ئێمە لە تۆرە کۆمەڵایەتیەکان

کوردستان

شێخ جەعفەر؛ كاری لەپێشینەی كابینەی نوێی حكومەت پێكهێنان و رێكخستنی سوپایەك دەبێت بۆ هەرێم

خەڵك – بەشی هەواڵ
فەرماندەی هێزەكانی 70ی هێزی پێشمەرگە ڕایدەگەیەنێت ، هەرێمی كوردستان پێویستی بە سوپایەكی پێشمەرگەی یەكگرتوو هەیە، كاری لەپێشینەی كابینەی نوێی حكومەتیش پێكهێنان رێكخستنی ئەو سوپایە دەبێت.

جەعفەر شێخ مستەفا، فەرماندەی هێزەكانی 70ی هێزی پێشمەرگە لەچاوپێكەوتنێكدا لەگەڵ ئاژانسی ئەنادۆڵ ڕایگەیاندووە، هەرێمی كوردستان پێویستی بە سوپایەكی پێشمەرگەی یەكگرتوو هەیە، كە ئەو سوپایە پڕچەك و پڕمەشق و ئامادە بێت و لە هەموو روویەكەوە ببێت بە سوپایەكی ستاندارد كە سیمای حزبایەتی پێوە دیار نەبێت و سوپای میلـلەت و حكوومەت بێت.

دەشڵێت،”لەئێستادا ئەمریكا و وڵاتانی دیكە لە هێزەكانی هاوپەیمانان لە نێو وەزارەتی پێشمەرگەن و بەجددی كار لەسەر داڕشتنەوەی ئەو وەزارەتە و دروستكردنی سوپایەكی پێشمەرگەی یەكگرتوو دەكەن”.

ڕاشیگەیاندووە، وەك یەكێتی ئەوەی لەتواناماندا بێت ئەنجامی دەدەین بۆ دروستكردنی ئەو سوپایە ، لە حكوومەتی نوێدا كاری جددی دەكرێت بۆ دامەزراندنی ئەو سوپا یەكگرتووە، كە بە پێویستییەكی جددیە بۆ ئێستای هەرێمی كوردستان.

ئاشكراشیكردووە، عیراقییەكان تا ئێستا رێگربوون لە گەڕانەوەی هێزی پێشمەرگە بۆ ئەو كەركوك وناوچە جێ ناكۆكەكان، بەڵام ئەمریكا زۆر بەجددی كار دەكات بۆ ئەوەی كە ئەمنیەتی ناوشارەكان بە پۆلیسی ناوخۆیی و ئاسایش بسپێردرێت و لە دەرەوەی شارەكانیش هێزەكانی پێشمەرگە و سوپای عێراق و هاوپەیمانان ژووری عەمەلیات و هێزی هاوبەش دروستبكەن و رووبەڕووی داعش ببنەوە لەو ناوچانەدا.

 

کوردستان

جێگری لێپرسراوی پەیوەندییەکانی دەرەوەی هەرێم لەسەر پشکی یەکێتی دەستبەکاربوو

خەڵك – بەشی هەواڵ

ئەمڕۆ یەك شەممە دابان شەدەڵە لەسەر پشکی یەکێتی وەکو جێگری لێپرسراوی پەیوەندییەکانی دەرەوەی هەرێمی کوردستان دەستبەکاربوو.

بە ئامادەبوونی قوباد تاڵەبانی جێگری سەرۆکی ئەنجومەنی وەزیران و سەفین دزەیی لێپرسراوی فەرمانگەی پەیوەندییەکانی دەرەوە ڕێوڕەسمی دەستبەکاربوونی دابان شەدەڵە لە پۆستی جێگری بەرپرسی پەیوەندییەکانی دەرەوە بەڕێوەچوو، جێگری سەرۆکی ئەنجومەنی وەزیران وێرای پیرۆزبایی لە دابان شەدەڵە، هیوای سەرکەوتنی بۆ خواست و ستایشی کار و چالاکییەکانی پێشووی کرد کە نوێنەری حکومەتی هەرێمی کوردستان بوو لە وڵاتی ئیسپانیا.

قوباد تاڵەبانی لە بەشێکی دیکەی وتەکانیدا رایگەیاند فەرمانگەی پەیوەندییەکانی دەرەوە یەکێکە لە پایە گرنگەکانی حکومەت و ڕۆڵی گرنگی بینوە لەسەر ئاستی ناوخۆ و دەرەوە و توانیویەتی ببێتە پردێکی باش بۆ پتەوکردنی پەیوەندییەکان لەگەڵ وڵاتانی دەرەوە و ئێمەش وەک سەرۆکایەتی ئەنجومەنی وەزیران پاڵپشتی هەنگاو و کارەکانیانین.

جەختیشی کردەوە یەکێک لە ئەولەویاتی حکومەتی هەرێم گرنگیدانە بە پەیوەندییە دیپلۆماسییەکان و پەرەپێدانی ئەم فەرمانگەیە و رێکخستنەوە و فراوانکردنی پەیوەندییەکانی هەرێمە لەگەڵ وڵاتانی جیهان، لەوبڕوایەداین کاک سەفین وەک لێپرسراو و کاک دابان وەک جێگر پێکەوە دەتوانن هەنگاوی باش بنێن لەوبارەیەوە.

لە ڕێوڕەسمەکەدا سەفین دزەیی لێپرسراویی فەرمانگەی پەیوەندییەکانی دەرەوە لە وتەیەکدا بەخێرهاتنی دابان شەدەڵەی کرد و ئاماژەی بەوەدا کە بەڕێزیان ئەزمونێکی باشی هەیە لە پرسی پەیوەندییەکان بۆیە گەشبینین پێکەوە بتوانین کارەکانی فەرمانگە بە باشی راپەڕێنین.

بەردەوام بە لە خوێندنەوە

کوردستان

پۆلیسی هەولێر، دوو كەسی بەتۆمەتی كوشتن دەستگیر كرد

خەڵك-بەشی هەواڵ

 

بەڕێوەبەرایەتی پۆلیسی هەولێر ڕایدەگەیەنێت، دوو كەسمان بەتۆمەتی كوشتن دەستگیر كردووە كە یەكێك لە تۆمەتبارەكان هاوسەرەكەی كوشتووە.

بەڕێوەبەرایەتی پۆلیسی هەولێر لە ڕاگەیەنراوێكدا ئاماژە بۆ ئەوە دەكات، دوای ئاگاداركردنەوەی پۆلیسی هەولێر بە بوونی تەرمێك لە شارۆچكەی عەنكاوە، تیمێكی لێكۆڵینەوە لە هەریەك لە بەشی نەهێشتنی تاوان و بەشی پۆلیسی چالاكییە مەدەنییەكان و بەشی پۆلیسی عەنكاوە/ بنكەی پۆلیسی حەدیاب و بنكەی پۆلیسی عەنكاوە پێكهێندرا، پاش گەیشتنیان بۆ شوێنی ڕووداوەكە، دەركەوت ئافرەتێك بەناوی (زەینەب)، تەرمەكەی فڕێدراوە لە شارۆچكەی عەنكاوە.
ئاشكراشیكرد، دوای لێكۆڵینەوەیەكی ورد و چڕ، توانرا بە كەمتر لە 7 كاتژمێر تۆمەتبار بەناوی (ع.س.ن) دوای چەندینجار بە چەكی كڵاشینكۆف دەستڕێژی گوللەی لە هێزەكانی پۆلیس كرد، بەڵام توانرا دەستگیر بكرێت و دانی نا بەتاوانەكەیدا كە هەڵساوە بە كوشتنی خێزانی خۆی بە گوللە.

ڕوونیشیكردەوە، توانرا تۆمەتبارێكی دیكە لەم ڕووداوە دەستگیر بكرێت بەناوی (هـ.م.ح)، پەڕاوی لێكۆڵینەوەیان بۆ ڕێكخرا و بەپێی ماددە (406) لە یاسای سزادان بەند كران.

بەردەوام بە لە خوێندنەوە

کوردستان

یاسین مەحمود پیرۆزبایی لە محەمەدی حاجی مەحمود دەكات

خەڵك-بەشی هەواڵ

 

سەرۆكی یەكێتی وەبەرهێنەرانی كوردستان ـ سلێمانی پیرۆزبایی لە سكرتێری حزبی سۆسیالیست دیموكراتی كوردستان دەكات.

یاسین مەحمود ڕەشید سەرۆكی یەكێتی وەبەرهێنەرانی كوردستان ـ سلێمانی بەبۆنەی ساڵیادی دامەزراندنی حزبی سۆسیالیست، بروسكەیەكی پیرۆزبایی ئاڕاستەی محەمەدی حاجی مەحمود دەكات و ئاماژە بۆ ئەوە دەكات، لە “44”ەمین ساڵیادی دامەزراندنی حزبی سۆسیالیست دیموكراتی كوردستان، بەناوی خۆم و هەڤاڵانم لە یەكێتی وەبەرهێنەرانی كوردستان پیرۆزبایی گەرمی خۆم ئاڕاستەی جەنابت و سەرجەم هاوڕێیانمان لە ئەنجومەنی سەركردایەتی و مەكتەبی سیاسی و دۆست و لایەنگرانتان دەكەین، و بەسەركەوتن و بەردەوامیتان ئاوات دەخوازین.

وتیشی”جەنابتان، لای ئێمە كەسایەتییەكی دیار و تێكۆشەرن و وەك وەبەرهێنێكی نموونەیی لێتان دەڕوانین و هەڵوێست و بۆچوونە نەتەوەیی و نیشتمانییەكانتان بۆ ئێمە ڕێچكە ڕێنیشاندەرە و هەمیشە بەبایەخەوە لێتان دەڕوانین.

بەردەوام بە لە خوێندنەوە

کوردستان