ئێمە لە تۆرە کۆمەڵایەتیەکان

کوردستان

پەكەكە كوشتنی پێنج سەربازی تورك رادەگەیەنێت

خەڵك- بەشی هەواڵ

هێزەكانی پاراستنی گەل (هەپەگە)، باڵی سەربازی پارتی كرێكارانی كوردستان (پەكەكە)، كوشتنی پێنج سەربازی توركی لە ناوچەی بارزانی باكووری هەولێر رادەگەیەنێت.

(هەپەگە) لە بەیاننامەیەكدا رایگەیاند”هێزەكانیان هێرشیان كردۆتەوە سەر دوو پێگەی سوپای توركیا لە نتاوچەی بارزان لە باكووری پارێزگای هەولێلا”.

هەر بەپێی بەیاننامەكەی باڵی سەربازی پارتی كرێكارانی كوردستان”لە هێرشەكەدا پێنج سەربازی تورك كوژراون”.

لەم ماوەیەی دواییدا هێزەكانی پاراستنی گەل (هەپەگە)، باڵی سەربازی پارتی كرێكارانی كوردستان (پەكەكە) رایگەیاندبوو كە هێزەكانیان چەند هێرشێكیان لە دژی سوپای توركیا لە ناوچە سنورییەكانی ناحیەی سیدەكانی باكووری هەولێر ئەنجامداوە، ئەمەش لەكاتێكدایە سوپای توركیا بەردەوامە لەسەر دامەزراندنی پێگە سەربازییەكان و بۆردومانكردنی چڕی پێگەكانی پارتی كرێكارانی كوردستان.

ماوەیەكە سوپای توركیا بە قوڵایی دەیان كیلۆمەتر هاتۆتە نێو خاكی هەرێمی كوردستان و سەرقاڵی دامەزراندنی پێگەی سەربازییە، بە وتەی بەرپرسە باڵاكانی وڵاتەكەش، بەنیازن ئۆپەراسیۆنێكی سەربازیی گەورە بۆ سەر چیاكانی قەندیل ئەنجام بدەن.

کوردستان

ناوەڕۆكی كۆبوونەوەی وەفدی پارتی و كۆسرەت ڕەسوڵ ئاشكراكرا

خەڵك – بەشی هەواڵ
جێگری سكرتێری گشتی یەكێتی نیشتمانی كوردستان لەبارەگای تایبەتی خۆی لەشاری سلێمانی پێشوازی لە وەفدی دانوستكاری پارتی دیموكراتی كوردستان كرد و هەردوولا باسیان لە هەنگاوەكانی پێكهێنانی كابینەی نوێی حكومەتی هەرێم و كێشەكانی نێوان هەرێم و حكومەتی ناوەند كرد.

نوسینگەی جێگری سكرتێری گشتی یەكێتی نیشتمانی كوردستان لە ڕاگەیەنراوێكدا، كە وێنەیەكی بۆ (خەڵك) نێراوە، ڕایگەیاندووە، پاشنیوەرۆی ئەمڕۆ چوار شەممە 19-12-2018 كۆسرەت ڕەسوڵ عەلی، جێگری سكرتێری گشتی لەبارەگای تایبەتی خۆی لەشاری سلێمانی پێشوازی لە هۆشیاری زێباری، ئەندامی مەكتەبی سیاسی پارتی و سەرۆكی وەفدی دانوسكاری ئەو حیزبە بۆ پێكهێنانی كابینەی نوێی حكومەتی هەرێمی كوردستان و وەفدی هاوڕێی كرد.

ئاماژە بۆ ئەوەشكراوە، لەدانیشتنێكی دۆستانەدا، كە بە ئامادەبوونی ژماریەك لە هەڤاڵانی مەكتەبی سیاسی و سەركردایەتی بەڕێوەچوو، هەردوولا باسیان لە هەنگاوەكانی پێكهێنانی كابینەی نوێی حكومەتی هەرێم و كێشەكانی نێوان هەرێم و حكومەتی ناوەند بە گشتی و بە تایبەتی كێشەكانی شاری كەركووك و هەنگاوەكانی پێكهێنانی حكومەتی ناوەندی عێراقی فیدڕاڵ كرد.

لە ڕاگەیەنراوەكەدا هاتووە، “هەردوولا هاوڕابوون لەسەر هەنگاونانی خێرا بۆ چارەسەركردنی كێشەكان و ڕێككەوتنی سیاسی نوێ و بونیادنانی بنەماكانی حكومەتی شەڕاكەتی ڕاستەقینە لە نێوان لایەنە بەشداربووەكانیدا، بەجۆرێك كە ببێتە حكومەتێكی بەهێز و خزمەتگوزار بۆ تەواوی خەڵكی كوردستان”.

بەردەوام بە لە خوێندنەوە

کوردستان

خێزانێكی سیدەكان داوای بەهاناوەچوون دەكەن
داڕمانی گردێك مەترسی لەسەر ژیانی خێزانێك دروست دەكات

خەڵك- نزار مستەفا
لەئەنجامی باران بارینی زۆر و داڕمانی گردێك لە گوندی كەژەكی سەر بەشارەدێی سیدەكان، مەترسی لەسەر ڕوخانی خانوو و ماڵی هاوڵاتیەك دروست كردووە.

سەفین سەدرەدین، دانیشتویی گوندی كەژەكی سەر بەشارەدێی سیدەكان بە (خەڵك)ی ڕاگەیاند، بەهۆی زۆری باران بارین و داڕمانی گردێك لە پشت خانوەكەم، ژیانمان لە مەترسیدایە.

وتیشی، “داواكارین لەلایەنی پەیوەندیدار و خێرخوازان بەهاناوەمان بێن و جگەلە مەترسی ڕوخانی خانوەكەمان، ژیانی خۆم و منداڵەكانم لە مەترسیدایە”.

لەماوەی پاییزی ئەمساڵدا چەندین شەپۆلی باران و لافاو ناوچە جیاجیاكانی هەرێمی كوردستانی گرتۆتەوە و بەهۆیەوە چەند پڕدێك ڕووخان و ڕیچگای چەندین ناوچە گیرا و ئاویش چۆتە چەندین ماڵەوە و زیانیان پێ‌ گەیشتووە.

بەردەوام بە لە خوێندنەوە

کوردستان

لە سلێمانی سێ‌ كەس بە مادەی هۆشبەرەوە دەستگیر كران

خەڵك- بەشی هەواڵ
ئاسایشی سلێمانی دەستگیر كردنی سێ‌ تۆمەتبار بە مادەی هۆشبەرەوە ڕادەگەیەنێت و جەختیشدەكاتەوە، كە پەڕاوی لێكۆڵینەوەیان بۆ كراوەتەوە.

بەڕێوەبەرایەتی ئاسایشی سلێمانی لە ڕاگەیەنراوێكدا ئاماژەی بەوەكردووە، لە درێژەی كار و چالاكیەكانی بەڕێوەبەرایەتیەكەیان بەمەبەستی نەهێشتن و بنبڕكردنی هێنان و بردنی بەكارهێنانی هەر جۆرە ماددەیەكی بێ هۆشكەر، هێزەكانیان لە دوو چالاكی جیاوازدا سێ كەسیان دەستگیر كردووە.

بەپێی ڕاگەیەنراوەكە، لە ڕۆژی 10/12/2018 دوو كەس بەناوەكانی (د، م، س) لەدایكبوی ساڵی 1983 و (س، م، ح) لەدایكبوی ساڵی 1982 دەستگیربكەن بەپێی فەرمانی دادوەر و بەپێی ماددەی 14 ی مخدرات، كە لەكاتی دەستگیركردنیاندا بڕێك ماددەی هۆشبەریان پێگیرا.

ڕاشیگەیاندووە، ڕۆژی 19/12/2018 كەسێك بەناوی (س، خ، ب) لەدایكبوی ساڵی 1995 دەستگیر كرا بەپێی فەرمانی دادوەر و بەپێی ماددەی 14 ی مخدرات، كە لەكاتی دەستگیركردنیدا بڕێك ماددەی هۆشبەری پێگیرا و بەدەر لە بەكارهێنانی ماددەی هۆشبەر كاری قاچاخچێتی مرۆڤ و هەڵفریواندنی هاوڵاتیانی كردووە بەنیازی بردنەدەرەوەیان بۆ هەندەران .

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین