ئێمە لە تۆرە کۆمەڵایەتیەکان

کوردستان

داوا دەكرێت بەسوڵحی عەشایەری دۆسیەی سێوان چارەسەر نەكرێت


 

خەڵك- یەحیا حبیب

پێشنیوەڕۆی ئەمڕۆ چوار شەممە 26/12/2018 ئەنجومەنی ڕاوێژكاری ڕێكخراوەكانی قەزای شارەزوور لەبەردەم دادگای بەرایی شارەزوور گربوونەوە و داوایان كرد، “كەیسی سێوان و سێ جگەرگۆشەكەی نەكرێتە بابەتی كۆمەڵایەتی (سوڵحی عەشایەری) بە بیانوی ئاسایشی كۆمەڵایەتی و ناوزڕاندنی شوێن و ناوچەكە”.

نارین عوسمان، سەرپەرشتیاری گروپی كچانی گەوهەر بەیاننامەی ڕاوێژكاری ئەنجومەنی ڕێكخراوەكانی قەزای شارەزوری خوێندەوە و ڕایگەیاند، “ئاشكرایە، كە كەیسی سوتان و مردنی سێوان و سێ جگەرگۆشەكەی پڕە لە گومان و قسەی جۆراوجۆر، بەجۆرێك هەر كەس لای خۆیەوە بەجۆرێك حوكم لەسەر ئەو دۆسیەیە دەدەن”.

وتیشی، “ئەو كەیسە لە چوارچێوەی خێزان و بنەماڵە و ناوچەكەی تێپەڕاندووە و بووە بە كەیسێكی مرۆیی”.

ڕاوێژكاری ئەنجومەنی ڕێكخراوەكانی قەزای شارەزور لە دوو خاڵدا داوا دەكەن، “داواكارین لە داواكاری گشتی دادگا ڕێگا بە خەڵك و ڕاگەیاندنەكان بدرێت ڕوماڵی دادگایی كردنی ئەو تۆمەتبارە بدرێت و ڕێكخراوەكانی كۆمەڵگای مەدەنی و ڕێكخراوەكانی مافی منداڵان چاودێر بن بەسەر كارەكانی دادگای و لێكۆڵینەوە بە جۆرێك گومان هەیە لەسەر هاوسەری سێوان دەستی لەسوتاندنی سێوان و سێ جگەرگۆشەكەی هەیە تا ئەوەی بتوانین دڵنیایمان دەستبكەوێت لەئەنجامی ڕاستی و دروستی ئەم كەیسە”.

هەروەها داواشیان كردووە، “ئێمە وەك ئەنجومەنی ڕێكخراوەكانی شارەزور مەبەست و ئامانجمانە كە كەیسی سێوان و سێ جگەرگۆشەكەی نەكرێتە بابەتی كۆمەڵایەتی (سوڵحی عەشایەری) بە بیانوی ئاسایشی كۆمەڵایەتی و ناوزڕاندنی شوێن و ناوچەكە، ئەوەی مەبەستمانە وەك هاوڵاتی ئەم نیشتیمانە لە دۆخێكی چەقبەستوی پڕ لە توندوتیژی دەربازی ببێت”.

کوردستان

تەندروستی كەركوك: تووشبوویەكی تری ڤایرۆسی كۆرۆنا گیانی لەدەستدا


خەڵك – بەشی هەواڵ

بەڕێوەبەرایەتی تەندروستی كەركوك ڕایگەیاند: تووشبوویەكی ڤایرۆسی كۆرۆنا لە شاری كەركوك گیانی لەدەستدا.

زیاد خەڵەف بەڕێوەبەری تەندروستی كەركوك بە وەكالەت ئاشكرایكرد: ئەمشەو تووشبوویەكی ڤایرۆسی كۆرۆنا لە شاری كەركوك گیانی لەدەستدا.

بەڕێوەبەری تەندروستی كەركوك بە وەكالەت ڕوونیشیكردەوە: تووشبووەكە تەمەنی 70 ساڵ بووە ئێوارەی دوێنێ‌ هێنراوەتە نەخۆشخانە و دوای تێكچوونی باری تەندروستی و تەنگبوونی هەناسەدانی خراوەتە ژێر ئامێری هەناسەدانی دەستكردەوە.

بەپێی ئامارەكان، تائێستا 79 حاڵەتی تووشبوون بە ڤایرۆسی كۆرۆنا لە كەركوك دەستنیشان كراوە و لەو ژمارەیەش 69 تووشبوو چاكبوونەتەوە و 3 كەسیش گیانی لەدەستداوە.

بەردەوام بە لە خوێندنەوە

کوردستان

شانەی قەیرانەكانی كەركوك: ڕۆژانە 12 كاتژمێر قەدەغەی هاتوچۆی تەواوەتی جێبەجێ‌ دەكرێت


خەڵك – بەشی هەواڵ

شانەی قەیرانەكانی كەركوك بڕیاریدا، لە كاتژمێر 7ی ئێوارە تا 6ی بەیانی قەدەغەی هاتوچۆی تەواوەتی جێبەجێ دەكرێت.

شانەی قەیرانەكانی كەركوك ئەمڕۆ شەممە، لەبارەی ڕووبەڕووبوونەوەی ڤایرۆسی كۆرۆنا كۆبووەوە و بڕیاریدا، دەوامی سەرجەم فەرمانگەكان لە 31/5/2020 تا 4/6/2020 ڕابگیرێت.

هەر لە لە كۆبوونەوەكەدا بڕیاردرا قەدەغەكردنی ھاتوچۆ لە كاتژمێر ٦ بەیانی بۆ ٧ی ئێوارە لە كەركوك ھەڵبگیرێت، ھاوكات لە كاتژمێر 7ی ئێوارە تا 6ی بەیانی قەدەغەی هاتوچۆی تەواوەتی جێبەجێ دەكرێت و ڕۆژانی هەینی و شەممە قەدەغەی هاتوچۆی تەواوەتی لە پارێزگاكە جێبەجێ دەكرێت تا كاتێكی نادیار.

شانەی قەیرانەكانی كەركوك بڕیاریشدا، ڕێگە بە ھاتوچۆكردنی ھاووڵاتیانی شارەدێی شوان و قەرەھەنجیر و قەرەحەسەن بۆ ناو شاری كەركوك بدرێت.

هەروەها بڕیاردرا، بەمەبەستی پاراستنی سەلامەتی گیانی ھاووڵاتیان، بازگەكانی دەرەوەی پارێزگای كەركوك بە داخراوی بمینێتەوە.

بەردەوام بە لە خوێندنەوە

کوردستان

كۆیە.. لە ڕووادێكی هاتوچۆدا دوو كەس بوونە قوربانی


خەڵك – بەشی هەواڵ

بەڕێوەبەری هاتوچۆی كۆیە ڕایدەگەیەنێت: لە ڕووداوێكی هاتوچۆدا لە ڕێگای كۆیە – هەولێر كەسێك گیانی لەدەستدا و یەكێكی تریش برینداربوو.

عەقید زاهیر محەمەد بەڕێوەبەری هاتوچۆی كۆیە ڕایگەیاند: كاتژمێر هەشتی ئێوارەی ئەمڕۆ لە ڕێگای هەولێر – كۆیە ڕووداوێكی هاتوچۆ لە نێوان ئۆتۆمبێلی جۆری (تۆیۆتا / هایلۆكس) كە بە (مەرزیە) ناسراوە لەگەڵ بارهەڵگرێك ڕوویداوە.

بەڕێوەبەری هاتوچۆی كۆیە وتیشی، لە ڕووداوەكەدا شۆفێری تۆیۆتاكە برینداربووە و سەرنشینێكیش گیانی لەدەستداوە كە لە دایكبووی ساڵی 1989یە.

بەردەوام بە لە خوێندنەوە

کوردستان