگای هەولێر ئەنجامی داوە لەبارەی پرسی لامەركەزیەتی ئیداری، كە ۱٥۰۰ فۆڕم لەقەزا و ناحیەكانی پارێزگای هەولێر دابەشكراوە و نزیكەی لە ٦۰٪ی بەشداربوان ڕەگەزی نێر بون و لە ٤۰٪ ڕەگەزی مێ بوون و ڕاپرسیەكەش ۱۰ پرسیاری لەخۆی گرتبوو.

پەیمانگای كوردی بۆ هەڵبژاردن لە ڕاپرسیەكەدا چەند پرسیارێكی ورووژاندووە و سەبارەت بە پرسیاری یەكەم، كە ئایا دابەشكردنی دەسەڵات بەسەر پایتەخت و قەزا و ناحیەكان و یەكە كارگێریەكانی تر تا چەند بەگرینگ دەزانی؟ لەكۆی فۆڕمەكان لە ۸۳٪ بەشداربوان بە (بەڵێ) دەنگیانداوە و لە ۱۷٪ لەگەڵ ئەو سیستەمە نەبون، هەروەها لەبارەی ئاستی دابەشكردنی دەسەڵاتەكانی بەشداربوان لە ٦٤.٤٪ داوا دەكەن بەڕێژەیەكی زۆر بێت و لە ۲۸.٤٪ لەگەڵ ئەوەن بەشێوەیەكی كەم بێت، لە۷.۲٪ لەگەڵ دابەشكردنی دەسەڵاتەكان نین.

هەر بەپێی ئەنجامەكان، بەشداربوان لەبارەی پرسكردن بەهاوڵاتی لەسەر ئەنجامدانی پڕۆژەكانی خزمەتگوزاری لەناوچەكانیان نزیكەی لە۷۰٪ بەشداران ڕایانگەیاندوە پرس و بەشداریان پێ ناكرێت و زیاتر لە ۱٦٪ش دەڵێن كەم بەشداریان پێ دەكرێت و لە ۱۳٪ دەڵێن بەشداریان پێ ناكرێت و زیاتر لە ٥٪ بەشداربوان دەڵێن بەشداریان پێ دەكرێت.

هەروەها لە ٦۲٪ هاوڵاتیان لەگەڵ ئەوەن هەڵبژاردن بۆ قەزا و ناحیەكان ئەنجام بدرێ و لە 65٪ی بەشداربووان پێیان باشە كاروباری ڕۆژانەیان لەناو قەزاكاندا جێبەجێ بكرێت، ئەو كەسەشی دەبێتە بەرپرسی یەكەی كارگێری لە ٦۲٪ی هاوڵاتیان پێیان باشە بەرپرسی یەكە كارگێرییەكان دانیشتوانی ناو قەزاكان بن.

وەك لەئەنجامی ڕاپرسیەكەشدا هاتوە، “له ۱٦٪ هاوڵاتیان لە حكومەتی خۆجێی پارێزگای هەولێر ڕازین، لە ٤۱٪ هیچ ڕازی نین و لە ٤۳٪ كەم ڕازین، 38٪ داوا دەكەن بەشێكی داهاتی سنووری قەزاكە بۆ قەزاكە خەرج بكرێت.

کوردستان

كتێبی، تیۆرەكانی گەشەكردن و دروستبوونی دەوڵەت، بڵاوكرایەوە

خەڵك

كتێبی (تیۆرەكانی گەشەكردن و دروستبوونی دەوڵەت)، كەوتە بەر دیدی خوێنەران و لە ئێستادا، لە كتێبخانەكانی هەرێمی كوردستان بەردەستە.

نوسەرو ڕۆژنامەنوس، هەڵگورد جەلال، نوسەری كتێبی (تیۆرەكانی گەشەكردن و دروستبوونی دەوڵەت)، بە تۆڕی میدیایی (خەڵك)ی ڕاگەیاند:” ئەم كتێبە شیكردنەوەیەكە لەسەر دیدگا و بۆچوونە جیاوازەكان لەسەر دەوڵەت.

وتیشی،” بۆ ئێمەی كورد زیاد لەهەر گەلێكی تر پێویستمان بە مەعریفەیەكی فراوان هەیە لەسەر دەوڵەت و زەمەن و چۆنیەتی دروستبوونی دەوڵەت و هەوڵ و شیكردنەوەیەكی بابەتییانەیە دوور لە هەڵچوون و نەشئەیەكی كاتی”.

نووسەر، باسی لەوەشكرد، لە دوو توێی پێنج بەشدا، بەدەر لە هەر لایەنگیرییەك هەوڵدراوە، شكیردنەوەی بابەتیانە بۆ زەرورەتی دروست بوون و گەشە سەندنی تیۆرەكانی دەوڵەت بخرێتەڕوو.

بەردەوام بە لە خوێندنەوە

کوردستان

پێشمەرگە ئۆپەراسیۆنێكی تایبەتی دژ بە داعش ئەنجامدا

خەڵك- بەشی هەواڵ

هێزێكی تایبەتی پێشمەرگە لە نزیك قەزای دوزخورماتوو، هەڵمەتێكی سەربازی تایبەتیان دژ بە چەكدارانی داعش ئەنجامدا و دەستیان بەسەر دەیان كیلۆ تەقەمەنیدا گرت.

فەرماندەیەك لە هێزی تایبەتی هێزەكانی 70ی یەكێتی نیشتیمانی كوردستان بە (خەڵك)ی راگەیاند، هێرشەكە لەلایەن هێزێكی تایبەتی سەر بە هێزەكانی 70ەوە بە ناوی”Golden Forces” كراوە و ناوچەكانی قۆری چا و پەڵگانەی گرتوەتەوە.

سەرچاوەكە كە نەیوست ناوی بڵاوبكرێتەوە، رونیكردەوە لە هێرشەكەدا هێزی ئاسمانی و زەمینی فەرەنسا بەشداریان كردووە و رووبەڕووبونەوە روویداوە.

وتیشی”كوژرا و بریندار نەبوو، پێشمەرگەش هیچ زیانی نەبوو، بەڵام دەستمان بەسەر بڕێكی زۆری تەقینەوەدا گرت، كە نزیكەی 40 كیلۆگرامە و ئامادەكرابوون بۆ تەقینەوە”.

تائێستا چەندجارێك هێزی تایبەتی سەر بە هێزەكانی 70، ئۆپەراسیۆنی تایبەتیان دژ بە چەكدارانی داعش لە نزیك شارۆچكەی دوزخورماتو و ناوچەكانی تەماس لەگەڵ عێراق ئەنجامداوە و بەهۆیەوە چەندین چەكداری داعش كوژراون و زیانی ماددی زۆریشیان بەركەوتووە.

سەبارەت بە هەماهەنگی نێوان پێشمەرگە و هێزەكانی عێراقیش، فەرماندە سەربازییەكە رەتیكردەوە، هیچ هاوكارییەك لە نێوانیاندا هەبێت و وتی”هەماهەنگی نەبووە و ئەوانیش ئاگادارنەبوون كە هەڵمەتەكەمان ئەنجامدا”.

دوای رووداوەكانی 16ی ئۆكتۆبەری ساڵی 2017 و گەڕانەوەی هێزەكانی عێراق بۆ ناوچەكانی جێناكۆكی و كشانەوەی پێشمەرگە، دۆخی ئەمنی ئەو ناوچانە سەقامگیر نین و چەكدارانی داعشیش بۆشایی ئەمنی ناوچەكەیان قۆستۆتەوە و لە ماوەی رابردوویشدا چەندین هێرشیانكردەسەر هێزەكانی ئەمنی عێراق.

بەردەوام بە لە خوێندنەوە

کوردستان

شاندێكی مەغریبی سەردانی هەرێمی كوردستان و عێراق دەكات

 

سلێمانی ـ نزار جەزا

بڕیارە هەفتەی ئایندە شاندێكی مەغریبی سەردانی عێراق و هەرێم بكات، بەمەبەستی ئاساییكردنەوەی پەیوەندییە دیبلۆماسی و ئابوورییەكانی نێوان هەر دوو وڵات.

یاسین مەحمود وتەبێژی یەكێتی وەبەرهێنەرانی كوردستان لەوبارەیەوە بە (خەڵك)ی ڕاگەیاند، ئەو شاندە مەبەستیانە پەیوەندییە دیبلۆماسی و ئابوورییەكانی نێوان عێراق و مەغریب ئاسایی بكەنەوە و هەوڵدەدەن باڵیۆزخانەی مەغریب لەبەغداد بكەنەوە و كونسوڵی مەغریب لە هەولێر بكەنەوە.

باسی لەئەوەشكرد، ئەو شاندە كە كۆمەڵێك كۆمپانیای لەگەڵدایە لەبوارەكانی بیناسازی و نەوت و كشتوكاڵ و كارەبا و چەند بواری دیكە كار دەكەن و دەیانەوێت هابەشی لەگەڵ كۆمپانیاكانی هەرێم و بەغداد بكەن.

ئەوەشی خستەڕوو، بڕیارە ئەو شاندە هەفتەی داهاتوو لە26ی مانگدا بێنە بەغداد و لەگەڵ وەزیری نەوت و وەزیری دەرەوە و وەزیری گواستنەوە و وەزیری بازرگانی كۆببنەوە، دواتر دێنە هەولێر و سلێمانی و لەگەڵ بەرپرسانی حكومی شارەكە و ژوورە بازرگانییەكان كۆدەبنەوە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین