ئێمە لە تۆرە کۆمەڵایەتیەکان

ئابوری

پارێزگار دڵنیایی دەدات
شۆفێرانی سلێمانی لە خراپی بەنزین نیگەرانن

خەڵك – بەشی هەواڵ
شۆفێران لە شاری سلێمانی نیگەرانن لە خراپی كوالێتی بەنزین و پارێزگاری سلێمانیش دەڵێت: “بەهیچ شێوەیەك كوالێتی بەنزین لە سلێمانی خراپ نیە و نەمبیستووە بەنزینی سلێمانی خراپ بێت”.

چەند شۆفێرێك لە سلێمانی بۆ (خەڵك) ئاماژەیان بەوەكرد، كە هەرچەندە بەردەوام نرخی بەنزین هەرزانتر دەبێت، كە ئەوە كارێكی باشە، بەڵام ماوەیەكە هەست بە خراپ بوونی كوالێتی بەنزین دەكرێت و وەك ئەوان دەڵێن: “دیلكۆ زۆر لێدەدات”.

ئەو شۆفێرانە داوا لە پارێزگاری سلێمانی و لایەنە پەیوەندیدارەكان دەكەن “چاودێری كوالێتی بەنزین بكەن و ئاگایان لە دۆخی شۆفێران بێت”.

سەبارەت بەو پرسە، (خەڵك) پەیوەندی كرد بە د.هەڤاڵ ئەبوبەكر، پارێزگاری سلێمانی و لای خۆیەوە وتی، “بەردەوام تیمەكانی بەڕێوەبەرایەتی بەرهەمە نەوتیەكان و لیژنەكانی قائیمقامیتەی سلێمانی پشكنین بۆ بەنزینخانەكان دەكەن”.

وتیشی، “ئێمە لە مەرزەكانەوە ئەگەر كوالێتی بەنزین خراپ بێت ڕێگری لێدەكەین و ناهێڵێن داخڵی هەرێم بێت و دەیگەڕێنینەوە، لەناو شارەكانیش بەرهەمە نەوتیەكان بەردەوام پشكنین بۆ كوالێتی بەنزینخانەكان دەكەن بۆ هەموو جۆرە سوتەمەنیەك”.

ڕاشیگەیاند، من نەمبیستووە كوالێتی بەنزینی سلێمانی لە هیچ شوێنێك خراپ بێت، لە هەموو كاتێكیش چاودێری كوالێتی بەنزین بەردەوامە.

ئەمە لەكاتێكدایە، كە ئەمڕۆ بە بڕیاری پارێزگاری سلێمانی جارێكی دیكە نرخی هەر لیترێك بەنزین بە بڕی 25 دینار هەرزان كرا و بڕیارەكەش لە سبەینێوە كاری پێدەكرێت.

ئابوری

ڕۆژی 25 ئەیلول پارەكەی بەغدا دەگاتە هەرێم
دوای گەیشتنی 320 ملیارەكەی بەغدا دەست بە دابەشكردنی مووچە دەكرێت

خەڵك – بەشی هەواڵ

بڕیارە ڕۆژی پێنج شەممە 25ی ئەیلول حكومەتی ناوەند ئەو بڕ پارەیە ڕەوانەی هەرێم بكات كە وەك مووچەی فەرمانبەرانی هەرێمی كوردستان لەسەری ڕێككەوتوون.

بەپێی زانیارییەكانی (تۆڕی میدیایی خەڵك)، بڕیارە ڕۆژی پێنج شەممەی داهاتوو بەغدا مووچەی ئەم مانگەی فەرمانبەران كە بڕەكەی 320 ملیار دینارە، ڕەوانەی هەرێم بكات، لە هەرێمیش ڕۆژی دوو شەممە دەست بەدابەشكردنی مووچە بكرێت.

