ئێمە لە تۆرە کۆمەڵایەتیەکان

عێراق

ناوی نوێ‌ بۆ دوو وەزارەت ئامادە دەكرێت
دوایین پەرسەندنی دانیشتنەكەی ئەمڕۆی پەرلەمانی عیراق

خەڵك- بەشی هەواڵ
بەپێی دوایین پەرەسەندنی دانیشتنەكەی ئەمڕۆی پەرلەمانی عیراق، تێیدا دەنگ لەسەر تێپەڕاندنی سێ‌ وەزیر درا و دەنگدان لەسەر پێنج وەزیرەكەی تری پاشماوەی كابینە وەزارییەكەی عادل عەبدولمەهدی، سەرۆك وەزیران بۆ دانیشتنەكانی دهاتوو هەڵگیرا، سەرچاوەیەكی پەرلەمانیش دەڵێت، هەردوو وەزارەتی كۆچ و كۆچبەران و پەروەردە، لەماوەی 48 كاتژمێردا ناوی نوێی بۆ كاندید دەكرێت.

ئەمڕۆ سێ‌ شەممە، پەرلەمانی عیراق، لە كۆی هەشت وەزارەتی پاشماوەی كابینە وەزارییەكەی عەبدولمەهدی، دەنگیدا لەسەر سێ‌ وەزارەت، كە لە وەزارەتەكانی خوێندنی باڵا و رۆشنبیری و پلاندانان پێكهاتبوون، وەزارەتەكانی كۆچ و كۆچبەران و پەروەردە و ناوخۆ و بەرگری و داد-یش بۆ دانیشتنەكانی داهاتوو هەڵًگیران.

بەپێی زانیارییەكانی (خەڵك) كە لە سەرچاوەیەكی پەرلەمانییەوە دەستەبەری كردووە، سەرۆك وەزیران لەماوەی 48 كاتژمێری داهاتوو، دوو كاندیدی تر بۆ وەزارەتەكانی كۆچ و كۆچبەران و پەروەردە ئامادە دەكات، تا لە دانیشتنی ڕۆژی پێنج شەممەی داهاتوو، لەلایەن پەرلەمانەوە دەنگیان لەسەر بدرێت.

لای خۆشیەوە، بەختیار شاوەیس، پەرلەمانتاری یەكێتی لە بەغدا لە هەژماری خۆی لە فەیسبووك نووسیویەتی، “لە پەرلەمانی عیراق جارێكی دیكە ئیرادەی یەكێتی سەركەوت”.

پەرلەمانی عیراق، لە دانیشتنی ئەمڕۆیدا، متمانەی نەبەخشیە هەریەك لە هەنا عەمانوئێل كاندیدی وەزارەتی كۆچ و كۆچبەران و سیبا تائی كاندیدی وەزارەتی پەروەردە، بۆیە سەرۆك وەزیران ناچار بووە، لەماوەی 48 كاتژمێری داهاتوو، دوو ناوی تر ئامادە بكات، كە لە دانیشتنی داهاتووی پەرلەماندا بۆ دەنگدان پێشكەشیان بكات، بەڵام وێڕای ئەوە سێ‌ وەزارەتی سەرەكی تری كابینەكە بە بەتاڵی دەمێننەوە، كە لە وەزارەتەكانی ناوخۆ و بەرگری و داد پێكدێن.

ئەو سێ‌ وەزارەتەی لە سەرەوە ئاماژەیان پێكرا، لەلایەن كوتلە سیاسییەكانەوە ناكۆكی زۆرییان لەسەرە، بە وتەی حەسەن خەڵاتی، ئەندامی پەرلەمانی عیراقیش كە بە میدیاكانی ڕاگەیاندووە، ناكۆكی نێوان كوتلە سیاسییەكان ڕێگربوو لەبەردەم تەواونەبوونی دانگدان لەسەر كابینە وەزارییەكەی عەبدولمەهدی.

هەریەك لە وەزارەتەكانی بەرگری و ناوخۆ، جێگەی ناكۆكی نێوان هاوپەیمانی چاكسازی و هاوپەیمانی بنیاتنانە، كە دوو كوتلەی سەرەكی ئێستای پەرلەمانی عیراقن، هەرچی وەزارەتی داد-یشە، یەكێتیی نیشتمانی كوردستان بە پشكی خۆی دەزانێت، لەبەرانبەریشدا پارتی دیموكراتی كوردستان پێیوایە، كە دەبێت دەستنیشانكردنی كاندیدێك بۆ ئەو پۆستە، لەبەر ئیستیحاقی هەڵبژاردن، لەلایەن حزبەكەیەوە دیاریی بكرێت.

عێراق

وێنە.. سەرۆك كۆمار: ‌هێزە سیاسییەكان لە ‌بەردەم بەرپرسیاریەتی پابەندبوونن بە ‌دەستور

خەڵك – بەشی هەواڵ

 

نووسینگەی ڕاگەیاندنی سەرۆك كۆمار بڵاویكردەوە، شاندێكی حزبی دوعاتی ئیسلام- ڕێكخراوی عیراق بەسەرۆكایەتی د. خوزەیر خوزاعی سەرۆكی مەكتەبی سیاسی، ئەمڕۆ پێنج شەممە ٢١|٢|٢٠١٩ لە كۆشكی سەلام لە بەغدا سەردانی سەرۆك كۆمار د. (بەرهەم ساڵح)یان كرد.
لەمیانی دیدارەكەدا سەرۆك كۆمار جەختی كردەوە كە ‌هێزە سیاسییەكان لە ‌بەردەم بەرپرسیاریەتی پابەندبوونن بە ‌دەستور بۆ تێپەڕاندانی ناكۆكییەكان و هەنگاونان بەرەوە قۆناغی ئاوەدانكردنەوە و برەودان بە ‌پڕۆسەی گەشەپێدانی ئابووری بەجۆرێك كەببێتە مایەی بەدیهێنانی خواستەكانی گەلی عیراق.
لایخۆیەوە، د. خوزەیر خوزاعی هەوڵەكانی سەرۆك كۆماری بەرز نرخاند لە نزیككردنەوەی دید و بۆچوونی لایەنە سیاسییەكان و پاراستنی دەستكەوتەكان و ئەزموونی دیموكراسی لە عیراقدا.

بەردەوام بە لە خوێندنەوە

عێراق

هاوپەیمانی بنیاتنان: ئەمریكا لە پشت ڕفاندن و پەلامارەكانەوەيە

خەڵك- بەشی هەواڵ
پەرلەمانتارێكی هاوپەیمانی بنیاتنان دەڵێت، ئەمریكا لە پشت ڕفاندن و تیرۆركردنەكانی ئەم چەند ڕۆژەی ڕابردووەوە بووە.

سامر زێبان، پەرلەمانتاری هاوپەیمانی بنیتنان لە پەرلەمانی عیراق، لە لیدوانێكی ڕۆژنامەوانیدا ڕایگەیاندووە”ڕێكەوتنی ستراتیژی لەگەڵ واشنتۆن هەڵوەشاوەتەوە و هیچ بەهایەكی نییە دوای ئەوەی لەكاتی هاتنی گروپە تیرۆریستییەكانی داعش بۆ چەند پارێزگەیەك و گەیشتنی چەكدارانی ڕێكخراوەكە بۆ پشتێنەی بەغدا، هیچ هەڵوێستێكی نەنواند و دەستی لەو گروپە تیرۆریستییانە نەوەشاند كە دەبوو بەپێی ڕێكەوتنەكە بەرگری بكردایە، بەپێچەوانەوە كاریی بۆ یارمەتیدانی ئەو گروپە تیرۆریستیانە كرد لەنێو عیراقدا”.

بە وتەی زێبان، پەرلەمانی عیراق بە گشتی و هاوپەیمانی بەنیاتنان بە تایبەتی، ڕێگە بە باڵێوزخانەی ئەمریكا و هیچ لایەنێكی تر نادەن، دەست لەكاروباری عیراق وەربدەن، داواشی لە حكومەتی عیبنياتناراق و وەزارەتی دەرەوە كرد، هەڵوێستی خۆیان بەرانبەر بە لێدوانەكانی باڵێوزخانەی ئەمریكا بخەنەڕوو.

بۆ وەرگرتنی زانیاریی زیاتر لەو بارەیەوە،  (خەڵك) چەند جارێك پەیوەندی كرد بە سامر زێبان پەرلەمانتاری هاوپەیمانی بنیاتنان لە پەرلەمانی عیراق، بەڵام پەیوەندییەكان بێ‌ وەڵام بوون.

بەردەوام بە لە خوێندنەوە

عێراق

(هەسەدە) 502 چەكداری داعش رادەستی عیراق دەكات

خەڵك- بەشی هەواڵ
سەرچاوەیەكی ئەمنی ڕایگەیاندووە، عیراق وەجبەی تری چەكدارانی داعش كە لە سوریا دەستگیركراون، وەردەگرێتەوە.

ئەمڕۆ پێنج شەممە، سەرچاوەیەكی ئەمنی عیراقی بە ئاژانسی (رۆیتەرز)ی ڕاگەیاندووە”دەسەڵاتدارانی عیراق، وەجبەی تری چەكدارە دەستگیركراوەكانی داعش لە سوریا وەردەگرنەوە”.

بە وتەی سەرچاوەكە كە نەیویستبوو ناوی خۆى ئاشكرا بكات”وەرگرتنەوەی ئەو چەكدارانە، بەپێی ڕێكەوتنێكە لەگەڵ هێزەكانی سوریای دیموكرات (هەسەدە)، تا تەواوی چەكدارە داعشە عیراقییەكان ڕادەست بە عیراق بكرێن كە ژمارەیان 502 كەسە”.

پێشتر هێزەكانی سوریای دیموكرات (هەسەدە)، دەیان چەكداری ڕێكخراوی داعشيان ڕادەستی عیراق كردبوو كە لە شەڕەكانی باغوز و دێرلزور لە خۆرهەڵاتی سوریا بەدیل كەوتووە بەردەستییان.

قەتری عوبەیدی، سەركردە لە حەشدی عەشایەری لە پارێزگای ئەنبار، لە لێدوانێكی ڕۆژنامەوانیدا ڕایگەیاندبوو”فەرماندەی ئۆپەراسیۆنەكانی جەزیرە و فیرقەی حەوتی سوپای عیراق، 151 داعشییان ڕادەستكراوە كە زۆربەیان بەپێی یاسای تیرۆر داواكراون و دانیشتووی پارێزگە جیاجیاكانی عیراقن”.

باغوز گوندێكی سورییە و دەكەوێت سەر سنورەكانی عیراق، لەئێستاشدا بە دوایین شوێنی ژێر دەستی داعش لە ناوچەی دۆڵی فورات دادەنرێت.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان