ئێمە لە تۆرە کۆمەڵایەتیەکان

جیهانی

مه‌درید ده‌رگای به‌ڕووی مۆرینیۆدا کردۆته‌وه‌ و چه‌ندین ڕاهێنه‌ر پاڵێوراون بۆ جێگه‌که‌ی

خه‌ڵک سپۆرت

ئه‌مڕۆ به‌فه‌رمی جوزێ مۆرینیۆی پورتوگالی له‌ پۆستی ڕاهێنه‌رایه‌تی یانه‌ی مانچسته‌ر یونایتد دوورخرایه‌وه‌، له‌ئێستاشدا میدیاکان چه‌ندین ڕاهێنه‌ریان بۆ پڕکردنه‌وه‌ی پێگه‌که‌ی ده‌ستنیشان کردووه‌.

ڕۆژنامه‌ی “سپۆرت”ی ئیسپانی ئاماژه‌ی کردووه‌، که‌ ناوه‌کانی زینه‌دین زێدانی فه‌ره‌نسی و ئه‌نتۆنیۆ کۆنتی ئیتاڵی به‌هێزه‌وه‌ پاڵێوراون بۆ وه‌رگرتنی پۆستی ڕاهێنه‌رایه‌تی یانه‌ی مانچسته‌ر یونایتد، له‌پاڵ ئه‌م ناوانه‌شدا ناوه‌کانی ماوریسیۆ پۆچیتینۆی ڕاهێنه‌ری یانه‌ی تۆتنهام و لیۆناردۆ جاردیمی ڕاهێنه‌ری پێشوی یانه‌ی مۆناکۆ و ڕاین گیگزی ئه‌فسانه‌ی یونایتد و دیێگۆ سیمیۆنی ڕاهێنه‌ری ئه‌تله‌تیکۆ مه‌درید به‌هه‌مان شێوه‌ پاڵێوراون.

له‌به‌رامبه‌ردا ڕۆژنامه‌ی “مارکا” ئاشکرای کردووه‌، “مۆو” دوای کۆبونه‌وه‌ی له‌گه‌ڵ به‌رپرسانی “ڕید دێڤڵز” بڕی ٢٢.٥ ملیۆن پاوه‌ندی به‌ده‌ست هێناوه‌ پاشان بۆنده‌که‌ی کۆتایی پێهێنراوه‌، بۆیه‌ له‌ئێستاوه‌ تا کۆتایی وه‌رز ئه‌گه‌ری حه‌وانه‌وه‌ی هه‌یه‌، له‌دوای ئه‌و واده‌یه‌ش ئه‌گه‌ر زۆره‌ له‌گه‌ڵ به‌رپرسانی یانه‌ی ڕیاڵ مه‌درید بکه‌وێته‌ سه‌رخه‌ت و دووباره‌ پۆستی ڕاهێنه‌رایه‌تی یانه‌ی ڕیاڵ مه‌درید به‌ده‌ست بهێنێته‌وه‌.

سه‌رچاوه‌که‌ نوسیویه‌تی: ده‌رگای مه‌درید به‌ڕووی مۆرینیۆدا کراوه‌یه‌ به‌تایبه‌ت فلۆرنتینۆ پێرێز که‌ له‌ساڵی ٢٠١٣دا ناڕازی بووه‌ له‌سه‌ر دوورخستنه‌وه‌ی مۆرینیۆ و کاتێکیش ئه‌نجومه‌نی ئیداره‌ی یانه‌ ئه‌م بڕیاره‌یان داوه‌ به‌ ڕاهێنه‌ره‌که‌ی ڕاگه‌یاندووه‌، ڕۆژێک له‌ ڕۆژان ده‌یگه‌ڕێنێته‌وه‌ بۆ ڕیزه‌کانی یانه‌ی شاهانه‌ و هێشتا کۆتایی به‌و خه‌ونه‌ نه‌هێناوه‌ که‌ پێشتر بۆ ڕاهێنه‌ره‌ سپێشه‌ڵه‌که‌ی داڕشتووه‌.

جیهانی

ئەگەر (ڕێکەوتنی زیزۆ – پێرێز) جێبەجێ بکرێت وەرزی داهاتو ڕیاڵ مەدرید هەمووان ڕادەماڵێت !

خەڵک سپۆرت

بەپێی ڕێکەوتنێک و بەشێوەیەکی کتوپڕ زینەدین زێدانی فەرەنسی گەڕایەوە بۆ یانەی شاهانەی مەدرید و پۆستی ڕاهێنەرایەتی یانەکەی وەرگرت، لەو ڕێکەوتنەشدا داوای چەندین یاریزانی ناودار و گەورە کراوە.

ماڵپەڕی “دیفێنسا سەنتراڵ” ئاشکرای کردووە، ڕێکەوتنی نێوان زێدان و پێرێز لەسەر گواستنەوەی چەندین یاریزانی ناودار و بەتوانا بووە، یەکێک لەوانە ئیدین هازاردی بەلجیکیە کە گواستنەوەی بەبڕی ١٠٠ ملیۆن یورۆ یەکلایی دەبێتەوە، هەروەها لوکا یوڤیچ لەیانەی ئینتراخت فرانکفۆرتەوە کە ئەویش گواستنەوەی ٧٠ ملیۆنی تێدەچێت.

جگە لەم دوو گواستنەوەیەش، ڕاهێنەرە فەرەنسیەکەی شاهانە مەرجی ئەوە بووە دوو هاونیشتیمانە ڕەش ئەسمەرەکەی دابین بکرێت کە ئەوانیش پۆل پۆگبا و کیلیان مباپێی فەرەنسین، لەبەرامبەر ئەم داواکاریەشدا ئیدارەی شاهانە ڕەزامەندی دەربڕیوە بڕی ٤٥٠ ملیۆن یورۆ تەرخان بکات، واتا مباپێی بەبڕی ٣٠٠ ملیۆن و پۆگبا ١٥٠ ملیۆن یورۆ، ئەگەر هەژماری نرخی دووانەکەی تریش بکەین ئەوا کۆی پارەی بەکارخراو دەکاتە ٦٢٠ ملیۆن یورۆ بۆ بونیادنانەوەی پێکهاتەی یانەی ڕیاڵ مەدرید (پێشتریش میلیتاو و ڕۆدریگۆی بەرازیلی لەیانەکانی پۆرتۆ و سانتۆسەوە دابین کراون).

ئەگەر پلانەکان وەک خۆیان جێبەجێ بکرێن، ئەوا پێکهاتەی وەرزی داهاتوی یانەی شاهانە بەم شێوەیە ئاگرین دەبێت:

بەردەوام بە لە خوێندنەوە

جیهانی

مانچسته‌ر یونایتد به‌ پاڵپشتی “ڕێوی گواستنه‌وه‌کان” دی لیخت له‌چنگی بارسا ده‌رده‌کات !

خه‌ڵک سپۆرت

یانه‌ی مانچسته‌ر یونایتدی ئینگلیزی ئاماده‌یه‌ بۆندی به‌هێزتر بۆ گواستنه‌وه‌ی ماتیاس دی لیخت پێشکه‌شی یانه‌ی ئه‌یاکس ئه‌مسته‌ردام بکات و به‌وهۆیه‌شه‌وه‌ به‌رژه‌وه‌ندیه‌کانی یانه‌ی به‌رشلۆنه‌ که‌وتۆته‌ مه‌ترسیه‌وه‌.

ڕۆژنامه‌ی “ده‌یلی میره‌ر”ی به‌ریتانی ئاشکرای کردووه‌، ئیداره‌ی یانه‌ی به‌رشلۆنه‌ی ئیسپانی له‌هه‌موو یانه‌کانی تر نزیکترن بۆ گواستنه‌وه‌ی ماتیاس دی لیختی به‌رگریکاری به‌توانای یانه‌ی ئه‌یاکس ئه‌مسته‌ردام، به‌ڵکو یاریزانه‌که‌ش حه‌زی به‌ یانه‌ ئیسپانیه‌که‌یه‌وه‌ و ڕایگه‌یاندووه‌ :” شتێکی ناوازه‌یه‌ له‌هه‌ر یانه‌یه‌کی تر له‌پاڵ فرانکی دی یۆنگی هاوڕێم یاریی بکه‌م”، ئه‌م لێدوانه‌ش له‌لایه‌ن میدیاکانی که‌ته‌لۆنیاوه‌ هاوشێوه‌ی په‌یامێک مامه‌ڵه‌ی له‌گه‌ڵدا کراوه‌.

