ئێمە لە تۆرە کۆمەڵایەتیەکان

کوردستان

“بزووتنەوەی گۆڕان گەنجەكانی حزبەكەی پشتگوێ دەخات”

خەڵك-بەشی هەواڵ

جێگری سەرۆكی جڤاتی گشتی گۆڕان هەموو ئەو دەنگۆیانە ڕەتدەكاتەوە، كە دەوترێت بەرپرسانی باڵای گۆڕان گەنجەكانی حزبەكەیان پشتگوێ خستبێت.

سەرچاوەیەك لە بزووتنەوەی گۆڕان ڕایدەگەیەنێت، دوای كۆچی دوایی نەوشیروان مستەفا، بەرپرسانی باڵای گۆڕان دەیانەوێت ڕۆڵی گەنج لەنێو بزووتنەوەكە كەم بكەنەوە.

سەرچاوەیەكی باڵا لە بزووتنەوەی گۆڕان، كە نەیویست ناوی ئاشكرا بكرێت بە (خەڵك)ی ڕاگەیاند، “بەرپرسانی باڵای گۆڕان گەنجەكانی حزبەكەیان پشتگوێ خستووە و لە هیچ وەفدێكی دانوستانی سیاسیدا دانانرێن”.

وتیشی، “دوور لە بیروڕای نەوشیروان مستەفا، سەركردەكانی ئێستا، ڕوخساری حزبەكە بە كەسانی بەتەمەن نیشان دەدەن، ئەمەش لەكاتێكدایە، كە زۆرینەی هەڵسوڕاوانی گۆڕان لە گەنجانن”.

لای خۆشییەوە، ساڵح ژاژڵەیی، جێگری سەرۆكی جڤاتی گشتی گۆڕان بە (خەڵك)ی ڕاگەیاند، ئەو دەنگۆیانە دوورن لە ڕاستییەوە.

سەبارەت بە كۆبونەوەكانی ئەم دواییەی حزبەكەیان لەگەڵ لایەنە سیاسییەكان، ژاژڵەیی ڕایگەیاند، ئەو كۆبوونەوانە زۆر چارەنووسسازن و پێویستی بە خەڵكی كارامە و سیاسی و شارەزا هەیە.

وتیشی، “ئەو كۆبوونەوانە خەڵكێكی دەوێت، كە چەندین جار لە كۆبوونەوەكان بەشداری كردبێت و شارەزایی دانوستانی هەبێت، تۆ گەنجێك بنێری تەنها لەبەرئەوەی بڵێی گەنجی تێدایە ئەوە نابێت”.

ئاشكراشی كرد، ئەگەر گەنج نەنێریتە كۆبوونەوەكان، مانای ئەوە نییە لادان بێت لە یاسا، لە ئەمریكا و ئەوروپا و لە سەرجەم ئەنجومەنەكان هەموو پیاوە شارەزاكان كارەكان ِرادەپەڕێنن، تەنها لای ئێمە ئەوە هەیە.

ڕوونیشیكردەوە، دەبێت گەنج قۆناغ بە قۆناغ بهێنرێتە پێشەوە، هەركاتێك هاتە نێو گۆڕانەوە نابێت لە كۆبوونەوەكان بەشدار بێت.

ساڵح ژاژڵەیی ڕاشیگەیاند، ئەو بەرپرسانەی لە كۆبونەوەكانی جنێف بەشداری دەكەن تەمەنیان لەسەروو 70 ساڵەوەیە، ئەو بابەتەش، كە دەوترێت گەنجەكان پشتگوێ دەخرێن ڕاست نییە.

کوردستان

هەسەدە: 103 سەربازی تورك و چەكدار كوژراون
شەڕی هاوبەشی هەسەدە و سوریا لەگەڵ توركیا دەستی پێكرد

خەڵك- بەشی هەواڵ
شەڕی هاوبەشی هەسەدە و سوپای سوریا لەگەڵ سوپای توركیا و چەكدارە ئۆپۆزسیۆنەكان لە تەل تەمر دەستی پێكرد.

هێزەكانی سوریای دیموكرات (هەسەدە) ئاماری شەڕەكانی ۲٤ كاتژمێری ڕابردوو لە بەرەكانی شەڕ لە (سەرێكانی، گرێ سپی، درباسییە و دێرك) بڵاودەكاتەوە و ئاشكرای دەكات، ژمارەیەك تانك و زرێپۆشی هێزی دوژمن تێكشكێنراون.

ڕاشیگەیاندووە، لەو شەڕانەدا ۱٠۳ سەربازی توركی و چەكداری ئۆپۆزسیۆنی سوریا كوژراون و لە بەرامبەریشدا ۲۳ شەرەڤانی هێزەكانی سوریای دیموكرات شەهید بوون.

هەسەدە ئاماژەی بەوەشكردووە، كە شەڕی هێزەكانیان و سوپای سوریا لە تەل تەمر لەگەڵ سوپای توركیا و چەكدارە ئۆپۆزسیۆنەكان دەستی پێ‌ كردووە و توانراوە هێزەكانی توركیا تێكبشكێنرێن.

بەردەوام بە لە خوێندنەوە

کوردستان

لە چیای ئەزمەڕ تەقینەوەیەك ڕوویدا و قوربانی لێ‌ كەوتەوە

خەڵك- بەشی هەواڵ
ئێوارەی ئەمڕۆ لەسەر چیای ئەزمەڕ لە سلێمانی تەقینەوەیەك ڕوویدا و بەهۆیەوە دوو كەس گیانیان لەدەستداوە.

سەرچاوەیەك لە (جی سی سی) سلێمانی بۆ (خەڵك) ڕایگەیاند، كە ئێوارەی ئەمڕۆ دەنگی تەقینەوەیەك لەسەر چیای ئەزمەڕ بیستراوە و ڕاستەوخۆ هێزەكانمان چوونەتە شوێنی ڕووداوەكە.

ڕاشیگەیاند، بەهۆی ئەو ڕووداوەوە دوو كەس گیانیان لەدەستداوە و لێكۆڵینەوەش لەسەر ڕووداوەكە دەستی پێ‌ كردووە.

جەختیشی كردەوە، كە تا ئێستا بەتەواوی یەكلایی نەبۆتەوە تەقینەوە بووە یان شتی دیكە، بەڵام دەنگی تەقینەوە بیستراوە و لێكۆڵینەوەش دەستی پێ‌ كردووە.

بۆ بەدواداچوونی زیاتر (خەڵك) پەیوەندی كرد بە سەركەوت ئەحمەد، وتەبێژی پۆلیسی سلێمانییەوە، بەڵام وەڵامی پەیوەندییەكەی نەدایەوە.

بەردەوام بە لە خوێندنەوە

کوردستان

حكومەتی هەرێم پەیامێك ئاڕاستەی وڵاتان و ڕێكخراوەكان دەكات

خەڵك-ئارام سەردار
ئەمڕۆ سێ شەممە ۱٥ی ئۆكتۆبەری ۲۰۱۹ حكومەتی هەرێم لەگەڵ كونسوڵخانە و نوێنەری وڵاتان تایبەت بەڕەوشی ڕۆژئاوای كوردستان كۆبووەوە، وتەبێژی حكومەتی هەرێمیش ڕایدەگەیەنێت، پێشبینی دەكرێت لە ٥٠ هەزار بۆ ٢٥٠ هەزار كەس لە سوریاوە ئاوارەی هەرێمی كوردستان ببن.

جوتیار عادل، وتەبێژی حكومەتی هەرێمی كوردستان لە كۆنفڕانسێكی ڕۆژنامەوانیدا ڕایگەیاند، لەكۆبوونەوەكەدا لەگەڵ نوێنەر و كونسوڵی وڵاتان لەباری ئەگەری هاتنی ئاوارە و پەنابەران بۆ هەرێمی كوردستان بەهۆی ئەو شەڕەی لە سوریا هەیە، پەیامی حكومەتمان گەیاندە كۆنسوڵخانەكان و ئەو هاوكاری و پێویستیە مرۆییانەی پێویستن و ئامادەكاریان، كە پێویستە لە ڕووی مرۆیی پێشكەشی حكومەتی هەرێمی كوردستانی بكەن.

دەشڵێت: “وەك حكومەت پێمان باش بوو، كە كونسوڵخانەكان و نوێنەری دیبلۆماسی وڵاتان هاوكاربن و پەیامی حكومەت بە ڕوونی پێیان بگات، تاوەكو ئەوانیش ئەم داواكاریانەی ئێمە ئاڕاستەی وڵاتەكانیان بكەن و وەڵامی ئێمە بدەنەوە”.

بەوتەی جوتیار عادل، “بۆ هاوكاری ئاوارەكان و پەنابەران وەكو حكومەت تا توانامان هەبێت هاوكار دەبین و پێویستییەكانیان بۆ دابین دەكەین، بەڵام بەهۆی سنورداربوونی توانای حكومەت داوا لە هەموو لایەك دەكەین لە كونسوڵخانەی وڵاتانی بیانی و ڕێكخراوەكان هاوكارمان بن، لەگەڵ حكومەتی عیراقیش گفتووگۆمان كردوە و پلانێكی باشمان داناوە و چاوەڕوانی وەڵامی ئەوانین، چاوەڕوانیشین وەڵامی وڵاتان ئەرێنی بێت”.

وتیشی، “پێشبینی دەكەین لە ٥٠ هەزار بۆ ٢٥٠ هەزار كەس لە سوریاوە ئاوارەی هەرێمی كوردستان ببن، تاوەكو ئێستاش نزیكەی ٢٠٠ خێزان هاتونەتە هەرێمی كوردستان و بە پێی پێویست هاوكارمان كردون، وەك هەرێمی كوردستانیش لە هەر چوار پارێزگا ئامادەكاریان كردوە بۆ پێشوازی لە ئاوارە و پەنابەران، بەڵام بەهۆی ئەوەی فشارێكی گەورەمان لەسەرە وەك حكومەت و داوای هاوكاریمان لە وڵاتان كردوە، ئێمەش ئامادەین ئەوەی لەتوانادابێت هاوكاری ئاوارەكان بكەین”.

بەردەوام بە لە خوێندنەوە

کوردستان