ئێمە لە تۆرە کۆمەڵایەتیەکان

چاوپێکەوتن

ڤینیسیۆز: مارسێلۆ و کاسیمێرۆ ئامۆژگاریان کردم و مه‌شق کردن له‌ مه‌درید سه‌رچاوه‌ی خۆشیه‌کانمه‌

خه‌ڵک سپۆرت – ڕۆژنامه‌ی ئۆ گلۆبۆ

ڤینیسیۆز جونیۆری به‌رازیلی ئه‌ستێره‌ی هه‌ڵکشاوی یانه‌ی ریاڵ مه‌درید واده‌ی حه‌وانه‌وه‌کانی سه‌ری ساڵ له‌ وڵاته‌که‌ی خۆی به‌سه‌ر ده‌بات (به‌رازیل)، ڕۆژنامه‌ی “ئۆ گلۆبۆ” به‌هه‌لیان زانیوه‌ و چاوپێکه‌وتنێکی دوور و درێژیان له‌گه‌ڵدا ئه‌نجامداوه‌، زۆرینه‌ی ئه‌و پرسیارانه‌ش ئاڕاسته‌یان کردووه‌ ده‌رباره‌ی یانه‌ی ڕیاڵ مه‌درید و سه‌ره‌تاکانیه‌تی له‌و یانه‌ گه‌وره‌یه‌.

ئه‌مه‌ش کورته‌یه‌که‌ له‌چاوپێکه‌وتنه‌که‌:

سڵاو ڤینیسیۆز، سوپاس بۆ ئه‌م ده‌رفه‌ته‌…

سوپاس بۆ ئێوه‌، خۆشحاڵ ده‌بم به‌ چاوپێکه‌وتن له‌گه‌ڵتاندا، سڵاو بۆ خوێنه‌رانی ڕۆژنامه‌ مه‌زنه‌که‌تان.

یه‌که‌م نازناوت له‌گه‌ڵ یانه‌ی ڕیاڵ مه‌درید به‌ده‌ست هێنا، هه‌ست به‌ چی ده‌که‌یت؟

زۆر خۆشحاڵم و شانازی به‌خۆمه‌وه‌ ده‌که‌م که‌ یه‌که‌م نازناوم به‌درێسی ڕیاڵه‌وه‌ به‌ده‌ست هێنا، سه‌ره‌ڕای ئه‌وه‌ی ماوه‌یه‌کی که‌مه‌ له‌ یانه‌ نوێیه‌که‌م یاریی ده‌که‌م هه‌موو شته‌کان لێره‌ به‌خێرایی ڕوویاندا ئه‌وه‌ش وایکردووه‌ تاموچێژ له‌ ته‌واوی ورده‌کاری خه‌ونه‌کانم وه‌ربگرم، له‌گه‌ڵ ئه‌وه‌شدا هێشتا له‌داهاتودا تاقیکردنه‌وه‌ی زۆرمان له‌به‌رده‌مدایه‌ و هیوادارم نازناوی تریش بچنمه‌وه‌، من له‌ گه‌وره‌ترین یانه‌ی جیهان یاریی ده‌که‌م و لێره‌ به‌دیهێنانی ئه‌و خه‌ونانه‌ مه‌حاڵ نییه‌.

چاوه‌ڕوانت ده‌کرد له‌ جامی جیهانی یانه‌کان به‌شداریت پێبکرێت؟

له‌ڕاستیدا له‌و باوه‌ڕه‌دا نه‌بووم، سه‌ره‌تای وه‌رز له‌گه‌ڵ تیپی لاوانی ڕیاڵ ده‌ستم پێکرد و ئه‌وه‌ش کێشه‌ی بۆ دروست نه‌کردم و نه‌بووه‌ کۆسپ له‌به‌رده‌ممدا و ده‌مزانی له‌هه‌ر ساتێکدا بێت به‌رزم ده‌که‌نه‌وه‌ بۆ پێکهاته‌ی یه‌که‌م، به‌ڵام له‌و باوه‌ره‌دا نه‌بووم به‌و خێراییه‌ بگه‌مه‌ پێکهاته‌ی یه‌که‌م، سۆلاری ڕاهێنه‌ر شاره‌زای ئاست و تواناکانمه‌ و له‌ زۆرینه‌ی یارییه‌کاندا به‌شداری پێکردوم، زۆر سوپاسی ده‌که‌م چونکه‌ پێکهاته‌که‌مان چه‌ندین یاریزانی ناوازه‌ی تێدایه‌ و ململانێکانیش ئاسان نین.

 

“یاریزانانی ڕیاڵ مه‌درید زۆر به‌ڕێکوپێکی پێشوازیان لێکردم و یاریده‌یان دام به‌خێرایی خۆم بگونجێنم”

 

یاریزانانی پێکهاته‌ی یه‌که‌م چۆن پێشوازیان لێکردیت؟

زۆر به‌ڕێکوپێکی پێشوازیان لێکردم و یاریده‌یان دام به‌خێرایی خۆم بگونجێنم، لێره‌ هه‌مووان وه‌ک خێزانێکن و زۆربه‌یان ئامۆژگاریان کردم و باسی گرنگی قۆستنه‌وه‌ی ئه‌و هه‌لانه‌یان بۆ کردم که‌ له‌داهاتودا پێمده‌درێت، ئامۆژگاریان کردم چۆن تواناکانم هه‌ڵکۆڵم و به‌ره‌وپێش بچم، خۆشحاڵم ڕۆژانه له‌گه‌ڵ ده‌سته‌یه‌ک ئه‌ستێره‌ی جیهانیی‌ مه‌شق ده‌که‌م ئه‌وه‌ سه‌رچاوه‌ی خۆشی و شانازییه‌کانمه‌، حه‌زێکی له‌ڕاده ‌به‌ده‌رم هه‌یه‌ بۆ قۆستنه‌وه‌ی هه‌له‌کان و ئه‌نجامدانی مه‌شقه‌کان به‌وپه‌ڕی هێزه‌وه‌.

بێگومان مارسێلۆ و کاسیمێرۆ نزیکترین که‌س بوون لێته‌وه‌؟

ئه‌وه‌ ڕاسته‌، ئێمه‌ له‌هه‌مان وڵاته‌وه‌ هاتوین و ئه‌وان ئه‌زمونیان هه‌یه‌ و پێش من به‌م بارودۆخانه‌دا تێپه‌ڕیان کردووه‌، مارسێلۆ پێی وتم که‌ له‌هه‌مان بارودۆخدا په‌یوه‌ندی به‌ ڕیاڵه‌وه‌ کردووه‌ و به‌ هه‌وڵدان و کۆششی به‌رده‌وام هه‌موو شتێک له‌به‌رده‌میدا ئاسان بووه‌، هه‌روه‌ها کاسیمێرۆ ئامۆژگاری کردم که‌ به‌ چ هه‌وڵدانێک به‌و ئاسته‌ گه‌یشتووه‌ و بێگومان ئه‌و دوو یاریزانه‌ نمونه‌ن بۆ ژیانی من.

 

“چامپیۆنزلیگ گه‌وره‌ترین نازناوه‌ یانه‌یه‌ک به‌ده‌ستی ده‌هێنێت، زۆر په‌رۆشم بۆ یاریی کردن له‌م پاڵه‌وانێتیه‌ مه‌زنه‌”

 

له‌ مه‌درید پێیان وایه‌ تۆ داهاتوی ڕیاڵ مه‌دریدیت؟

هه‌موو ڕۆژێک بیر له‌ داهاتو ده‌که‌مه‌وه‌، به‌ڵام ته‌نها ته‌ماشای پێیه‌کانم ده‌که‌م و بیر له‌و ساته‌ ده‌که‌مه‌وه‌ که‌ تیایدا ده‌ژیم له‌به‌رئه‌وه‌ی به‌بێ به‌ره‌وپێشچون و به‌هێزکردنی تواناکانم له‌ ڕیاڵ مه‌درید هیچ داهاتویه‌کم نابێت، ئه‌وان هاتنه‌ به‌رازیل و هه‌موو شتێکیان کرد بۆ ئه‌وه‌ی له‌ پێکهاته‌که‌یاندا یاریی بکه‌م، منیش ده‌مه‌وێت وه‌ڵامی چاکه‌یان بده‌مه‌وه‌، به‌کورتی من به‌وشێوه‌یه‌ بیر ده‌که‌مه‌وه‌.

بیر له‌وه‌ ده‌که‌یته‌وه‌ نازناوی خولی یانه‌ پاڵه‌وانه‌کان به‌ده‌ست بهێنیت؟

ئه‌وه‌ گه‌وره‌ترین نازناوه‌ یانه‌یه‌ک به‌ده‌ستی ده‌هێنێت، زۆر په‌رۆشم بۆ یاریی کردن له‌م پاڵه‌وانێتیه‌ مه‌زنه‌ و به‌وپه‌ڕی توانامه‌وه‌ ده‌جه‌نگم بۆ ئه‌وه‌ی سود به‌ یانه‌که‌م بگه‌یه‌نم تا جارێکی تر نازناوه‌که‌ به‌ده‌ست بهێنێته‌وه‌.

چاوپێکەوتن

ئینێستا: منیش هه‌ر ئه‌وه‌م ده‌کرد که‌ ئیداره‌ی به‌رشلۆنه‌ کردویه‌تی و پێویسته‌ گرنگی به‌ “لاماسیا” بدرێت !

خه‌ڵک سپۆرت – ڕۆژنامه‌ی سپۆرت

ئه‌ندرێس ئینێستای ئیسپانی ئه‌ستێره‌ی یانه‌ی ڤیسڵ کۆبی ژاپۆنی چاوپێکه‌وتنێک له‌گه‌ڵ ڕۆژنامه‌ی “سپۆرت”ی که‌ته‌لۆنی ئه‌نجام ده‌دات، تیایدا ئاماژه‌ به‌ چه‌ندین بابه‌تی په‌یوه‌ندیدار به‌ یانه‌ی به‌رشلۆنه‌ ده‌کات و داوا ده‌کات گرنگی زیاتر به‌‌ فێرگه‌ی “لاماسیا” بدرێت.

دینیس سوارێز ویستی وه‌ک تۆ له‌ بارسا سه‌رکه‌وتن به‌ده‌ست بهێنێت به‌ڵام نه‌یتوانی، وادیاره‌ ئه‌م بیرۆکه‌یه‌ هه‌موو جارێک له‌ به‌رشلۆنه‌ کار ناکات…

هه‌ندێجار بارودۆخه‌کان جیاوازن، تۆ ده‌ته‌وێت له‌ یانه‌یه‌ک جێگه‌ی خۆت بکه‌یته‌وه‌ و ئه‌وه‌ش وا ده‌کات بڕیاری گرنگ بده‌یت، سوارێز خاوه‌نی به‌هره‌یه‌ و ئه‌زمونی باشی هه‌یه‌ له‌ مامه‌ڵه‌کردن له‌گه‌ڵ ئه‌و جۆره‌ باردۆخانه‌دا، متمانه‌م به‌تواناکانیه‌تی و هیوادارم هه‌لی یاریی کردنی پێبدرێت.

ده‌رباره‌ی ئالینا و ڕیکی پۆیگ ڕات چییه‌؟

کاتێک لاوانی یانه‌که‌ ده‌بینم هه‌ستێکی ناوازه‌م ده‌بێت و ئه‌وه‌ی له‌گه‌ڵ ئه‌واندا ڕووده‌دات وه‌ک خه‌ون وایه‌، پێویسته‌ سود له‌و چانسانه‌ وه‌ربگرن که‌ له‌پێکهاته‌ی یه‌که‌م پییان ده‌درێت و ده‌بێت به‌هه‌موو هێزی خۆیانه‌وه‌ مه‌شق و ڕاهێنان بکه‌ن.

هه‌موان باسی ئه‌وه‌ ده‌که‌ن که‌ دووباره‌ پێکهاته‌ی سه‌رده‌می زێڕینی گواردیۆلا له‌ یانه‌ی به‌رشلۆنه‌ کۆده‌بنه‌وه‌، به‌ڵام ئه‌مجاره‌ وه‌ک ئیداره‌ی یانه‌، ئه‌وه‌ ڕاسته‌؟

ئه‌وه‌ بیرۆکه‌یه‌کی نایابه‌، داهاتو ده‌ریده‌خات چی بۆ ئێمه‌ هه‌ڵگرتووه‌، ئێمه‌ وه‌ک هانده‌رێک خۆشه‌ویستیمان بۆ یانه‌که‌ هه‌یه‌ و ماوه‌یه‌کی زۆرمان له‌وێ به‌ڕێکردووه‌، به‌نسبه‌ت منه‌وه‌ حه‌ز ده‌که‌م ئه‌وه‌ی فێری بووم له‌ بارسا بیبه‌خشم به‌ که‌سانی تر، نازانم به‌ چ شێوه‌یه‌ک ئه‌وکاره‌ بکه‌م و ئه‌ویش له‌کاتێکدا ده‌بێت که‌ ئاماده‌بم، ئه‌وه‌ی باس ده‌کرێت ته‌نها بیرۆکه‌یه‌ و ناشزانم کێ سه‌رۆکی یانه‌ ده‌بێت.

 

“بیرم له‌وه‌ نه‌کردۆته‌وه‌ ببم به‌ یاریده‌ده‌ری گواردیۆلا، نازانم له‌چه‌ند ساڵی داهاتودا چی ڕووده‌دات”

 

له‌ داهاتودا خۆت وه‌ک یاریده‌ده‌ری گواردیۆلا ده‌بینیت؟

له‌ڕاستیدا بیرم له‌وه‌ نه‌کردۆته‌وه‌ و نازانم له‌چه‌ند ساڵی داهاتودا چی ڕووده‌دات، له‌ئێستادا ته‌رکیزم له‌سه‌ر ئه‌وه‌یه‌ که‌ من یاریزانم له‌ یانه‌یه‌ک له‌ وڵاتێکی تر، که‌ی کۆتاییم به‌ یاریی کردن هێنا ئه‌وکات بیر له‌و بابه‌تانه‌ ده‌که‌مه‌وه‌.

به‌پێی ئه‌و گواستنه‌وانه‌ی ئیداره‌ی یانه‌ ئه‌نجامیداوه‌، ده‌کرێت بڵێین ده‌توانن نازناوی چامپیۆنز لیگ به‌ده‌ست ده‌هێنن؟

پێموایه‌ به‌رشلۆنه‌ هه‌میشه‌ له‌توانایدایه‌ نازناوه‌که‌ به‌ده‌ست بهێنێت، پێکهاته‌که‌ خه‌ون و حه‌زێکی له‌ڕاده‌به‌ده‌ریان بۆ نازناوه‌کان هه‌یه‌، کاته‌کان جیاوازن و جاری وا هه‌یه‌ به‌ کاتی ناهه‌موار و جاریش هه‌یه‌ به‌ کاتی خۆشدا تێپه‌ڕ ده‌که‌یت، هه‌ندێجار باشترین یانه‌ نازناوه‌که‌ به‌ده‌ست ناهێنێت، به‌بۆچونی من ئه‌م پێکهاته‌یه‌ی بارسا شایسته‌ی زیاتره‌، ڕاسته‌‌ له‌م چه‌ند وه‌رزه‌ی رابردودا به‌پێی پێویست ده‌رنه‌که‌وتون، به‌ڵام هیوادارم له‌ داهاتودا بتوانن.

سه‌یر نییه‌، ڕیاڵ مه‌درید له‌م چه‌ند ساڵه‌دا به‌جوانترین شێوه‌ یاریی نه‌کردووه‌ و له‌گه‌ڵ ئه‌وه‌شدا خاوه‌نی نازناوه‌کان بووه‌؟

هه‌میشه‌ پێموابووه‌ یانه‌یه‌ک ده‌توانێت جوان یاریی نه‌کات و نازناوی خولی یانه‌ پاڵه‌وانه‌کان به‌ده‌ست بهێنیت، ئه‌م پاڵه‌وانێتیه‌ له‌سه‌ر ئه‌نجامه‌کان وه‌ستاوه‌، به‌ڕای من شتێکی هه‌ڵه‌یه‌ بڵێن یانه‌یه‌ک شایسته‌ی نه‌بووه‌ و به‌ده‌ستی هێناوه‌.

مان سیتی و پاریس سانت جێرمان ده‌توانن نازناوه‌که‌ به‌ده‌ست بهێنن؟

ئه‌م دوو یانه‌یه‌ وه‌به‌رهێنانی زۆریان له‌ پێکهاته‌کانیاندا کردووه‌ و چه‌ندین یاریزان و راهێنه‌ری به‌توانایان کڕیوه‌، بێگومان ده‌توانن نازناوه‌که‌ به‌ده‌ست بهێنن، هه‌روه‌ها ناوی لیڤه‌رپوڵیش ده‌خه‌مه‌ نێوانیانه‌وه‌ و ئه‌وانیش له‌م وه‌رزه‌دا ئاستیان ناوازه‌یه‌، کێشه‌که‌ له‌وه‌دایه‌ خولی یانه‌ پاڵه‌وانه‌کان خولێکی ئاڵۆزه‌ و له‌ یه‌ک یارییدا خراپ ده‌رکه‌ویت هه‌موو شتێک شکست ده‌هێنێت.

هه‌ڵسه‌نگاندنت بۆ مێسی چۆنه‌ دوای ئه‌وه‌ی له‌دوای تۆ شاره‌ی کاپیتانۆی پێبه‌خشرا؟

ئه‌م مه‌سه‌له‌یه‌ بۆ مێسی نوێ نییه‌، به‌ڵکو‌ چه‌ندین ساڵه‌ وه‌ک سه‌رکرده‌ی پێکهاته‌ی بارسا ده‌رکه‌وتووه‌، له‌ئێستادا هیچ له‌ مه‌سه‌له‌که‌ نه‌گۆڕاوه‌ و ته‌نها شاره‌یه‌ک کراوه‌ته‌ قۆڵه‌کانی، ئه‌وه‌ش پاڵپێوه‌نه‌رێکی باشه‌.

دوای ئه‌وه‌ی چه‌ندین کێشه‌ی دروست کرد، مێسی و بۆسکێتس وه‌ک سه‌رکرده‌کانی یانه‌ پاڵپشتی عوسمان دیمبیلی-یان کرد و لێبورده‌ییان به‌رامبه‌ری نیشاندا، ڕات چییه‌؟

من وه‌ک کێشه‌ نایبینم، مێسی و بۆسکێتس چاره‌سه‌ریان له‌به‌رده‌ستدابوو و توانیویانه‌ به‌ سه‌رکه‌وتویی دۆخه‌که‌ هێور بکه‌نه‌وه‌، ئه‌م مه‌سه‌له‌یه‌ کۆتایی هاتووه‌ و نامه‌وێت له‌وه‌ زیاتر گرنگی پێبده‌ن، دوو کاپتنه‌که‌ ئه‌وه‌یان کرد که‌ پێیان وایه‌ دروسته‌.

 

“به‌خته‌وه‌ری ئه‌وه‌یه‌ که‌‌ مرۆڤ به‌دوایدا ده‌گه‌ڕێت، ژاپۆن وڵاتێکی مه‌زن و ناوازه‌یه‌ و هه‌رگیز له‌و وڵاته‌دا هه‌ست به‌ غه‌ریبی ناکه‌یت”

 

مێسی ده‌ڵێت لاوانی لاماسیا متمانه‌یان به‌خۆیان نه‌ماوه‌ بۆ گه‌یشتن به‌ پێکهاته‌ی یه‌که‌م، له‌گه‌ڵ بۆچونه‌کانی ئه‌ودایت؟

هاوڕام له‌گه‌ڵیدا، بێگومان ئه‌وه‌ی مێسی ده‌یڵێت راسته‌، پێویسته‌ پشت به‌ لاوانی یانه‌که‌مان ببه‌ستین و گرنگی زیاتر به‌تواناکانیان بده‌ین تا باشتر به‌ره‌وپێش بچن، له‌گه‌ڵ ئه‌وه‌شدا پێموانییه‌ که‌ نابێت یانه‌که‌ یاریزان بکڕێت و ته‌نها پشت به‌ لاماسیا ببه‌ستێت، به‌ڵکو ته‌نها پێویسته‌ لێکدانه‌وه‌یه‌ک بکه‌ین به‌ر له‌ گواستنه‌وه‌کان بزانین چ یاریزانێکی لاماسیا ده‌توانێت له‌ پێگه‌ی یاریزانی داواکراودا یاریی پێده‌کرێت، ئه‌گه‌ر یاریزانێکی باشمان هه‌بێت ده‌بێت چانسی پێبدرێت، ئه‌گه‌رنا ناچارین یاریزان بکڕین.

هه‌ستت به‌چی کرد کاتێک چاوت به‌ هاوڕێکانت که‌وته‌وه‌ له‌ به‌رشلۆنه‌؟

نایابه‌ کاتێک چاوت به‌ یاریزانان و راهێنه‌ران و ده‌سته‌ی هونه‌ری یانه‌ی پێشوت ده‌که‌وێت‌، هه‌ستێکی تایبه‌تم هه‌یه‌ هه‌رگیز وه‌سف ناکرێت، چونکه‌ من نیوه‌ی ژیانم له‌م یانه‌یه‌ به‌ڕێکرد، خۆشحاڵبووم بینیم هه‌مووان سه‌لامه‌تن.

سه‌ره‌ڕای دووری نێوان ژاپۆن و ئیسپانیا، له‌ ژاپۆن هه‌ست به‌ به‌خته‌وه‌ری ده‌که‌یت؟

به‌خته‌وه‌ری ئه‌وه‌یه‌ که‌‌ مرۆڤ به‌دوایدا ده‌گه‌ڕێت، ژاپۆن وڵاتێکی مه‌زن و ناوازه‌یه‌ و هه‌رگیز له‌و وڵاته‌دا هه‌ست به‌ غه‌ریبی ناکه‌یت، به‌خێرایی خۆم گونجاندووه‌ و خێزانه‌که‌شم به‌هه‌مان شێوه‌ خۆشحاڵن.

ئه‌گه‌ر تۆ راهێنه‌ری بارسا بویتایه‌، مۆریلۆی به‌رگریکارت ده‌کڕی؟ یان پشتت به‌ لاوانی لاماسیا ده‌به‌ست؟

بێگومان ئه‌وه‌م ده‌کرد که‌ ئیداره‌ی یانه‌ کردویانه‌، چونکه‌ ئیداره‌ی یانه‌ له‌من باشتر ئاگاداری ورده‌کارییه‌کانن و ڕه‌نگه‌ له‌ لاماسیا به‌رگریکارێکی وه‌ها باشمان نه‌بێت که‌ بتوانێت جێگه‌ی ساموێل ئومتیتی بگرێته‌وه‌.

بەردەوام بە لە خوێندنەوە

چاوپێکەوتن

مارسێلۆ: له‌ مه‌درید له‌گه‌ڵ چه‌ند یاریزانێک ده‌ستم به‌ یاریکردن کرد ته‌نها له‌ ته‌له‌ڤیزیۆنه‌وه‌ به‌رچاوم که‌وتبون !

خه‌ڵک سپۆرت – ڕۆژنامه‌ی ئاس

مارسێلۆ ڤیێرا دا سیلڤای به‌رازیلی ئه‌ستێره‌ی یانه‌ی ڕیاڵ مه‌درید چاوپێکه‌وتنێک له‌گه‌ڵ ڕۆژنامه‌ی “ئاس”ی ئیسپانی ئه‌نجام ده‌دات و وه‌ڵامی چه‌ندین پرسیاری گرنگ و په‌یوه‌ندیدار به‌ کریستیانۆ و ڕۆیشتنی به‌ره‌و یانه‌ی یوڤانتۆس ده‌داته‌وه‌.

ئه‌مه‌ش کورته‌یه‌که‌ له‌چاوپێکه‌وتنه‌که‌:

بڕیاره‌که‌ی کریستیانۆ ئاسان نه‌بوو

“بڕیاری کاپتنی هه‌ڵبژارده‌ی پورتوگال بۆ ڕۆیشتن له‌ یانه‌ی ڕیاڵ مه‌درید ئاسان نه‌بوو، پڕکردنه‌وه‌ی پێگه‌که‌شی ئاسان نییه‌، چونکه‌ ئه‌و یاریزانێکی نایابه‌ و هاوڕێمه‌ له‌نێو یاریگا و ده‌ره‌وه‌ی یاریگا، وه‌ک چۆن هاوڕێی لوکا مۆدریچ و سێرجیۆ ڕامۆسم”.

له‌هه‌ر پێگه‌یه‌کدا خاوه‌نی باشترینه‌کانین

“ئاشکرایه‌ که‌ باشترین یاریزانی جیهان له‌ پێکهاته‌ی یانه‌که‌تدا بونی نامێنێت دواتر هه‌ست به‌ دوورکه‌وتنه‌وه‌ی ده‌که‌یت و بیری ده‌که‌یت، به‌ڵام من ناڵێم یانه‌که‌م خاوه‌نی باشترینه‌کان نییه‌، به‌ڵکو له‌هه‌ر پێگه‌یه‌کدا خاوه‌نی باشترین یاریزانه‌کانین”

 

“ئه‌گه‌ر له‌ ڕیاڵ مه‌درید ته‌نها ١٥ خوله‌ک چانسم پێبده‌ن له‌و ١٥ خوله‌که‌دا هه‌موو هه‌وڵێک ده‌ده‌م بۆ پێشکه‌شکردنی ئاستێکی به‌رز و بردنه‌وه‌ی یانه‌که‌م”

 

هه‌موو یانه‌یه‌ک خه‌ون به‌ کریستیانۆوه‌ ده‌بینێت

“بێگومان هه‌ر یانه‌یه‌ک له‌م جیهانه‌ حه‌ز به‌ کڕین و دابینکردنی کریستیانۆ ده‌کات، سه‌ره‌ڕای ئه‌وه‌ی چه‌ندین یاریزانی گه‌وره‌ و ناودار دێن و ده‌ڕۆن، مه‌درید هه‌ر مه‌دریده‌ و به‌ چه‌سپاوی به‌وشێوه‌یه‌ به‌رده‌وام ده‌بێت”

پێویسته‌ جامی جیهانی یانه‌کان به‌ده‌ست بهێنین

“ئێمه‌ هێشتا نه‌گه‌یشتوینه‌ته‌ مانگی فبرایه‌ر (مانگی دوو)، به‌نسبه‌ت ئێمه‌وه‌ له‌و مانگه‌وه‌ وه‌رز ده‌ست پێده‌کات و ده‌توانرێت له‌باره‌ی ئاست و ئه‌نجامه‌کانمانه‌وه‌ بڕیار بدرێت، ئاسان نییه‌ له‌ مانگی سپتێمبه‌ر و دیسێمبه‌ره‌وه‌ له‌سه‌ر وه‌رزێکی ته‌واو بڕیار بده‌ین، ئه‌و کاته‌ی جولین لوپێتیگی دوورخرایه‌وه‌ ته‌نها مانگێک تێپه‌ڕیبوو به‌هه‌مان شێوه‌ ئاسان نه‌بوو به‌و خێراییه‌ شیکاریی و لێکدانه‌وه‌ بۆ ئاستمان بکرێت، ده‌کرێت خه‌ڵکانێک ڕه‌خنه‌مان لێبگرن، به‌ڵام به‌لای منه‌وه‌ لێکدانه‌وه‌ی ئاستی یانه‌یه‌ک له‌ئێستادا شێتی زیاتر هیچی تر نییه‌، ئێمه‌ جامی جیهانی یانه‌کانمان له‌به‌رده‌مدایه‌ و پێویسته‌ به‌ده‌ستی بهێنین، تائێستاش له‌سه‌رجه‌م پاڵه‌وانێتیه‌کان به‌شدارین”

 

“له‌گه‌ڵ کۆمه‌ڵێک یاریزان ده‌ستم به‌ یارییکردن کرد که‌ ته‌نها له‌ ته‌له‌ڤیزیۆنه‌وه‌ به‌رچاوم که‌وتبوون، یاخود به‌ یاریی و گه‌یمه‌کان یارییم پێکردبوون”

 

بیر له‌ ده‌ره‌وه‌ی ڕیاڵ مه‌درید ناکامه‌وه‌‌

“هه‌رگیز به‌ مێشکمدا نه‌هاتووه‌ له‌ ڕیاڵ مه‌درید بڕۆم یاخود بۆ یانه‌ و هه‌ڵبژارده‌یه‌کی تر بگه‌ڕێم جگه‌ له‌ ڕیاڵ مه‌درید، هه‌موو شتێکم کردووه‌ بۆ ئه‌وه‌ی له‌م یانه‌ مه‌زنه‌ به‌رده‌وام بم، هه‌رگیز بیریش له‌وه‌ ناکه‌مه‌وه‌ چه‌ندێک چانسی یاریی کردنم پێده‌درێت”

ته‌نها به‌ ١٥ خوله‌کیش قایلم

“له‌ ڕیاڵ مه‌درید وه‌ک وتم گوێ به‌وه‌ ناده‌م چه‌ند یاریی ده‌که‌م و چی ده‌که‌م، ته‌نها گرنگ به‌لامه‌وه‌ ئه‌وه‌یه‌ سود به‌ یانه‌که‌ بگه‌یه‌نم، ئه‌گه‌ر ته‌نها ١٥ خوله‌ک چانسم پێبده‌ن له‌و ١٥ خوله‌که‌دا هه‌موو هه‌وڵێک ده‌ده‌م بۆ پێشکه‌شکردنی ئاستێکی به‌رز و بردنه‌وه‌ی یانه‌که‌م”

بونم له‌ مه‌درید خه‌ون بوو

“هه‌موو شتێک له‌ژیانی مندا به‌خێرایی ڕوویدا، له‌به‌رازیل ده‌ژیام وپێیان وتم ڕیاڵ مه‌درید تۆی ده‌وێت! له‌سه‌ره‌تاوه‌ پێموابوو هه‌موو شتێک گاڵته‌و گه‌په‌، هه‌میشه‌ یانه‌ی ڕیاڵ مه‌دریدم به‌ یانه‌یه‌کی زه‌به‌لاح بینیوهو به‌ مێشکمدا نه‌هاتووه‌ بتوانم یاریی بۆ بکه‌م‌، له‌ناکاو بوم به‌ یاریزانی یانه‌که‌ و به‌شێک له‌ یاریزانانی پێکهاته‌یه‌کی مێژوویی‌، له‌گه‌ڵ کۆمه‌ڵێک یاریزان ده‌ستم به‌ یارییکردن کرد که‌ ته‌نها له‌ ته‌له‌ڤیزیۆنه‌وه‌ به‌رچاوم که‌وتبوون، یاخود به‌ یاریی و گه‌یمه‌کان یارییم پێکردبوون، بونم له‌ مه‌درید ناوازه‌ بوو به‌نسبه‌ت منه‌وه‌”

بەردەوام بە لە خوێندنەوە

چاوپێکەوتن

مایکڵ بالاک: مۆرینیۆ ڕاهێنه‌رێکی گه‌وره‌یه‌ و له‌توانایدایه‌ کێشه‌کانی پۆگبا و یونایتد چاره‌سه‌ر بکات

خه‌ڵک سپۆرت

مایکڵ بالاکی ئه‌ڵمانی ئه‌ستێره‌ی پێشوی یانه‌کانی بایرن میونشن و چێڵسی، چاوپێکه‌وتنێک له‌گه‌ڵ ماڵپه‌ڕی “فۆر فۆر تو”ی به‌ریتانی ئه‌نجام ده‌دات، له‌وه‌ڵامه‌کانیدا ئاماژه‌ به‌ بارودۆخی یانه‌ی مانچسته‌ر یونایتد و که‌سایه‌تی مۆرینیۆ و چه‌ندین بابه‌تی تایبه‌تی ده‌کات.

ئه‌مه‌ش کورته‌یه‌که‌ له‌ چاوپێکه‌وتنه‌که‌:

دوای وازهێنان به‌رده‌وام چاودێری بارودۆخی یانه‌کان و هه‌واڵه‌کان ده‌که‌یت، ڕای تۆ چییه‌ ده‌رباره‌ی کێشه‌کانی نێوان مۆرینیۆ و پۆگبا؟

به‌ر له‌وه‌ی باسی هیچ شتێک بکه‌م، پێویسته‌ ئه‌وه‌ بزانن که‌ ڕاهێنان له‌ژێر چاودێری مۆرینیۆ زۆر قورسه‌، یاریزان له‌گه‌ڵ “مۆو” ده‌بێت خاوه‌ن که‌سایه‌تیه‌کی به‌هێز بێت، هه‌روه‌ها له‌سه‌دا سه‌د پابه‌ندی مه‌شق و ئه‌رکه‌ سپێردراوه‌کان بێت، به‌وشێوه‌یه‌ نه‌بێت هه‌رگیز سه‌رکه‌وتو نابیت.

