باقری گەیشتە هەرێم



سەرپەرشتیاری وەزارەتی دەرەوەی ئێران گەیشتە هەولێر و دوای زنجیرەیەک دیدار سەردانی سلێمانیش دەکات.

سەرلەبەیانی ئەمڕۆ هەینی، عەلی باقری، سەرپەرشتیاری وەزارەتی دەرەوەی ئێران لە چوارچێوەی سەردانەکەیدا بۆ عێراق، گەیشتە هەرێمی کوردستان و لە فڕۆکەخانەی هەولێر لەلایەن ڕێبەر ئەحمەد، وەزیری ناوخۆ و ژمارەیەک بەرپرسی دیکەوە پێشوازی لێکرا.

بڕیارە باقری لەگەڵ مەسعود بارزانی، سەرۆکی پارتی دیموکراتی کوردستان، نێچیرڤان بارزانی، سەرۆکی هەرێمی کوردستان و مەسرور بارزانی سەرۆک وەزیران کۆبێتەوە.

دوای ئەو زنجیرە دیدارە، بەرپرسە ئێرانییەکە ڕوودەکاتە سلێمانی و لەگەڵ بافڵ تاڵەبانی، سەرۆکی یەکێتیی نیشتمانیی کوردستان و قوباد تاڵەبانی، جێگری سەرۆک وەزیرانی هەرێم کۆدەبێتەوە.

ئامانجی دیدارەکانی پتەوکردنی پەیوەندییەکان و جەختکردنە لەسەر ئەو ڕێککەوتنانەی کە سەرۆکی هەرێم لە میانی سەردانەکەی ئەمدواییەی بۆ تاران، لەگەڵ بەرپرسانی ئێران لەسەریان ڕێککەوتن.

مووچەی خانەنشینانی پێشمەرگە و ناوخۆ دابەش دەکرێت
پێشت مووچەی خانەنشینانی پێشمەرگە و ناوخۆ دابەش دەکرێت
سبەینێ ئەرک و واجباتی حاجیان دەستپێدەکات
دواتر سبەینێ ئەرک و واجباتی حاجیان دەستپێدەکات
پەیوەندیدار