ئێمە لە تۆرە کۆمەڵایەتیەکان

ژینگە

ئامادەكاری بۆ ڕوودانی لافاو لە سلێمانی ڕاگەیەنرا

خەڵك – بەشی هەواڵ
بەڕێوەبەرایەتی بەرگری شارستانی پارێزگای سلێمانی ڕایدگەیەنێت، بۆ خۆپاراستن لە ڕووداوی لافاو و كارەساتە سروشتیەكان پێویستی بە هەندێك ئامادەسازی هەیە، دەشڵێت: “بە هەمەهەنگی لەگەڵ بەڕێوبەرایەتی شارەوانی سلێمانی ئۆتۆمبێل و چەند تیمێكی تایبەت بەم حاڵەتە لە ئامادەباشیدان”.

بەڕێوەبەرایەتی بەرگری شارستانی پارێزگای سلێمانی لە ڕاگەیەنداوێكدا، كە وێنەیەكی دەست (خەڵك) كەوتووە ڕایگەیاندووە، هـاوڵاتیانی خۆشەویست پێویستە لە وەرزی زستـــاندا ئامادەكاریەكی تەواو بكەین بۆ هەر ئەگەرێكی بارانبارین و ڕووداوی لافاو، خۆپاراستن لەم كارەساتە پێویستی بە هەندێك ئامادەسازی هەیە، كە هەندێكی ئەكەوێتە سەرشانی خۆمان و هەندێكیش ئەركی حكومەت و دەزگا پەیوەندیدارەكانە.

چــــــــۆن خۆمـــــــان لە لافـــــاو بپــــــارێـــزین؟
1. پێوستە هەموو ماڵێك بۆری ئاوەڕۆی موڕەجەعی بۆ دابنێت لە دەرەوەی ماڵی خۆی ،تا لە كاتی پڕبـوونی مەنهۆڵی گەڕەكدا ڵ نەگەڕێتەوە ناو خانوەكەی.

2. ئەو ماڵانەی گەراجی دفن یا نهۆمێكی خانوەكەیان چاڵە لە ئاستی جادەوە پێویستە حەوزێكی مەتر موكەعەب دروست بكات و موزەخەی تایبەتی ئاو سەحب كردن دابنێت لە ناوی دا بە حەرەسی زیرەكەوە، هەركات ئاو هاتە ژوورێ ئۆتۆماتیكی خۆی بكەوێتە كار نەهێڵێت ئاو گـــل بێتەوە.

3. پاكردنەوەی مەنهۆڵی ناو ماڵ لە زیخ و بەرد قوڕ و پیسی، هەروەها لابردنی سەر گونجەكان لە سەربان و حەوشە تاكو ئاو بە ڕێژەیەكی زیاتر بڕوات.

4. پاككردنەوەی سەربان و حەوشە لە گەڵا و عەلاگە و مەقابا تا لە كاتی باران بارین دا نەچنە بەردەم مەنهۆڵ و گونجەكان.

5. ئەو ماڵانەی لە گەڕەكی لاوەكی دان و ئاوی شەقامێكی سەرەكی دێتەوە سەری، پێویستە ڕێڕەوی ئاوەكە بگۆڕن بۆجێگەیەكی گونجاوتر لە ڕێگەی فـــەردە لــــم، وەیان تاسە دانان بە كۆنكرێت ئاستی بەرزی و نزمی تاسەكە لە ژێر چاودێری یاساكانی هاتووچۆدا .

6. كوژانەوەی سەرچاوەی كارەبا لەو جێگەیەی ئاوی تێدا كۆبۆتەوە و ئەندامانی خێزانەكە قاچیان لە ناویدایە و خەریكی دەرهێنانی ئاوەكەن،،چونكە مەترسیدارترین ڕووداو ئەوەیە ئاو بگاتە ئاستی سویچ پلاك كارەبا بچێتە سەر ئاوەكە.

7. ئەو ماڵانەی ساڵانە دووچاری هاتنە ژوورەوەی لافاو دەبن و هیچ ئامادە سازیەكیشیان لەم ڕێنماییانە نەكردووە بۆ خۆپاراستن،،پێویستە كەلوپەلی كارەبای و بەنرخ ئاڵتون و پارە لە جێگەی نزمدا دانەنێن ،،تاكو ڕووداوەكەش ڕوویدا زەرەروو زیان كەمتر بێت.

8. ئەوەش بزانە هاوڵاتی خۆشەویست سەلامەتی خۆت و ماڵ و مناڵ و ئەندامانی خێزانت لە پێش هەموو شتێكەوەیە گەر هیچت پێ نەكرا باشترین شت ئەوەیە بێیتە دەرەوە بچیتە جێگەیەكی سەلامەت.

9. ئەو ماڵانەی سەربــانیان گـــــڵ و دارە پێویستە بە زووترین كات بێنە دەرەوە و نەمێنەوە لە ژێریــا،چونكە مەترسی تەپیــــن و ڕووخانی هەیە.

ئەو ئەركانەی لە سەر شانی حوكمەت و دەزگا پەیوەندیدارەكانە:
1. ساڵانە مەنهۆڵی گەڕەكەكان لە ڕێگەی لایەنی پەیوەندی دارەوە پاك بكرێتەوە،چونكە زۆربەی مەنهۆڵەكانی شار لـم وقـوڕ ولیتە پــڕی كردۆتەوە و گیراوە و زۆربەیان سەرە مەنهۆڵەكەش دیارنەماوە و بووە بە جادە.

2. پێویستە بەردەوام پەیوەنیان لەگەڵ كەشناسی داهەبێت و پێشوەخت هاوڵاتیان ئاگاداربكەنەوە لە ئەگەری ڕوودانێكی لافاو.

ژینگە

شەپۆلێكی گەرما هەرێمی كوردستان و عیراق دەگرێتەوە

خەڵك- بەشی هەواڵ
بەپێی پێشبینییە كەشناسییەكان لە ڕۆژی هەینییەوە و بەتایبەتیش لە هەفتەی داهاتوودا شەپۆلێكی گەرما ناوچەكانی هەرێمی كوردستان و عیراق دەگرێتەوە.

سادق عەتیە، پسپۆڕی كەشناسی عیراقی لە هەژماری خۆی لە فەیسبووك لە ڕوونكردنەوەیەكدا بەپێی نەخشەی مانگە دەستكردەكان ئاماژەی بەوەكردووە، لە ڕۆژی هەینی-یەوە و لە ڕۆژانی هەفتەی داهاتووشدا شەپۆلێكی گەرمای بەهێز ناوچەكانی باشوور و ناوەڕاست و ڕۆژئاوای وڵات و هەروەها هەرێمی كوردستان دەگرێتەوە.

ڕاشیگەیاندووە، شەپۆلی گەرماكە بەزۆری لەكاتەكانی ڕۆژدا دەبێت و لەكاتەكانی شەودا كەشوهەوا ئاسایی دەبێتەوە.

هاوكات، ماڵپەڕی ئەكواوێزەر، كە ماڵپەڕێكی ئەمریكی تایبەت بە كەشوهەوایە بڵاویكردۆتەوە، شەپۆلێكی گەرمای بەهێز لە ڕۆژی ٢٥ی ئەم مانگەوە هەرێمی كوردستان دەگرێتەوە و پلەكانی گەرما بۆ سەر و ٣٦ پلە بەرزدەبنەوە.

هەر بەپێی ڕاپۆرتی ماڵپەڕەكە، “ئەو شەپۆلی گەرمایە دەگاتە ٤٠ پلە لە هەرێمی كوردستان و تا ڕۆژی ٣٠ ئەم مانگە بەردەوام دەبێت دواتر جارێكی دیكە پلەكانی گەرما دادەبەزنەوە و كەشوهەوا ئاسایی دەبێتەوە”.

بەردەوام بە لە خوێندنەوە

ژینگە

بوومەلەرزە ناوچەیەكی هەرێمی كوردستانی هەژاند

خەڵك- بەشی هەواڵ
كەشناسی و بوومەلەرزەزانی هەرێم ئاشكرای دەكات، كە بوومەلەرزەیەك لە شارۆچكەی پێنجوێن ڕوویداوە و لە ناوچەكە هەستی پێكراوە.

بەڕێوەبەرایەتی گشتی كەشناسی و بوومەلەرزەزانی هەرێم لە ڕاگەیەندراوێكدا ئاماژەی بەوەكردووە، ئەمڕۆ پێنج شەممە لە كاتژمێر 6:29 خولەكی بەیانی بەكاتی هەولێر بوومەلەرزەیەك بە گوڕی 3.6 پلە بە پێوەری ڕێختەر و لە قوڵایی 10 كیلۆمەتر لە پێنجوێن ڕوویدا.

ڕاشیگەیاندووە، كە لە ناوچەكە بوومەلەرزەكە هەستی پێكراوە.

بەردەوام بە لە خوێندنەوە

ئابوری

قەرەبووی زیانلێكەوتووانی دوكان و دەربەندیخان دەكرێتەوە

خەڵك-بەش هەواڵ

قائیمقامی دوكان ڕایدەگەیەنێت، بڕیارە حكومەتی عیراق قەرەبووی زیانلێكەوتوانی لافاوەكەی دوكان و دەربەندیخان بكاتەوە.

بەهۆی بارانێكی زۆرەوە، ئەمساڵ لافاوێكی زۆر لە هەرێمی كوردستان دروست بوو، بەهۆیەوە زیانێكی زۆر بەر بازرگان و شوێنە گەشتیارییەكان كەوت و بەپێی زانیارییەكانیش حكومەتی هەرێم هیچ بڕیارێكی نەداوە بۆ قەرەبووكردنەوەیان.
بەپێی زانیارییەكانی گەیشتوو بە (خەڵك) چەند لیژنەیەك بۆ دەستكەوتی ئاماری زیانەكان لە قەزای دوكان دیاریكراوە، بەڵام بەهۆی زۆری لافاوەوە چەند ڕۆژێكە دەستیان بەكارەكانیان كردووە.

لای خۆشییەوە سیروان سەرحەد قائیمقامی قەزای دوكان بە (خەڵك)ی ڕاگەیاند، هیچ بڕیارێك لەلایەن حكومەتی هەرێمەوە نەدراوە بۆ قەرەبووكردنەوەی زیانلێكەوتوانی لافاوەكە.

وتیشی”ژمارەیەك لە ئەندام پەڕلەمانەكانی هەرێمی كوردستان لە بەغدا پێیان ڕاگەیاندووین، پڕۆژەیەكیان جێگیر كردووە و بۆ قەرەبووكردنەوەی ئەو كەسانەی زیانیان بەركەوتووە لە قەزای دوكان و قەزای دەربەندیخان”.

بەردەوام بە لە خوێندنەوە

کوردستان