له‌ژێر چاودێری “مۆو” کارت کردووه‌، ئه‌م ڕاهێنه‌ره‌ چۆنه‌؟

به‌نسبه‌ت منه‌وه‌ ئاسان نه‌بوو، سه‌ره‌ڕای ئه‌وه‌ی ئاستێکی گونجاوم پێشکه‌ش ده‌کرد، به‌ڵام به‌رده‌وام دووچاری ڕه‌خنه‌ تونده‌کانی ده‌بومه‌وه‌، ده‌مه‌وێت په‌یامێک ئاڕاسته‌ی هه‌موو ئه‌و یاریزانانه‌ بکه‌م که‌ له‌گه‌ڵیدا کارده‌که‌ن، مۆرینیۆ ڕاهێنه‌رێکه‌ وزه‌ی له‌یاریزانه‌کانی ده‌وێت و به‌رده‌وام ڕه‌خنه‌ له‌یاریزانه‌کانی خۆی ده‌گرێت، به‌ڵام ڕه‌خنه‌کانی تایبه‌تی نین تا به‌هه‌ڵه‌ لێکدانه‌وه‌ی بۆ بکرێت.

که‌واته‌ بۆ ئه‌وه‌ی له‌گه‌ڵ مۆرینیۆ خۆیان بگونجێنن پێویستیان به‌چییه‌؟

پێویستیان به‌وه‌یه‌ خاوه‌ن که‌سایه‌تیه‌کی به‌هێز بن، من به‌وشێوه‌یه‌ بووم و سه‌رباری ئه‌وه‌ی سه‌ره‌تاکانم ئاسان نه‌بوو، به‌ڵام له‌گه‌ڵ ئه‌م ڕاهێنه‌ره‌ گه‌وره‌یه‌دا تاموچێژم له‌ تۆپی پێ وه‌رگرت.

چ شتێک ڕاهێنه‌ری ناوبراو بێزار ده‌کات؟

ماوه‌ی ساڵ زیاتر له‌ژێر چاودێری مۆرینیۆ یارییم کرد که‌ زیاتره‌ له‌ ٤٦ یاریی، هه‌میشه‌ داوای ئه‌وه‌ی ده‌کرد گرنگی به‌ مه‌شقه‌کان بدرێت و پابه‌ندبونیان نیشان بده‌ین، ئه‌وه‌ به‌لایه‌وه‌ زۆر گرنگ بوو، به‌پێچه‌وانه‌وه‌ هه‌ر یاریزانێک که‌مته‌رخه‌م بوایه‌ بێزار ده‌بوو.

ئایا ده‌توانێت کۆنترۆڵی کێشه‌کانی بکات له‌گه‌ڵ پۆگبا؟

مۆرینیۆ هه‌میشه‌ ڕه‌خنه‌ له‌ ناوه‌ گه‌وره‌کان ده‌گرێت به‌تایبه‌ت ئه‌وانه‌ی موچه‌ی خه‌یاڵی وه‌رده‌گرن، چونکه‌ ئه‌م یاریزانانه‌ ئه‌رکی زیاتریان له‌سه‌ر شانه‌ و به‌شدارن له‌پێکهاته‌ی سه‌ره‌کیدا، به‌ش به‌حاڵی خۆم ڕه‌خنه‌ی لێگرتوم و ڕه‌خنه‌کانیشی بۆ شکاندنی که‌سایه‌تی هیچ که‌سێک نییه‌ و نابێت یاریزان به‌وشێوه‌یه‌ وه‌ریبگرێت، مه‌سه‌له‌ی پۆگبا به‌وشێوه‌یه‌یه‌، پێموابێت ڕاهێنه‌رێکی گه‌وره‌ و به‌ئه‌زمونه‌ و ده‌توانێت کۆنترۆڵی هه‌موو کێشه‌کان بکات.

له‌ماوه‌ی ڕابردودا ده‌نگۆی ئه‌وه‌ هه‌بوو وه‌ک به‌ڕێوه‌به‌ری وه‌رزشیی ده‌گه‌ڕێیته‌وه‌ بۆ ستامفۆرد بریدج (یانه‌ی چێڵسی)، ئه‌وه‌ ڕاسته‌؟

ده‌رگای من هه‌میشه‌ به‌ره‌و ئینگلته‌را کراوه‌یه‌، هیچ ڕووینه‌داوه‌ تائێستا، به‌ڵام هیوادارم ئۆفه‌رێکی هاوشێوه‌ بخرێته‌ به‌رده‌ستم، بێگومان قبوڵی ده‌که‌م و ده‌گه‌ڕێمه‌وه‌، نازانم له‌ داهاتودا چی ڕووده‌دات، به‌ڵام وه‌ک وتم هه‌میشه‌ ده‌رگام بۆ چێڵسی کراوه‌یه‌ ئه‌گه‌ر وه‌ک به‌ڕێوه‌به‌رێکی وه‌رزشیی مامه‌ڵه‌م له‌گه‌ڵدا بکه‌ن.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین