ئێمە لە تۆرە کۆمەڵایەتیەکان

عێراق

سیستانی: رۆژی شەممە یەکەم رۆژی جەژنە

خەڵک-

نوسینگەی تایبەتی عەلی سیستانیی مەرجەعی باڵای شیعەکانی عیراق لە ڕاگەیەنراوێکدا سبەینێی وەک تەواوکەری مانگی رەمەزان ڕاگەیاند و رۆژی شەممەی کرد بە یەکەم رۆژی جەژنی رەمەزان.

نوسینگەی تایبەتی عەلی سیستانیی مەرجەعی باڵای شیعەکانی عیراق ڕاگەیەنراوێکی بڵاوکردەوە و تیایدا دەڵێت: بەھۆی ئەوەی بینینی مانگ یەکلا نەبۆتەوە، ئەوا سبەینێ ھەینی کۆتا رۆژی مانگی ڕەمەزان دەبێت و رۆژی شەممە ٢٠١٨/٦/١٦ دەبێتە یەکەم رۆژی جەژنی رەمەزان.

تا ئێستا وەقفی سوننی عیراق و وەزارەتی ئەوقافی ھەرێمی کوردستان و وڵاتەکانی سعودیە و ئیمارات و عوممان و کوەیت و بەحرێن و ئەردەن و مالیزیا و ئیندۆنیزیا و سەنگاپورا رۆژی ھەینییان وەک یەکەم رۆژی جەژنی رەمەزان ڕاگەیاندووە.

عێراق

بۆچی 22 ساڵ پێش ئێستا هەوڵی كوشتنی عودەی سەدام حسێن درا؟

خەڵك- بەشی هەواڵ

رۆژی 12ی كانوونی یەكەمی ساڵی 1996، ژمارەیەك چەكدار لە شەقامی “مەنسور”ی بەغداد دەستڕێژی كولەیان لە عودەی سەدام حسێن كرد و بەهۆیەوە بە سەختی برینداربوو.
لە كاتێكدا بووە، كە عودەی لەگەڵ ژمارەیەك كچ و كوڕی گەنجدا لەو شەقامەدا بووە و لەلایەن ئەو كەسانەوە هێرشی كراوەتەسەر.

هەر بەپێی گێڕانەوەكان لەو رووداوەكە 30 فیشەك ئاراستەی ئۆتۆمبیلەكەی عودەی كراوە و دوو كچ كە لەگەڵ عودەیدابوون كوژران و چەند كەسێك لە پاسەوانەكانیشی برینداربوون و تەقەكەرەكانیش هەڵهاتن.

تائێستا هیچ لایەنێكی فەرمی نهێنی رووداوەكەی ئاشكرانەكردووە، بەڵام بەپێی گێڕانەوەی ئەو كەسانەی لە خێزانی سەدام حسێنەوە نزیك بوون، رووداوەكە بە چەند شێوازێك لێكدراوەتەوە:

یەكەم: ساڵی 1995، عودەی تەقەی لە وەتبان حەسەن مەجید، برای سەدام و وەزیری ناوخۆ كردووە و ئەوەیش ساڵ دواتر لەرێگەی گروپێكەوە تۆڵەی خۆی كردۆتەوە.

دوەم: ئەو كەسانەی تەقەیان كرد لەلایەن سەدامەوە نێرابوون و مەبەستی سەدامیش سنوردانان بوو بۆ دەسەڵاتی عودەی.

سێهەم: حزبی دەعوە و رێكخستەكانی ئەوان ئەو كارەیان كردبێت.

بەردەوام بە لە خوێندنەوە

عێراق

ئەردۆغان بانگھێشتنامەیەکی ڕەسمیی ئاراستەی بەرھەم ساڵح کرد بۆ سەردانکردنی ئەو ولاتە

خەڵک-

ئەمڕۆ پێنجشەممە ٢٠١٨/١٢/١٣، باڵیۆزی تورکیا لە عیراق سەردانی کۆشکی سەلامی کرد و بانگھێشتنامەیەکی تورکیای ڕادەستی سەرۆک کۆماری عیراق کرد بۆ سەردانیکردنی وڵاتەکەی.

ئەمڕۆ فاتح یڵدز باڵیۆزی تورکیا لە عیراق سەردانی کۆشکی سەلامی کرد و چاوی بە بەرھەم ساڵح سەرۆک کۆماری عیراق کەوت و کۆبوونەوەیەکیان ئەنجامدا.

یڵدز له‌ هه‌ژماری تایبەتیی خۆی له‌ فەیسبووک رایگه‌یاندووە: له‌گه‌ڵ به‌رهه‌م ساڵح تاوتوێی په‌یوه‌ندییه‌كانی هه‌ردوو وڵاتیان كردووه‌ و بانگهێشتنامه‌ی ره‌جه‌ب ته‌یب ئه‌ردۆغانی بۆ سەردانکردنی ئەنقەرەی بە سەرۆک کۆماری عێراق گه‌یاندووه‌.

دواتریش سه‌رۆكایه‌تی كۆماری عێراق لە ڕاگەیەنراوێکدا ھەواڵەکەی پشتڕاستکردەوە و ڕایگەیاند، سەرۆک کۆماری عیراق بانگھێشتنامەیەکی ڕەسمیی بۆ سەردانیکردنی تورکیای لە لایەن رەجەب تەیب ئەردۆغان سەرۆکی تورکیاوە پێگەشتووە، بەڵام کاتی سەردانەکەی ئاماژە پێنەکردووە.

 

بەردەوام بە لە خوێندنەوە

عێراق

عیراق و ئەمریکا ڕێکەوتنێکیان بۆ ھاوردەکردنی گەنم و برنج ئەنجامدا

خەڵک-

بەپێی گرێبەستێکی واژۆ کراو لە نێوان باڵیۆزی ئەمریکا لە عیراق و وەزیری بازرگانیی عیراق، بۆ ماوەی شەش مانگی سەرەتای ساڵی داھاتوو عیراق گەنم و برنج لە ئەمریکاوە ھاوردە دەکات

ئەمڕۆ محه‌ممه‌د هاشم وه‌زیرى بازرگانى عێراق له‌گه‌ڵ دۆگلاس سیلیمان باڵیۆزى ئه‌مریكا له‌ عێراق، گرێبه‌ستێكیان واژۆ کرد بۆ هاورده‌كردنى گه‌نم و برنج بۆ عیراق له‌ شه‌ش مانگى یه‌كه‌مى ساڵى داھاتوودا.”

دواتر وه‌زیرى بازرگانیی عێراق و باڵیۆزی ئەمریکا له‌ كۆنگره‌یه‌كى رۆژنامەوانییان ئەنجامدا، محەممەد ھاشم ڕایگه‌یاند: “به‌ مه‌به‌ستی هه‌ماهه‌نگیكردن له‌باره‌ى گرێبه‌سته‌كه‌وه‌ كۆمپانیا ئه‌مریكییه‌كان سه‌ردانی عێراق ده‌كه‌ن و جۆرێتى و چۆنێتی هاورده‌كردنى به‌رهه‌مه‌كان باس دەکەن.”

به‌پێى ئاماره‌كانى وه‌زاره‌تى بارزرگانى عێراق، ساڵانە عیراق‌ پێویستیى به‌  نزیكی یه‌ك ملیۆن تۆن برنج و یه‌ك ملیۆن تۆن گه‌نم هه‌یه‌، بەھۆی ئەوەی بەرھەمی ناوخۆیی ئەو دوو بەرھەمە کشتوکاڵییە بەشی دابینکردنی پێداویستییەکان ناکات، بەشێکی لە دەرەوە ھاوردە دەکات.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین