ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

کیا نەوەیەکی تەواو نوێی لە SOUL  ڕاگەیاند

خەڵک-

کۆمپانیای کیای کۆریا، لە پێشانگای لۆس ئەنجیلێسی نێودەوڵەتی نەوەیەکی نوێی لە ئۆتۆمبێلی کرۆس ئۆڤەری خۆی (سۆڵ) ڕاگەیاند و دواتریش وردەکارییەکی ئەو ئۆتۆمبێلەی ئاشکرا کرد.

وەک ئەوەی کۆمپانیاکە ڕایگەیاندووە، کیا سۆڵی نوێ بە سێ ئاست و جۆر بەردەست دەخرێت:

یەکەم/ تەواو کارەبایی: کیا سۆڵی کارەبایی باترییەکی بە ھێزی 64 کیلۆوات/کاتژمێری دەخرێتە سەر، کە دەتوانێت لە ڕێگەی بزوێنەرێکی کارەبایی نوێوە ھێزی 204 HP بۆ ئۆتۆمبێلەکە دابین بکات و تەنھا لە ئەوروپا بەردەست دەبێت.

دووەم/ ئاسایی: کیا سۆڵی ناوەندی یان ئاسایی، بە بزوێنەرێکی بەنزینی 4 پستۆنی قەبارە 2.0 بەردەست دەخرێت، ئەم بزوێنەرە ھێزی 147 HP ھەیە و بەستراوەتەوە بە گێربۆکسێکی ئۆتۆماتیکیی جۆری CVT ــەوە.

سێیەم/ وەرزشی یان جی تی: کیا سۆڵ جی تی بە بزوێنەرێکی بەنزینی قەبارە 1.6 توربۆ بەردەست دەخرێت، ئەم بزوێنەرەش ھێزی 201 HP بۆ ئۆتۆمبێلەکە دابیندەکات و بەستراوەتەوە بە گێربۆکسێکی ٧ نمرەیی دەبڵ کلاجەوە.

لە رووی دیزاینی دەرەوە، دیزاینی ھەریەک لەو جۆرانە جیاوازن، ھەر بە تەماشای یەکەمی جۆری یەکەم دەناسرێتەوە کە ئۆتۆمبێلێکی کارەباییە، بەوەی گۆشەکانی نەرم و گریڵ (عەتەر) ـی نییە.

جۆری دووەمیان ئۆتۆمبێلێکی ئاسایی بەڵام گەنجانە و کەشخە بەرچاو دەخات، جۆری سێیەمیش بە پێشێکی ھێرشبەرانە و گۆشەکانی ئۆتۆمبێلەکە، ھێمای ئۆتۆمبێلێکی پڕ جوڵە و بەھێز دەبەخشێت.

دیزاینی ناوەوەشیان بە شێوەیەکی نزیکەیی یەک شتن، تەنھا گۆڕانکاریی کەم نەبێت لە پێداویستییەکانی ھەرجۆرێکیان، لەگەڵ بوونی شاشەیەکی 10.2 ئینچی و 10 بڵندگۆ کە لە لایەن کۆمپانیای ھارمان کاردۆنەوە دیزاین کراون، لە ھەر سێ جۆرەکە.

کیا ئەوەشی ئاشکرا کردووە، لە بەھاری داھاتوو ئۆتۆمبێلەکە دەگەیەنن بە بازاڕەکانی جیھان لە نێویاندا رۆژھەڵاتی ناوین، بەڵام ھیچ زانیارییەکی لەبارەی نرخەوە بڵاو نەکردۆتەوە.

 

ئۆتۆمبێل و تەکنەلۆژیا

Weather Now: یەکێک لە باشترین و بەهێزترین ئەپەکانی زانینی کەش و هەوا

خەڵک

ئەپی Weather Now یەکێکە لە ئەپە نایابەکان بۆ زانینی کەش و هەوا بەشێوازێکی سێ دووری بۆ سیستەمەکانی ئەندرۆید و ئای ئۆ ئێس، ئەپە وێنەی وێنەی زەوی و ئەستێرەکان و مانگت پیشان دەدات بە کوالێتییەکی بەرزەوە کە لە شێوازێکی زۆری ڕاستی بچێت.

ئەپەکە بەشێوازێکی ورد و بۆماوەی ١٤ ڕۆژی داهاتوو پێشبینی کەش و هەوات پێدەڵێت جگە لەوەی بەشێوازی وردتر و لە کاتژمێرەکانی ڕۆژدا وردی و تایبەتمەندییەکانی کەش و هەوات پێدەڵێت.

چەند تایبەتمەندییەکی ئەپەکە:
زانینی کەش و هەوا بە زۆرترین وردەکارییەوە.
زانینی ئاڕاستەی با.
زانینی ڕادەی شێ
زانینی مەودای بینین.
زانینی ئەگەری باران بارین.
جۆری هەوا.
دەست نیشان کردنی هەڵهاتنی خۆر و ئاوابوونی.

بۆ داگرتنی ئەپەکە بۆ سیستەمی ئەندرۆید کلیک لێرە بکە.
بۆ داگرتنی ئەپەکە بۆ سیستەمی ئای ئۆ ئێس کلیک لێرە بکە.

بەردەوام بە لە خوێندنەوە

ئۆتۆمبێل و تەکنەلۆژیا

Offliner: ئەپێکی سەرنجڕاکێش بۆ پاشەکەوتکردنی پەڕە و ناوەڕۆکی تۆڕەکۆمەڵایەتییەکان

خەڵک

ئەپی Offliner ئەپێکی بەسوود و نایابی کۆگای گوگڵ پلەیە و بۆ سیستەمی ئەندرۆید بەردەستە، کاری ئەم بەرنامەیە بریتییە لە پاشاکەوتنی پەڕگەکانی ئینتەرنێت و ڕێپێدانت بۆ خوێندنەوەیان لە دواتردا و بێ ئینتەرنێت.

تایبەتمەندییەکانی بەرنامەکە بریتییە لەمانەی خوارەوە:
پاشاکەوتکردنی پەڕەکان بە دەنگ و ڤیدۆ و پاشان ڕێپێدانت بەکردنەوەیان لە کاتێکدا ئینتەرنێت پەیوەست نییە بە مۆبایلەکەتەوە.
پاشەکەوتکردنی ڤیدیۆکان لە مۆبایلەکەتدا.
پاشاکەوتکردنی ناوەڕۆکی بابەتەکانی تۆڕەکۆمەڵایەتییەکان.
دەتوانیت باکئەپی زانیارییەکانی ئەپەکە بکەیت بۆ کاتی پێویست.

هەروەها ئەپەکە وەشانی پشتگیریکراوی هەیە لەڕێی پارەوە کە ڕێت پێدەدات سوودمەندی زیاتر بیت لە تایبەتمەندی و خزمەتگوزاری زیاتر.

بەردەوام بە لە خوێندنەوە

ئۆتۆمبێل و تەکنەلۆژیا

لە ئێستادا گوگڵ لێنز تایبەتمەندییەکی زۆر ناوازەی بۆ زیاد کراوە

خەڵک

لە سەرەتای ڕاگەیاندنی ئەپی گوگڵ لێنزەوە بە زمانی ئینگلیزی سەرنجی زۆری خەڵکی ڕاکێشاوە لە ورد ناسینەوەی شتەکاندا بە خێراترین ماوە.

پاش چەندان نوێکاری زۆر گرنگ ئەپەکە بەردەوام زیاتر وردی بۆ زیاد دەکراو گرنگترین تایبەتمەندی ئەپەکە ئەوەیە کە تەنها بەکردنەوەی دەچێتە سەر کامێرای مۆبایلەکە و دەتوانیت بە دەست ڕاگرتن لەسەر ئەو تەنەی دەتەوێت بی ناسێتەوە بۆت لە ماڵپەر و پێگەکان هەمان ئەو کاڵایەت بۆ بدۆزێتەوە چ بۆ کڕین بێت یاخوود هەر مەبەستێکی دیکە و ئەپەکە دەتوانێت.

ئەپەکە لە ئێستادا زانیاری وێنە فۆتۆگرافی و کارە هونەرییەکانی بۆ زیاد کراوە و دەتوانێت بە وردییەکی زۆر باش وێنەکان جیا بکاتەوە و بیان ناسێت و هەروەها لینکی هاوپێچ و پەیوەست بخاتە بەردەستی بەکارهێنەرانەوە.

هەروەها ئەپەکە دەتوانێت بە کامێرا خستنە سەر وشەکان ڕاستەوخۆ وەرگێڕانی زۆرترین زمانی جیهانی بکات کە ئەمەش ئەزمونێکی زۆر سەرنجڕاکێشە بۆ هەموو کەسەکان.

بەردەوام بە لە خوێندنەوە

کوردستان