ئێمە لە تۆرە کۆمەڵایەتیەکان

جیهان

چوار وڵات سبەینێ‌ دەكەنە یەكەم رۆژی جەژنی رەمەزانی پیرۆز

خەڵك- بەشی هەواڵ
دوای ئەوەی لە وڵاتاندا بەشوێن مانگی هیلالی شەوالدا گەڕان كە بینينی دەكاتە سەرەتای جەژنی رەمەزانی لای مسوڵمانان، هەریەك لە مالیزیا و ئیندۆنیزیا و برۆنای و سەنگافورە، سبەینێ‌ هەینيان بە یەكەم رۆژی جەژنی رەمەزانی پیرۆز دیاریی كرد.

پێشتر زۆرێك لە وڵاتە ئیسلامییەكان و لەنێوانیاندا سعودیە، داوایان كردبوو سەرلەئێوارەی ئەمڕۆ پێنج شەممە بەشوێن مانگدا بگەڕێن، ئەمەش لەلایەن شارەزایانەوە نیمچە كۆدەنگییەكی لەسەر بوو بۆ دیاریی كردنی یەكەم رۆژی جەژنی رەمەزان، ئەمەش بەپێی حیساباتە فەلەكییەكان.

دادگای باڵا لە سعودیە، داوای لە هەموو مسوڵمانانی ناوچە جیاجیاكانی وڵاتەكەی كردبوو، ئێوارەی ئەمڕۆ پێنج شەممە كە 29ی مانگی رەمەزان دەكات، بەشوێن هیلالی مانگی شەوالدا بگەڕێن.

ئەو بانگەشەیە، چەندان وڵاتی عەرەبی وەك میسر و ئیمارات و لوبنان و مەغریب و عیراق و سوریای گرتەوە، ئەمەش لەكاتێكدایە شارەزایانی فەلەك دەڵێن، زۆربەی پێشبینییەكان روو لەوەن سبەینێ‌ هەینی یەكەم رۆژی جەژنی رەمەزان بێت.

بەپێی گومەزی ئاسمانی لە ئیمارات”هیلالی مانگی شەوال لە كاتژمێر 23:43 پێش نیوەشەو لەدایك دەبێت لە رۆژی چوار شەممە، لەكاتی خۆرئاوابوونی ئێوارەی پێنج شەممەش كە 14ی حوزەیران دەكات لە كاتژمێر 19:25 ئاوادەبێت، ئەوەش بەر لە نزیكەی 40 خولەك لە خۆرئاوابوون، لەم كاتەشدا ئەگەری بینینی هەیە، بۆیە لەڕووی فەلەكییەوە دەوترێت سبەینێ‌ هەینی 15ی حوزەیران یەكەم رۆژی مانگی شەوالە”.

لە هەفتەی رابردوودا سەنتەری فەلەكی نێودەوڵەتی رایگەیاندبوو”گەر توێژاڵی ئاسمان روون بێت، لە هەموو وڵاتە ئیسلامییەكان دەكرێت مانگ بە چاوی ئاسایی یان لەڕێی بەكارهێنانی تلیسكۆبەوە ببینرێت”.

بەپێی هەمان سەرچاوە كە وردەكاریی لەبارەی گەڕتن بەشوێن هیلالدا رونكردبۆوە، پێشبنی دەكرێت سبەینێ‌ هەینی 15ی حوزەیران، یەكەم رۆژی جەژنی رەمەزانی پیرۆز بێت لە هەموو وڵاتانی جیهان.

جیهان

سەرۆكوەزیرانی كەنەدا؛ كار بۆ هەڵوەشاندنەوەی گرێبەستی چەك لەگەڵ سعودیـیە دەكەین

خەڵك – بەشی هەواڵ
سەرۆكوەزیرانی كەنەدا ڕایدەگەیەنێت، هەرچەندە كارێكی قورسە بەڵام وڵاتەكەی هەوڵ دەدات ڕێگەیەك بدۆزیتەوە بۆ هەڵوەشاندنەوەی گرێبەستێكی چەك لەگەڵ عەرەبستانی سعودیـیە.

جەستن ترودو، سەرۆكوەزیرانی كەنەدا لە چاوپـێكەوتنێكی تەلەفیزیۆنیدا لە كەناڵی CTV ڕایگەیاندووە، بەهای گرێبەستەكە 15 ملیار دۆلاری كەنەدیـیە و حكومەتی پـێشوو، كە كۆنەپارێزەكان سەرۆكایەتیان دەكرد ئەو گرێبەستەیان لەگەڵ سعودیـیەكان مۆركردووە.

ڕاشیگەیاندووە، زۆر قورسە كەنەدا بتوانێت بەبێ ئەوەی پارە بە سعودیـیەكان بدات لە گرێبەستەكە بكشێتەوە، بەپـێی گرێبەستەكە ئەگەر بێت و كەنەدا لێی بكشێتەوە، ئەوا دەبێت زیاتر لە یەك ملیار دۆلاری كەنەدی بدات بە عەرەبستانی سعودیـیە.

دەشڵێت،”گرێبەستەكە لە ساڵی 2014 وە مۆركراوە بۆ فرۆشتنی زیاتر 700 ماشێنی زرێپـۆش جۆری LAV 6 بە سعودیـیە، ئەمەش گەورەترین گرێبەستی فرۆشتنی چەكی كەنەدیـیە لە مێژوودا بڕیارە كۆمپانیای General Dynamic Land Systems بەو كارە هەستێت”.

ئاماژەی بۆ ئەوەشكردووە، هەرچەندە كارێكی قورسە، بەڵام وڵاتەكەی هەوڵ دەدات ڕێگەیەك بدۆزیتەوە بۆ هەڵوەشاندنەوەی گرێبەستێكی چەك لەگەڵ عەرەبستانی سعودیـیە.

بەردەوام بە لە خوێندنەوە

جیهان

وێنەی كاروانە تەنكەرەكان دەخاتەڕوو
“گروپە توندڕەوەكان بە چاودێری ئەمریكا نەوتی سوريا بەرەو توركيا دەبەن”

خەڵك- بەشی هەواڵ
ئاژانسی دەنگوباسی فەرمی سوریا (سانا) وێنەی كاروانێكی تەنكەر دەخاتەڕوو، كە دەڵێت لەلایەن “گروپە تیرۆرستییەكانی خۆرهەڵاتی ڕوباری فوڕات-ەوە” بەڕێخراون بەرەو توركیا و بە چاودێری ڕاستەوخۆی ئەمریكا ئەو كارە دەكرێت.

ئەمڕۆ دوو شەممە، ئاژانسی (سانا) وێنەیەكی بڵاوكردۆتەوە كە دەڵێت، لەلایەن مانگە دەستكردەكان و فڕۆكەكانی توركیاوە گیراون و تێیاندا كاروانێكی تانكەری نەوت دەركەوێت، بەپێی ئاژنسەكەش “ئەو نەوتە لەلایەن گروپە تیرۆرستییەكانی خۆرهەڵاتی ڕوباری فوڕات-ەوە بە سەرپەرشتی هاوپەیمانی نێودەوڵەتی، كە لەلایەن ئەمریكاوە سەركردایەتی دەكرێت، بەرەو سوریا بەقاچاخ دەرێت”.

ئاژانسەكەی سوریا پێیوایە، “ئەو كارە بەڕوونی پاڵپشتی هاوپەیمانییەكەی ئەمریكا بۆ گروپە تیرۆرستیییەكانی سوریا و پێشكەشكردنی یارمەتی بۆ ئەو گروپانە دەردەخات لەبەرانبەر دزینی نەوتی وڵاتەكە و داهاتەكەشی دەچێتە گیرفانی ڕێكخراوە تیرۆرستییەكان و لەپێش هەمووشیاوە، رێكخراوی داعش و هێزە ناشەرعییەكانی ناوچەكە”.

پێشتر وەزارەتی بەرگری ڕوسیا چەند جارێك ڕایگەیاندبوو، “حكومەتی توركیا بەكاربەری سەرەكی ئەو نەوتەیە، كە لەلایەن ریَِكخراوی داعشەوە لە سوریا و عیراق بە قاچاخ دەبرێت، و وێنەی ئەو تانكەرە نەوتانەشی خستبووە ڕوو، كە لە ناوچەكانی ژێر دەستی داعشەوە لە نزیك شاری ڕەقە بەرەو قوڵایی خاكی توركیا بەڕێدەخران”.

بەردەوام بە لە خوێندنەوە

جیهان

ئەردۆغان: وەڵامی ترەمپ بۆ ئۆپەراسیۆنی دژی كوردەكان ئەرێنی بووە

خەڵك- بەشی هەواڵ
سەرۆكی توركیا ڕایدەگەیەنێت، وەڵامی سەرۆكی ئەمریكا بۆ پلانی ئەنكەرە لەپێناو ئەنجامدانی ئۆپەراسیۆنی سەربازی لە دژی (یەكینەكانی پاراستنی گەل)ی كوردی، لە خۆرهەڵاتی فوڕات، ئەرێنی بووە.

ئەمڕۆ دوو شەممە، رەجەب تەیب ئەردۆغان لە وتارێكیدا ڕایگەیاندووە، “لە دوایین پەیوەندی لەگەڵ سەرۆكی ئەمریكا، بەپێویست زانرا (یەكینەكانی پاراستنی گەل) كە ئەنكەرە بە ڕێكخراوێكی تیرۆریستی دادەنێت، لە خۆرهەڵاتی فوڕات پاشەكشە بكات، لەو بارەیەوە وەڵامی ئەرێنیمان لەلایەن ترەمپ-ەوە پێگەیشت سەبارەت بە ئەنجامدانی ئۆپەراسیۆنێكی سەربازی لە خۆرهەڵاتی فوڕات، كە لە هەفتەی ڕابردووەوە ڕاگەیەندراوە”.

بە وتەی ئەردۆغان، “هێزەكانی توركیا لەهەر ساتێكدا بێت، هێرش دەكەنە سەر (یەكینەكانی پاراستنی گەل)ی كوردی لە خۆرهەڵاتی فوڕات”، بوونی شەڕڤانانی كوردیشی لەو ناوچەیە، بە “سەرچاوەی بێزاری” بۆ ئەنكەرە لە قەڵەمدا.

سەرۆكی توركیا لە وتارەكەیدا وتی، “ئەگەر یەكینەكانی پاراستنی گەل بۆخۆیان لە خۆرهەڵاتی فوڕات پاشەكشە نەكەن، ئەنكەرە ناچارییان دەكات پاشەكشە بكەن، لەبەر ئەوەی ولایەتە یەكگرتووەكانیش هاوبەشێكی ستراتیژی ئێمەیە، پێویستە پابەندبێت بەو ئەركانەی دەكەوێتە ئەستۆی”.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 84%, 32
    32 84%
    32 - 84% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 8%, 3
    3 8%
    3 - 8% هەموو دەنگەکان

کوردستان

دوایین