هاوكات، هێڤیدار ئەحمەد جێگری سەرۆكی لیژنەی دارایی و كاروباری ئابووری لە پەرلەمانی كوردستان ئاشكرایكردووە،”هەفتەی داهاتوو حكومەتی هەرێمی كوردستان لیستی نوێی مووچە ڕادەگەیەنێت. حكومەت داهاتی ئامادەكردووە و ئەوەی عیراقیش دێت”.

سەبارەت بە چۆنیەتی دابەشكردنی مووچە، هێڤیدار ئەحمەد، ڕایگەیاندووە “ئەوەی حكومەت ڕایگەیاندووە و ئەوەشی سەرۆكی حكومەت باسی كردووە بەپێی داهات مووچە دابەشدەكرێت”.

بەردەوام بە لە خوێندنەوە

ئابوری

ماددەیەك لە بودجە دەربارەی دەرماڵە و میلاكی فەرمانبەران زیاد دەكرێت

خەڵك- بەشی هەواڵ

ژمارەیەك پەڕلەمانتاری عیراق پێشنیاریان بۆ زیادكردنی ماددەیەكی دوو بڕگەیی لە بودجەدا لە بەرژەوەندی فەرمانبەران و هێزە سەربازییەكان كردووە.

بەپێی یاداشتێك، كە واژۆی ژمارەیەك پەڕلەمانتاری لەسەرە و هودا سەجاد، پەڕلەمانتاری عیراقی بەرزی كردۆتەوە بۆ سەرۆكایەتی پەڕلەمان، داوا كراوە ماددیەك بۆ پڕۆژە یاسای بودجە زیاد بكرێت سەبارەت بە فەرمانبەرانی گرێبەست و مامۆستایانی وانەبێژ و بریندارانی هێزە سەربازییەكان.

بەپێی یاداشتەكە، كە دەست (خەڵك) كەوتووە، داوا كراوە بڕیاری ژمارە 315ی حكومەتی عیراق بخرێتە ناو پڕۆژە یاسای بودجەی ئەمساڵ (2020)، كە تێیدا حكومەت پابەند دەكرێت بە جێبەجێ كردنی ئەو بڕیارەی خۆی بۆ دامەزراندنی فەرمانبەرانی گرێبەست و مامۆستایانی وانەبێژ و كارمەندانی كرێی ڕۆژانە و وەزارەتی دارایی پارەی پێویستی بۆ تەرخان بكات.

هەر لە یاداشتەكەدا هاتووە، “سەرجەم بریندارەان و پەككەوتووانی سەر بە وەزارەتی بەرگری دەرماڵەی ناوچە گەرمەكان (ناوچە شەڕەكان)یان بۆ هەژمار بكرێت.

بەردەوام بە لە خوێندنەوە

ئابوری

گوزەران و ژیانی كرێكاران لە دۆخێكی خراپدایە

خەڵك-ئارام سەردار
لقی هەولێری سەندیكاكانی كرێكارانی كوردستان هۆشداری لە دۆخی خراپی كرێكاران دەدات و ڕایدەگەیەنێت، كە 4 كرێكار گیانیان لەدەستداوە.

حەسەن ڕەمەزان، وتەبێژی لقی هەولێری سەندیكاكانی كرێكارانی كوردستان بە(خەڵك)ی ڕاگەیاند، بەداخەوە لەماوەی ۹ مانگی ڕابردوو، ٤ كرێكار لەسەر كارەكانیان و لەكاتی كاركردن گیانیان لەدەستداوە.

دەشڵێت: “بەشێك لەهۆكارەكانی گیان لەدەستدانی كرێكاران و برینداربوونیان ئەوەیە كرێكاران پابەندی سەلامەتی خۆپارێزی و ڕێنماییەكان نابن لەسەر كارەكانیان”.

وتیشی، “بەداخەوە بەهۆی كۆرۆنا چەند مانگێك كەرەنتینە بوو و زۆربەی كار و پڕۆژەكانیش وەستان، بۆیە كرێكاران لەدۆخێكی داراییان خراپدان”.

بەردەوام بە لە خوێندنەوە

کوردستان