ئێمە لە تۆرە کۆمەڵایەتیەکان

ئابوری

دۆلار شكا و تمەن بەرزبووەوە
بەوێنە؛ ئاگاداری 50 هەزار دیناریە تەزویرەكە بن

خەڵك – بەشی هەواڵ
خاوەنی نویسنگەیەكی ئاڵوگۆڕی دراو لە سلێمانی ڕایدەگەیەنێت، بەهای دۆلار لەكاتی داخستنی بازاڕ دابەزیوە و تەمەنیش بەرزبۆتەوە، (خەڵك) وێنەی پەنجا هەزار دیناری ساختە بڵاودەكاتەوە.

دوانیوەڕۆی ئەمڕۆ لە بازاڕی دۆلارەكە بەهای دۆلار دابەزیوە و تمەنیش بەرزبۆتەوە بەجۆرێك، لەكاتی كردنەوەی بازاڕ 100 دۆلار بە 120 هەزار دینار بووە و دوانیوەڕۆ دابەزیوە بۆ 119 هەزار و 750 دینار.

هەروەها 100 دۆلار لەكاتی داخستنی بازاڕ بە ملیۆنێك و هەزار تمەن بەدەستی و ملیۆنێك و 17 هەزار بە حەواڵە ئاڵوگۆڕی پێوەكرا.

لە بارەی بڵاوبوونەوەی دراوی 50 هەزار دیناری ساختە لە بازاڕەكان ئیبراهیم غەفور، خاوەنی نووسینگەی نەشوان لە بازاڕی دۆلارەكەی سلێمانی بە (خەڵك)ی وت، “بەهۆی ئەوەی لە بازارەكەی ئێمەدا ئامێری باشی دۆزینەوەی ساختە هەیە، ئەو جۆرە لە دراوی ساختە ڕوومان تێ ناكات، هەورەها مامەڵە بە دراوی 50 هەزاری زۆر كەمە، بۆیە من هیچ حاڵەتێكی ئەوتۆم نەدیوە”.

ئەمە لەكاتێكدایە، بەشێك لە هاوڵاتیان لە تۆڕە كۆمەڵایەتیەكان هۆشدار دەدەن لە بڵاوبوونەوەی دراوی 50 هەزاری ساختە لە بازاڕدا و دەڵێن: “پێویستە بۆ جیاكردنەوەی سەیری ئەو نیشانەیە بكرێت، كە لە وێنەكەدا دیارە”.

ئابوری

چین: ئەمریکا گێچەڵمان پێدەکات

خەڵك-بەشی هەواڵ

 

سبەینێ لە ئەمریكا هەردوو بەرنامەی تیك تۆك و ویچات ڕادەگیرێت و وەزارەتی بازرگانی چین-یش ڕایدەگەیەنێت، پەكین بەم نزیكانە ڕێكاری تایبەت بەرامبەر بەم بڕیارە دەگرێتەبەر.

ئاژانسی ڕۆیتەرز بڵاویكردەوە وەزارەتی بازرگانی چین ئەمڕۆ شەممە قەدەغەكردنی ئەپڵیكەیشنی تیك تۆك و ویچادی لەلایەن حكومەتی ئەمریكاوە بە “گێچەڵ” ناوبرد و دژایەتی وڵاتەكەشی بەرامبەر ئەو هەنگاوە خستەڕوو، داواشی لە واشنتن كرد دەستبەرداری ئەو هەڵسوكەوتانەی بێت.

ئاشكراشیكرد، ئەگەر ئەمریكا هەڵەی خۆی بەم نزیكانە چاك نەكاتەوە، ئەوا چین ڕێكاری پێویست بۆ پاراستنی بەرژەوەندییە ڕەواكانی كۆمپانیاكانی خۆی دەگرێتەبەر.

بەردەوام بە لە خوێندنەوە

ئابوری

نرخی زێڕ و دراوەکان

خەڵک – بەشی هەواڵ

 

نرخی زێڕ و دراوەکان بۆ ئەمڕۆ شەممە لەبازاڕەکانی هەرێمی کوردستان بەم جۆرەى خوارەوەیە:

 

نرخی 100 دۆلاری ئەمریكی بەرامبەر 123هەزار و 200 دینارە.

نرخی 100 یۆرۆ بەرامبەر 144 هەزار دینارە.

نرخی 100 پاوەن بەرامبەر 156 هەزار دینارە.

نرخی 100 هەزار تمەن بەرامبەر ٥ هەزار و 750 دینارە.

نرخی 100 لیرەی توركی بەرامبەر 16 هەزار و 500 دینارە.

 

نرخی مسقاڵێک زێڕی عەیارە 18 بەرامبەر 289 هەزار دینارە.

نرخی مسقاڵێک زێڕی عەیارە 21 بەرامبەر 346 هەزار دینارە.

نرخی مسقاڵێک زێڕی عەیارە 24 بەرامبەر 385 هەزار دینارە.

بەردەوام بە لە خوێندنەوە

ئابوری

باندێکی ساختەکاری پارە دەستگیرکرا

 

خەڵک – بەشی هەواڵ

باندێکی ساختەکاری پارە لەڕەواندوز دەستگیرکران، کە لەدەرەوە هاتبوو و دەیانویست پارەى ساختە لەناو بازاڕەکانی هەرێمی کوردستان سافبکەنەوە.

 

حاتم زوبێر بەڕێوەبەری ئاسایشی ڕەواندوز لەکۆنفڕانسێکی ڕۆژنامەوانیدا ڕایگەیاند، باندێکی سێ کەسییان دەستگیرکرد، کە پارەی ساختەیان پێبووە و ویستوویانە ساغیبکەنەوە.

 

ئاماژەى بەئەوەشدا، ئەو پارە ساختانە بەشێوەیەکی زۆر ورد دروستکرابوو، کە زەحمەتبوو پارەکە بناسرێنەوە، بەڵام لەکاتی مامەڵەکردنیان بەپارەکەوە هەستیان پێکراوە، بۆ نمونە بۆ شەربەتێک ١٠٠ دۆلاریان بەشەربەت فرۆشکەداوە.

 

ئەوەشی خستەڕوو، شەو و ڕۆژ لەخزمەتى هاوڵاتییاندان و داوا لەهاوڵاتییانیش دەکات هەر شتێکی گوماناوییان بینی ئاگاداریان بکەنەوە.

 

بەردەوام بە لە خوێندنەوە

کوردستان