ڕۆژنامه‌ ئینگلیزیه‌که‌ ئاماژه‌ی کردووه‌، ماوه‌ی چه‌ند ڕۆژێکه‌ ئید ودوارد و هاوکارانی له‌ئیداره‌ی یانه‌ی مانچسته‌ر یونایتد له‌گه‌ڵ مینۆ ڕایۆلای لێپرسراوی کاره‌کانی دی لیخت هاتونه‌ته‌ سه‌رخه‌ت و داوای گواستنه‌وه‌ی ماتیاس دی لیختی هۆڵه‌ندیان کردووه‌، سه‌ره‌ڕای ئه‌وه‌ی یاریزانه‌ ١٩ ساڵه‌که‌ به‌رشلۆنه‌ی هه‌ڵبژاردووه‌، به‌ڵام یه‌که‌مین ئۆفه‌ری پێشکه‌شکراوی یونایتد دوو هێنده‌ی ئۆفه‌ره‌کانی یانه‌ی به‌رشلۆنه‌ بووه‌، ئه‌وه‌ش وایکردووه‌ ڕایۆلا قایلبونی خۆی نیشان بدات.

ڕایۆلا به‌هۆی گواستنه‌وه‌کانی پۆگبا و لوکاکۆوه‌ په‌یوه‌ندیه‌کی توندوتۆڵی له‌گه‌ڵ ئیداره‌ی یانه‌ی یوڤانتۆس هه‌یه‌ و ئه‌گه‌ر زۆره‌ له‌گواستنه‌وه‌ی به‌رگریکاره‌ هۆڵه‌ندیه‌که‌دا جیاوازی دروست بکات.

بەردەوام بە لە خوێندنەوە

جیهانی

پێگەی کۆڤاچ مسۆگەر نییە و بایرن میونشن بیر لە سێ ڕاهێنەر دەکاتەوە !

خەڵک سپۆرت

ئیدارەی یانەی بایرن میونشنی ئەڵمانی لە ئاستی نیکۆ کۆڤاچی ڕاهێنەر ڕازی نییە، بەڵکو لەحاڵی ڕێکەوتنیان لەگەڵ ڕاهێنەرێکی گەورەدا ئەگەرەکانی دوورخستنەوەی کۆڤاچ بەهێزتر دەبن.

کۆڤاچ لەم وەرزەدا ململانێی یاریزانە گەورە و زەنگۆڵەدارەکانی بایرن میونشنی کرد و توانی کۆنترۆڵی ژووری خۆگۆڕینەکان بکات، هەروەها نازناوی خولی ناوخۆی ئەڵمانیای بەدەستهێنا، بەڵام لە خولی یانە پاڵەوانەکانی ئەوروپا شکستی هێنا، ئەم ئەنجامانەش سەرباری ئەوەی خراپ نین، بەڵام بەنسبەت یانەیەکی زەبەلاحی وەک بایرنەوە کەمە و دەکرێت زیاتر تۆمار بکرێت.

دەربارەی داهاتوی بایرن و پێگەی ڕاهێنەر، ڤالێنتین دریسین پەیامنێری “دەیلی تێلیگراف” لە ئەڵمانیا ڕایگەیاندووە :” ئیدارەی بایرن میونشن سور نییە لەسەر بەردەوامبونی نیکۆ کۆڤاچ، بەڵکو هەندێک لە ئەندامانی ئەنجومەنی ئیدارەی بایرن پێیان وایە ئەرکەکانی ئەم ڕاهێنەرە کرواتیە گەنجە تائێرەیە و چیتر کۆتایی هاتووە، بەڵام ڕۆمێنیگە و ئۆلی هۆنێس نایانەوێت هیچ هەنگاویک بنێن مەگەر هەنگاوی دواتریان یەکلایی نەکردبێتەوە”.

بە وتەی ڤالێنتین درێسین، سەرۆکی بایرن و هاوکارەکەی ناوی سێ ڕاهێنەریان لەبەردەستدایە کە پێکهاتون لە: ئارسن ڤینگەر، ماوریسیۆ پۆچتینۆ، مارک ڤان بۆمیل، ئەگەر پۆچتینۆ ئامادەبێت بۆ وەرگرتنی پۆستی ڕاهێنەری بایرن و وازهێنان لە تۆتنهام ئەوا ڕاستەوخۆ کۆڤاچ دووردەخرێتەوە، بەڵام بۆ ئارسن ڤینگەر هێشتا گومان هەیە و نایانەوێت سەرکێشی بکەن، ئەگەری سێیەمیش ڤان بۆمیلی هۆڵەندییە کە پێشتر لە یانە باڤاریەکە یاریی کردووە و شارەزای ورد و درشتی ڕێسا ناوخۆییەکانە و ئەزمونێکی باشی بەدەستهێناوە.

بەردەوام بە لە خوێندنەوە

کوردستان