ئێمە لە تۆرە کۆمەڵایەتیەکان

ئابوری

سیاسەتەكانی ترەمپ زیادبوونی مووچەی فەرمانبەرانی لێدەكەوێتەوە

خەڵك – بەشی هەواڵ

كرێی كاری تێكڕای فەرمانبەرانی سەر بە حكومەتی فیدراڵی لە ئەمریكا لە سەرەتای ئەمساڵەوە بە رێژی 2.1% زیاد دەكات.
بەپێی راپۆرتێكی (زە واشنتۆن پۆست)، لەسەرەتای ئەمساڵەوە كرێی كاری تێكڕای فەرمانبەرانی سەر بە حكومەتی فیدراڵی بەرێژی 2.1% زیاد دەكات و هەموو لێپرسراوێكی حكومی لەم زیادكردنەدا زیاتر لە 10 هەزار دۆلار لە ساڵێكدا سوودمەند دەبێت، كە ئەم زیادكردنە دەبێتە هۆی پێدانی 300 ملیۆن دۆلار باج لەماوەی 10 ساڵدا.
لەگەڵ ئەم بەرزكردنەوەیەی ئاستی مووچەیەدا وێڕای ئەوەی وەزیرەكانی كابینەكەی دۆناڵد ترەمپ مووچەی ساڵانەیان لە 199 هەزار و 700 دۆلارەوە دەبێت بە 210 هەزار و 700 دۆلار، جێگری وەزیرەكانی كابینەكەی ترەمپیش مووچەی ساڵانەیان لە 179 هەزار و 700 دۆلارەوە دەبێت بە 189 هەزار و 600 دۆلار.
هەروەها مایك پێنس جێگری سەرۆكی ئەمریكاش مووچەی ساڵانەی لە 230 هەزار و 700 دۆلارەوە دەبێتە 243 هەزار و 500 دۆلار.

ئابوری

نرخی زێڕ و دراوەکان

خەڵک – بەشی هەواڵ

 

نرخی زێڕ و دراوەکان بۆ ئەمڕۆ شەممە لەبازاڕەکانی هەرێمی کوردستان بەم جۆرەى خوارەوەیە:

 

نرخی 100 دۆلاری ئەمریكی بەرامبەر 123هەزار و 200 دینارە.

نرخی 100 یۆرۆ بەرامبەر 144 هەزار دینارە.

نرخی 100 پاوەن بەرامبەر 156 هەزار دینارە.

نرخی 100 هەزار تمەن بەرامبەر ٥ هەزار و 750 دینارە.

نرخی 100 لیرەی توركی بەرامبەر 16 هەزار و 500 دینارە.

 

نرخی مسقاڵێک زێڕی عەیارە 18 بەرامبەر 289 هەزار دینارە.

نرخی مسقاڵێک زێڕی عەیارە 21 بەرامبەر 346 هەزار دینارە.

نرخی مسقاڵێک زێڕی عەیارە 24 بەرامبەر 385 هەزار دینارە.

بەردەوام بە لە خوێندنەوە

ئابوری

باندێکی ساختەکاری پارە دەستگیرکرا

 

خەڵک – بەشی هەواڵ

باندێکی ساختەکاری پارە لەڕەواندوز دەستگیرکران، کە لەدەرەوە هاتبوو و دەیانویست پارەى ساختە لەناو بازاڕەکانی هەرێمی کوردستان سافبکەنەوە.

 

حاتم زوبێر بەڕێوەبەری ئاسایشی ڕەواندوز لەکۆنفڕانسێکی ڕۆژنامەوانیدا ڕایگەیاند، باندێکی سێ کەسییان دەستگیرکرد، کە پارەی ساختەیان پێبووە و ویستوویانە ساغیبکەنەوە.

 

ئاماژەى بەئەوەشدا، ئەو پارە ساختانە بەشێوەیەکی زۆر ورد دروستکرابوو، کە زەحمەتبوو پارەکە بناسرێنەوە، بەڵام لەکاتی مامەڵەکردنیان بەپارەکەوە هەستیان پێکراوە، بۆ نمونە بۆ شەربەتێک ١٠٠ دۆلاریان بەشەربەت فرۆشکەداوە.

 

ئەوەشی خستەڕوو، شەو و ڕۆژ لەخزمەتى هاوڵاتییاندان و داوا لەهاوڵاتییانیش دەکات هەر شتێکی گوماناوییان بینی ئاگاداریان بکەنەوە.

 

بەردەوام بە لە خوێندنەوە

ئابوری

نرخی نەوت لە بازاڕەكانی جیهان بەرز بووەوە

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ شەممە، 19ی ئەیلولی 2020، بەشێوەیەك بووە كە نرخی‌ نەوتی برێنت بە 43 دۆلار و 9 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 40 دۆلارو 97 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

کوردستان