ئێمە لە تۆرە کۆمەڵایەتیەکان

جیهان

ئێران و سعودیە یاداشتنامەیەك لەبارەی حەجەوە ئیمزا دەكەن

خەڵك-بەشی هەواڵ
سعودیە و ئێران، یاداشتنامەیەكی لێكگەیشتن لەبارەی وەرزی حەجی داهاتووەوە ئیمزا دەكەن.

بەپێی ئاژانسی (فارس)ی ئێرانی، ڕێكەوتنەكە لە كۆتایی وتوێژی نێوان هەردوو وڵات بوو، كە لە یەك شەممەی ڕابردووەوە دەستیان پێكردووە.

لە دانیشتنی ئامادەكاریی شارەزایانی هەردوو وڵات، لایەنە جێبەجێكارەكانی تایبەت بە بابەتەكەیان باسكردبوو، دواتر ئەجێندای وتوێژەكان، كە لە مەككەی پیرۆز لەنێوان ساڵح بن تاهیر بنتن، وەزیری حەج و مومرەی سعودی و عەلی ڕەزا ڕەشیدیان، سەرۆكی ڕێكخراوی حەج و زیارەتی ئێرانی سازكرا.

وەك ئاژانسی (فارس) ئاماژەی پێدەكات، ڕەشیدیان لە كاتی كۆبوونەوەی كۆتایی، لیستی كێشەكانی تایبەت بە وەرزی حەج و زنجیرەیەك پێشنیاری تایبەت بە وەرزی داهاتووی پێشكەش بە لایەنی سعودی كردووە.

لای خۆیەوە، وەزیری حەجی سعودیە، باسی لە هەڵوێستی شانشینی عەرەبستانی سعودیە كردووە لەبارەی پێشنیارەكانەوە، بەپێی ئاژانسە ئێرانییەكەش، بەڵێنیداوە كێشەكانی ڕابردوو چارەسەر بكەن و پلان بۆ باشتركردنیان دابنێن لە وەرزی داهاتوو.

ئاژانسی (فارس)، ئاماژەی بە ڕێكەوتن كردووە لەسەر كردنەوەی نوسینگەیەكی ڕێكخراوی حەج و زیارەتی ئێرانی لە سعودیە و ئاسانكاریی بۆ دەركردنی ڤێزای چوونە ژوورەوە و كۆبوونەوەی لیژنەی جێبەجێكار و تیمی كونسوڵخانە لە وادەی دیاریی كراوی خۆی و بەدواداچوون بۆ چارەسەركردنی كێشەكان لە هەموو بوارەكان.

جیهان

باغۆز: سڤیلەكان دوایین ناوچەكانی بندەستی داعش چۆڵ دەكەن

خەڵك- بەشی هەواڵ

ئەمڕۆ هەینی هاووڵاتیانی سڤیل لە نێو ژمارەیەكبارهەڵگردا بینراون كە ئەگەری هەیە، ناوچەكانی بن دەستی داعش چۆڵ بكەن.

ئاژانسی ڕۆیتەرز بڵاویكردەوە، لە ناوچەی باغۆز لە سنووری سووریا و عیراق ژمارەیەكی زۆر بارهەڵگر  بینراون كە هاووڵاتیانی سڤیلیان تێدا بووە لە ناوچەكانی بن دەستی داعش لە ڕۆژهەڵاتی سووریا.

بەڵام بە تەواوەتی ڕوون نەبووەتەوە كە ئایا ئەو بارهەڵگرانە ئەو سڤیلانە دەگوازنەوە كە لە ناوچەكانی بن دەستی داعشدا گیریانخواردووە و هێزەكانی سووریای دیموكرات بە پشتیوانی ئەمریكا دەیانهەوێت كۆنتڕۆڵی بكەن یان نا.

بەردەوام بە لە خوێندنەوە

جیهان

سەرۆكی ڕوسیا و سەرۆك وەزیرانی ئیسرائیل كۆدەبنەوە

خەڵك- بەشی هەواڵ

بڕیارە لەهەفتەی ئایندەدا سەرۆكی ڕوسیا و سەرۆك وەزیرانی ئیسرائیل لە مۆسكۆ كۆببنەوە.

بەپێی هەواڵێكی ماڵپەڕی فەرمی سەرۆك وەزیرانی ئیسرائیل، بنیامین ناتانیاهو سەرۆك وەزیرانی ئیسرائیل لەپەیوەندییەكی تەلەفۆنیدا قسەی لەگەڵ فلادمیر پوتن سەرۆكی ڕوسیا كردووە، كە تێیدا بڕیاریانداوە لەئایندەیەكی نزیكدا كۆبونەوەیەك لەڕووسیا بكەن.

هاوكات بەپێی هەواڵێكی ئاژانسی ڕۆیتەرز، بڕیارە ئەو كۆبونەوەیە لە 27ی ئەم مانگەدا لەمۆسكۆ بەڕێوەبچێت و زیاتر گفتوگۆ لەبارەی ڕۆژهەڵاتی ناوەڕاستی و دۆخی سوریا دەكەن.

بەردەوام بە لە خوێندنەوە

جیهان

ترەمپ و ئەردۆغان لەسەر بەرەنگاربوونەوەی تیرۆر لە سووریا ڕێككەوتن

خەڵك- بەشی هەواڵ

ڕەجەب تەیب ئەردۆغان سەرۆك كۆماری توركیا ‌و دۆناڵد ترەمپ سەرۆكی ئەمریكا پەیوەندییەكی تەلەفۆنییان ئەنجام دا.

بەپێی ئاژانسی ئەنادۆڵۆ، لە پەیوەندییە تەلەفۆنییەكەی نێوان ئەردۆغان و ترەمپدا باس لە دوا پەرەسەندنەكانی سووریا كرا و یارمەتیدانی پرۆسەكە بە گرنگ زانرا.

هەروەها لە پەیوەندییە تەلەفۆنییەكەی نێوان ئەردۆغان و ترەمپدا جەخت كرایەوە لەسەر سوور بوون لە هاوبەشی بەرەنگاریی هەموو جۆرێك لە تیرۆر.

ئەردۆغان و ترەمپ هاوڕابوون لەبارەی جێبەجێ كردنی كشانەوەی ئەمریكا لەسووریا بە ئاراستەی گونجاو لەگەڵ بەرژەوەندییە هاوبەشەكان‌و هەردوو سەركردە ڕێككەوتن لەسەر پرسی بەھێزكردنی زیاتری پەیوەندی ئابووری و گەیاندنی قەبارەی بازرگانی بۆ ٧٥ ملیار دۆلار .

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان