ئێمە لە تۆرە کۆمەڵایەتیەکان

کوردستان

هەڵوێستی پارتی لەسەر پێنەدانی وەزارەتێك بە یەكێتی ئاشكراكرا

خەڵك – بەشی هەواڵ
سەرۆكی فڕاكسیۆنی پارتی لە پەرلەمانی عیراق ڕایدەگەیەنێت، سەرۆك وەزیران خۆی كاندیدێكی سەربەخۆ و تەكنۆكراتی بۆ پۆستی وەزارەتی داد كاندیدكردووە، ڕەتیدەكاتەوە پارتی هۆكار بێت لەپێنەدانی پۆستی وەزارەتی داد بۆ یەكێتی.

ڤیان سەبری، سەرۆكی فڕاكسیۆنی پارتی لەپەرلەمانی عیراق وەڵامی قسەكانی سەعدی ئەحمەد پیرە، وتەبێژی فەرمی یەكێتی نیشتمانی كوردستان-ی دایەوە و بە (دەنگی كوردی ئەمریكا)ی ڕاگەیاندووە، عادل عەبدولمەهدی خۆی كاندیدێكی سەربەخۆ و تەكنۆكراتی بۆ پۆستی وەزارەتی داد كاندیدكردووە، ئێمەش وەك ڕێزێك و پشتیوانی بۆ حكومەتەكەی ڕێزی بۆچونەكەی دەگرین تەنانەت ڕەنگە دەنگیشی پێبدەین.

دەشڵێت: “بابەتی سەرۆك كۆمار بە تەنها پەیوەندی پارتی و یەكێتی تێكنەدا، بەڵكو یەك ڕیزی كوردی تێكدا، لەگەڵ ئەوەشدا لەهەندێك بابەتدا پارتی و یەكێتی یەكهەڵوێست بوون بەتایبەت لەسەر بابەتی دادگای پێداچونەوە و ناوچە كێشە لەسەرەكان”.

ڕاشیگەیاندووە، هۆكاری یەكلایی نەكردنەوەی وەزارەتە ماوەكانی كابینەكەی عادل عەبدولمەهدی دەگەڕێتەوە بۆ ڕێكنەكەوتنی (شیعە-شیعە) (سوننە- سوننە) هەروەها (كورد و كورد) ئێمە وەك پارتی هێندەی چارەسەركردنی كێشەكانی نێوان هەرێم و بەغداد و هێندە بەرنامەی حكومەتەكەمان پێ گرنگە، هێندە پۆستمان پێ گرنگ نیە، بۆیە وەك پشتیوانیەك لە حكومەتەكەی عادل عەبدولمەهدی پارتی ڕۆژی 24/10 ئەگەرچی كاندیدی لەناو هۆڵی پەرلەمان بۆ پۆستی وەزارەتی كۆچ و كۆچبەران ئامادەبوو، كە نەوزاد هادی بوو، بەڵام سازشی لەسەر ئەو مافەی خۆی كرد بۆ پێكهاتەی مەسیحی.

ئاشكراشی كردووە، یەكێتی پۆستی وەزارەتی داد بەمافی خۆی دەزانێت، بەڵام عادل عەبدولمەهدی كەسێكی تەكنۆكرات و بێ لایەنی بۆ ئەو پۆستە كاندید كردووە و ئێمە ڕێز لە بژاردەكەی عادل عەبدولمەهدی و كەسی تەكنۆكرات دەگرین و ڕەنگە دەنگیشی پێبدەین.

د.ڤیان سەبری لە بارەی چارەسەری كێشەكانی هەولێر و بەغدا لەسەر دەستی عادل عەبدولمەهدی ڕایگەیاندووە، هیچ شتێك لە دنیادا و لەسیاسەتدا گرەنتی نیە و سەدا سەد نیە، بەڵام وەك كەسایەتیەك دەردەكەوێت، كە كێشەكانی نێوان هەرێم و بەغداد چارەسەر بكات، هەر بۆ نمونە لەبابەتی بودجەدا هەوڵی داوە پشكی هەرێمی كوردستان لە 14% وە بكاتە لە 15%.

کوردستان

کۆمەڵی ئیسلامی: ئەوەی بۆ ئێمە گرنگە بنەبڕکردنی گەندەڵییە و دابینکردنی دادپەروەرییە نەک کەسەکان

خەڵک-

کارگێڕی ئەنجومەن سیاسی کۆمەڵی ئیسلامی ئاماژە بەوە دەکات، تا ئێستا کۆمەڵی ئیسلامیی بڕیاری بەشداریکردن یان نەکردنی لە کابینەی داھاتووی حکومەتی ھەرێم یەکلا نەکردۆتەوە و دەڵێت، کەسەکان بۆ ئێمە گرنگ نین، بەڵکو بنەبڕکردنی گەندەڵی و چەسپاندنی دادپەروەری و شەفافیەت لە بەرنامەی حکومەت لامان گرنگە.

محەممەد حەکیم، کارگێڕی ئەنجومەن سیاسی کۆمەڵی ئیسلامی لە میانی کۆڕێک بۆ ئەندامانی حزبەکەی، ڕاگەیاند: “کۆمەڵ بۆ بەشداریی لە حکومەت بنەمای خۆیی هەیە و لە دوای بەشداری لەهەڵبژاردنی ‭2005‬ تا ئێستا ڕاستەوخۆ پێش یان دوای هەڵبژاردن بڕیارمان نەداوە بەشداری حکومەت دەبین یان دەبینە ئۆپۆزسیۆن، لەبەر دەرگاش چاوەڕوانی کەسیش نەبوین بۆ بەشداری لەحکومەت ، بەڵکو چاوەروانی بەرنامەی حکومەتەکەمان کردوە، کەسەکان بۆ ئێمەگرنگ نین، بەڵکو بەرجەستەبوونی خزمەتی هاوڵاتیان و بنەبڕکردنی گەندەڵی و چەسپاندنی دادپەروەری و شەفافیەت لە بەرنامەی حکومەت لامان گرنگە، گرنگ ئەوە نییە پێکھاتەی حکومەت کێیە، گرنگ ئەوەیە خەڵکی کوردستان جیاوازی و گۆڕانکاری ببینێت، دەبێت خێرو بێر و نەوتی کوردستان بۆ خەڵکی کوردستان بێت.”

ئەوەشی ڕاگەیاند: “ئێمە ڕێڕەوی خۆمان هەیە بۆ کاری ئۆپۆزسیۆنی، دەبێت پێکهێنەرانی حکومەتیش خۆ لە دروستکردنی حکومەت لەسەر بنەمای غرور و پەرچەکردار بپارێزن.”

بەردەوام بە لە خوێندنەوە

کوردستان

کەرکوک.. لە زەوییەکی کشتوکاڵیدا دەیان بۆمبی بەرمیلی دۆزرانەوە

خەڵک-

ناوەندی ڕاگەیاندنی ئەمنی لە پارێزگای کەرکوک، لە ڕاگەیەنراوێکیدا ئاماژە بەوە دەکات، لە زەوییەکی کشتوکاڵیی کەرکوک دەیان بۆمبی بەرمیلیی چێنراویان دۆزیوەتەوە.

عەمید یەحیا رەسوڵ، وتەبێژی ناوەندی ڕاگەیاندنی ئەمنی لە کەرکوک ڕایگەیاند: پشتبەستوو بە ڕاپۆرتە ھەواڵگرییەکانی پۆلیسی فیدراڵی، چوونەتە سەر زەوییەکی کشتوکاڵی لە گوندی ئەلبومحەممەدی رۆژئاوای کەرکوک و 52 بۆمبی چێنراوی بەرمیلییان تیا دۆزیوەتەوە.

ئەوەشی ڕاگەیاند، 26 دانە لەو بۆمبانە ھەڵگیراونەتەوە و ئەوانی دیکە لە شوێنی خۆیان تەقێنراونەتەوە.

عەمید یەحیا ئاماژەی بەوە نەکردووە، ئەو بۆمبانە پاشماوەی داعشن لەو ناوچەیە یان بە تازەیی لەو شوێنە لە چاڵ نراون.

 

بەردەوام بە لە خوێندنەوە

کوردستان

سەرکردەیەکی دیاری ھەدەپە مانگرتنی لە خواردن ڕاگەیاند

خەڵک-
گوڵتان کشاناک هاوسەرۆکی شارەوانیی گەورە شاری ئامەد، لە دژی گۆشەگیریی سەر عەبدوڵا ئۆجالان ڕێبەری زیندانیکراوی پەکەکە و بۆ پشتیوانی لەیلا گوڤەن هاوسەرۆکی کۆنگرەی جڤاکی دیموکراتیک (کەجەدە) و پەرلەمانتاری جۆلەمێرگی هەدەپە، لە زینداندا مانگرتنی لە خواردن ڕاگەیاند.

گوڵتان کشاناک ڕایگەیاند: بۆ کۆتایهاتن بە گۆشەگیریی سەر بەڕێز ئۆجالان منیش لە ئەمڕۆ بە دواوە دەست بە چالاکیی مانگرتنی خولیی دەکەم، پشتیوانی لە چالاکیی مانگرتنی لەیلا گوڤەنی پەرلەمانتارمان دەکەم، کە بۆ هەمان ئامانج دەستی بە چالاکیی مانگرتن لە خواردن کردووە، بۆ ئەوەی ئەنجام بەدەست بهێنرێت.

ئەوەشی ڕاگەیاند: پێش ئەوەی تورکیا بکەوێتە ناو شەڕی جیهانیی سێیەمەوە، کە ئیمپریالیزم لە ڕۆژهەڵاتی ناوەڕاستدا دەستیپێدەکات، پێویستمان بە دەنگێکی ئاشتی هەیە، بۆ ئەوەی دەنگی بەرپرسیارییەتی و ئاشتی و دیالۆگ ببیسترێت، پێویستە گۆشەگیریی سەر ئیمراڵی بە خێرایی کۆتایی پێبهێنرێت، نابێت ئێمە رێگا بدەین شەڕ، کوشتن و زوڵم کۆتایی بە دەنگی ئاشتی بهێنێت، من بڕوام بەوە هەیە، کە ئێمە سەردەکەوین.

لە ماوەی ١٠ رۆژی ڕابردوودا بە بەھانەی ھاندانیان لە لایەن پەکەکەوە، ھێزە ئەمنییەکانی تورکیا نزیک بە ٢٠٠ ئافرەتی سەر بە ھەدەپەی دەستگیر کردووە، کە بۆ پشتیوانی کردن لە لەیلا گوڤەن، مانگرتنیان لە خواردن ڕاگەیاندووە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 85%, 33
    33 85%
    33 - 85% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 8%, 3
    3 8%
    3 - 8% هەموو دەنگەکان

کوردستان

دوایین