ئێمە لە تۆرە کۆمەڵایەتیەکان

ئابوری

گەشتی فڕۆكەوانی ڕاستەوخۆ لەنێوان عیراق و هندستان دەستپێدەكات

خەڵك- بەشی هەواڵ
وەزیری گواستنەوەی عیراق لەگەڵ باڵیۆزی هندستان كۆدەبێتەوە و ڕایدەگەیەنێت، كە بەم زووانە گەشتی ڕاستەوخۆ لەنێوان فڕۆكەخانەكانی عیراق و ئەو وڵاتە دەستپێدەكات.

بەپێی بەیاننامەیەك، كە وەزارەتی گواستنەوەی عیراق بڵاویكردۆتەوە، عەبدوڵا لعێبی، وەزیری گواستنەوە پێشوازی كردوە لە برادیب ڕاجبورو هیب، باڵیۆزی هندستان لە عیراق و وەفدی یاوەری و لە دیدارەكەدا گفتوگۆ كراوە سەبارەت بە دەستپێكردنی گەشتی فڕۆكەوانی نێوان هەردوو وڵات بەمەبەستی فراوانكردنی هەماهەنگی داهاتووی كەرتی گواستنەوە.

وەزیری گواستنەوە ڕایگەیاندووە، كە وڵاتی هندستان بە چوارەم دەوڵەتی ئابوری لە جیهاندا دادەنرێت و وتیشی، “كردنەوەی هێڵی فڕۆكەوانی نوێ‌ دەبێتە هاندەرێك بۆ گەشتیاران و زیارەتكاران و كەرتی گەشتیاری و ئایینی دەبوژێنێتەوە”.

لعێبی ئاماژەی بە گرنگی هندستان و چڕی دانیشتوانەكەی كردووە و وتویەتی، “ژمارەیەكی زۆری موسڵمانانی هندستان سەردانی ناوچە پیرۆزەكانی عیراق دەكەن و بەم زووانەش هێڵی ئاسمانی نێوان هەردوو وڵات دەكرێتەوە”.

ئابوری

ئەمڕۆ مووچەی ئەم شوێنانە دابەش دەكرێت

خەڵك- بەشی هەواڵ

بەپێی خشتەیەك كە لە وەزارەتی دارایی و ئابورییەوە بەشێوەیەكی فەڕمی بڵاوكراوەتەوە، ئەمڕۆ مووچەی مانگی تەمموزی چەند وەزارەت و دەزگا و بەڕێوەبەرایەتییەك دابەش دەكرێت.

بەپێی خشتەكە ئەمڕۆ مووچەی هەریەك لە وەزارەتی داد، وەزارەتی سامانە سروشتییەكان، وەزارەتی ئەوقاف، وەزارەتی خوێندنی باڵا، وەزارەتی ناوخۆ، بەڕێوبەرایەتی گشتی ڕەگەزنامە، لیوای نەوت و گاز، هێزەكانی زێرەڤانی، پۆلیسی بەرگری و فریاكەوتن، دەزگای ئاسایش، ئەنجومەنی ئاسایش دابەش دەكرێت.

دابەشكردنی مووچەی ئەو شوێنانە دوای ئەوەدێت، كە چارەنوسی سێ‌ مووچەی ئەمساڵ بە نادیاری ماوەتەوە و نازانرێت دابەشكردنی مووچە لە ساڵی داهاتوودا بەردەوام دەبێت یان پاشەكەوتی مووچە دەستپێدەكاتەوە.

بەردەوام بە لە خوێندنەوە

ئابوری

حكومەت بۆ وەرگرتنی پارە لەسەر بەستنی پێوەر و نرخی كارەبا بڕیارێكی ئاشكراكرد

خەڵك- بەشی هەواڵ

وەزیری كارەبای حكومەتی هەرێمی كوردستان سەبارەت بە نرخی بەستنی پێوەری زیرەك و پارەی كارەبا دڵنیایی دەداتە هاووڵاتیان و دەڵێت: “دەتوانرێت 20 كاتژمێر كارەبا بدرێتە هاووڵاتیان”.

كەمال محەمەد ساڵح، وەزیری كارەبای حكومەتی هەرێمی كوردستان بە میدیای پارتی ڕاگەیاندووە، دانانی پێوەری زیرەك بێ بەرامبەر دەبێت و نرخی كارەباش زیاد ناكرێت.

وتیشی، “دانانی پێوەری زیرەك بۆ 1 ملیۆن و 562 هەزار و 515 هاوبەشی كارەبا كارێكی ئاسان نییە، لەگەڵ ئەوەشدا لەسەر ئەو پڕۆژەیە زۆر جدیین و جێبەجێی دەكەین”.

ڕاشیگەیاند، “ئێستا 3 هەزار و 400 مێگاوات كارەبا بەرهەمدەهێنرێت و خواست لەسەر كارەبا بۆ 4 هەزار مێگاوات بەرزبۆتەوە، بۆیە بەو بڕە كارەبایە بەتێكڕا دەتوانرێت 20 كاتژمێر كارەبا بدرێت بە هاوبەشانی كارەبا”.

وەزیری كارەبا دەشڵێت: “350 مێگاوات كارەبا دەدرێتە مووسڵ، بۆ كەركوك-یش 100 مێگاوات، بۆ كارگەكانیش 350 مێگاوات كارەبا دابین كراوە”.

بەردەوام بە لە خوێندنەوە

ئابوری

بە وێنە؛ پێگەیشتنی هەنار لە دەڤەری باڵەكایەتی

خەڵك-
لەگەڵ هاتنی وەرزی پاییز بەروبوومی هەنار پێدەگات، كە میوەیەكە چەندین سوودی پزیشكی و بەهای خۆراكی هەیە و هاووڵاتیانیش بە تامەزرۆییەوە دەیكڕن.

بەهۆی زۆری بەرهەمی ناوخۆییەوە وەزارەتی كشتوكاڵی هەرێم بڕیاریداوە هاوردەكردنی ئەو میوەیە لە دەرەوە ڕابگرێت تاوەكو بەرهەمی جوتیاران بفرۆشرێت و ڕەنجیان بەفیڕۆ نەچێت و داهاتێكی باشیان دەست بكەوێت.

بەپێی بەدواداچوونی (خەڵك) لە ئێستادا لە بازاڕەكانی هەرێم كیلۆیەك هەنار بەپێی جوانی و خۆشی تامەكەی لەنێوان 500 دینار تا 1500 دیناردایە.

وێنەكان: شارەدێی قەسرێ لە شارۆچكەی چۆمان

بەردەوام بە لە خوێندنەوە

کوردستان