ئێمە لە تۆرە کۆمەڵایەتیەکان

کوردستان

“حكومەتی هەرێم لە بنكە قەیرانەوە بۆ حكومەتێكی سەرفراوان”

خەڵك – بەشی هەواڵ
سەرۆكی پێشووی فراكسیۆنی یەكگرتوو لە پەرلەمانی كوردستان ڕایدەگەیەنێت، لە هەرێمێكی كەمتر لە 6 ملیۆن هاوڵاتی كەی پێویست دەكات دوو جێگر بۆ سەرۆكی حكومەت هەبێت، دەشپرسێت: “كەی پێویست دەكات سەرۆكی هەرێم جێگری هەبێت، كابینەش لە 22 وەزارەت پێكبێت؟”.

بەهزاد زێباری، سەرۆكی پێشووی فراكسیۆنی یەكگرتوو لە پەرلەمانی كوردستان لە هەژماری خۆی ڕایگەیاندووە، لە حكومەتی بنكە قەیرانەوە بۆ حكومەتێكی سەرفراوان، هەرێمێكی كەمتر لە 6 ملیۆن هاوڵاتی كەی پێویست دەكات دوو جێگر بۆ سەرۆكی حكومەت هەبێت، یان سەرۆكی هەرێم جێگری هەبێت، كابینەش لە 22 وەزارەت پێكبێت.

دەشڵێت: “دەبوو ئێستا لایەنەكانی دەسەڵات سەرقاڵی كەمكردنەوەی حكومەت و دامودەزگاكان بن نەك سەرقاڵی شەڕە پۆست و داتاشینی پۆست بۆ ڕازیكردنی لایەنەكان”.

ڕاشیگەیاندووە، لە وڵاتانی پێشكەوتو و سەردەمی تەكنولۆژیا حكومەتی ترشیق و حكومڕانی ڕەشید دێنەكایەوە بۆ ئەوەی زورترین خزمەت بە هاوڵاتیان بگەیەنن، نەك وەك ئەوەی ئێستا هەرێمی كوردستان بەدی دەكرێت، كە بەرەو حكومەتەكی سەرفراوان ببرێت لە كاتێكدا كابینەی نۆ لە ناو قیراندا لە دایك دەبێت، حكومەت زیاتر لە ۱٤ ترلیۆن دینار قەرزاری مووچەخۆرانە.

ئاماژەی بۆ ئەوەشكردووە، لە ئێستادا هەرێم پێویستی بە حكومەتێكی تەكنۆكراتە، دور لە پشكی حزبی، سەرۆكی حكومەتیش تەنیا یەك جێگری هەبێت، كابینەی وەزاری كەمبكرێتەوە بو ۱۲ وەزارەت و چەند دەستەیەكی دیاریكراو و زۆر پێویست.

ڕاشیگەیاندووە، پێویستە حكومەتی داهاتوو بەرنامەیەكی ڕوون و ئاشكرای بۆ چوار ساڵ هەبێت، بۆ چارەسەری قەیرانەكان و نەهێشتنی سیستەمی پاشەكەوتكردنی مووچە و پێَشكردنی خزمەتگوزاریەكان، نەهێشتنی دەستتێوەردانی حزبی لە دامودەزگاكان.

کوردستان

وتەبێژی پارتی، زانیاری نوێ لەسەر ڕێككەوتنیان لەگەڵ یەكێتی ئاشكرا دەكات

خەڵك-بەشی هەواڵ

وتەبێژی پارتی دیموكراتی كوردستان ڕایدەگەیەنێت، كەركوك بە تەنیا موڵكی لایەنێك نییە، بەڵكو موڵكی هەموو لایەنەكان و خەڵكی كوردستانە.

مەحمود محەممەد وتەبێژی پارتی دیموكراتی كوردستان بە میدیای فەڕمی حزبەكەی ڕاگەیاند، لە كۆبوونەوەكانمان لەگەڵ یەكێتی جەختمان لە یەكێتی خاكی نیشتمان و حوكمڕانی سەرتاسەری و سەقامگیری كردووەتەوە.

وتیشی”لە سەرجەم خاڵەكانی ڕێككەوتنمان لەگەڵ یەكێتی هاوهەڵوێست بووین، بەڵام لە كەركوك خاڵی جیاوازمان هەبووە”.

ڕوونیشكردەوە، ئێمە پێمانوابوو كەركوك و ناوچەكانی ماددەی 140 ئاسایی بكرێنەوە و رێككەوتنێك لەگەڵ حكومەتی عیراق بكەین، دواتر پارێزگار هەڵبژێرین، بەڵام یەكێتی زیاتر ئەولەویەتی ئیشەكانیان ئەوە بوو پارێزگارێك دابنرێت بۆ كەركوك و دواتر ناوچەكە و پارێزگاكە و كارەكانی ئاسایی بكرێنەوە و قۆناغێكی نوێ دەست پێبكرێت.

ئاماژەی بۆ ئەوەش كرد، كەركوك بە تەنیا موڵكی لایەنێك نییە، بەڵكو موڵكی هەموو لایەنەكان و خەڵكی كوردستانە و ئەندامانی پارتیش بۆ كۆبوونەوەی ئەنجومەنی پارێزگا لە 18ی شوبات 12 واژوویان كۆكردەوە، بەڵام برادەرانی یەكێتی تەنیا دوو واژووشیان نەهێنا بۆ ئەوەی ئەنجوومەنی پارێزگا كە لە پشوودا بوو بتوانێت كۆبوونەوە بكات.

