ئێمە لە تۆرە کۆمەڵایەتیەکان

کوردستان

ویستویانە خاوەنی بەنزینخانەیەك بكوژن
بەوێنە؛ ئاسایشی سلێمانی گروپێكی چەكداری دەستگیر كرد

خەڵك- بەشی هەواڵ
ئاسایشی سلێمانی ڕایدەگەیەنێت، كە گروپێكی چەكداریان دەستگیر كردووە، كە 6 كەس بوون و دەشڵێت: “داوای پارەیەكی زۆریان لە خاوەنی بەنزین خانەیەك كردووە و ویستویانە بیكوژن”.

بەڕێوەبەرایەتی ئاسایشی سلێمانی لە ڕاگەیەنراوێكدا، كە وێنەی بۆ (خەڵك) نێردراوە ئاماژەی بەوەكردووە، لە درێژەی كار و چالاكیەكانی بەڕێوەبەرایەتیەكەیان بەمەبەستی نەهێشتنی هەموو جۆرە دیاردەیەكی دزێو و هەڕەشەكردن لە هاوڵاتیان و سەرانە سەندن و كوشتنی هاوڵاتیان، هێزەكانیان بە فەرمانی دادوەر و بەپێی ماددە ( 430/431 ) لە یاسای سزادانی عێراقی توانیان ڕۆژی 18/12/2018 شەش كەس دەستگیربكەن.

ئاشكراشی كردووە، پێشتر داواین لە خاوەنی بەنزینخانەیەكی شاری سلێمانی كردوە، كە بڕێكی زۆر پارەیان بداتێ وەك سەرانە، دوای ئەوەی خاوەنی بەنزینخانەكە نە چۆتە ژێر باری هەڕەشەكەیان، تۆمەتباران پلانیان داڕشتوە بیكوژن، بەڵام پێش ئەنجامدانی كارەكەیان لەلایەن هێزەكانی ئاسایی سلێمانی سەرجەمیان دەستگیركران.

ڕاشیگەیاندووە، دەست بەسەر چەند ئۆتۆمبیلێك و دوو چەكی كڵاشینكۆف و 307 فیشەكدا گیرا، كە ویستبویان تاوانەكەیانی پێ ئەنجام بدەن و تۆمەتباران ڕوبەڕوی یاسا كرانەوە.

بەپێی ڕاگەیەنراوەكە، ناوی ئەو تۆمەتبارانە ئەمانەن:
1- (ئا , ص , ن ) لەدایك بوی ساڵی 1993.
2- (ئا , ص , ن ) لەدایك بوی ساڵی 1999.
3- (ئا , ن , م ) لەدایك بوی ساڵی 1983.
4- (ع , ص , ن ) لەدایك بوی ساڵی 1981.
5- (ڕ , ج , م ) لەدایك بوی ساڵی 1989.
6- (ب , م , ه ) لەدایك بوی ساڵی 1992.

کوردستان

مەلا بەختیار لەبارەی دامەزراندنی حزبەوە ڕوونكردنەوە دەدات

خەڵك- بەشی هەواڵ

مەلا بەختیار بەرپرسی دەستەی كارگێڕی مەكتەبی سیاسی یەكێتی نیشتمانی كوردستان و سەرپەرشتیاری گشتی پلاتفۆڕمی دابڕان ڕایگەیاند، مەكتەبی سیاسی، سەركردایەتی، ئەنجومەنی ناوەندی و سەرجەم ئۆرگانەكانی یەكێتی دڵنیا دەكەنەوە، كە ناوەندی دابڕان ناكەنە حزب.

مەلا بەختیار لەگوتارێكدا لە دووهەم ڕۆژی كۆنفڕانسی پلاتفۆڕمی دابڕاندا ئاماژەی بەوەكرد، ئەوانەی ئەو دەنگوباسانە بڵاودەكەنەوە، كە ناوەندی بڕیار دەكرێت بە حزب، ڕاست نین، ئەو دەنگۆیانە بۆ ترساندنی لایەنگرانی یەكێتییە، كە نزیك نەبنەوە لە دابڕان.

ڕوونیشیكردەوە، پلاتفۆڕمی دابڕان دامەزراوەیەكی ڕۆشنبیریی عەلمانییە، بڕوای بە ئازادی ویژدان هەیە، بەڵام ئیلحاد نییە.

بەردەوام بە لە خوێندنەوە

کوردستان

توركیا جارێكی دیكە ڕێگەی بە دیداری ئۆجالان نەدا

خەڵك- بەشی هەواڵ

محەمەد ئۆجالانی برای عەبدوڵڵا ئۆجالان و مەزڵووم دینچ-ی وارسی، بۆ ئەوەی بچنە ئیمڕاڵی دوێنێ لە ڕێی پارێزەرانەوە داواكارییەكی دیكەیان پێشكەشی سەرۆكایەتیی داواكاری گشتیی شاری بوورسا كرد، بەڵام ئەم جارەش داواكارییەكەیان ڕەتكرایەوە.

ئاژانسی فوڕاتنیوز بڵاویكردەوە “هەروەها خانەوادەی ٣ زیندانیی دیكەی بەندیخانەی ئیمڕاڵی؛ هامیلی یڵدرم، عومەر خەیری كۆنار و ڤەیسەل ئاكتاش بۆ هەمان مەبەست لە ڕێی پارێزەرانەوە داواكارییەكیان پێشكەش كرد، بەڵام ئەمجارەش بە بیانووی «سنوورداركردنی پەیوەندیی سزادراوان» مۆڵەتی چاوپێكەوتنیان نەدا”.

عەبدوڵا ئۆجالان لە ١١ی ئەیلوولی ٢٠١٦-ەوە ڕێگری لێ دەكرێت چاوی بە خانەوادەكەی بكەوێت. بەڵام دوای دەستپێكردنی مانگرتنەكان بۆ هەڵگرتنی گۆشەگیریی سەر ئیمڕاڵی، لە ١٢ی كانوونی دووەمی ٢٠١٩ ڕێگە درا كە محەمەد ئۆجالان سەردانی ئیمڕاڵی بكات و چاوپێكەوتنێكی كورت بكات.

لە لایەكی دیكەوە لە ٢٧ی تەمووزی ٢٠١١-ەوە توركیا ناهێڵێت پارێزەرانی ئۆجالان سەردانی ئیمڕاڵی بكەن و چاویان بە ئۆجالان بكەوێت. لەوكاتەوە تا ئێستا ٧٩٢ جار داواكاریی پارێزەران ڕەتكراوەتەوە.

بەردەوام بە لە خوێندنەوە

کوردستان

سەعدی ئەحمەد پیرە: داوای پۆستی سەرۆكی هەرێممان نەكردووە

خەڵك- بەشی هەواڵ

ئەندامێكی مەكتەبی سیاسی یەكێتی نیشتمانی كوردستان ڕایگەیاند، یەكێتی داوای پۆستی سەرۆكی هەرێمی نەكردووە و هیچی وای نەبیستووە، بەڵام لەگەڵ ڕۆیشتنی ئاڕاستەی پرۆسەكە بە ناتەندروست، ئەوا خەڵك هەوڵ دەدەن قسەی وا بكەن و كێشە دروست ببێت.

سەعدی ئەحمەد پیرە بە كەناڵی ڕووداو-ی ڕاگەیاندووە، دووئیدارەیی تەواو بوو، پێشتر تاقییان كردووەتەوە، یەكێتی هەرگیز باسی دووئیدارەیی نەكردووە.

هاوكات دوێنێ مەلا بەختیار بەرپرسی دەستەی كارگێڕی مەكتەبی سیاسی یەكێتی بابەتی دووئیدارەیی ڕەتكردەوە.

لەبەرامبەردا وەستا ڕەسوڵ و فەرید ئەسەسەرد ئەندامانی سەركردایەتی یەكێتی وەك ئەگەرێك باسیان لەدووئیدارەیی و لامەركەزی بۆ سلێمانی كردبوو.

دوای شكستی ڕێككەوتنی پارتی و یەكێتی و كۆبوونەوەی پەڕلەمان، لەتیف شێخ عومەر وتەبێژی یەكێتی ڕایگەیاند، یەكێتی لە دوای كۆبوونەوەی پەڕلەمان قسەی نوێی دەبێت.

هاوكات سەرچاوە نێوخۆییەكان ئاشكرایان كرد یەكێتی پۆستی سەرۆكی پەڕلەمانی ناوێت و سەرۆكی هەرێمی دەوێت.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان