ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

جۆرەکانی فلتەری نێو ئۆتۆمبێل چین؟ کەی دەبێت بگۆڕدرێن؟

خەڵک-

دیارە ھەر ئامێرێکی میکانیکی پێویستی بە جیاکردنەوەی بەشەکان و مادە جیاوازە بەکارھاتووەکان ھەیە، ئەگەر نا ناتوانێت بە باشی کارەکانی کە لێی چاوەڕێ دەکرێت ڕابپەڕێنێت.

لە ئۆتۆمبێلیشدا بە شێوەی گشتی چوار جۆر فلتەر ھەیە کە کاریان جیاوازە و ماوەی گۆڕینیشیان بە پێی کار فەرمانەکانیان دەگۆڕێت. سەرەتا بزانین فلتەر چییە.

فلتەر چییە؟ هەرشتێک بەشی ڕەق لە گاز و شل جیابکاتەوە پێی دەڵێن فلتەر، ئیشی فلتەر گرتنی ماددەی ڕەق و جیاکردنەوەیەتی لە ئاو یان هەوا یان بەنزین.

جۆرەکانی فلتەر:

  • فلتەری هەوا Air Filter: کاری پاککردنەوەی ئەو هەوایەیە کە دەچێتە ناو بزوێنەر و لەگەڵ بەنزین یەک دەگرێت و دەسووتێت.
  • فلتەری ڕۆن Oil Filter: بەشێکی زۆر گرنگی بزوێنەرە، فلتەری ڕۆنە کاری پاککردنەوەی ئەو ڕۆنەیە کە لەناو مەکینەدا هەیە.
  • فلتەری بەنزین Fuel Filter: فلتەری بەنزین ئەو بەنزینە پاکدەکاتەوە کە بۆ بزوێنەر دەچێت لە ڕێگەی فیول پەمپەوە.
  • فلتەری تەبرید A.C Filter: ئەمیش بەهەمان شێوەی فلتەری هەوا کاری پاکردنەوەی هەوایە، بەڵام ئەمجارەیان ئەو هەوایەی کە دێتە ناو ئۆتۆمبیلەکە نەک بزوێنەر، واتە ئەو هەوایە پاک دەکاتەوە کە هەڵیدەمژین لەناو ئۆتۆمبێلەکەدا.

کاتی گۆڕینی فلتەرەکان:

بەشێوەیەکی گشتی هەر کۆمپانیایەکی ئۆتۆمبێل ماوەیەکی دیاریکراوی داناوە بۆ گۆڕینی هەر جۆرێک لە فلتەرەکان، بەڵام بۆ ئەوانەی کە ناگەڕێنەوە بۆ کۆمپانیا و لە دەرەوە دەیگۆڕن پێویستە ئاگاداری ئەم ڕێنماییانە بن.

  • فلتەری هەوا Air Filter: پێویستە لەهەر ڕۆن گۆڕینێک فلتەری هەوا پاک بکرێتەوە، هەروەها دوای سێجار ڕۆنگۆڕین، پێویستە بگۆڕدرێت.
  • فلتەری ڕۆن Oil Filter: فلتەری ڕۆن لەچاو فلتەرەکانی تردا کەمتر پیس دەبێت، بەڵام ئەمیش باشتر وایە لە ھەر سێ جار ڕۆنگۆڕین، بگۆڕدرێت.
  • فلتەری بەنزین Fuel Filter: دیارە بەهۆی پیسبونی بەنزین لە کوردستان، پێویستە زوو زوو فلتەری بەنزین بگۆڕین، ئەوەش بەپێی کوالێتیی فلتەرەکە دەبێت، کاتی گۆڕینی کوالێتی زۆر باش لە نێوان 8 بۆ 12 مانگدایە، فلتەری کوالێتی خراپیش لە نێوان 4 بۆ 7 مانگ دەبێت بگۆڕدرێت.
  • فلتەری تەبرید A.C Filter: فلتەری تەبرید چەند پاکتر بێت سوودی تەندروستی خۆتی تێدایە، بەڵام گۆڕینی بەپێی لێخوڕین و داگیرساندنیC دەگۆڕێت، بەتایبەت لە وەرزی هاویندا پێویستە زوو زوو پاک بکرێتەوە و بگۆڕدرێت. دەتوانیت خۆت فەحسی بکەیت، ئەگەر هەوای کەم هات ئەوا نیشانەیە بۆ ئەوەی کە پیس بووە.

سەرچاوە: زانیاریی میکانیکی-Mechanical Knowledge

ئۆتۆمبێل و تەکنەلۆژیا

ئەپڵ زمانی كوردی بۆ ئایفۆن و ئایپاد زیاد دەكات

خەڵك- تەكنەلۆجیا
كۆمپانیای ئەپڵ ئاشكرای دەكات، كە بەم نزیكانە سیستمی نوێی (ئای ئۆ ئێس) بۆ ئایفۆن و ئەڵ نوێ‌ دەكاتەوە و دەشڵێت: “زمانی كوردی دەخەنە ناو سیستمەكەوە”.

كۆمپانیای ئەپڵ لە ڕاگەیەندراوێكدا ئاماژەی بەوەكردووە، كە بەم نزیكانە سیستمی نوێی (iOS 13) دەخنە بەردەست و چەندین نوێبوونەوەشی لەخۆگرتووە.

ڕاشیگەیاندووە، یەكێك لە نوێگەرییەكان، كە بۆ سیستمەكە زیاد كراوە بریتییە لە زمانی كوردی و هەروەها دەتوانرێت بە 38 زمانی جیاواز نامەی پێ‌ بنووسرێت.

كورد یەكێكە لە پێكهێنەرە و پێكهاتە سەرەكییەكانی ڕۆژئاوای ئاسیا و دابەش كراون بەسەر وڵاتانی عیراق و توركیا و ئێران و سوریا و هەندێكیشیان كەتونەتە باشووری ڕۆژئاوای ئەرمینیا و هەندێك ناوچەی ئازربایجان و لوبنان.

بەردەوام بە لە خوێندنەوە

ئۆتۆمبێل و تەکنەلۆژیا

کۆمپانیای ئەپڵ کار لەسەر درووستکردنی مۆبایلێکی چەماوە دەکات

خەڵک

یەکێک لەو بەرهەمانەی لە ئێستادا سەرنجێکی زۆری لەسەرە بریتییە لە مۆبایلی چەماوەی کۆمپانیاکان، و ڕاپۆرتەکان ئاماژە بەوە دەکەن کە کۆمپانیای ئەپڵیش دەیەوێت بێتە نێو ئەم ڕکابەرییەوە.

مۆبایلەکەی ئەپڵ لەیەرێکی پارێزراوی دەبێت لە سەرەوە کە وای لێدەکات بچەمێتەوە و لە ماددەی سیرامیک درووست دەکرێت تاوەکوو بەرگری بکات لە نەشکانی مۆبایلەکە لە کاتی چەمانەوەیدا یاخوود لە ڕێژەیەکی زۆری چەمانەوەییدا.

هەروەکوو لە وێنەکانی خوارەوەدا دەردەکەوێت شاشەی مۆبایلەکە دەچەمێتەوە بۆ ناوەوە لە کاتی نوشتاندنەوەیدا وە ئاماژەکان دەڵێن ئەم مۆبایلە لە ٢٠٢٠ دا دەبینین، هەروەها دەوترێت خاوەنی کیبۆردی فۆیلۆی زیرەک دەبێت لەگەڵ قەڵەمی زیرەکی ئەپڵدا بۆ ئاسانترکردنی کردارەکان لەسەر مۆبایلە چەماوەکە

کۆمپانیای ئەپڵ لە ١/٤/١٩٧٦ دا دامەزراوە لە ئەمریکا لە ناوچەی کالیفۆرنیا. ئەم کۆمپانیایە گەورەترین خزمەتی کردووە لە بواری کۆمپیوتەری کەسیدا، لە ساڵەکانی ١٩٧٠ دا زۆرترین ژمارە کۆمپیوتەری فرۆشتوە لە جیھاندا.

تاکوو ساڵی ٢٠٠٦، کۆمپانیای ئەپڵ لە چەندین بواری (نەرمەکاڵا software) و (ڕەقەکاڵا hardware) دا دەستبەکارە، بەرھەمەکانی iMac، iPhone و iPod لە ھەموو بازاڕەکانی جیھاندا بڵاوە، ھەروەھا خاوەنی گەورەترین کۆگای مۆسیقا بەناوی iTunes کە چەندین ملیۆن گۆرانی و ئاوازی لەخۆ گرتووە. لە ‌بواری سیستەمی کارپێکردنیشدا Mac OS X ـی ھەیە، ئەمیش وەک بەرھەمەکانی تری سەرکەوتووە.

بەردەوام بە لە خوێندنەوە

ئۆتۆمبێل و تەکنەلۆژیا

ڕاپۆرتەکان: ئایفۆنەکانی ٢٠٢٠ لە ڕێی (Touch ID) ییەوە کار دەکەن لە تەواوی شاشەکەیدا

خەڵک

هەروەکو لە دواین ڕاپۆرتەکان باسکرا ئایفۆن ١١ جۆرەکانی سێ کامێرای و دوو کامێرایی دەبێت، بەپێی زانیارییەکانی MacRumors ڕایگەیاندووە کە ئایفۆنەکانی ٢٠٢٠ گۆڕانکاری گەورە و پێشکەوتووی تێدا کراوە بە بەردەست خستنی تایبەتمەندی پەنجەمۆر لەسەر تەواوی شاشەکەیدا، کە شاشەکەی لە جۆری OLED ی LG ییە.

هەروەها ماڵپەرەکە ئاماژەی بەوەکردووە ئایفۆن SE 2 کە تایبەتمەندییەکانی هاوشێوەی ئایفۆن هەشت دەبێت، و هەروەها جۆری 5G یش بەرهەم دێت کە لە ڕێی پاڵپشتییەکانی مۆدێمی کۆمپانیای کوالکۆمەوە پاش ڕێککەوتنەکەی مانگی پێشووی دوو کۆمپانیاکە.

Image result for iphone 2020

جێی ئاماژەیە بەرهەمەکانی ساڵی ڕابردووی ئەپڵ ئەمانە بوون”Xs, Xs Max ,Xr ” ئەم جارەیان ئەپڵ زیاتر سەرنجی لەسەر لایەنی کامێرا و پێشخستنی پاراستنەکانی کردنەوەی مۆبایلەکەیە بەشێوازی نوێ.

بەردەوام بە لە خوێندنەوە

کوردستان