بەردەوام بە لە خوێندنەوە

کوردستان

زەوی بەسەر وارسی شەهیدان و مامۆستایاندا دابەش دەكرێت

خەڵك- بەشی هەواڵ
شارەوانی هەڵەبجە دەست دەكات بەدابەشكردنی زەوی بەسەر وارسی شەهیدان و كیمیاباران و ژمارەیەكی زۆر لەمامۆستایاندا كە فەرمانی وەرگرتنی زەوییان هەیە.

ئەمڕۆ شەممە، كوێستان ئەكرەم سەرۆكی شارەوانی پارێزگەی هەڵەبجە لەكۆنفرانسێكی رۆژنامەوانیدا لەگەڵ نوێنەری یەكێتیی مامۆستایان ڕایگەیاند:” بۆ دابەشكردنی زەوی بەسەر وارسی ئەهشدان و كیمیاباران و مامۆستایان و فەرمانبەران، چاوەڕێی دانانی نەخشەی بنەڕەتی و یەكلاكردنەوەی ئەو زەویانەن كە بڕیارە بدرێنە شارەوانی”.

بە وتەی كوێستان ئەكرەم:” 900 پارچە زەوی ئیفرازكراویان هەیەو لەهەفتەی داهاتووەوە دەستدەكەن بەدابەشكردنی و سەرەتاش لەوارسی شەهیدان و كیمیابارانكراوانەوە دەستپپێدەكات، دواتریش ئەو فەرمانبەر و مامۆستایانەی فەرمانی وەرگرتنی زەوییان هەیە”.

سەرۆكی شارەوانی پارێزگەی هەڵەبجە دەڵێت:”چاوەڕی دەزگای شەهیدان دەكەن بۆ ڕەوانەكردنی لیستی وارسی شەهیدان كە مافی خۆیانە زەویان پێبدرێت، هەروەها جگە لەوارسی شەهیدان و كیمیاباران، زەوی بەسەر وارسی شەهیدانی لایەنە سیاسیەكانیشدا دابەشدەكەن”.

هەرۆ لە كۆنفرانسە ڕۆژتامەوانییەكەدا، نوێنەری یەكێتی مامۆستایان ڕایگەیاند:”پارێزگەی هەڵەبجەو شارەوانی زۆر هاوكارییان كردوون بۆ دابینكردنی پارچە زەوی بۆ مامۆستایان، ئەو مامۆستایانەشی زەوییان پێدەدرێت ژمارەیان 280 مامۆستایە، و لەساڵی 2005ەوە كە دەكاتە 14 ساڵ، فەرمانی وەگرتنی زەوییان هەیە و مافی خۆیانە زەوییەكانیان وەربگرن”.

بەردەوام بە لە خوێندنەوە

کوردستان

وتەبێژی پۆلیسی هەولێر باسی دەكات
(خەڵك) وردەكاری نوێ‌ لەبارەی كوژرانی هاوڵاتییە عەرەبەكەی شەقڵاوە ئاشكرا دەكات

خەڵك- بەشی هەواڵ
وتەبێژی پۆلیسی هەولێر وردەكاریی نوێ‌ لەبارەی كوژرانی هاوڵاتییە عەرەبەكەی شارۆچكەی شەقڵاوە، ئاشكرا دەكات.

ئەمڕۆ شەممە، هۆگر عەزیز وتەبێژی پۆلیسی هەولێر، لە لێدوانێكی تایبەت بە (خەڵك) ڕایگەیاند:”هاوڵاتییەكی عەرەبی دانیشتووی شەقڵاوە بە ناوی (م.خ.أ) كە لە دایكبووی 1980ی پارێزگەی ئەنبارە، لە ڕۆژی 17ی ئەم مانگەوە بزربووە، تا ئەوەبوو دوێنێ‌ هەینی تەرمەرمەكەی لە یەكێك لە مۆتێلەكانی شەقڵاوە دۆزرایەوە”.

بە وتەی هۆگر عەزیز”كەسێك كە پاسەوانی مۆتێلەكەیە، دیارنەماوە و دانیشتووی شاری موسڵە، دیارە دەستی لە تاوانەكەدا هەیە، بۆیە لەئێستادا ئەوان دەستییان بە لێكۆڵینەوە كردووە و كار بۆ دۆزینەوەی سەرەداوی تاوانەكە دەكەن”.

بەپێی زانیارییەكانی پۆلیسی پارێزگەی هەولێر، قوربانییەكە ئۆتۆمبێلەكەی دیارنەماوە و پێدەچێت تاوانبارەكە بۆ دزینی ئۆتۆمبێلەكەی تاوانەكەی كردبێت، بۆیە كار بۆ دۆزینەوەی شوێنی ئۆتۆمبێلەكە دەكرێت تا لێوەی تاوانبارەكە دەستگیربكرێت.

لە زۆربەی پارێزگەكانی عیراق بە پارێزگەكانی هەرێمی كوردستانیش، ناوبەناو كاریی كوشتن و ڕفاندن و دزینی ئۆتۆمبێل و پارە لەلایەن باندە نەناسراوەكانەوە ئەنجام دەدرێن، لە هەمان كاتدا هێزەكانی ئاسایش و پۆلیسیش ئاماژە بە چڕكردنەوەی هەوڵەكانیان دەكەن بۆ دەستگیركردنی زۆرێك لەو باندە تاوانكارانە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان