ئێمە لە تۆرە کۆمەڵایەتیەکان

جیهانی

ڕۆژنامه‌ی ئاس: له‌به‌ر (٥) هۆکار ئیسکۆ ناچار ده‌بێت ڕیاڵ مه‌درید به‌جێبهێڵێت

خه‌ڵک سپۆرت

ئیسکۆ ئالارکۆنی ئیسپانی ئه‌ستێره‌ی یانه‌ی ڕیاڵ مه‌درید له‌م وه‌رزه‌دا له‌نێوان بون و نه‌بوندا بووه‌ و دوو ڕاهێنه‌ری گه‌وره‌ به‌شێوه‌ی جیاواز یارییان به‌ پێگه‌ و ڕۆڵه‌کانی کردووه‌ له‌نێو یاریگادا، ئه‌و ناجێگیریه‌ش وا ده‌کات له‌ داهاتودا ڕوو له‌ یانه‌یه‌کی تر بکات.

ڕۆژنامه‌ی “ئاس”ی ئیسپانی ئاشکرای کردووه‌، به‌هۆی پێنج هۆکاری هونه‌ری و وه‌رزشیه‌وه‌ ڕه‌نگه‌ له‌ داهاتودا ئیسکۆ چیتر بێهیوا و بێزار بێت و ڕوو له‌ یانه‌یه‌کی تر بکات، ئه‌و هۆکارانه‌ش بریتین له‌:

  • پشت نه‌به‌ستن به‌تواناکانی: له‌سه‌رده‌می لوپێتیگی، ئیسکۆ یه‌کێک بوو له‌ ئه‌ستێره‌ سه‌ره‌کی و کاریگه‌ره‌کان، به‌ڵام له‌دوای هاتنی سۆلاری ئه‌م بارودۆخه‌ گۆڕانکاری به‌سه‌ردا هاتووه‌، یاریزانه‌که‌ له‌کۆی ٩٩٠ خوله‌ک ته‌نها ٢٩٢ خوله‌ک به‌شداری کردووه‌ به‌ڕێژه‌ی له‌سه‌دا ٢٩.٥ی ڕووبه‌ڕوبونه‌وه‌کان، ئه‌وه‌ش بۆ یاریزانێکی گه‌وره‌ گونجاو نییه‌.
  • کێشه‌ له‌گه‌ڵ سه‌رکرده‌کانی ڕیاڵ: ئیسکۆ کیشه‌ی له‌گه‌ڵ دوو کاپتنه‌ ناوداره‌که‌ی ڕیاڵدا هه‌یه‌ ئه‌وانیش سێرجیۆ ڕامۆس و مارسێلۆن، له‌کۆتا ڕووبه‌ڕوبونه‌وه‌شدا به‌رامبه‌ر سسکا مۆسکۆ ئاماده‌ نه‌بووه‌ شاره‌ی کاپتنی بکاته‌ قۆڵی، ئه‌وه‌ش کێشه‌کانی قوڵتر کردۆته‌وه‌.
  • بۆنده‌کانی داهاتو: سه‌رچاوه‌کان باس له‌ گواستنه‌وه‌ی ئیدین هازارد و گه‌ڕاندنه‌وه‌ی جه‌یمس ڕۆدریگێز ده‌که‌ن، ئه‌وه‌ش بێگومان دژی به‌رژه‌وه‌ندیه‌کانی ئیسکۆیه‌ و زیاتر و زیاتر ده‌یکاته‌ کوشته‌ی کورسی یه‌ده‌گ.

  • گه‌ڕانه‌وه‌ی سیتی له‌گه‌ڵ گواردیۆلا: له‌ ٢٠١٣ مانچسته‌ر سیتی هه‌وڵیدا ئیسکۆ دابین بکات، به‌ڵام یاریزانه‌که‌ یانه‌ی ڕیاڵ مه‌دریدی هه‌ڵبژارد، له‌ئێستادا هه‌مان یانه‌ له‌سه‌ر ڕاسپارده‌ی گواردیۆلا گه‌ڕاونه‌ته‌وه‌ سه‌ر بابه‌ته‌ کۆنه‌که‌ و ده‌یانه‌وێت به‌ سود وه‌رگرتن له‌ کێشه‌کانی له‌گه‌ڵ یاریزانان و ڕاهێنه‌رانی ڕیاڵ مه‌درید دابینی بکه‌ن، هه‌له‌که‌ گونجاوه‌ تا ئیسکۆ هه‌نگاوێکی تر له‌ژیانیدا بنێت و ببێته‌ داڤید سیلڤای نوێ.
  • نرخه‌که‌ی زۆر به‌رزه‌: نرخی ئیسکۆ زیاتر له‌ ١٠٠ ملیۆن یورۆیه‌، ئه‌گه‌ر له‌ داهاتودا به‌شداری ڕووبه‌ڕوبونه‌وه‌کان نه‌کات ئه‌و نرخه‌ که‌م ده‌بێته‌وه‌ بۆیه‌ گواستنه‌وه‌کانی زستانه‌ یاخود هاوینه‌ی داهاتو باشترین هه‌له‌ بۆ فرۆشتنی، به‌و شێوه‌یه‌ش ئیداره‌ی ڕیاڵ سودی ماددی گه‌وره‌ به‌ده‌ست ده‌هێنێت که‌ زیاتره‌ له‌و سوده‌ی له‌ فرۆشتنی کریستیانۆ ڕۆنالدۆی پورتوگالی به‌ده‌ستیان هێناوه‌.

جیهانی

ئیمیلیانۆ سالا نامەیەکی دەنگی بۆ هاوڕێیەکی ناردووە و تائێستا شوێنەواری نییە !

خەڵک سپۆرت

ئیمیلیانۆ سالای ئەرجەنتینی ئەستێرەی یانەی کاردیف سیتی وێڵزی، لەکۆتا ساتەکانی دیارنەمانیدا نامەیەکی دەنگی بۆ هاوڕێیەکی ناردووە و باس لە تێکشکانی فڕۆکەکەی دەکات!

سەرچاوەکانی هەواڵ ئاشکرایان کردووە، لە دوێنێوە دەزگا تایبەتمەندەکانی وڵاتی فەرەنسا و بەریتانیا ماوەی ١٥ کاتژمێری تەواو ڕوماڵی ئەو ناوچەیەیان کردووە کە فڕۆکەکەی ئیمیلیانۆ سالای ئەرجەنتینی تێدا دیار نەماوە، مەودای (١٥٥٥ کم)یان پشکنیوە و هیچ شوێنەوارێکی فڕۆکە و یاریزانەکەیان نەدۆزیوەتەوە.

ڕۆژنامەی “دەیلی مەیڵ”ی بەریتانی ئاشکرای کردووە، سالا بەر لە دیارنەمانی بە چەند خولەکێک نامەیەکی دەنگی بۆ یەکێک لە هاورێکانی لە یانەی نانت ناردووە تیایدا دەڵێت : ئەم کاتەت باش براکەم، من زۆر ماندوم، لە نانت بەیەکەوە هەموو شتێکمان کرد، ئەوەش هەرگیز لەبیر ناکرێت و ناوەستێت”.

هەروەها دەڵێت :” من کۆتاییم هاتووە، لە فڕۆکەیەکدام وابزانم تێکشکاوە و دەکەوێتە خوارەوە، بەڕێوەم بەرەو کاردیف بۆ ئەوەی بەشداری یەکەم یەکەی مەشق و ڕاهێنانی یانەی کاردیف بکەم، ئەگەر لەماوەی کاتژمێرێک و نیوی تردا دەنگم نەبوو، نازانم خەڵکانێک دەنێرن بەدوامدا بگەڕێن یاخود دەمدۆزنەوە؟ زۆر دەترسم”.

سالا یەکێکە لە باشترین هێرشبەرانی یانەی نانتی فەرەنسی و لەگواستنەوەکانی زستانەدا ببڕی ١٧ ملیۆن یورۆ وەک گرانبەهاترین بۆند لەمێژووی یانە فەرەنسیەکە ڕوویکردە یانەی کاردیف سیتی، ماوەی دوو ڕۆژە هیچ دەنگی نەماوە و دەزگاکانی بەریتانیا و فەرەنسا لە دەریاو دورگەکانی نێوان دوو وڵاتەکەدا بەدوایدا دەگەڕێن، زۆرینەی ئەگەرەکانیش بەو ئاڕاستەیەن کە فڕۆکەکەی بە ئاسمانەوە تێکشکابێت و کەوتبێتە خوارەوە.

بەردەوام بە لە خوێندنەوە

جیهانی

بارتومیۆ کۆتایی به‌ بۆندی “گه‌وهه‌ره‌که‌” هێناوه‌ و ئه‌مڕۆ نوێنه‌رانی به‌رشلۆنه‌ ده‌گه‌نه‌ هۆڵه‌ندا !

خه‌ڵک سپۆرت

ئیداره‌ی یانه‌ی به‌رشلۆنه‌ له‌وه‌ڵامی گواستنه‌وه‌ی نایماردا ڕیمۆنتادایه‌کی کارگێڕی هه‌ژێنه‌ریان ئه‌نجامداوه‌ و ئاڕاسته‌ی فرانکی دی یۆنگی هۆڵه‌ندیان له‌ پاریسه‌وه‌ به‌ره‌و به‌رشلۆنه‌ گۆڕیوه‌.

ڕۆژنامه‌ی “موندۆ دیپۆرتیڤۆ”ی که‌ته‌لۆنی له‌زاری “تێلیگراف”ی به‌ریتانیه‌وه‌ ئاشکرای کردووه‌، پێنجشه‌ممه‌ی ڕابردوو جوسێپ ماریا بارتومیۆی سه‌رۆکی یانه‌ی به‌رشلۆنه‌ به‌تایبه‌تی کۆبونه‌وه‌ی له‌گه‌ڵ فرانکی دی یۆنگی هۆڵه‌ندی و لێپرسراوی کاره‌کانی ئه‌نجامداوه‌، له‌و کۆبونه‌وه‌یه‌دا قه‌ناعه‌تی به‌ جه‌مسه‌ری یاریزانه‌که‌ کردووه‌ که‌ ئاڕاسته‌ی گواستنه‌وه‌یان له‌ پاریس سانت جێرمانه‌وه‌ بۆ یانه‌ی به‌رشلۆنه‌ بگۆڕن.

به‌پێی سه‌رچاوه‌که‌، لایه‌نه‌کانی کۆبونه‌وه‌که‌ ڕێکه‌وتون له‌سه‌ر دابینکردنی موچه‌یه‌کی زیاتر له‌ ئۆفه‌ره‌کانی یانه‌ی پاریس سانت جێرمان بۆ دی یۆنگ، هه‌روه‌ها بارتومیۆ و هاوه‌ڵانی ئاماده‌ییان نیشانداوه‌ بڕی ٩٠ ملیۆن بۆ گواستنه‌وه‌ی یاریزانه‌که‌ بخه‌نه‌ به‌رده‌ستی ئیداره‌ی یانه‌ی ئه‌یاکس ئه‌مسته‌ردام له‌کاتێکدا یانه‌ فه‌ره‌نسیه‌که‌ ته‌نها ٧٥ ملیۆن یورۆیان پێشکه‌ش کردووه‌.

“موندۆ” جه‌خت ده‌کاته‌وه‌، ئه‌موڕۆ نوێنه‌رانی “ئازولگرانا” ده‌چنه‌ هۆڵه‌ندا بۆ شاری ئه‌مسته‌ردام و ته‌واوی ورده‌کاریه‌کان ده‌رباره‌ی گواستنه‌وه‌ی “گه‌وهه‌ره‌ لاوه‌ پرته‌قاڵیه‌که‌” کۆتایی پێده‌هێنن، له‌لایه‌ن خۆشیه‌وه‌ لێپرسراوی کاره‌کانی دی یۆنگ یانه‌کانی پاریس و مان سیتی ئاگادار کردۆته‌وه‌ که‌ بریکاره‌که‌ی په‌یوه‌ندی به‌ یانه‌ ئیسپانیه‌که‌وه‌ ده‌کات.

ئه‌م هه‌نگاوه‌ش ده‌بێته‌ ڕیمۆنتادایه‌کی کارگێڕی هه‌ژێنه‌ر له‌لایه‌ن که‌ته‌لۆنیه‌کانه‌وه‌ به‌رامبه‌ر ئیداره‌ی یانه‌ی پاریس سانت جێرمان ئه‌نجام ده‌درێت له‌پای گواستنه‌وه‌ی نایمار چه‌ند وه‌رزێک له‌مه‌وبه‌ر، هه‌روه‌ها دوورخستنه‌وه‌ی ته‌واوی یانه‌ی مانچسته‌ر سیتی ئینگلیزی‌ که‌ به‌هه‌مان شێوه‌ ئه‌و یانه‌یه‌ش له‌هه‌وڵی دابینکردنی یاریزانه‌که‌دا بوون.

دی یۆنگ یه‌کێکه‌ له‌ هه‌ره‌ به‌تواناترین لاوانی هه‌ڵبژارده‌ی هۆڵه‌ندا و چاوه‌ڕوانی داهاتویه‌کی پرشنگداری لێده‌کرێت، به‌رپرسانی بارسا له‌و باوه‌ڕه‌دان له‌ داهاتویه‌کی نزیکدا جێگه‌ی سێرجیۆ بۆسکێتس بگرێته‌وه‌، هه‌ر به‌وهۆیه‌شه‌وه‌ بڕی ٩٠ ملیۆن یورۆی پێده‌ده‌ن و ده‌یکه‌نه‌ گرانبه‌هاترین بۆندی هۆڵه‌ندی له‌سه‌رده‌می نوێدا، واتا پێش گواستنه‌وه‌ی ڤێرجیک ڤان دایک ده‌که‌وێت له‌ ساوزهامبتۆنه‌وه‌ بۆ لیڤه‌رپوڵ.

بەردەوام بە لە خوێندنەوە

جیهانی

خشته‌ و کاتی گرنگترین ئه‌و یارییانه‌ی ئه‌مڕۆ له‌ یاریگا ئه‌وروپیه‌کاندا ئه‌نجام ده‌درێن (چوارشه‌ممه‌)

خه‌ڵک سپۆرت

ئه‌مڕۆ چه‌ند یارییه‌کی دیاریکراو له‌نێو یاریگا ئه‌وروپیه‌کاندا ئه‌نجام ده‌درێن و گرنگترینیان له‌ جامی شای ئیسپانیا ده‌بێت.

خولی فه‌ره‌نسا

نیم ئۆڵۆمپیکۆ – ئینجێر (٩:٠٠)

جامی شای ئیسپانیا

سڤیلیه‌ – به‌رشلۆنه‌ (١١:٣٠)

جامی ڕابیته‌ی یانه‌ پیشه‌وه‌ره‌کانی ئینگلته‌را

بێرتن ئالبیۆن – مانچسته‌ر سیتی (١٠:٤٥)

جامی فه‌ره‌نسا

سانت ئیتیان – دیجۆن (٨:٣٠)

سانت پیریڤی سانت هیلێر – ستاد ڕین (٨:٣٠)

بیرجیرال بێرجورد – ئۆرلیان (٨:٣٠)

ڤێری شاتیلۆن – کان  (٨:٣٠)

مارینیان جیناک – کرۆکس فوتباڵ (٨:٣٠)

پاریس سانت جێرمان – ستراسبۆرگ (١١:٠٥)

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 86%, 43
    43 86%
    43 - 86% هەموو دەنگەکان
  • وه‌زارەتی دارایی و ئابووری 8%, 4
    4 8%
    4 - 8% هەموو دەنگەکان
  • وه‌زارەتی بازرگانی و پیشه‌سازی 6%, 3
    3 6%
    3 - 6% هەموو دەنگەکان

کوردستان

دوایین