ئێمە لە تۆرە کۆمەڵایەتیەکان

جیهان

خۆپیشاندانەکانی فەرەنسا درێژەیان ھەیە و پۆلیس ھۆشداریی لە دروستبوونی توندوتیژی دەدات

خەڵک-

سەرەڕای بڕیاری حکومەتی فەرەنسا بۆ دواخستنی زیادکردنی نرخی سوتەمەنی بۆ دوو ساڵی دیکە، خۆپیشاندان لەو وڵاتە بەردەوامە و بانگەشە بۆ خۆپیشاندانێکی فراوان لە رۆژی شەممەدا دەکرێت، پۆلیسیش ھۆشداریی لەبارەی دروستبوونی توندوتیژییەوە داوە.

پۆلیسی فەرەنسا لە ڕێگەی میدیاکانەوە ھۆشداری لەوە داوە، ئەگەری بەھێز ھەیە لە خۆپیشاندانی رۆژی شەممە لە پاریس کە بانگەشەی بۆ دەکرێت، توندوتیژیی دروستببێت، بۆ ئەوەش داوای لە سەرجەم دوکان و ریستۆرانت و بازاڕەکانی ناوەندی شاری پاریس کردووەن رۆژی شەممە دەرگا و پەنجەرەکان دابخەن و ھیچ کورسی و مێزێکیش لە دەرەوە جێنەھێڵن، باشتریش وایە ئەو رۆژە کار نەکەن.

پاش دوو ھەفتە خۆپیشاندان دژ بە گرانبوونی بەنزین و گازوایل، حکومەتی فەرەنسا بڕیاری گرانکردن و باج خستنە سەر ئەو دوو جۆر سوتەمەتییەی بۆ ساڵی 2020 ڕاگرت، بەڵام خۆپیشاندان بەردەوامە و داوا دەکرێت بڕیارەکە بە تەواوەتی ھەڵبوەشێنرێتەوە نەک دوابخرێت.

لە ئێستا نرخی لیتریک گازوایل و بەنزین لە فەرەنسا نزیک لە 1.50 یۆرۆیە، لە کاتێکدا لەسەرەتای ئەمساڵ لە نزیکی 1.30 یۆرۆدا بووە.

جیهان

بەوێنە..نمایشی سەربازی دەریایی سوپای ئێران

خەڵك-بەشی هەواڵ

كۆماری ئیسلامی ئێران نمایشێكی هێزە دەریاییەكانی لە دەریای عەمان ساز كرد.

ئاژانسی میهری ئێرانی بڵاویكردەوە، نمایشە سەربازییەكەی كۆماری ئیسلامی ئێران لەلایەن هێزی سەربازی دەریایی سوپای ئێران لەژێر ناوی “ویلایەتی ۹۷” و بە دروشمی “یا زەهرا” دوێنێ هەینی لە دەریای عەمان دەتی پێكرد.

ئەمەش لەكاتێكدایە، ئەمریكا بەردەوام هەڕەشە لەو وڵاتە دەكات و بەپێی زانیارییەكانیش تا ئێستا دوو جار ئەمریكا لە هەوڵەكانی بۆ دروستكردنی هاوپەیمانی عەرەبی دژی ئێران یاخود ناتۆی عەربی شكستی هێناوە.

 

بەردەوام بە لە خوێندنەوە

جیهان

هەدەپە، كاندیدی خۆی بۆ سەرۆكی پارلەمانی توركیا دیاریكرد

خەڵك – بەشی هەواڵ

پارتیی دیموكراتیی گەلان (هەدەپە)، پەرلەمانتارێكی شاری ئیزمیری وەك كاندیدی هەدەپە بۆ سەرۆكی پەرلەمانی توركیا دەستنیشان كرد.

سەرپیل كەمالبای ، وەك كاندیدی پارتی دیموكارتیی گەلان بۆ پۆستی سەرۆكی پەرلەمانی توركیا دیاریكرا و لە لایەن شاندێك بە سەرۆكایەتیی سەرۆكی فراكسیۆنی هەدەپە فاتمە كورتولان، ناوەكەی بەفەرمی پێشكەشی سەرۆكایەتیی پەرلەمان كراوە.

بڕیارە ڕۆژی 24ی شوباتی 2019 هەڵبژاردنی سەرۆكی پەرلەمانی توركیا لەنێو پەرلەمان بەڕێوە بچێت.

بەردەوام بە لە خوێندنەوە

جیهان

باغۆز: سڤیلەكان دوایین ناوچەكانی بندەستی داعش چۆڵ دەكەن

خەڵك- بەشی هەواڵ

ئەمڕۆ هەینی هاووڵاتیانی سڤیل لە نێو ژمارەیەكبارهەڵگردا بینراون كە ئەگەری هەیە، ناوچەكانی بن دەستی داعش چۆڵ بكەن.

ئاژانسی ڕۆیتەرز بڵاویكردەوە، لە ناوچەی باغۆز لە سنووری سووریا و عیراق ژمارەیەكی زۆر بارهەڵگر  بینراون كە هاووڵاتیانی سڤیلیان تێدا بووە لە ناوچەكانی بن دەستی داعش لە ڕۆژهەڵاتی سووریا.

بەڵام بە تەواوەتی ڕوون نەبووەتەوە كە ئایا ئەو بارهەڵگرانە ئەو سڤیلانە دەگوازنەوە كە لە ناوچەكانی بن دەستی داعشدا گیریانخواردووە و هێزەكانی سووریای دیموكرات بە پشتیوانی ئەمریكا دەیانهەوێت كۆنتڕۆڵی بكەن یان نا.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان