بافڵ تاڵەبانی:  یەكێتی بەهەمووشێوەیەك ئامادەی هەڵبژاردنە



سەرۆکی یەکێتی ئامادەیی حزبەکەی بۆ هەڵبژاردن دووپاتکردەوە و دەڵێت” پێویستە هەموو لایەنە سیاسییەكان دەست بە قۆناغێكی نوێی كاری سیاسی بكەن”.

بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان لەگەڵ لێپرسراوی مەکتەبی هەڵبژاردن کۆبووەوە و تاوتوێی ئامادەکارییەکانی حزبەکەی بۆ هەڵبژاردن کرد.

لە ڕاگەیەندراوێکدا بافڵ تاڵەبانی ئاماژەی بەوەکرد، لە هەڵبژاردنی ئەنجوومەنی پارێزگاكانی عیراق یەكێتی بووە هێزی یەكەمی لایەنە كوردستانییەكان، و ئاماژەی بەوەشکرد، یەكێتی ئامادەی هەڵبژاردنە و بەهیچ شێوەیەك لەگەڵ دواخستنی نییە،

وتیشی، دروستكردنی هەر بەربەستێكیش لەبەردەم ئەو پرۆسە گرنگەدا، لێدانە لە خواستی خەڵك و رەوتی دیموكراسی لە هەرێمەكەمان.

سەرۆکی یەکێتی ئەوەشی خستەروو، پێویستە هەموولایەنەكان پابەندبن بەو وادەیەی كۆمسیۆن وەك لایەنی فەرمی و جێبەجێكار بۆ ئەنجامدانی هەڵبژاردن پێشنیازیكردووە كە ٥ی ئەیلوولی ئەمساڵە و هیچ بیانوویەكی بۆ دواخستنی پرۆسەكە نەهێشتووەتەوە،

سەرۆکی یەکێتی جەختیکردەوە، پێویستە هەموو لایەنە سیاسییەكان دەست بە قۆناغێكی نوێی كاری سیاسی بكەن و پێكەوە لەپێناو كوردستانێكی بەهێزتر و داهاتوویەكی پرشنگدارتر هەنگاوبنێن، پرسە نەتەوەیی و نیشتمانییەكان نەبنە قوربانیی بەرژەوەندییە حزبییەكان و ژیانی خەڵكە خۆشەویستەكەمان تێكەڵی ململانێ ناڕەواكان نەكرێت.

وتیشی، پەیڕەوكردنی ئەم هەنگاوانە بوێری دەوێت و یەكێتیی نیشتمانیی كوردستانیش بێگومان ئامادەیە.

“سەرۆکایەتی هەرێمی کوردستان ئەم هەفتەیە وادەی نوێی هەڵبژاردن دیاریدەکات”
پێشت “سەرۆکایەتی هەرێمی کوردستان ئەم هەفتەیە وادەی نوێی هەڵبژاردن دیاریدەکات”
وەزیری دارایی دوا مۆڵەت دەداتە فەرمانبەران بۆ خۆتۆماركردن لە هەژماری من
دواتر وەزیری دارایی دوا مۆڵەت دەداتە فەرمانبەران بۆ خۆتۆماركردن لە هەژماری من
پەیوەندیدار